Osasun Saila

Ongizate, Gazteria eta Erronka Demografikoaren Saila

Arreta Soziosanitarioa

Osasun Saila / Ongizate, Gazteria eta Erronka Demografikoaren Saila

Arautegia

Inprimatu

AGINDUA, 2006ko ekainaren 27koa, Jaurlaritzaren lehendakariorde eta Ogasun eta Herri Administrazio sailburuarena, Jaurlaritzaren Lehendakariordetzako eta Ogasun eta Herri Administrazio Saileko eta sail horri atxikitako erakunde autonomoetako datu pertsonalei buruzko fitxategiak arautzen dituen Jaurlaritzaren lehendakariorde eta Ogasun eta Herri Administrazio sailburuaren 2004ko martxoaren 2ko agindua bigarren aldiz aldatzeko dena.

Identifikazioa

  • Lurralde-eremua: Autonomiko
  • Arau-maila: Agindua
  • Organo arau-emailea: Jaurlaritzaren Lehendakariordetza; Ogasun eta Herri Administrazio Saila
  • Jadanekotasuna-egoera: Indarrean

Aldizkari ofiziala

Deskargatu (PDF)

  • Aldizkari ofiziala: EHAA (Euskal Herria)
  • Aldizkari-zk.: 146
  • Hurrenkera-zk.: 3968
  • Xedapen-zk.: 154
  • Xedapen-data: 2006/06/27
  • Argitaratze-data: 2006/08/02

Gaikako eremua

  • Gaia: Administrazioaren antolamendua; Ekonomi Jarduerak
  • Azpigaia: Sailak; Gobernua eta herri administrazioa; Informazio etak komunikazioak
Deskribapenak

Testu legala

Datu Pertsonalen Babesari buruzko abenduaren 13ko 15/1999 Lege Organikoak 20.1. artikuluan ezarritakoaren arabera, herri administrazioen fitxategiak sortu, aldatu edo ezabatzeko xedapen orokorra eman behar da eta Estatuko Aldizkari Ofizialean edo behar den aldizkari ofizialean argitaratu behar da. Artikulu beraren 3. atalean ezartzen da fitxategiak ezabatzeko ematen diren xedapenetan fitxategiak nora bidaliko diren agertu behar dela edo, hala denean, horiek suntsitzeko hartuko diren neurriak.

Aipatutako araua osatzeko baina ez ordezkatzeko, Datu Pertsonaletarako Jabetza Publikoko Fitxategiei eta Datuak Babesteko Euskal Bulegoa Sortzeari buruzko otsailaren 25eko 2/2004 Legea aplikagarria da. Autonomia Erkidegoko lege horrek, bere 4.1 artikuluan, ezartzen du, lehen adierazitako oinarrizko arauak egiten duen bezala, fitxategiak sortu, aldatu eta ezabatzea xedapen baten bidez egin behar dela baita Euskal Herriko Aldizkari Ofizialean argitaratu ere. Bestalde, Lege horren 18. artikuluan Datuak Babesteko Erregistroa jasotzen da. Erregistro horretan, besteak beste, Euskal Autonomia Erkidegoko Administrazio Orokorraren fitxategiak inskribatu behar dira, arauaren aplikazio-eremuari dagokion 2.1 artikuluan ezartzen denari jarraituz. Beraz, agindu honen bidez sortutako eta aldatutako fitxategiak Datuak Babesteko Euskal Bulegoaren Erregistroan fitxategiak sortzeko eta aldatzeko xedapenaren kopia bat bidaliz inskribatu beharko dira, Bulegoak ezarrita duen eredu normalizatuaz baliatuz.

Aurretik esandakoa aintzat hartuta, Ogasun eta Herri Administrazio Saileko eta Jaurlaritzaren Lehendakariordetzako datu pertsonalei buruzko fitxategiak eguneratzeko xedez, eta Euskal Autonomia Erkidegoko Administrazioaren datu pertsonalei buruzko fitxategi automatizatuen segurtasunaren antolatzeari buruzko uztailaren 16ko Jaurlaritzaren Kontseiluko Akordioaren edukiei egokitzeko asmoz, agindu honek datu pertsonalei buruzko fitxategi automatizatuak arautzen zituen aurreko xedapena aldatu egiten du, ondoren adierazten diren fitxategiak sortu eta aldatzen dituela: sortzen diren fitxategiak: segurtasun-gorabeherak; jokabide-elkarrizketa egituratuak; aurrezki-kutxen eta horien goi-karguen erregistroa; eta informazioaren zabalkunde selektiboa. Aldatzen diren fitxategiak: liburutegien kudeaketa; prozedura judizialak; eta erregistro-liburua.

