Osasun Saila

Ongizate, Gazteria eta Erronka Demografikoaren Saila

Arreta Soziosanitarioa

Osasun Saila / Ongizate, Gazteria eta Erronka Demografikoaren Saila

Arautegia

Inprimatu

AGINDUA, 2002ko abenduaren 10ekoa, Hezkuntza, Unibertsitate eta Ikerketa sailburuarena, Euskal Autonomi Erkidegoko ikastetxeei Lanbide Heziketako heziketa-zikloak, modu partzialean irakasteko baimena ematea eta berari dagokion finantzaketa arautzen duena.

Identifikazioa

  • Lurralde-eremua: Autonomiko
  • Arau-maila: Agindua
  • Organo arau-emailea: Hezkuntza, Unibertsitate eta Ikerketa Saila
  • Jadanekotasuna-egoera: Indarrean

Aldizkari ofiziala

Deskargatu (PDF)

  • Aldizkari ofiziala: EHAA (Euskal Herria)
  • Aldizkari-zk.: 247
  • Hurrenkera-zk.: 7379
  • Xedapen-zk.: ---
  • Xedapen-data: 2002/12/10
  • Argitaratze-data: 2002/12/27

Gaikako eremua

  • Gaia: Gizarte gaiak eta emplegua; Hezkuntza; Ogasun eta Ekonomía
  • Azpigaia: Lana eta enplegua; Ekonomia
Deskribapenak

Testu legala

Aurkibidea erakutsiAurkibidea ezkutatu

Urriaren 16ko 222/2001 Dekretuak Hezkuntza, Unibertsitate eta Ikerketa Sailaren egitura organikoa ezartzen du. Horren 18. Artikuluan, Etengabeko Ikaskuntzako Zuzendaritzari ematen zaio, beste batzuen artean, hurrengo funtzioa: Helduentzako heziketa-zikloei dagokien eskaintza partziala proposatzea, Hezkuntza Sistemaren Antolamendu Orokorrerako urriaren 3ko 1990 Lege Organikoaren 53.2. artikuluan xedatutakoarekin bat, eta dekretu hauetan xedatutakoaren arabera: apirilaren 29ko 97/1997 Dekretua (97-05-07ko EHAA); dekretu hori aldatzen duen Batxilergoko eta Lanbide Heziketako irakaskuntzaren ezarpena eta dagozkien tituluei buruzko jarraibideak arautzen dituen azaroaren 30eko 423/1999 Dekretua (99-12-14ko EHAA); eta Lanbide Heziketako irakaskuntzen antolamendu orokorra eta bere tituluei buruzko norabideak ezartzeko den azaroaren 22ko 447/1994 Dekretua (95-01-10eko EHAA).

Hori dela eta, 2002ko abenduaren 5eko Aginduaren bidez, Hezkuntza, Unibertsitate eta Ikerketa Sailak Lanbide Heziketako heziketa-zikloak eskaintza partzial modalitatean irakastea arautzen du, heziketa-moduluka eskaini eta ikasi ahal izateko. Modalitate hori 21 urtetik gorako edo lanean bi urte baino gehiago eman duten pertsona helduentzat zuzenduta dago.

Bestalde, EAEko Administrazioaren ardurapeko ikastetxe publikoek ezin dute dirulaguntzen araubidean partea eduki, ezta araubide horretako arauen pean jarri ere, zeren eta gutxi gora beherako autonomia izan arren, ez baitute nortasun juridikorik eta Administrazioaren baitan txertatuta baitaude. Hori dela-eta, beharrezkoa da aurrekontuaren partidak bereiztea dirulaguntzak jaso ahal izateko. Izan ere, ikastetxe publikoek diru-kopuru osagarriak jaso ahal izango dituzte hezkuntza-proiektua garatzeko eta ikastetxearen urteko plangintza egiteko, 1/1993 Legearen 57 eta 54.2 artikuluek ezarritakoaren arabera (otsailaren 19ko legea, Euskal Eskola Publikoari buruzkoa). Diru-kopuru horiek EAEko Aurrekontu Orokorren kargurakoak izango dira. Baina, dirulaguntza ere bada, EAEko Administrazio Orokorrak fondo publikoak dohainik ematea, bere Aurrekontu Orokorren kargura, eta Autonomia Erkidegoko Erakunde Administraziokoak ez diren pertsona zein erakunde publiko nahiz pribatuen alde; hala baitio 1/1997 Lege Dekretuaren 48.2 artikuluak (azaroaren 11ko Dekretua, Euskal Autonomia Erkidegoko Herriogasuntza Nagusiaren antolarauen Legearen testu bateratua onartzen duena).

