Arautegia
InprimatuEBAZPENA, 2012ko apirilaren 27koa, Emakunde-Emakumearen Euskal Erakundeko zuzendariarena, «Emakumeen eta Gizonen Berdintasunerako Lankidetza Erakundea» aitorpena arautzen duen dekretu-proiektua jendaurrean jartzeko dena.
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Jaurlaritzaren Lehendakaritza; Emakumearen Euskal Erakundea
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 98
- Hurrenkera-zk.: 2225
- Xedapen-zk.: ---
- Xedapen-data: 2012/04/27
- Argitaratze-data: 2012/05/21
Gaikako eremua
- Gaia: Administrazioaren antolamendua; Ekonomi Jarduerak; Gizarte gaiak eta emplegua; Hezkuntza; Ingurune naturala eta etxebizitza
- Azpigaia: Hirigintza eta etxebizita; Informazio etak komunikazioak; Gizarte Gaiak; Gobernua eta herri administrazioa
Testu legala
4/2005 Legea, otsailaren 18koa, Emakumeen eta gizonen Berdintasunerakoa argitaratu zenetik, Emakunde-Emakumearen Euskal Erakundea sortzeari buruzko otsailaren 5eko 2/1988 Legearen menpean sortutako «Emakumeen eta gizonezkoen aukera-berdintasunerako Lankidetza Erakundea» arautzen duen azaroaren 8ko 424/1994 Dekretuak daukan arauketa zahar eta urri bihurtu da. Emakumeen eta gizonezkoen aukera-berdintasunerako lankidetza aitorpen inguruan 41. artikuluan egiten den arautze berriak garapen egokia izan behar du.
Beraz, beharrezkoa den moldaketa eta arautze berria egiteko ezinbestekoa da idazkera berria ematea «Emakumeen eta Gizonen Berdintasunerako Lankidetza Erakundea» aitorpenari.
Xedapen orokorrak egiteko prozedurari buruzko abenduaren 22ko 8/2003 Legearen 8.1 artikuluan xedatutakoaren arabera, herritarren eskubide eta bidezko interesei eragiten dieten xedapen orokorrek entzunaldiaren izapidea igaro beharko dute. Era berean, xedapenen izaerak hala eskatzen badu, jendaurrean jarri beharko dira.
Egin nahi den arautzeak zehaztugabeko hainbat pertsona fisiko eta juridikori eragiten die, eta pertsona horiek ez daude beti guztiak biltzen edo ordezkatzen dituzten antolakundeetan sartuta; horregatik komeni da jendaurrean jartzea.
Proiektu hau egiteko prozedurari ekitea agintzen duen lehendakariaren azaroaren 25eko 29/2011 Dekretuak Emakunde-Emakumearen Euskal Erakundeari agintzen dio hartarako izapideak egitea.
Horiek horrela, hau
Lehenengoa. Jendaurrean jartzea «Emakumeen eta Gizonen Berdintasunerako Lankidetza Erakundea» aitorpena arautzen duen dekretu proiektua. Hogei egun baliodunez jarriko da ikusgai, ebazpen hau Euskal Herriko Agintaritzaren Aldizkarian argitaratu eta biharamunetik aurrera.
Bigarrena. Aurreko atalean xedatutakoaren ondorioetarako, eta alegazioak aurkeztu ahal izateko, dekretu proiektuaren edukia eskuragarri egongo da Emakunde-Emakumearen Euskal Erakundeko Idazkaritza Nagusian (Manuel Iradier 36), Interneteko atarian (www.emakunde.euskadi.net,) eta Gobernu Irekiaren atarian (www.irekia.euskadi.net).
Vitoria-Gasteiz, 2012ko apirilaren 27a.
Emakunde-Emakumearen Euskal Erakundeko zuzendaria,
MARÍA SILVESTRE CABRERA.
