Arreta Soziosanitarioa

Agindu honen helburua Europar Batasunaren organoen erabakietatik eratorriko diren eta Euskal Autonomia Erkidegoak eta/edo Araba, Bizkaia eta Gipuzkoako Lurralde Historikoetako foru-organoek burutzen dituzten nekazaritzako Erkidegoko funtsen kontura finantzatutako laguntzak kudeatzeko eta kontrolatzeko jardueretatik etorriko diren finantza-zuzenketak esleitzeko eta zenbatekoak finkatzeko irizpideak eta prozedurak ezartzea da.

Urriaren 3ko 194/2006 Dekretuko 7. artikuluko 2. idatz-zatian ezarritakoaren arabera, “COPAFA” izango da Europar Batasuneko organoen erabakietatik eratorriko diren eta NBEF eta LGENF Erkidegoko funtsen kontura finantzatutako laguntzen kudeaketa- eta kontrol-jarduerak ez betetzea edo gaizki betetzearen ondorioz eragindako finantza-zuzenketen esleipena ebatziko duena.

Finantza-zuzenketak esleitzeko eta zenbatekoak finkatzeko irizpideak honakoak izango dira:

1. – Irizpide orokorrak:

   1. Euskal Autonomia Erkidegoko erakunde komunek honakoen ardura izango dute:

      • Euskal Autonomia Erkidegoko Erakunde Ordaintzaileak emandako prozedura, jarraibide edo interpretazioetatik eratorritako eta jakinarazitako hutsak.

      • Gastuei eragiten dieten aditzera emandako hutsak: Euskal Autonomia Erkidegoaren Erakunde Ordain-tzaileak gastu horiek betearazteko eta koordinatzeko jarraibideak emateko ardura du eta jarraibide horiek ezarri ez izana.

      • Erkidegoko informazioa edo jarraibideak foru-organoei jakinaraztean atzerapena izatea edo ez jakinaraztearen ondorioz sorturiko aditzera emandako hutsak.

   2. Araba, Bizkaia eta Gipuzkoako Lurralde Historikoetako foru-organoek paragrafo honetako A idatz-zatian aipatu ez diren gainerako kasuen ardura izango dute.

2. – Irizpide bereziak:

   1. Banakako espedienteetan oinarrituriko zuzenketak:

      • Erkidegoko araudia betetzen ez duten eskarietan eginiko ordainketaren edo ordainketen zenbatekoari zuzenean eragiten dioten zuzenketak: zuzenketak Euskal Autonomia Erkidegoari edo foru-organoei egotziko zaizkie, Erkidegoko araudia betetzen ez duten eskarien izapidetzearen arduradunak direnean.

      • Euskal Autonomia Erkidegoko espedienteak espedienteen eredu adierazgarriaren azterketaren emaitzetan oinarritzen dituzten zuzenketak: estrapolazioa Euskal Autonomia Erkidegoaren Erakunde Ordaintzaileak bere gain hartutako zereginak direla-eta gertatzen ez denean, erakunde ordaintzaileari egotzitako zuzenketa osoa foru-organoen artean banatuko da, egotzitako zuzenketaren arrazoiak eragindako ordainketa osoan Euskal Autonomia Erkidegoko Erakunde Ordaintzaileak duen parte hartzearen arabera.

   2. Kudeaketa-unitateen jarduera egokiari buruzko zalantzak oinarri dituzten zuzenketak: kudeaketa-, kontrol- eta ordainketa-unitateek Erkidegoko araudiarekin bat etorriz jarduerak burutu izanaren zalantzetan oinarritzen dira zuzenketak; zalantza horiek Batzordeak arrazoitutzat jotzen ditu.

      Zalantza horiek ondoko arrazoietako batean edo batzuetan oinarritu daitezke:

      • Kontrol-jarduerak idatziz ez jasotzea.

      • Kontrolen kalitate txarra.

      • Kontrol-zerrendarik eza (check-list) edo kontrol horietan hutsak agertzea.

      • Ikuskapenetan esku hartzen duten eragileen prestakuntzan hutsak edo bateraezintasuna izatea.

      • Erkidegoko araudian aurreikusitako kontrol zehatzak ez burutzea.

      • Egindako kontroletan egiaztapen zehatzik ez egitea.

      • Emaitzen jarraipen okerra.

