Arreta Soziosanitarioa

1. ¿ Hona hemen Agindu honen xedea: Babes ofizialeko etxebizitzen erregimenari eta etxebizitzaren eta lurzoruaren inguruko finantza-neurriei buruzko abenduaren 30eko 315/2002 Dekretuaren 12. artikulua garatzea. Dekretuaren 11-1 artikuluan aurreikusten ez diren sustapen pribatuko babes ofizialeko etxebizitzak esleitzeko jarraitu beharreko prozedurari buruzkoa da 12. artikulu hori.

2. ¿ Agindu honen aplikaziotik kanpo geratzen dira sustapen pribatuko babes ofizialeko etxebizitzak, baldin eta kooperatibek, ondasun-komunitateek egindakoak badira edo norberaren erabilerarako sustapenak badira.

Prozedura honen bitartez esleitzen diren babes ofizialeko etxebizitzen esleipendunek bete beharko dituzte oro har babes ofizialeko etxebizitzak eskuratzeko ezarritako baldintzak, erroldatzeari buruzkoa izan ezik, babes ofizialeko etxebizitzen erregimenari eta etxebizitzaren eta lurzoruaren inguruko finantza-neurriei buruzko abenduaren 30eko 315/2002 Dekretuaren 17. Artikuluak ezarritakoaren arabera.

1. ¿ Babes ofizialeko etxebizitzen erregimenari eta etxebizitzaren eta lurzoruaren inguruko finantza-neurriei buruzko abenduaren 30eko 315/2002 Dekretuaren 12. artikuluak (hemen garatzen dena) ezarritako publizitate, konkurrentzia publiko eta gardentasunaren printzipioak errespetatuz esleitu beharko dira babes ofizialeko etxebizitza hauek.

2. ¿ Agindu honek aipatzen dituen esleipendunak hautatzeko prozesuetan bakar-bakarrik hartuko dira kontuan Babes Ofizialeko Etxebizitzen Erregistroan edo Etxebizitzaren Euskal Zerbitzuan (Etxebide) behar bezala alta emanda dauden babes ofizialeko etxebizitzen eskatzaileak. Eusko Jaurlaritzako Etxebizitza eta Gizarte Gaietako Saila arduratzen da erregistro horretaz.

3. ¿ Behin-behineko kalifikazioa eskatu eta handik gehienez hilabeteko epean, dagokion Lurralde Ordezkaritzak emango dio erakunde sustatzaileari zerrenda zenbakitu bat, ondokoak jasotzen dituena: babes ofizialeko etxebizitzen behin-behineko kalifikazioa eskatzen den datan, Etxebizitzaren Euskal Zerbitzuan behar bezala alta emanda eta inskribatuta egoteaz gain, esleitu beharreko babes ofizialeko etxebizitzen sustapena dagoen udalerrian etxebizitza eskatu duten eskatzaileak.

   Zerrenda hori adierazitako epean eman ezean, erakunde sustatzaileak libreki eman ahal izango ditu etxebizitzak, dagokion sustapenean ezarritako baldintzak betetzen dituztenen artean. Era berean, etxebizitzak eskatzaileak baino gehiago badira, erakunde sustatzaileak libreki eman ahal izango ditu sobera geratutakoak; gainerako etxebizitzak hurrengo puntuan xedatutakoaren arabera esleitu beharko dira.

4. ¿ Etxebizitzak notario aurrean egindako zozketa baten bitartez esleituko dira, eta bi zerrenda egingo dira: batean, esleipendunak jasoko dira eta, bestean, zozketan esleipendun gertatu ez diren guztiak. Zozketaren Notario-Akta bidaliko da Lurralde Ordezkaritzara, zozketa egin eta handik 10 egun naturaleko epean gehienez ere; horrez gain, akta hori sozietatearen helbideko bulegoetan argitaratu beharko da.

5. ¿ Erakunde sustatzaileak modu frogagarrian jakinarazi beharko dio esleipena esleipendun gertatu den bakoitzari, eta errekerimendua egingo dio jakinarazpena jasotzen duen egunaren hurrengotik gehienez ere 10 egun naturaleko epean onartzeko edo uko egiteko, eta babes ofizialeko etxebizitzen erregimenari eta etxebizitzaren eta lurzoruaren inguruko finantza-neurriei buruzko abenduaren 30eko 315/2002 Dekretuaren 18. eta hurrengo artikuluetan diru-sarrerei buruz ezarritako baldintza betetzen duela egiaztatzen duen beharrezko dokumentazioa aurkezteko.

6. ¿ Zozketako onuradunen bat aurkezten ez bada edo uko egiten badu, sustatzaileak babes ofizialeko etxebizitza eman ahal izango du, itxaroteko zerrendan ezarritako hurrenkeraren arabera bertan daudenen artean dagokionari esleituta.

1. ¿ Dagokion Lurralde Ordezkaritzak oniritzia eman dezan, erakunde sustatzaileak kontratu pribatuak aurkezten dituenean, memoria bat erantsi beharko du etxebizitzen esleipenari buruz, aurreko artikuluko zozketaren ondorioz eratutako zerrenda ordenatuari jarraiki. Memoriarekin batera, babes ofizialeko etxebizitzen esleipendun izateko baldintzak betetzen direla egiaztatzen duen dokumentazioa gehitu beharko da, Agindu honetan xedatutakoaren arabera.

   Era berean, Memoria horretan berariaz adierazi beharko dira zozketako onuradunen zerrenda ordenatuaren eta etxebizitzen esleipendunen artean gertatutako inkongruentziak, eta ondoko kasuak egiaztatzeko dokumentazioa gaineratuko da:

   • Onuradunak Onarpena edo ukoa egiteko aurkeztu ezean, jakinarazpena egin dela adierazten duen agiri bidez egiaztatuko da aurkeztu ez izana, Agindu honen 3-5 artikuluan xedatutakoaren arabera.

   • Zozketako onuradunek uko eginez gero, onuradunek sinatutako idatziko dokumentu bidez egiaztatuko da; hala ezinezko bada, erakunde sustatzaileak berariaz igorritako errekerimendu bidez, Agindu honen 3-6 artikuluan xedatutakoaren arabera.

2. ¿ Babes ofizialeko etxebizitzak esleitzeko prozedurari buruzko Etxebizitza eta Gizarte Gaietako sailburuaren 2002ko ekainaren 14ko Aginduaren 12-4 artikuluan xedatutako eraginak izango dituzte aurreko artikuluan adierazitako ez-agertze eta uko egiteek.

Vitoria-Gasteiz, 2003ko abuztuaren 18a.

Etxebizitza eta Gizarte Gaietako sailburua,

JAVIER MADRAZO LAVÍN.