Ondorioz, eta Etengabeko Ikaskuntzako zuzendariaren proposamenez, honako hau,

XEDATU DUT :

  1. Kapitulua: Xedea eta Baldintzak

1. artikulua – 1.– Agindu honen xedea Euskal Autonomi Erkidegoko ikastetxeei heziketa-zikloak eskaintza partzialeko modalitatean, 2002ko abenduaren 5eko Aginduak ezartzen duenaren arabera, irakasteko baimena eta berari dagokion finantzaketa arautzea da.

  1. – Agindu honen ondorioetarako,urtero argitaratuko da deialdi bat, Euskal Autonomi Erkidegoko ikastetxeei zuzenduta, heziketa-zikloak eskaintza partzialeko modalitatean irakasteko baimena eska dezaten eta, bide batez, baita ere horretarako beharrezkoak diren dirulaguntzak edo diru-kopuruak eska ditzaten. Aipatutako urteko deialdia, lanbide Heziketako eta Etengabeko Ikaskuntzako sailburuordearen erabaki baten bitartez egingo da eta bertan ekitaldi ekonomiko bakoitzari dagozkion baliabide ekonomikoak, eskabideak aurkezteko eta, horren ondorioz, deialdia erabakitzeko epeak zehaztuko dira.

  2. – Agindu honetan ezarritako prozedura sei hilekoa izango da gehienez ere.

2. artikulua – Urteko deialdian EAEko ofizialki Lanbide Heziketako heziketa zikloak irakasteko baimena duten ikastetxe guztiek, publiko zein itunpeko pribatuek, parte hartu ahal izango dute. Heziketa zikloak Lanbide Heziketako irakaskuntzen eta euren tituluei buruzko jarraibideen sailkapen orokorra ezartzen duen Azaroaren 22ko 447/1994 Dekretuak eta Batxilergoaren arautzea, Lanbide Heziketako irakaskuntzak eta euren tituluei buruzko jarraibideak ezartzen dituen eta ezarketa hau xedatzen duen Apirilaren 29ko 97/1997 Dekretuak arautzen dituzte.
3. artikulua – Lanbide Heziketako heziketa-zikloko eskaintza partziala urteko deialdiari dagokion aldirako onartuko da eta, onartu ondoren, Ikastetxearen Urteko Plangintza sartu egin beharko da, dago(z)kion ikasturte(e)rako.
4. artikulua – Eskaintza partziala zuzendaritza-taldeak egin behar du. Eskaintza horren oinarrian dauden datuak eskaintza partziala oinarritzen den heziketa-zikloekin inplikatuta dauden irakasleenak, edo irakasleek eskuordeturiko batzordearenak, eta/edo zuzendaritza-taldeak bere kabuz emandakoak izango dira.
5. artikulua – 1.– Ikasketa Burutzari dagokio onartzen den eskaintza partziala abian jartzea eta horren jarduerak koordinatzea. Lan horiek Ikasketa Burutzak berak egingo ditu edo, bestela, berak eskuordetzen duen irakasleak, modalitate horretako Prestakuntza koordinatzailea izango dena. Koordinatzaile horrek, aldiro, eskaintzaren eta euren jardueren garapenari buruzko informazioa emango dio Ikasketa Burutzari; orobat, Zuzendaritza Taldearen bileretara joan ahal izango da, gai honekin zerikusia duten gaiak aztertzen direnean.

  1. – Ikastetxeak, antolatzeko duen autonomiaren arabera, koordinatzaileen irakastorduak egokitu ahal izango ditu, eskaintza partzialean duten zereginarekin bateragarriak izan daitezen. Egokitzapena irakastorduen kopuruan eta banaketan egingo da. Horretarako, aintzat hartuko dira ikasturte hasierako zirkularretan azaldutako arauak, dagozkien irakaskuntzetakoak, eta ikastetxearen ordutegi-aukera.

