Osasun Saila

Ongizate, Gazteria eta Erronka Demografikoaren Saila

Arreta Soziosanitarioa

Osasun Saila / Ongizate, Gazteria eta Erronka Demografikoaren Saila

Arautegia

Inprimatu

EBAZPENA, 2013ko urriaren 17koa, Merkataritza eta Turismoko sailburuordearena, zeinaren bidez jendaurrean jartzen baita Merkataritza Sustatzeko Bulegoentzako 2013ko ekitaldiko laguntzak emateko deialdia.

Identifikazioa

  • Lurralde-eremua: Autonomiko
  • Arau-maila: Ebazpena
  • Organo arau-emailea: Ekonomiaren Garapen eta Lehiakortasun Saila
  • Jadanekotasuna-egoera: Indarrean

Aldizkari ofiziala

Deskargatu (PDF)

  • Aldizkari ofiziala: EHAA (Euskal Herria)
  • Aldizkari-zk.: 203
  • Hurrenkera-zk.: 4533
  • Xedapen-zk.: ---
  • Xedapen-data: 2013/10/17
  • Argitaratze-data: 2013/10/23

Gaikako eremua

  • Gaia: Administrazioaren antolamendua; Ogasun eta Ekonomía; Ekonomi Jarduerak
  • Azpigaia: Gobernua eta herri administrazioa; Ekonomia; Merkataritza eta turismoa
Deskribapenak

Testu legala

Industria, Berrikuntza, Merkataritza eta Turismoko sailburuaren 2010eko urriaren 20ko Aginduaren bidez, Euskal Autonomia Erkidegoko Administrazio Orokorraren laguntzen esparrua ezartzen da, Merkataritza Sustatzeko Bulegoei laguntzeko (2010eko urriaren 25eko EHAA, 205. zk.).

Aipatutako aginduaren 8. artikuluan ezarritakoaren arabera, hor iragarritako diru-laguntzak emateko 2013ko ekitaldiko deialdia egiten da, eta, horretarako, eman beharreko arau guztiak ematen.

Horregatik, aipatu aginduak ematen didan eskumenaz baliatuz, hau:

EBAZTEN DUT :
1. artikulua Xedea.

Ebazpen honen bidez, Industria, Berrikuntza, Merkataritza eta Turismoko sailburuaren 2010eko urriaren 20ko Aginduan 2013ko ekitaldirako xedatutako laguntzetarako deialdia egiten da; laguntza horiek Merkataritza Sustatzeko Bulegoei emango zaizkie.

2. artikulua Bulego kopurua.

Gehienez ere merkataritza sustatzeko 32 bulegok jasoko dute laguntza, honela banatuta:

Agindu arautzailearen I Eranskineko agertzen diren esparru bakoitzerako bulego bat izango da, honako salbuespen hauekin: 4. esparruak bi bulego, 26. esparruak hiru bulego eta 27. esparruak beste hiru bulego izango dituzte.

3. artikulua Aurrekontu-kontsignazioaren zenbatekoa.

Helburu hori betetzeko, 1.232.000 euro bideratuko dira, Euskal Autonomia Erkidegoaren Aurrekontu Orokorretan berariaz arlo horretarako izendatutako aurrekontuaren kredituaren arabera.

Diru-zenbateko hori aldatu egin daiteke, eskaeren guztirako zenbatekoa kontuan hartuta eta Ekonomiaren Garapen eta Lehiakortasun Sailak beste laguntza-programa batzuk gauzatu ostean agortu barik geratzen diren aurrekontu-baliabideen arabera, betiere azken horien ebazpenak eman aurretik.

4. artikulua Eskabideak eta epea.

  1. Eskatzaileek eskabideak eta gainerako dokumentazioa Merkataritza zuzendaritzara helaraziko dute, Ekonomiaren Garapen eta Lehiakortasun Sailaren Lurralde Ordezkaritzen bidez, izan zuzenean edo izan Herri Administrazioen Araubide Juridikoaren eta Administrazio Prozedura Erkidearen legeak ezarritako bideren bat erabilita. Eskabide egiteko eredua Saileko Lurralde-Ordezkaritzetan jaso daiteke baita interneteko helbide honetan ere: www.euskadi.net/comercio.

    Laguntza jaso nahi duen erakundea ordezkatzeko legezko gaitasuna duen pertsonak izenpetu behar du eskabidea eta laguntza eskatzen duenaren jarduera eremua azalduko du.

  2. Eskabideak aurkezteko epea 15 egun naturalekoa izango da, deialdi-ebazpen hau Euskal Herriko Agintaritzaren Aldizkarian argitaratu eta biharamunetik aurrera.

    AZKEN XEDAPENETATIK LEHENENGOA

    Deialdi-ebazpen hau Euskal Herriko Agintaritzaren Aldizkarian argitaratu eta biharamunean sartuko da indarrean.

    AZKEN XEDAPENETATIK BIGARRENA

    Ebazpen honen aurka, gora jotzeko errekurtsoa aurkez dakioke Eusko Jaurlaritzako Ekonomiaren Garapen eta Lehiakortasuneko sailburuari, hilabeteko epean, ebazpena Euskal Herriko Agintaritzaren aldizkarian argitaratu eta biharamunetik aurrera.

    Vitoria-Gasteiz, 2013ko urriaren 17a.

    Merkataritza eta Turismoko sailburuordea,

    ITZIAR EPALZA URQUIAGA.

Gaiarekin lotutako edukiak


Arauaren historia

Eskumenak eta transferentziak

Ez dago lotutako edukirik.

Garrantzi juridikoko dokumentazioa

Ez dago lotutako edukirik.