Arautegia
InprimatuEBAZPENA, 2024ko urriaren 11koa, Ikastetxe eta Plangintzaren zuzendariarena, EAEko Haur, Oinarrizko eta Batxilergoko hezkuntza-etapak ebaluatzeko dokumentu ofizialen ereduak ezartzen dituena.
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Hezkuntza Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 203
- Hurrenkera-zk.: 4759
- Xedapen-zk.: ---
- Xedapen-data: 2024/10/11
- Argitaratze-data: 2024/10/17
Gaikako eremua
- Gaia: Administrazioaren antolamendua; Hezkuntza
- Azpigaia: Gobernua eta Administrazio Publikoa
Testu legala
Maiatzaren 30eko 75/2023 Dekretuak, Haur Hezkuntzako curriculuma ezarri eta Euskal Autonomia Erkidegoan ezartzekoak; maiatzaren 30eko 77/2023 Dekretuak, Oinarrizko Hezkuntzako curriculuma ezarri eta Euskal Autonomia Erkidegoan ezartzekoak; eta maiatzaren 30eko 76/2023 Dekretuak, Batxilergoko curriculuma ezarri eta curriculuma Euskal Autonomia Erkidegoan ezartzekoak, etapa horiek antolatzeko, ebaluatzeko, mailaz igotzeko eta titulatzeko arau orokorrak jasotzen dituzte.
Haur Hezkuntzako ebaluazioa eta, hala badagokio, Oinarrizko Hezkuntzako eta Batxilergoko ebaluazioa, promozioa eta titulazioa arautzen dituen Hezkuntzako sailburuaren 2024ko urtarrilaren 22ko Aginduak lehen aipatutako dekretu horietan ebaluazio-dokumentu ofizialei buruz jasotakoa garatzen du.
Hala, Agindu honen IV. kapituluak, Haur Hezkuntzako ebaluazio-dokumentuak zehazten dituenak, etapa hori ebaluatzeko dokumentu ofizialak ezartzen ditu. Gainera, aipatutako Agindu honen VII. kapituluak, Oinarrizko Hezkuntza eta Batxilergoa ebaluatzeko dokumentuak zehazten dituenak, ebaluazio-dokumentu ofizialak ezartzen ditu. Horiekin batera aurkeztu beharreko txostenak eta ikasleak Estatu osoan zehar mugitzeko eskubidea bermatzen duten oinarrizko dokumentuak ere jasotzen ditu, Agindu honetan ezartzen diren ezaugarrietara egokitu behar izanik. Era berean, azken xedapenetako lehenengoan, Ikasketen Antolamenduaren arloan eskumena duen zuzendariari ahalmena ematen dio Agindu honen edukia garatzeko beharrezkoak diren xedapen guztiak egiteko.
Horregatik guztiagatik, ebaluazio-dokumentu ofizialen ereduak ezarri behar dira, lehen aipatutako araudian ezarritakoaren arabera.
Lehenengoa. Haur Hezkuntzako ebaluazio-agiri ofizialak.
Hezkuntzako sailburuaren 2024ko urtarrilaren 22ko Aginduaren 26. artikuluan aipatzen diren ebaluazio-agiri ofizialak hurrengoak dira:
Ebaluazio-dokumentu ofizialak espediente akademikoa, historia akademikoa, ziklo-amaierako aktak eta, hala badagokio, lekualdaketagatiko txosten pertsonala.
Eskolatzearen hasieran, ikastetxeak espediente akademiko bat irekiko du, eta espediente horren edukia 2024ko urtarrilaren 22ko Aginduaren 26.2 artikuluan ezarritakoari egokituko zaio. Espediente horrek dokumentu hauek bilduko ditu: haurraren fitxa pertsonala historia akademikoa, hala badagokio, lekualdatzeagatiko txostena eta banakako ebaluazio-txostenak: hasierako ebaluazio-txostena, zikloaren amaierako txostena eta etapa amaierako eskola-orientazioko txostena.
Historia akademikoa aipatutako Aginduaren 26.3 artikuluan ezarritakoari egokituko zaio, VI. eranskinean agertzen den ereduan jasotakora, alegia.
Lekualdatzeagatiko txosten pertsonala aipatutako Aginduaren 57. artikuluan ezarritakora egokituko da, VIII. eranskinean agertzen den ereduan jasotakora, alegia.
Haurraren fitxa pertsonalaren edukia aipatutako Aginduaren 27. artikuluan ezarritakora egokituko da. Fitxa hau osatzean, VII. eranskinean jasotakoa har daiteke eredu bezala.