    1. Kapitulua: Eskabideak eta aurkezteko epea

6. artikulua – 1.– Ikastetxe publikoei dagokienez, zuzendariak izango du espedientea hasteko ardura; eta ikastetxe pribatuei dagokienez, legezko ordezkariak. Honako agiri hauek aurkeztu beharko dituzte:

  • Etengabeko Ikaskuntzako zuzendariari zuzendutako eskabidea, ikastetxeko zuzendariak edo legezko ordezkariak izenpetuta eta zigilatuta, eskaintza partziala irakasteko baimena eta dagokion finantzaketa eskatzeko. Eskabide horretan prestakuntza ekintzei buruzko aurrekontua zehaztu behar da.(I. Eranskina).

  • Laburpen-fitxa, ekitaldian garatuko den moduluen eskaintzaren deskribapenarekin; non oinarrizko argibideak jarriko diren (II. Eranskina).

  • Klaustroaren akta; idatziz jasoko da heziketa-zi-kloko eskaintza partziala eta bere jarduerak ezagutzen dituela, eta, halaber, proiektu horrek ikastetxearen barne-antolakuntzan izan dezakeen ondorioaren erantzukizuna bere gain hartzen duela(III. Eranskina).

  • Ordezkaritza Organo Gorenaren akta; idatziz jasoko da eskabidearekin bat datorrela, aurkeztutako eskaintza ezagutzen eta onartzen duela, eta, orobat, hitz ematen duela proiektua egiteko behar diren neurriak hartuko dituela eta Ikastetxearen Urteko Plangintzan sartuko duela, onartzen badute (IV. Eranskina).

    1. – Heziketa-zikloak eskaintza partzialeko modalitatean irakasteko baimen-eskabidearekin batera, eskaintza horri dagokion dirulaguntza eskatuko eta horretarako honako agiri hauek aurkeztu beharko dira:

  • Ikastetxeko zuzendariaren edo legezko ordezkariaren zinpeko aitorpena, xede bereko beste deialdietan izena emango ez duela hitz emateko (V. Eranskina).

  • Itunpeko ikastetxeek zerga-betebeharrak betetzearen ziurtagiria aurkeztuko dute, Ogasun eta Herri Administrazioko sailburuaren 1997ko martxoaren 21eko Aginduan ezarrita dagoen legez (apirilaren 21eko EHAA). Titularra pertsona juridikoa bada, eskatzaileak dirulaguntza hau eskatzeko ahalorde nahikoa duela egiaztatu beharko du.

    1. – Halaber, ikastetxeek eskaintza honen beharrari buruzko txostena aurkeztu beharko dute. Txosten horretan azaldu beharko dute, ikastetxeak eragina duen zonaldean dagokion ekoizpen-sistemaren eta ikasleen beharrekiko eskaintzaren egokitzapena eta, era berean, nola eskaintza horrek osatzen dituen dagoeneko dauden eskaintzak edota bere zonaldeko beste ikastetxe batzuek aurkeztu dituzten eskaintzak.

7. artikulua – 1.– Eskabideak aurkezteko epea hilabetekoa izango da urteko deialdia Euskal Herriko Agintaritzaren Aldizkarian argitaratzen den egunaren biharamunetik, Lanbide Heziketako eta Etengabeko Ikaskuntzako sailburuordearen erabakiaren bidez.

  1. – Beharrezko agiriak aurkeztu beharko dira Hezkuntza Saileko ordezkaritzetan edo Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legeak 38.4 artikuluan aurreikusitako bulegoetan.

    1. Kapitulua: Hautaketa eta Ebazteko Prozedura

8. artikulua – Heziketa-zikloetako eskaintza partzialari buruzko proposamenak eta euren prestakuntza-jarduerak hautatu aurretik, begiratuko da ea deialdi honetako baldintzak betetzen dituzten. Baina, aldez aurretik, balioetsi egingo dira baldintzak balioeste teknikorako baremoaren arabera (VI Eranskinean azalduta dagoena). Eranskin horren arabera, 50 puntu gutxienez lortuko dituzten proposamenenei besterik ez zaie emango baimena.

