Arreta Soziosanitarioa

2007ko maiatzaren 22ko Jaurlaritzaren Kontseiluaren Erabakiz onartutako 2006-2009 Informatika eta Telekomunikazioen Planak zehazten du teknologia nola erabili Administrazioa hobetzeko, lerro estrategiko jakin batzuen bitartez; hala nola, prozesuak sinplifikatzea, barne kostuak aurreztea, komunikazio-kanalak elkarreragileago egitea, gizartearekiko harreman zuzen eta eraginkorragoa sustatzea eta baliabideak errentagarri egitea. Halaber, 2008-2010 Administrazio eta Gobernu Elektronikoen Plan Estrategikoak PEAGe II adierazten du Administrazio Elektroniko eraginkorra ezartzeko, eredu osoa ezarri behar dela, ezarpen-arazoak saihestuz, eta herritarrei eskaintzen zaizkien zerbitzu telematikoen kalitate, azkartasun eta errendimendua hobetuz.

Herritarrek zerbitzu publikoetara sarbide elektronikoa izateari buruzko ekainaren 22ko 11/2007 Legeak (LAECSP) herritarrei eskubidea aitortzen die Herri Administrazioekin baliabide elektronikoen bidez harremana izateko, eta administrazioaren jardueran informazio-teknologiak erabiltzeko oinarrizko alderdiak erregulatzen ditu.

Abenduaren 18ko 232/2007 Dekretuak, administrazio-prozeduretan bitarteko elektroniko, informatiko eta telematikoen erabilera arautzen duenak azaltzen du, VII Kapituluan (Segurtasun Eskuliburua eta Izapidetze Telematikoko Zerbitzu Komunak), 31. artikuluan (Segurtasun Eskuliburua), eskuliburu horrek jasoko dituela segurtasun orokorrerako bete beharreko neurriak, teknikoak zein antolamendukoak, berme hauek betetzeko: informazioaren egiazkotasuna, osotasuna, konfidentzialtasuna, eskuragarritasuna eta kontserbazioa.

Informazioaren teknologiek eragin handia dute, Jaurlaritzaren lanerako tresna baitira. Halaber, teknologia horiek bilakaera teknikoa dute, eta abantailak ekartzen dituzte ekonomia eta kudeaketarako, babestu egiten baitute inbertsioa, prezioa eta errendimenduaren arteko harremana, eta ekonomia, hain zuzen ere baliabide teknikoen eta giza baliabideen aldetik. Horiek hala, Gobernuak jarrera egokia izan behar du teknologia horien aurrean. Jaurlaritzak sistema informatikoak diseinatzeko eta informazio-teknologiekin lotutako ondasun eta zerbitzuak kontratatzeko erabakiak esparru estrategiko baten baitan hartzeak berebiziko garrantzia izango du. Halaber, estrategia aldetik oso garrantzitsua izango da Administrazio Elektronikoa eraginkortasunez garatzeko azpiegitura tekniko partekatua izatea, korporazio modura, hartara baliabideak ez sakabanatzeko eta informazio-teknologiekin lotutako berezko sinergiak baliatzeko.

Informazio- eta telekomunikazio-sistemen egitekoak eta kudeaketa-modalitateen planifikazioa, eraketa eta banaketa arautzen dituen otsailaren 18ko 35/1997 Dekretua.

Justizia eta Herri Administrazio Sailaren egitura organikoa eta funtzionala ezartzen dituen abuztuaren 28ko 472/2009 Dekretua.

Horiek horrela, honako hau