Arautegia
InprimatuAGINDUA, 2009ko abuztuaren 31koa, Enplegu eta Gizarte Gaietako sailburuarena, Justizia, Lan eta Gizarte Segurantza sailburuaren eta Hezkuntza, Unibertsitate eta Ikerketa sailburuaren 2007ko abenduaren 28ko Aginduko III. kapituluan aurreikusten diren laguntzak finantzatzeko 2009. urtean esleitutako kredituen guztizko kopurua jakinarazteko dena. Agindu horren bidez, lanbide-heziketako prestakuntza-zikloen antolamendu-eredu berria arautzen da. Eredu berriaren arabera, eskaintza malgua egingo da, pr
Identifikazioa
- Lurralde-eremua: Autonomiko
- Arau-maila: Agindua
- Organo arau-emailea: Enplegu eta Gizarte Gaietako Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 189
- Hurrenkera-zk.: 5317
- Xedapen-zk.: ---
- Xedapen-data: 2009/08/31
- Argitaratze-data: 2009/10/01
Gaikako eremua
- Gaia: Gizarte gaiak eta emplegua; Administrazioaren antolamendua; Ogasun eta Ekonomía; Hezkuntza
- Azpigaia: Lana eta enplegua; Gobernua eta herri administrazioa; Ekonomia
Testu legala
Justizia, Lan eta Gizarte Segurantza sailburuaren eta Hezkuntza, Unibertsitate eta Ikerketa sailburuaren 2007ko abenduaren 28ko Aginduko 17.4 artikuluan araututako publizitate-printzipioaren arabera (agindu horren bidez, lanbide-heziketako prestakuntza-zikloen antolamendu-eredu berria arautzen da. Eredu berriaren arabera, eskaintza malgua egingo da, prestakuntza eta lan-jarduera uztartzea ahalbidetzeko), ekitaldi ekonomiko bakoitzean, urtero, aipatutako aginduko III. kapituluan aurreikusten diren laguntzak finantzatzeko 2009. urtean esleitutako kredituen guztizko kopurua argitaratuko da, Justizia, Lan eta Gizarte Segurantza sailburuaren Agindu baten bidez.
Euskal Autonomia Erkidegoaren Administrazioko sailak sortu, ezabatu eta aldatzen dituen eta horien egitekoak eta jardun-arloak finkatzen dituen Lehendakariaren maiatzaren 8ko 4/2009 Dekretuan xedatzen denez, enpleguari buruzko eta lanpostura egokitzeari buruzko politika Enplegu eta Gizarte Gaietako Sailaren eskumena da. Beraz, Enplegu eta Gizarte Gaietako sailburuari dagokio agindu hau ematea.
Hori guztia dela eta, honakoa
Lehenengoa. Justizia, Lan eta Gizarte Segurantza sailburuaren eta Hezkuntza, Unibertsitate eta Ikerketa sailburuaren 2007ko abenduaren 28ko Aginduko III. kapituluan aurreikusten diren laguntzak finantzatzeko Euskal Autonomia Erkidegoko 2009. urteko aurrekontu orokorretan, Enpleguko 32110 azpiprogramaren kargura esleitutako kredituen guztizko kopurua 268.250 eurokoa dela jakinaraztea. Agindu horren bidez, lanbide-heziketako prestakuntza-zikloen antolamendu-eredu berria arautzen da. Eredu berriaren arabera, eskaintza malgua egingo da, prestakuntza eta lan-jarduera uztartzea ahalbidetzeko. Diru-kopuru hori honela xehatzen da: 129.500 euro 2009. urterako ordainketa-kredituen kargura, 92.500 euro 2010. urterako konpromiso-kredituen kargura eta 46.250 euro 2011. urterako konpromiso-kredituen kargura.
Bigarrena. Aipatutako kopuruak eguneratu ahal izango dira, indarreko legeriaren arabera aurrekontuen aldaketaren bat onartzen baldin bada. Aldaketa horiek egon baleude, gertaera hori jakinarazi egingo litzateke, Enplegu eta Gizarte Gaietako sailburuaren agindu baten bidez.
Lehenengoa. Errekurtsoak.
Administrazio-bidea agortzen duen agindu honen aurka aukerako berraztertze-errekurtsoa jar dakioke Justizia, Lan eta Gizarte Segurantzako sailburuari, agindua Euskal Herriko Agintaritzaren Aldizkarian argitaratu eta hurrengo egunetik hilabeteko epean, Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legeko 116. eta 117. artikuluetan ezarritakoa betez. Bestela, zuzenean administrazioarekiko auzi-errekurtsoa jar daiteke EAEko Auzitegi Nagusiko Administrazioarekiko Auzien Salan, agindua argitaratu eta hurrengo egunetik bi hilabeteko epean, Administrazioarekiko auzien jurisdikzioa arautzen duen uztailaren 13ko 29/1998 Legeko 10.1.a) eta 46. artikuluetan ezarritakoa betez.
Bigarrena. Ondorioak.
Agindu hau Euskal Herriko Agintaritzaren Aldizkarian argitaratzen den egunaren biharamunean jarriko da indarrean.
Vitoria-Gasteiz, 2009ko abuztuaren 31.
Enplegu eta Gizarte Gaietako sailburua,
MARÍA GEMMA ARÁNZAZU ZABALETA ARETA.