Ikastetxe batek aurkeztu duen proposamena onartzen bada diruz ere lagunduko da, Agindu honetan ezartzen diren irizpideen arabera.

9. artikulua – Aurreko artikuluan aipatutako hautaketa xede horretarako sortutako Ebaluazio-Batzordeak egingo du. Batzorde horretan ondoko kideok egongo dira:

  • Etengabeko Ikaskuntzako teknikari bat; burua izango dena.

  • Lurralde Ordezkaritza bakoitzeko teknikari bat, Lanbide Heziketa eta Etengabeko Ikaskuntzako Sailburuordetzak izendatutakoa

  • Lanbide Heziketako ikuskatzaile koordinatzaile bat.

  • Lanbide Heziketako Zuzendaritzako ordezkari bat.

  • Etengabeko Ikaskuntzako Zuzendaritzako teknikari bat, idazkari-lanean jardungo duena.

10. artikulua – Ebaluazio Batzordeak (Agindu honetako 9. artikuluan aurreikusita dagoena) baimenduko diren heziketa-zikloko eskaintza partzialeko proposamenak hautatuko ditu eta bakoitzari emango zaion dirulaguntza zehaztuko du.
11. artikulua – 1.– Agindu honetan arautzen den erabakiaren ebazpena Etengabeko Ikaskuntzako zuzendariari dagokio, Ebaluazio Batzordearen proposamena aztertu ondoren. Hartutako ebazpena interesatuei jakinaraziko zaie Euskal Herriko Agintaritzaren Aldizkarian argitaratuz, agindu honen 1.3 artikuluan prozedurarako gehienez ere jasotako epearen barruan.

  1. – Administrazio bidea agortzen ez duen ebazpen horren aurka gorako errekurtsoa aurkeztu ahal izango zaio Lanbide Heziketako eta Etengabeko Ikaskuntzako sailburuordeari, berau argitaratzen den egunaren biharamunetik aurrera, hilabeteko epean.

  2. – Artikulu honetako 1. idatz-zatian aipatutako epea igarota, ez bada argitaratzen deialdi honen ebazpena, interesatuek bere eskaria ezetsi dela jo ahal izango dute, gerora urtarrilaren 13ko 4/1999 Legearekin aldatutako Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 44.1 artikuluan jasotako ondorioetarako.

    1. Kapitulua: Jarraipena eta Ebaluazioa.

12. artikulua – Baimendutako heziketa-zikloko eskaintza partzialak eta horretarako dirulaguntza jaso duten ikastetxeek euren prestakuntza-ekintzak, onartutako baldintzak betez, gauzatuko dituztela bermatzeko, Etengabeko Ikaskuntzako Zuzendaritzak hauen segimendua egingo du, Hezkuntza Ikuskaritzaren bidez.
13. artikulua – 1.– Ikastetxe onuradunek azken txosten bat egingo dute, gastuen justifikazioa barne delarik, baimena eta dirulaguntza jaso duten eskaintzari emaitza partzialei eta garapenari buruz, aurkeztutako eskaintzan aurreikusitako helburuetan oinarrituz. Aipatutako memoriak, bi aletan, dagokien Lanbide Heziketako Lurralde-Unitateari igorriko zaizkio, urteko deialdia egingo den ekitaldiko abenduaren 31 baino lehen, VII. Eranskinaren arabera.

  1. – Itunpeko ikastetxeei dagokienez, egindako gastuen agiri zurigarri guztiak (jatorrizko erreziboak, fakturak...) txostenean sartu beharko dira, legez onartu badira, eta emandako dirulaguntzari badagozkio. Diru-kopuru horien onuradunak ikastetxe publikoak badira, eskatutako agirien ordez, Ordezkaritza Organo Gorenaren ziurtagiria aurkeztu ahal izango da, hain zuzen, jasotako diru-kopuruarekin egindakoaren ziurtagiria. Esan bezala, ziurtagiri horiek frogagiri originalak ordezkatuko ditu. Frogagiriak ikastetxeetan geratuko dira, administrazio eskudunaren kontrol ekonomikoaren organoen eskura

14. artikulua – Ekitaldia amaitzean, ikastetxeek bidalitako memorian oinarrituta edo beharrezkoa den beste edozein datu zein txostenetan oinarrituta, dagokien Lanbide Heziketako Lurralde-Unitateak ondoko agiriak igorriko dizkio Etengabeko Ikaskuntzako Zuzendaritzari:

  • Ikastetxeen zerrenda; zerrenda horretan onartutako proposamenetan aurreikusitako helburuak zenbateraino bete diren zehaztuko da, eta gutxieneko helburuak lortu ez badira, aipatu egingo da espresuki.