Azaldutako guztia kontuan dela, ondokoa

XEDATU DUT :
1. artikulua – Fitxategiak sortzea.

Ondorengo fitxategi hauek sortzen dira: segurtasun-gorabeherak; jokabide-elkarrizketa egituratuak; aurrezki-kutxen eta horien goi-karguen erregistroa; eta informazioaren zabalkunde selektiboa. Fitxategien deskribapena agindu honekin batera doazen I. eta II. eranskinetan jasota dago.

2. artikulua – Fitxategiak aldatzea.

Aldatzen diren fitxategiak honako hauek dira: liburutegien kudeaketa; prozedura judizialak; eta erregistro-liburua. Aldatu diren fitxategien deskribapena agindu honekin batera doan II. eranskinean jasota dago.

AZKEN XEDAPENAK
Lehenengoa. Ogasun eta Herri Administrazio Saileko Zerbitzu Zuzendaritzak agindu honen eranskinean jasota dauden datu pertsonalei buruzko fitxategien berri emango dio Datuak Babesteko Euskal Bulegoari horiek inskribatzeko. Modu berean, xedapen honek aldatzen dituen fitxategiak jakinaraziko dizkio.
Bigarrena. Agindu hau Euskal Herriko Agintaritzaren Aldizkarian argitaratu eta biharamunean jarriko da indarrean.

Vitoria-Gasteiz, 2006ko ekainaren 27a.

Lehendakariordea eta Ogasun

eta Herri Administrazio sailburua,

IDOIA ZENARRUTZABEITIA BELDARRAIN.

I. ERANSKINA OGASUN ETA HERRI ADMINISTRAZIO SAILEKO DATU PERTSONALEI BURUZKO FITXATEGIAK

  1. – Segurtasun-gorabeherak.

    1. Aurreikusitako helburu eta erabilerak:

      Eusko Jaurlaritzako eraikinetan gertatzen diren segurtasun-gorabeheren kudeaketa eta erregistroa egitea. Halaber, segurtasunarekin loturiko matxuren jarraipena egingo da eta horien berri emango zaio mantenimenduko zerbitzuari.

    2. Datuak eman dituzten pertsona edo taldeak:

      Eusko Jaurlaritzako eraikinen segurtasunean lanean diharduten langileak eta, zenbaitetan, gorabehera sortu edo horretan parte hartzen duen Eusko Jaurlaritzako langilearen edo langilea ez denaren datuak.

    3. Datuen jatorria eta datuak biltzeko prozedura:

      Interesatuari buruz bildutako datuak eta horrek emandako dokumentuak.

    4. Fitxategiaren oinarrizko egitura:

      Identifikazio-datuak eta enpleguaren xehetasuna.

    5. Datu-lagapenak:

      Ez dira antzeman.

    6. Fitxategiaren arduraduna:

      Baliabide Orokorren Zuzendaritza.

    7. Datuetan sartzeko, datuak zuzentzeko eta kentzeko eta datuen aurka egiteko eskubideak gauza ditzakeen zerbitzua:

      Ogasun eta Herri Administrazio Saila.

      Administrazio eta Zerbitzu Sailburuordetza.

      Zerbitzu Zuzendaritza.

      Donostia kalea 1.

      01010 Vitoria–Gasteiz (Araba)

    8. Segurtasun-neurrietan eskatu beharreko maila:

      Oinarrizkoa.

      1. – Jokabide-elkarrizketa egituratuak.

        1. Aurreikusitako helburu eta erabilerak:

          Jokabide-elkarrizketa egituratu guztietan jasotako datuak erregistratzea. Datuak erabiliko dira ondorengo azterlanetan, hobekuntzetan, txostenak prestatzean, etab.

        2. Datuak eman dituzten pertsona edo taldeak:

          Karrerako funtzionarioak, Eusko Jaurlaritzako bitarteko funtzionarioak eta lan-poltsetan dauden funtzionario ez direnak.

        3. Datuen jatorria eta datuak biltzeko prozedura:

          Interesatuek emanikoak eta betetako formularioetan jasotakoak.

        4. Fitxategiaren oinarrizko egitura:

          Identifikazio-datuak, lanbide-datuak eta eginiko balioespenak.

        5. Datu-lagapenak:

          Ez dira antzeman.

        6. Fitxategiaren arduraduna:

          Funtzio Publikoaren Zuzendaritza.

        7. Datuetan sartzeko, datuak zuzentzeko eta kentzeko eta datuen aurka egiteko eskubideak gauza ditzakeen zerbitzua:

          Ogasun eta Herri Administrazio Saila.

