Osasun Saila

Ongizate, Gazteria eta Erronka Demografikoaren Saila

Arreta Soziosanitarioa

Osasun Saila / Ongizate, Gazteria eta Erronka Demografikoaren Saila

Laneko Psikosoziologiari buruzko XI. Jardunaldien hitzaldiak, argazkiak, bideoak eta laburpena: telelana, laneko arriskuen prebentzioaren erronka berriak

Aurreko orrialdera itzuli

Laburpena

2021eko azaroak 12, Bilbako Euskalduna Jauregian

Jardunaldiei hasiera eman ondoren, Lourdes Iscar Osalaneko zuzendariak eman zion hasiera lehen lan-mahaiari, Javier Inda Osalaneko Psikosozialen Unitateko zuzendariorde tekniko eta arduradunak moderatuta. Bertan, aurten gonbidatutako adituek hartu dute parte, hizpide dugun gaia jorratzeko: telelana, prebentziorako erronka berria.

Alde batetik, Manuela Brinques, Full Audit-eko zuzendari teknikoak, 2018an Foment del Treball-ek argitaratutako telelanaren kudeaketari buruzko gidaren erakusketa bat egin digu. Bertan, Full Auditek kolaboratu zuen, argitaratu ondorengo datu batzuk eguneratuz, beste alde batetik, eta ikuspegi psikosozial batekin: Oscar Landeta, Psikologiako doktorea, Deustuko Unibertsitateko irakaslea eta Gizarte-arloko Psikopleko zuzendaria. Lehenengo mahai hau amaitzeko, eta aztergai dugun gaiari buruzko ikuspegi juridiko batekin, Manuel Velazquez, Laneko eta Gizarte Segurantzako ikuskatzailea eta Jazarpenari eta Diskriminazioari buruzko Euskal Behatokiko kidea.

Bigarren mahai batean, Yolanda Aguayo Osalaneko Psikosoziologia taldeko Prebentzio Teknikariak moderatua, gure erkidegoko enpresetan telelanaren modalitateko prebentzio-proiektuak aurkezten dira, non, bai Lan Ikuskaritza, EAEko Lan Ikuskaritzako zuzendariorde Iciar Gonzalezen esku-hartzearekin, bai Osalan, Erizaintzako Diplomadun eta Psikologiako Prebentzio Teknikari Edurne Elorzaren jarduketarekin.

Atsedenaldi labur baten ondoren, hirugarren mahai bat hasten da, Jardunbide egokien txokoa izenekoa. Jardunbide egokien txokoa, Edurne Elorza Osalaneko Psikosoziologia Taldeko Prebentzio teknikariak moderatua.

Osalanek esku-hartze bikoitza egin du. Alde batetik, Maite Gómez Erizaintzako diplomadunak, Osasun Mentaleko eta Lan Osasuneko espezialistak eta Osalaneko Psikosoziologiako Unitateko Prebentzio teknikariak industria-sektoreko arrisku psikosozialei aurrea hartzeko 2021eko kanpainako datuak eskaini ditu, eta, bestetik, Yolanda Aguayo Erizaintzako diplomadunak, Osalaneko Psikosoziologiako Unitateko Klinikako eta Prebentzioko espezialitateko Psikologiako lizentziadunak, Osalanek izaera psikosozialeko gertakariak ikertzeko prestatu duen prozedura aurkeztu du.

Hirugarren mahai honetan, gainera, bi enpresatako esperientziak aurkeztu dira, VISESA eta VOESTALPINE RAILWAY SYSTEMS JEZ.

Osalanek, aurten egindako kanpainen ondoren, bai telelanaren modalitateko prebentzioari dagokionez, bai industriaren sektoreko arrisku psikosozialen prebentzioaren inguruko aholkularitza-, kontzientziazio- eta sentsibilizazio-kanpainei dagokienez, aitorpen bat egin nahi izan die bi enpresa horiei, arrisku psikosozialen prebentzioaren arloan egindako lan onagatik. Lehenengo enpresak, VISESAk, Paz Torquemada Pertsona eta Zerbitzu Orokorren ordezkariak eta Enrique Illaro Prebentzio Arloko Langileen Ordezkariak ordezkatzen dute, eta telelanaren modalitatean duten prebentzio-esperientzia azaldu digute. Bigarren enpresak, VOESTALPINE RAILWAY SYSTEMS JEZk, Peli Ortiz de Zarate Enpresako Prebentzio Teknikariak ordezkatzen du, enpresaren eta SPAren arteko lotura, eta Iñigo Bilbao Batzordeko Presidenteak, enpresan egindako prebentzio-kudeaketa psikosoziala aurkeztu digute.

Eta, jardunaldiari amaiera emateko, laugarren mahai batera igaroko gara, moderatzailea Maite Gómez izango delarik, langileen ordezkariak, zehazki hainbat sindikatutako ordezkariak, Ibon Zubiela, LABeko Lan Osasuneko arduraduna, Alfonso Ríos, Euskadiko CCOOko Lan Osasuneko arduraduna, Antonio Martin, Euskadiko FESP/UGTko Lan Osasuneko arduraduna eta patronaleko ordezkariak, Amaia Iriondo, Lan Arriskuen Prebentzioko, Ingurumeneko eta Gizarte Gaietako Arloko arduraduna, CONFEBASK. Aurten, berrikuntza gisa, mahai sozial honi emandako formatua izan da. Mahai-inguru horretan, mota horretako lan-modalitatearen abantailak eta desabantailak adierazi dira, gaur egun horri heltzeko prest gauden ala ez, bai eta prebentzioa hobetzeko alderdiak ere. Ekarpen interesgarri horiek guztiak lagungarri izan daitezke etorkizunean prebentziozko esku-hartzeak egiteko.

Laugarren mahai hau amaitu ondoren, Javier Indak amaiera emango die jardunaldiei.

 

 

Hitzaldiak
Argazkiak
Bideoak

Tag-ak