  • Parte hartu duten ikasle-kopuruari eta ikasleek izan dituzten emaitzei buruzko txostena, heziketa-modulu bakoitzeko eta ikastetxeko.

15. artikulua – Irakaste aldian, prestakuntza garatzean, gorabeherarik egongo balitz heziketa-zikloko eskaintza partziala emateko baimena eta dirulaguntza jaso duten ikastetxeetan, dagokien Ikuskaritzako Lurralde-Burutzak egokitzat jotzen duen txostena igorriko dio Etengabeko Ikaskuntzako Zuzendaritzari. Eta, horrenbestez, Zuzendaritza horrek hartu behar diren neurriak hartuko ditu Agindu hau eta gara zezatenak behar bezala bete daitezen.

  1. Kapitulua: Dirulaguntza ematea eta baimendutako ikastetxeen

    betebeharrak

16. artikulua – Heziketa-zikloak eskaintza partzial modalitatean irakasteko baimenari dagokion dirulaguntza ezberdina izango da eskaintza bakoitzean proposamenaren balorazioaren arabera; aurkeztutako aurrekontuaren defizitaren %100erainokoa izan ahalko da, beti ere aurrekontuak ematen dituen aukerak kontuan izanik
17. artikulua – Emandako dirulaguntzak ez dira bateragarriak izango xede bereko beste deialdietan lortutako dirulaguntzekin.
18. artikulua – Dirulaguntzaren ordainketa epe bitan egingo da; lehenengoa, jaso beharreko diru guztiaren %80 izango dena, 21 a) artikuluan aipatutako epea igarotakoan egingo da uko egin ez bazaio; eta geratzen den zenbatekoaren bigarren ordainketa memoria aurkeztu eta ebaluatu ostean egingo da, agindu honen 13. artikuluan ezarritako epean eta baldintzapean.
19. artikulua – 1.– Itunpeko ikastetxeei dagokienez, ondoko hauetako baldintzaren bat gertatzen bada, itzuli beharko dituzte dirulaguntza eta aplikatu ostean sortutako legezko interesak:

  1. Burutzen den proiektuaren eta ikastetxe onuradunek aurkeztutako azken memoria ekonomikoaren segimendutik proiektuek gutxienez erabakitako helburuak lortzen ez dituztela ondorioztatzea.

  2. Agindu honetan eta Agindua garatuko duten erabakietan xedatutakoa nola edo hala ez betetzea.

  3. EAEko aurrekontuen kargurakoak diren dirulaguntzen onuradunek dituzten betebeharrak ez betetzea.

    1. – Itzultzeko prozedura 698/1991 Dekretuan, abenduaren 17koan (1992ko otsailaren 17ko EHAA), araututakoa izango da.

20. artikulua – Ikastetxe publikoei dagokienez, gorabehera hauetakoren bat agertzen bada, jasotako diru-kopurua Lurralde Ordezkaritzari itzuli beharko diote; hain zuzen, eurei emango dizkieten aurrerakinetatik kenduko da. Hona hemen gorabeherak:

  1. Burutzen den eskaintzaren eta ikastetxe onuradunek aurkeztutako azken memoriaren segimendutik proiektuek gutxienez erabakitako helburuak lortzen ez dituztela ondorioztatzea.

  2. Agindu honetan eta Agindua garatuko duten erabakietan xedatutakoa nola edo hala ez betetzea.

21. artikulua – Itunpeko ikastetxeak Agindu honetan araututako dirulaguntzen onuradunak badira, ondoko betebeharrak edukiko dituzte:

  1. Emandako dirulaguntza onartzea. Ildo horretan, deialdiaren ebazpena Euskal Herriko Agintaritzaren Aldizkarian argitaratzen den biharamunetik aurrera, hamabost eguneko epean, erakunde onuradunek ez badiote esanbidezko ukapena egiten eta idatziz horren berri ematen ez badute, onartzen dutela ulertuko da.