          Administrazio eta Zerbitzu Sailburuordetza.

          Zerbitzu Zuzendaritza.

          Donostia kalea 1.

          01010 Vitoria–Gasteiz (Araba)

        8. Segurtasun-neurrietan eskatu beharreko maila:

          Ertaina.

      2. – Aurrezki-kutxen eta horien goi-karguen erregistroa.

        1. Aurreikusitako helburu eta erabilerak:

          Euskadin helbide soziala duten aurrezki-kutxen erregistroa eta helbide soziala Euskaditik kanpo dutela honen lurraldean bulegoak irekita dituztenena. Estatutuen aldaketak, xurgapenak, bat-egiteak, desegiteak eta kitapenak inskribatuko dira.

          Euskadin helbide soziala duten aurrezki-kutxen goi-kargudunen erregistroa. Izendapenak, kargu-kentzeak eta berrautapenak inskribatuko dira.

        2. Datuak eman dituzten pertsona edo taldeak:

          Zehaztutako dokumentuak aurkezten dituztenak.

        3. Datuen jatorria eta datuak biltzeko prozedura:

          Interesatuek emandako agiriak.

        4. Fitxategiaren oinarrizko egitura:

          Identifikazio-datuak, ezaugarri pertsonalenak eta enpleguaren xehetasuna.

        5. Datu-lagapenak:

          Ez dira antzeman.

        6. Fitxategiaren arduraduna:

          Finantza Zuzendaritza.

        7. Datuetan sartzeko, datuak zuzentzeko eta kentzeko eta datuen aurka egiteko eskubideak gauza ditzakeen zerbitzua:

          Ogasun eta Herri Administrazio Saila.

          Administrazio eta Zerbitzu Sailburuordetza.

          Zerbitzu Zuzendaritza.

          Donostia kalea 1.

          01010 Vitoria–Gasteiz (Araba)

        8. Segurtasun-neurrietan eskatu beharreko maila:

          Oinarrizkoa.

II. ERANSKINA. JAURLARITZAREN LEHENDAKARIORDETZAKO DATU PERTSONALEI BURUZKO FITXATEGIAK

  1. – Lege Garapen eta Arau Kontrolerako Zuzendaritza.

  1. – Liburutegien kudeaketa (aldaketa).

    1. Fitxategiaren erantzukizuna duen organoa:

      Lege Garapen eta Arau Kontrolerako Zuzendaritza.

      1. – Informazioaren zabalkunde selektiboa.

        1. Aurreikusitako helburu eta erabilerak:

          Euskal Herriko Agintaritzaren Aldizkariko Informazioaren Zabalkunde Selektiborako harpidetza posta-kontu baten bidez.

        2. Datuak eman dituzten pertsona edo taldeak:

          Pertsona fisiko eta/edo juridikoak.

        3. Datuen jatorria eta datuak biltzeko prozedura:

          Telematikoa, posta-elektronikoko helbide bat emanez.

        4. Fitxategiaren oinarrizko egitura:

          Identifikazio-datuak (posta-elektronikoa).

        5. Datu-lagapenak:

          Ez dira antzeman.

        6. Fitxategiaren arduraduna:

          Jaurlaritzaren Idazkaritzako eta Legebiltzarrarekiko Harremanetarako Zuzendaritza.

        7. Datuetan sartzeko, datuak zuzentzeko eta kentzeko eta datuen aurka egiteko eskubideak gauza ditzakeen zerbitzua:

          Ogasun eta Herri Administrazio Saila.

          Administrazio eta Zerbitzu Sailburuordetza.

          Zerbitzu Zuzendaritza.

          Donostia kalea 1.

          01010 Vitoria–Gasteiz (Araba)

        8. Segurtasun-neurrietan eskatu beharreko maila:

          Oinarrizkoa.

          1. – Prozedura judizialak (aldaketa).

            1. Fitxategiaren oinarrizko egitura:

              Arau-hauste penalei edo administrazioko arau-hausteei dagozkien datuak, identifikazio- eta transakzio-datuak.

      2. – Administrazio Elektronikorako eta Herritarrei Arreta emateko Zuzendaritza.

      1. – Erregistro-liburua (aldaketa).

        1. Fitxategiaren erantzukizuna duen organoa:

          Administrazio Elektronikorako eta Herritarrei Arreta emateko Zuzendaritza.

Gaiarekin lotutako edukiak


Arauaren historia (1)

Eskumenak eta transferentziak

Ez dago lotutako edukirik.

Garrantzi juridikoko dokumentazioa

Ez dago lotutako edukirik.