Rojas Zorrilla, Francisco de
Espainiar dramagilea (Toledo, 1607 - Madril, 1648). Pedro Calderón de la Barcaren eskolako kidea izan zen baina oso datu gutxi iritsi dira haren bizitzari buruz. Toledoko unibertsitatean egin bide zituen ikasketak, eta ondoren Madrilen hartu zuen bizilekua. Santiagoko ordenako kide egin zen 1644an. Antzerkirako 70 bat obra idatzi zituen eta antzerki molde berriak urratu zituen. Obra nagusiak: Cada cual lo que le toca (Bakoitzari dagokiona), El Caín de Cataluña (Kataluniako Kain), Los encantos de Medea (Medearen xarmak), La vida en el ataúd (Bizitza hilkutxan), Los trabajos de Tobías (Tobiasen lanak), Obligados y ofendidos (Behartuak eta minduak), Donde hay agravios no hay celos (Laidoak direnetan zelorik ez), Del rey abajo, ninguno (Erregeren azpitik inor ez) eta Entre bobos anda el juego (Ergelen artean).
- Rois de Corella, Joan
- Roitegi
- Rojadillo-Boluaga
- Rojas Pinilla, Gustavo
- Rojas Vila, Carlos
- Rojas Zorrilla, Francisco de
- Rojas, Fernando de ;Espainiar idazlea (La Puebla de Montalvan, Toledo, 1465 - Talavera de la Reina, 1541) Tragicomedia de Calisto y Melibea edo La Celestina hitz lauz idatzitako obra dramatikoaren egilea da Oso datu gutxi iritsi dira gaur egunera Rojas-en bizitzaz Zuzenbideko ikasketak egin bide zituen, eta Talavera de la Reinako alkate izan zen La Celestina obraren lehen argitalpena 1499 urtekoa da, 16 kapituluz osatua, eta ez zuen ez izenbururik ez egilearen sinadurarik 1502 urtean argitaratu zen obra osoa: Tragicomedia de Calisto y Melibea; baina ez dago jakiterik azken bost kapituluak nork idatzi zituen Kultura handiko gizona izan zen Rojas ezbairik gabe, eta ondo ezagutzen zituen idazle latino klasikoak, Erdi Aroko komediak eta obra humanistikoak
- Rojo García, Javier
- Rojo, Vicente
- Rojo
- Roke, Santua