  2. Dirulaguntza eman duten xede zehatzerako erabiltzea.

  3. Ekonomia Kontrolerako Bulegoari eta EAEko Herri Kontuen Euskal Epaitegiari jakinaraztea eskatzen dioten informazioa, deialdi honen kargurako jasotako dirulaguntzei buruzkoa.

    1. Kapitulua: Lanbide heziketako Heziketa-zikloetarako sarrera-proba gainditzeko prestakuntza

22. artikulua – Agindu honen 2. artikuluari dagozkion ikastetxeek, era berean, Lanbide Heziketako heziketa-zikloetarako sarrera-proba prestatzeko prestakuntza aldiak antolatzeko baimena eta dirulaguntza eskatu ahal izango dute. Prestakuntza hori Lanbide Heziketako heziketa-zikloak eskaintza partzial modalitatea arautzen duen 2002ko abenduaren 5eko Aginduaren 2. atalaren zehazten diren pertsonentzat izango da.
23. artikulua – Lanbide Heziketako heziketa-zikloetarako sarrera-proba prestatzeko prestakuntza-aldiak antolatzeko baimena eta dirulaguntza lortzeko baldintzak eta betebeharrak izango dira Agindu honen aurreko artikuluetan zehazten direnak.
24. artikulua – Ikastetxeek Agindu honen 6. artikuluari dagozkion I. eta II. Eranskinetan eskatutako Lanbide Heziketako heziketa-zikloetarako sarrera-proba prestatzeko prestakuntza-aldiei dagozkien zehaztasunak, betiere Lanbide Heziketako heziketa-zikloak eskaintza partzial modalitatea arautzen duen 2002ko abenduaren 5eko Aginduaren 17.2 artikuluan ezartzen dena kontuan hartuta.

  1. Kapitulua: Baliabide ekonomikoak

25. artikulua – Agindu honen xedea betetzeko jartzen diren bitarteko ekonomikoak Euskadiko Autonomia Erkidegoaren Aurrekontu Orokorrean berariaz ezarritako kredituetatik etorriko dira. Aurrekontu-ekitaldi bakoitzean emango diren dirulaguntzen guztirako kopurua ez da izango bertan horretarako zinpetutakoa baino handiagoa, ez eta indarreko legeriarekin bat etorriz aurrekontu-aldaketak onesten direnean egiten den egunerapen ondoriozkoa baino handiagoa ere. Inguruabar horren berri emateko, Administrazio eta Zerbitzuen sailburuordeak administrazio ebazpena emango du, urteko erabakia hartu baino lehen; bertan, aldarazpenaren data agertuko da, baita zenbateko berria ere.
AZKEN XEDAPENAK
Lehenengoa. Agindu honek aurreikusi ez duenari dagokionez, 30/1992 Legea hartuko da aintzat (azaroaren 26koa, Herri Administrazioen Araubide Juridikoarena eta Administrazio Prozedura Erkidearena, urtarrilaren 13ko 4/1999 Legeak aldatua zati batean).
Bigarrena. Agindu honen aurka, aukerako berraztertzeko errekurtsoa jarri ahal izango da Hezkuntza, Unibertsitate eta Ikerketa sailburuaren aurrean, hilabeteko epean. Halaber, administrazioarekiko auzi-errekurtsoa egin ahal izango da, EAEko Justizia Auzitegi Nagusiaren aurrean, hilabete biko epean. Epe biok Agindu hau EHAAn argitaratu eta hurrengo egunean hasiko dira.
Hirugarrena. Etengabeko Ikaskuntzako Zuzendaritzak beharrezkoak diren ebazpenak erabakitzeko eskumena izango du Agindu honek ezarritakoa behar bezala bete dadin.
Laugarrena. Agindu hau EHAAn argitaratu eta hurrengo egunean jarriko da indarrean.

Vitoria-Gasteiz, 2002ko abenduaren 10a.