Haur Hezkuntzako etapako bigarren zikloaren amaierako ebaluazio-aktak I. eranskinean agertzen den ereduari egokituko zaizkio.
Ziklo-amaierako ebaluazio-txostenaren edukia aipatutako Aginduaren 28.3 artikuluan ezarritakoari egokituko zaio. Txosten hau egitean, III. eranskinean jasotakoa har daiteke eredu bezala.
Etapa-amaierako eskola-orientazioko txostenaren edukia aipatutako Aginduaren 28.4 artikuluan ezarritakoari egokituko zaio. Txosten hau egitean, IV. eranskinean jasotakoa har daiteke eredu bezala.
Bigarrena. Oinarrizko Hezkuntzako eta Batxilergoko ebaluazio-dokumentu ofizialak eta txostenak.
Oinarrizko Hezkuntzako eta Batxilergoko ebaluazioa, promozioa eta titulazioa arautzen dituen Hezkuntzako sailburuaren 2024ko urtarrilaren 22ko Aginduaren 53. artikuluan aipatutako ebaluazio-dokumentu ofizialak eta txostenak honako hauek dira:
Ebaluazio-aktak. Horien edukia aipatutako Aginduaren 56. artikuluan zehaztutakoaren araberakoa izango da eta I. eranskinean dauden ereduei egokituko zaizkie.
Lehen Hezkuntzako etapan honako aktak zehazten dira: 1., 2., 3., 4., 5. eta 6. mailetako ebaluazio-aktak; eta 2. eta 4. mailetako akta osagarriak, gainditu gabeko arloetarako.
Derrigorrezko Bigarren Hezkuntzan honako aktak zehazten dira: 1., 2., 3., 4. maila bakoitzerako; Curriculum Aniztasunaren ibilbiderako, eta 1., 2. eta 3. mailan gainditu gabe dauden jakintzagaietarako.
Batxilergoko etapan aktak zehazten dira modalitatearen arabera, 1. eta 2. mailetarako (gainditu gabeko lehen mailako jakintzagaiak barne).
Ikasketa-espedientea. Horren edukia aipatutako aginduaren 54. Artikuluan zehaztutakoaren araberakoa izango da eta V. eranskineko ereduari egokituko zaio.
Historia akademikoa. Horren edukian aipatutako Aginduaren 55. zehaztutakoaren araberakoa izango da eta VI. eranskinean agertzen den ereduari egokituko zaio.
Aipatutako aginduaren 60. Artikuluan aipatutako etapa-amaierako ebaluazio-txostenak. Horien edukia IV eranskinean jasotako ereduetara egokituko dira.
Lehen Hezkuntzako ziklo amaierako ebaluazio-txostenak, aipatutako Aginduaren 59. artikuluan ezarritakoak. Horien edukia III. eranskinean jasotako ereduetara egokituko dira.
Derrigorrezko Bigarren Hezkuntzako eta Batxilergoko ikasturte amaierako ebaluazio-txostenak, aipatutako Aginduaren 58. artikuluan ezarritakoak. Horien edukia II. eranskinetan jasotako ereduetara egokituko da.
Derrigorrezko Bigarren Hezkuntzan, Orientazio Aholkua etapako maila guztietan sartuko da.
Lekualdatzeagatiko txosten pertsonala, aipatutako Aginduaren 57. artikuluan ezarritakoa. Horren edukia VIII. eranskinean jasotako eredura egokituko da.
Hirugarrena. Azken ebaluazioaren emaitzen aktak.
Haur Hezkuntzako, Lehen Hezkuntzako eta Derrigorrezko Bigarren Hezkuntzako amaierako ebaluazio-aktak eta Batxilergoko ohiko eta ezohiko deialdiko aktak Hezkuntzako Ikuskaritzara bidaliko dira, ikasleen ebaluazio-prozesua amaitu ondoren, hezkuntza-arloan eskumena duen sailak hala erabaki arte.
Laugarrena. Ebazpenaren ondorioak.
Ebazpen honek Euskal Herriko Agintaritzaren Aldizkarian argitaratu eta hurrengo egunetik aurrera izango ditu ondorioak.
Vitoria-Gasteiz, 2024ko urriaren 11.
Ikastetxe eta Plangintzaren zuzendaria,
EUGENIO JIMENEZ IBAÑEZ.
(Ikus .PDF)
(Ikus .PDF)
(Ikus .PDF)
(Ikus .PDF)
(Ikus .PDF)
(Ikus .PDF)
(Ikus .PDF)
(Ikus .PDF)
