Arreta Soziosanitarioa

«Ekonomia eta Ogasuna» jakintza-arloko I-A, I-B, II-A, II-B, II-C eta III-A berariazko osagarri-mailetako lanpostuak, Euskal Autonomia Erkidegoko Administrazio Orokorreko eta haren erakunde autonomoetako karrerako funtzionarioentzat gordeak, betetzeko lehiaketan bete beharreko berariazko oinarriak.

1. Xedea.

   Hauxe da oinarrion xedea: «Ekonomia eta Ogasuna» jakintza-arloko Euskal Autonomia Erkidegoko Administrazio Orokorreko eta erakunde autonomoetako lanpostuak, I-A, I-B, II-A, II-B, II-C eta III-A berariazko osagarri-mailetakoak, lehiaketa bidez betetzeko balorazio-batzordea, eskabidea, proba-mota eta lanpostuak zehaztea (II. eranskinean datoz zehazturik lanpostu horiek).

2. Eskabideak aurkeztea eta onartzea.

1. Lehiaketa honetan parte hartzeko eskabideak aurkezteko, 15 egun balioduneko epea dago, berariazko oinarriak Euskal Herriko Agintaritzaren Aldizkarian argitaratu eta hurrengo egunetik aurrera.

   Parte hartu nahi dutenek intranet bidez egin beharko dute eskabidea, lehiaketen atalean dagoen eredua betez. Eskabidea jaso izanaren agiri bat emango zaie eskabideak era horretan aurkezten dituztenei.

2. Salbuespenez, deialdi honetako IV. eranskin modura datorren eredua aurkezteko aukera egongo da. Halakoetan, Funtzio Publikoko zuzendariari egin beharko zaio eskabidea. Lehiatzailea zerbitzu berezietan baldin badago edo seme-alabak zaintzeko lan-utzialdian baldin badago, lanpostua non duen gordeta, lanpostu horri dagokion sail, erakunde autonomo edo zuzenbide pribatuko erakunde publikoaren erregistroan aurkeztu beharko du eskabidea; borondatezko lan-uztaldian badago, berriz, azken lanpostua izan duen sail, erakunde autonomo edo zuzenbide pribatuko erakunde publikoaren erregistroan aurkeztu beharko du.

3. Eskabide baldintzadunak. Baliteke, lehiaketa honetan parte hartzeko baldintzak betetzen dituzten bi pertsonak, familia-elkarbizitza dutela-eta, herri berean eta hurbileko herrietan lortu nahi izatea lanpostua, lehiaketa honetan. Halakoetan, lanpostua biek ala biek lortu beharra adieraz dezakete eskabideetan, baldintza modura; hala, baldintza hori betetzen ez bada, indarrik gabe geratuko dira dena delako herriko lanpostuetarako egindako eskabide biak.

4. Eskabideak aurkezteko epea amaitutakoan, ez da aldaketarik onartuko eskabideetan. Alabaina, lehiatzaileek, hala nahi badute, lehiaketan atzera egiteko eta ez parte hartzeko aukera ere izango dute, esleipenen behin-behineko zerrendaren aurka erreklamazioak egiteko epearen barruan.

5. Lanerako baldintzak betez gero, iragarritako lanpostu hutsetatik nahi diren guztiak eska daitezke, lehentasunak zehaztuta betiere.

6. Lehiaketa batean baino gehiagotan eskainitako edo kidego bateko baino gehiagoko lanpostuetara aurkeztu nahi izanez gero, lehentasunen arabera zehaztu beharko dituzte lanpostu horiek. Horretarako, iragarritako berariazko lehiaketa guztietako II. faseko behin betiko emaitzak argitaratutakoan, Funtzio Publikoko sailburuordearen ebazpenaren bidez, 5 egun balioduneko epea irekiko da, lehiakide horiek beren lehentasunen arabera erregistra ditzaten lanpostu horiek, bai berariazko lehiaketan bai lehiaketa orokorrean, eta ezin izango da aldaketarik egin lehiaketa bakoitzaren barruan zehaztutako lanpostuen ordenan.

7. Bai lanpostuaren baldintzak betetzen direla egiaztatzeko agiriak, bai merezimenduak egiaztatzekoak, eskabidearekin batera aurkeztu behar dira, oinarri orokorretako 8. oinarrian zehazturik datorren moduan, eta, eskabide elektronikoa egiten bada, eskabideak aurkezteko epe beraren barruan egiaztatu beharko dira merezimenduak edo baldintzak.

   Epe barruan aurkezten ez badira, egiaztatu gabetzat joko dira.

3. Merezimenduen balorazioa (II. fasea).

   Fase honetan, lanpostu bakoitzaren ezagutza- eta trebetasun-garrantzitsuenen arabera baloratuko dira merezimenduak, oinarri orokorretako 6. oinarrian ezarritako irizpideen arabera.

   Honako lanpostu hauetako bat lortu nahi dutenek lanpostuak berezkoak dituen atazei buruzko proba praktiko bat egin beharko dute.

   510040 Ekonomia- eta aurrekontu-kudeaketako teknikaria

   510042 Ekonomia- eta aurrekontu-kudeaketako arlo-arduraduna

   510240 Ekonomia-politikako teknikaria

   510450 Auditorea

   510452 Auditoretzako arlo-arduraduna

   510470 Zerga-administrazioko teknikaria

   510500 Kontu-hartzailea

   510530 Erakunde arteko finantzazioko teknikaria

   510541 Kontabilitateko arlo-arduraduna

   510550 Aurrekontu-azterketako teknikaria

   510570 Finantza-erakundeen teknikaria

   511641 Ekonomia- eta arau-kontrolaren arduraduna

   Honako lanpostu hauetako bat lortu nahi dutenek lanpostuak berezkoak dituen atazei buruzko proiektu bat egin beharko dute.

   510211 Ekonomia-politikaren arduraduna

   510471 Zerga-administrazioaren arduraduna

   510481 Aurrekontuen arduraduna

   510531 Erakunde arteko finantzazioaren arduraduna

   511811 Finantza-kontrol iraunkorraren arduraduna

   512171 Barne kontroleko unitatearen arduraduna

4. Balorazio Batzordea.

   Hauek izango dira batzordekideak:

   Batzordeburua:

   Titularra: M.ª Cristina Piquin Barruso

   Ordezkoa: Xabier Pascual Jimenez

   Kideak:

   Titularra: Ibon Barrenetxea Olasolo

   Ordezkoa: Jose Ignacio Iñiguez de Ciriano Fernandez de Larrinoa

   Kideak:

   Titularra: José Luis España Guzmán

   Ordezkoa: Miguel Angel Ortega Abad

   Kideak:

   Titularra: Alberto Alberdi Larizgoitia

   Ordezkoa: Fernando Espeja Carnicero

   Kideak:

   Titularra: Alvaro Díaz Aguirregoitia

   Ordezkoa: José Antonio Ceciaga Aguirre

   Kideak:

   Titularra: Basilio Simancas Miñon

   Ordezkoa: Jon Iñaki Usategi Diaz de Otalora

   Idazkaria

   Titularra: Nerea Barrenechea Errasti

   Ordezkoa: Aranzazu González López

   (Ikus .PDF)

   (Ikus .PDF)

   (Ikus .PDF)