Hezkuntza, Unibertsitate eta Ikerketa sailburua,

ÁNJELES IZTUETA AZKUE.I. ERANSKINA

I. ERANSKINA LANBIDE HEZIKETAKO HEZIKETA-ZIKLOAK ESKAINTZA PARTZIALEKO MODALITATEAN IRAKASTEKO ESKABIDEA

IKASTETXEAREN KODEA n n n n n

Jn./And.: NAN zk.: ................

Titular/zuzendari gisa ardurapean duen ikastetxea:

Ikastetxearen helbidea: ......................................... kalea/plaza: ................................. Posta-barrutia:

Telefonoa: ............................ Faxa: ........................... Posta elektronikoa:

ADIERAZPENAK:

Lanbide Heziketako heziketa zikloak eskaintza partzialeko modalitatean irakasteko baimena eta dirulaguntzak emateko .................................................. deialdiaren baldintzak dakizkit.

Ondoko prestakuntza proposamena aurkezten dut

Lanbide arloa Heziketa zikloa Modulua Aurrekontua

Langile-gastuak (*) Funtzionamendua Guztira

(*) Ikastetxe pribatuek soilik

Lanbide Heziketako heziketa zikloak ikasi ahal izateko sarrera-frogarako prestakuntza

Erdi mailako heziketa Modulua Aurrekontua

zikloetarako froga

Langile-gastuak (*) Funtzionamendua Guztira

Goi mailako heziketa Modulua Langile-gastuak (*) Funtzionamendua Guztira

zikloetarako froga

(*) Ikastetxe pribatuek soilik

Aurkeztutako eskaintza emateko baimena eta .................. eurotako dirulaguntza eskatzen dut.

Deialdi honetako baldintzak betetzen direla egiaztatzeko behar diren agiriak aurkezten ditut, alegia, jatorrizko agiriak eta kopia bi

n Eskaintzari buruzko laburpen-fitxa(II. eranskina)

n Klaustroaren akta (III. eranskina).

n Ordezkaritza Organo Gorenaren Akta (IV. eranskina)

n Zuzendariaren Zinpeko Aitorpena (V. eranskina).

n Eskaintzaren beharra justifikatzeko txostena (6.2 artikulua).

n Bestelakoa

ESKARIA:

Eskatutako baimena eta dirulaguntza ematea.

...................n, ........ko ...............ren ......an.

(sinadura eta zigilua)

ETENGABEKO IKASKUNTZAKO ZUZENDARI JAUNA

II. ERANSKINA (atzealdea)

LABURPEN FITXA (Datu zehatzak)

Lanbide arloa Heziketa zikloa Maila (E/G) Modulua Irakasten duen irakaslea B/K Asteko irakasten duen Ikasle kopurua

(Izena eta abizenak) ordu kopurua

(D) Behin betikoa

(P) Behin-behinekoa

Lanbide Heziketako heziketa-zikloetarako sarrera-froga Irakasten duen irakaslea B/K Asteko irakasten duen Ikasle kopurua

prestatzeko prestakuntza (Izena eta abizenak) ordu kopurua

Erdi mailako zikloak Modulua

Goi mailako zikloak Modulua

(D) Behin betikoa

(P) Behin-behinekoa

III. ERANSKINA KLAUSTROAREN AKTA

...................................................................ko irakasleen klaustroak bilkura berezia egin du gaur, .......ko ................aren ......(e)an, eta ondokoa adierazi du, funtzionamendurako bete behar diren legezko baldintzak betez, eta Euskal Autonomi Erkidegoko ikastetxeei Lanbide Heziketako heziketa zikloak eskaintza partzialeko modalitatean irakasteko baimena eta dirulaguntza emateko deialdiaren legezko baldintzen arabera (....ko ............aren ......(e)ko Erabakian ezarritakoak): irakasle guztiek aurkeztutako eskaintza eta osatzen duten moduluen berri dutela. Orobat, irakasle guztiek bere gain hartzen dutela proiektu horrek ekar ditzakeen ondorioak, hala irakasle bakoitzari partehartzaile izateagatik dagozkionak, nola ikastetxearen barne-antolaketari dagozkionak

............................n, .......ko ..........aren .....(e)an

KLAUSTROKO LEHENDAKARIA

(sinadura eta zigilua)