      • Egin beharreko ordainketen aurreikuspen okerrak.

      • Gehienezko kopuruak gainditzea, kopuru horiek ezarrita daudenean.

      • Irregulartasunak prebenitzean edo zigortzean hutsak egitea.

      • Ez dagokienei ordaindutakoak berreskuratzean irregulartasuna edo arduragabekeria.

      • Bestelako arrazoiak, Batzordeak arrazoitutzat jotzen dituen kudeaketa-, kontrol- eta ordainketa-zereginekin loturikoak.

        Hala denean, finantza-zuzenketak Euskal Autonomia Erkidegoari edo Lurralde Historikoetako foru-organoei esleituko zaizkie, zalantzan jarritako jardueren arduradunak izanez gero.

   3. Batzordeari igorri beharreko informazioan hutsak daudelako edo informazio ezagatik egindako zuzenketak: igorritako informazioan hutsak egotearen edo informazioa faltatzearen erantzuleak diren organoa/k izango da/dira egotzitako zuzenketa guztia bere gain hartuko dutena/k.

   4. Hutsen proiekzioetan oinarrituriko zuzenketak, kaltetuen bestelako lurralde historikoetan eginiko kontroletan Batzordeak aditzera emandakoak: erantzukizunaren printzipioa aplikatuko da hutsa zuzenketak kaltetutako lurralde historikoan ere agertzen denean edo inplikaturiko foru-organoak hutsa baztertzeko behar diren agiriak dagokion garaian eta moduan aurkezten ez dituenean.

   5. Beste autonomia erkidegoetan Batzordeak jakinarazitako hutsen proiekzioetan oinarrituriko zuzenketak: erantzukizunaren printzipioa aplikatuko da hutsa lurralde historikoan edo foru-organoak ere agertzen denean edo foru-organoak lurralde historikoan hutsunea egon dela baztertzeko behar diren agiriak dagokion garaian eta moduan aurkezten ez dituenean.

   6. Epez kanpo egindako ordainketak: arrazoi hori dela-eta Euskal Autonomia Erkidegoari esleitzen zaion finantza-zuzenketa Autonomia Erkidegoari eta/edo foru-organoei egotziko zaie, ordainketa epez kanpo egin dela jotzeko arrazoitu duen gertaeran duten erantzukizunaren arabera.

3. – Soberazko irizpidea: aurreko zenbakietan aurreikusi ez diren egoeretan, zuzenketak Euskal Autonomia Erkidegoak eta/edo Lurralde Historikoetako foru-organoek hartuko dituzte bere gain, zuzenketa horiek beren jardueretatik eratorritakoak izanez gero.

Europako Batzordeak, finantza-ikerketaren ondorioz Euskal Autonomia Erkidegora igorri beharreko funtsen minorazioa jakinarazten duenean, Nekazaritza eta Abeltzaintza zuzendariak, Euskal Autonomia Erkidegoaren Erakunde Ordaintzailearen zuzendaritza-organo gisa, funtsen minorazioaren jakinarazpena hartzen den egunetik luzatu ezin diren hiru egun balioduneko epean, COPAFAren Lehendakaritzara jakinarazpen horren kopia bidaliko du idatziz.

Nekazaritza eta Abeltzaintza zuzendariak, Euskal Autonomia Erkidegoko Erakunde Ordantzailearen zuzendaritza-organo gisa, COPAFAren aktaren jakinarazpena jaso ondoren, akta hori, jasotzen denetik zenbatzen hasita hiru egun balioduneko epe luzaezinean, eta banaka, zuzenean kalteturiko foru-organoari edo organoei, edo Eusko Jaurlaritzako Ogasun eta Herri Administrazio Saileko Zuzendaritza eskudunari jakinaraziko zaio, aktaren edukiak Europar Batasunak ezarritako finantza-zuzenketan erantzukizuna egoztea eragiten badu.

1. – COPAFAk Euskal Autonomia Erkidegoari egotzitako finantza-zuzenketak erkidego autonomo horrek hartuko ditu bere gain bere Aurrekontuen kargura.

2. – Foru Aldundiei egotzitako finantza-zuzenketak aldundiek berek hartuko dituzte beren gain, eta Euskal Herriko Diruzaintza Nagusiari itzuli behar izango zaizkio COPAFAk hartutako erabakiaren jakinarazpenetik hasita hilabeteko epean.