kriptorkidia
iz. Med. Barrabilak enbrioian izaten diren tokitik eskrotora jaitsi ez diren ektopia mota. Enbrioian barrabilak abdomen aldean izaten dira eta enbrioia garatu ahala barrabilak eskrotora joan ohi dira; batzuetan abdomenetik eskrotora bitarteko guneren batean gelditzen dira. Kriptorkidia alde bakarrekoa edo bi aldeetakoa izan daiteke. Haurtzaroan sarri gertatzen da ektopia mota hau eta kirurgia bidez sendatu behar izaten da.
