kriptatze
iz. Inf. Baimenik izan gabe informazioa eskuratzea eragozteko teknika multzoa. Normalean kode batean oinarritzen da, eta hura gabe ez dago informazioa atzematerik. Estatu Batuetako National Institute of Standards and Technology-k DES (Data Encryption Standard, datuak zifratzeko araua) izeneko kodetze arau bat homologatu du. Estatu Batuetako gobernuak arau bat ezarri nahi du Clipper izeneko txipean; horren bidez informazioa modu seguruan bidaliko litzateke, baina behar izanez gero gobernuak kontrolatu ahal izango luke. Interneten kriptatze algoritmoak aurki daitezke.