IV. ERANSKINA ORDEZKARITZA ORGANO GORENAREN AKTA

..................................................................................ko Ordezkaritza Organo Gorenak bilkura berezia egin du gaur, 2002ko ...................aren ......(e)an. Bilkuran ondokoak egon dira gurasoen ordezkaritzan: __________________________________

________________________________________________________________________________________;

irakasleen ordezkaritzan: ______________________________________________________________________

_________________________________________________________________________________________;

ikasleen ordezkaritzan: ____________________________________________________________________

_________________________________________________________________________________________;

irakasle ez diren langileen ordezkaritzan: ________________________________________________________

______________________________________________________________________________________;

eta zuzendari gisa: _________________________________________________________________________

Horrenbestez, Organo honek, Euskal Autonomi Erkidegoko ikastetxeei Lanbide Heziketako heziketa zikloak eskaintza partzialeko modalitatean irakasteko baimena eta dirulaguntza emateko deialdiaren legezko deialdien baldintzak betetzen dituenak (......ko ...............aren .....ko Erabakia), hitz ematen du neurriak hartuko dituela aipatutako proiektua egiteko, eta urteko plangintzan sartuko duela (onartua izango balitz). Orobat, ondokoak izendatzen ditu koordinatzaile:

............................................................, nik ordezkatzen dudan klaustroko irakasleak direnak.

......................(e)n, .......ko .............aren ....(e)an

ORDEZKARITZA ORGANO GORENEKO ZUZENDARIA

(sinadura eta zigilua)

V. ERANSKINA ZINPEKO AITORPENA

___________________________________________________________________________ Jaunak/Andreak

_________________________________________________________________________________________

ikastetxearen titular/zuzendari den aldetik,

ZINPEAN AITORTZEN DUT: ikastetxea ez dagoela sartuta xedetzat __________________________ __________________ heziketa-zikloak eskaintza partzialeko modalitatean emateko edota Lanbide Heziketako heziketa-zikloetarako sarrera-proba prestatzeko dirulaguntzak ematea daukaten Hezkuntza, Unibertsitate eta Ikerketa Saileko beste deialdietan.

.....................(e)n, .......ko ............aren ....(e)an

Zuzendaria/titularra

(Izena eta sinadura)

VI. ERANSKINA ESKAINTZAK BALIOESTE TEKNIKOA EGITEKO BAREMOA

  1. Ikastetxeak eragina duen zonaldean, dagokion ekoizpen-sistemaren beharrei eskaintzaren egokitzapena: 30 puntu gehienez

  2. Aurkeztutako eskaintza ikastetxearen eragina duen zonaldean dagoeneko dauden eskaintzen edo beste ikastetxe batzuek aurkezten dituztenen osagarri den neurria: 20 puntu gehienez

  3. Ikasleen beharrekiko eskaintzaren zerikusia: 20 puntu gehienez

  4. Ikastetxearen funtzionamendua kontuan hartuta, eskaintzaren bideragarritasuna: 20 puntu gehienez

  5. Eskatutako aurrekontuaren egokitasuna: 10 puntu gehienez

VII. ERANSKINA AZKEN MEMORIA EGITEKO GIDOIA

  1. – Eskaintzaren testuinguruaren ezaugarri orokorrak eta bereziak.

  2. – Eskaintzaren helburuak bete diren:

    Hasieran proposatutako helburuak.

    Proiektua amaitzean lortutako helburuak.

  3. – Eskaintza garatzean egin diren aldaketak, hain zuzen, ondokoetan izan direnak:

    Metodologia.

    Antolakuntza.

    Egutegia.

  4. – Irakaste ibilaldian erabili den ebaluazio-prozesuaren sintesia.

  5. – Ondorioak:

    Eskaintzaren lorpenak.

    Ikastetxean izan duen eragina.

  6. – Eskaintza irakatsi duten irakasleak, beraien egoera administratiboa eta horretarako erabili duten ordutegia

  7. – Izena eman zuten irakasleak, bukatu aurretik utzi zutenen kopurua eta horren zergatiak eta prestakuntza bukatu zutenek lortutako emaitzak

  8. – Gastuen justifikazioa.

Gaiarekin lotutako edukiak


Arauaren historia

Eskumenak eta transferentziak

Ez dago lotutako edukirik.

Garrantzi juridikoko dokumentazioa

Ez dago lotutako edukirik.