Arautegia
InprimatuAGINDUA, 2009ko abenduaren 17koa, Ekonomia eta Ogasuneko sailburuarena eta Ingurumen, Lurralde Plangintza, Nekazaritza eta Arrantza sailburuarena, Ingurumen, Lurralde Plangintza, Nekazaritza eta Arrantza Saileko kontratazio-mahaia sortzeari buruzkoa.
Identifikazioa
- Lurralde-eremua: Autonomiko
- Arau-maila: Agindua
- Organo arau-emailea: Ingurumen, Lurralde Plangintza, Nekazaritza eta Arrantza Saila
- Jadanekotasuna-egoera: Indargabetua
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 11
- Hurrenkera-zk.: 215
- Xedapen-zk.: ---
- Xedapen-data: 2009/12/17
- Argitaratze-data: 2010/01/19
Gaikako eremua
- Gaia: Ogasun eta Ekonomía; Administrazioaren antolamendua
- Azpigaia: Ogasun; Sailak
Testu legala
Euskal Autonomia Erkidegoaren Administrazioko sailak sortu, ezabatu eta aldatzen dituen, eta horien egitekoak eta jardun-arloak finkatzen dituen Lehendakariaren maiatzaren 8ko 4/2009 Dekretua indarrean jarri ondoren, beharrezko da Ingurumen, Lurralde Plangintza, Nekazaritza eta Arrantza sailen kontratazio-mahai berria sortzea, Euskal Autonomia Erkidegoko Administrazioaren kontratazio araubideari buruzko ekainaren 5eko 136/1996 Dekretuaren 4. artikuluak xedatzen duena betetzeko.
Ondorioz, Administrazio Kontratazioaren Aholku Batzordeak egindako txostena jasota, honako hau:
Ingurumen, Lurralde Plangintza, Nekazaritza eta Arrantza Saileko Kontratazio Mahaia sortzen da, Zerbitzu Zuzendaritzari atxikita, Euskal Autonomia Erkidegoko kontratazio-arauei buruzko ekainaren 5eko 136/1996 Dekretuaren 7. eta 5. artikuluetan zehaztutako egitekoak burutu ditzan eta aurreikusitako jardute-eremuan.
Kontratazio Mahaia kide hauek osatuko dute.
Lehendakaritza: Zerbitzu Zuzendaritzari atxikita ekonomia eta aurrekontua kudeaketarako teknikaria. Lehendakari kargua hutsik badago, lehendakaria ez badago edo gaixo badago, edo legean jasotako beste zerbait gertatzen bada, Zerbitzu Zuzendaritzako Langileen, Antolakuntza eta Gai Orokorretako arduraduna ordezkatuko du.
Mahaikide bat kontratazio organoak izendatuta organo horren ordezkaritzan.
Honako hiru mahaikide hauek: Kontrol Ekonomikoko Bulegoaren ordezkari bat; Ekonomia eta Ogasun saileko kontratazio zerbitzuaren ordezkari bat; eta Informatika eta Telekomunikazio Zuzendaritzaren ordezkari bat. Azken hori, dagozkien titularrek izendatuta eta bakarrik ondasun eta zerbitzu informatikoei lotuta dauden espedienteetan izango da.
Idazkaria-Mahaikidea-Aholkulari juridikoa: Zerbitzu Zuzendaritzara atxikitako kontratazio arduraduna izango da, eta beteko ditu Mahaiko lege-aholkulari eta idazkari lanak, hitzarekin eta botoarekin. Idazkari kargua hutsik badago, idazkaria ez badago edo gaixo badago, edo legean jasotako beste zerbait gertatzen bada, Zerbitzu Zuzendaritzako aholkularitza juridikoaren letradu bat ordezkatuko du.
Ekainaren 5eko 136/1996 Dekretuaren 6.2 artikuluan xedatutakoari jarraituz, Agindu honetan berariaz egiten ez diren izendapenak eta aurreikusten ez diren ordezkapenak Ingurumen, Lurralde Plangintza, Nekazaritza eta Arrantza sailburuak erabakiko ditu. Izendatutako pertsonen artean ahalik eta alternantzia gutxien egon dadin saiatuko da, eta izendapenek espedientean agertu beharko dute.
Indargabetuta geratzen dira xedapen hauek: 2002ko urtarrilaren 22ko Agindua, Ogasun eta Herri Administrazio eta Lurralde Antolamendu eta Ingurumen sailburuena, Lurralde Antolamendu eta Ingurumen Saileko kontratazio-mahaia sortzeko dena; eta 1999ko ekainaren 11ko Agindua, Ogasun eta Herri Administrazio sailburuarena eta Nekazaritza eta Arrantza sailburuarena, Nekazaritza eta Arrantza Saileko kontratazio mahaia osatzeari buruzkoa.
Agindu hau Euskal Herriko Agintaritzaren Aldizkarian argitaratzen den egunaren biharamunetik aurrera jarriko da indarrean.
Vitoria-Gasteiz, 2009ko abenduaren 17a.
Ekonomia eta Ogasuneko sailburua,
CARLOS AGUIRRE ARANA.
Ingurumen, Lurralde Plangintza,
Nekazaritza eta Arrantzako sailburua,
MARÍA DEL PILAR UNZALU PÉREZ DE EULATE.
Gaiarekin lotutako edukiak
Arauaren historia (4)
- Indargabetzen du: AGINDUA, 2002ko urtarrilaren 22koa, Ogasun eta Herri Administrazio eta Lurralde Antolamendu eta Ingurumen sailburuena, Lurralde Antolamendu eta Ingurumen Saileko kontratazio-mahaia sortzeko dena.
- Indargabetutakoa: AGINDUA, 2013ko ekainaren 25ekoa, Ogasun eta Finantzetako sailburuarena eta Ingurumen eta Lurralde Politikako sailburuarena, Ingurumen eta Lurralde Politika Saileko kontratazio-mahaia sortzeari buruzkoa.
- Aldatutakoa: AGINDUA, 2011ko otsailaren 9koa, Ekonomia eta Ogasuneko sailburuarena eta Ingurumen, Lurralde Plangintza, Nekazaritza eta Arrantza sailburuarena, Ingurumen, Lurralde Plangintza, Nekazaritza eta Arrantza Saileko kontratazio-mahaiaren lehendakariaren ordezk
- Indargabetzen du: AGINDUA, 1999ko ekainaren 11koa, Ogasun eta Herri Administrazio sailburuarena eta Nekazaritza eta Arrantza sailburuarena, Nekazaritza eta Arrantza Saileko kontratazio mahaia osatzeari buruzkoa.
