Arreta Soziosanitarioa

Babes ofizialeko etxebizitzen erregimenari eta etxebizitzaren eta lurzoruaren inguruko finantza-neurriei buruzko 306/2000 Dekretuaren 16. artikuluko 1.b idatz-zatia garatzea da agindu honen xedea. Honek, ekintza babesgarrien artean, eskuratzaileak babes ofizialeko etxebizitzak eta bizileku iraunkor eta ohiko moduan erabiltzeko etxebizitza libre erabiliak eskuratzea ezartzen du.

Agindu honetan araututako finantza-neurrien xede diren ekintza babestuak ondoko hauek dira:

1. – Babes ofizialeko etxebizitzen erosketa.

2. – Etxebizitza libre erabiliaren erosketa.

1. – Babes ofizialeko etxebizitzen erosketak, lehen eskualdaketan, bigarrenean zein ondorengoetan, finantzaketa kualifikatua izan dezake (hipoteka-maileguarekin).

2. – Finantzaketa kualifikatua lortzeko baldintzak:

   1. Babes ofizialeko etxebizitzaren onuradun izateko ezarritako baldintza guztiak exijitu ahal izango dira, bizilekuari dagokiona izan ezik. Bigarren eskualdaketen eta ondorengoen kasuan, sarrerak egiaztatzeko zenbatu beharreko ezarpen-aldia finantza-neurrien eskaera egiten deneko dataren aurrekoa izango da (Pertsona Fisikoen Errentaren gaineko Zergaren aitorpena aurkezteko epea amaiturik).

   2. Pertsona fisikoek bizileku iraunkor eta ohiko gisa erabiltzeko etxebizitza bakarra eta ordain truke eskuratzen dutenean soilik lortu ahal izango dute finantzaketa kualifikatua.

1. – Etxebizitza libre erabiliaren erosketak itzuli beharrik gabeko diru-laguntzak jaso ahal izango ditu.

2. – Etxebizitza libre erabilitzat eskualdatzaile gisa sustatzaileaz bestelako pertsona bat duena hartzen da edo, eskualdatzailea sustatzailea bera izanik ere, eraikuntza amaitu ondoren eta jabeak, gozamen-eskubide errealen titularrek edo erosteko aukerarik gabeko errentariek bi urteko epean etengabe erabili ondoren eskuratzen dena, betiere eskuratzailea adierazitako epean etxebizitza erabili duenaz bestelako pertsona bat bada.

3. – Itzuli beharrik gabeko diru-laguntza lortzeko baldintzak:

   1. Babes ofizialeko etxebizitzaren onuradun izateko ezarritako baldintza guztiak exijitu ahal izango dira, bizilekuari dagokiona izan ezik. Erreferentzia-data eskaerarena izango da eta ondoko berezitasunak egongo dira:

      • Familia ugarien etxebizitza-gabezia egiaztatuta geratuko da etxebizitza bakarra bada eta familia ugariko kide bakoitzeko gutxienez 12 m2-ko azalera erabilgarria ez badu.

      • Gutxieneko sarreren egiaztapena ez da exijituko.

   2. Pertsona fisikoek bizileku iraunkor eta ohiko gisa erabiltzeko etxebizitza bakarra eta ordain truke eskuratzen dutenean soilik lortu ahal izango dituzte zuzeneko diru-laguntzak.

   3. Tasazio-balioa eta etxebizitzen eta hauei lotutako eranskinen salmenta-prezioa ondokoa izango da gehienez ere:

      • Lurralde Historikoetako hiriburuetan: 2.105 euro/m2 erabilgarri, gehieneko prezioa 174.300 eurokoa izanik.

      • Eranskinean adierazitako udalerrietan: 1.985 euro/m2 erabilgarri, gehieneko prezioa 162.275 eurokoa izanik.

      • Gainerako udalerrietan: 1.805 euro/m2 erabilgarri, gehieneko prezioa 150.255 eurokoa izanik.

      • Nolanahi ere, udalerria edozein izanik ere, Birgaitze Integratuko Areetan kokatutako etxebizitzetarako eta familia ugariak osatzen dituzten eskatzaileentzako gehieneko prezioa 210.355,00 eurokoa izango da.

        Tasazio-balio hori dagokion Lurralde Ordezkaritzako Zerbitzu Teknikoek finkatuko dute eta eskatzaileak Finantza Erakundeen tasazio-zerbitzuek edo horretarako sortutako Erakunde espezializatuek egindako txostena aurkeztu beharko du, hipoteka-merkatua arautzen duen martxoaren 25eko 2/1981 Legea garatzen duen martxoaren 17ko 685/1982 Errege Dekretuan adierazitakoari jarraiki.

   4. Etxebizitzari lotu gabeko eranskinen erosketak ez du itzuli beharrik gabeko diru-laguntzarik jasoko.

   5. Ondare urbanizatua eta eraikia birgaitzeko jarduera babestuei buruzko 308/2000 Dekretuaren Eranskinean adierazitako bizigarritasun-baldintzak betetzen ez dituzten etxebizitza libre erabiliak eskuratzeko diru-laguntzen emakida eskuratzaileak urtebeteko gehieneko epean (salerosketa-kontratuari oniritzia ematen zaionetik aurrera kontatzen hasita) birgaitze-proiektua aurkeztearen baldintzapean geratuko da. Proiektu horren gauzatzea ondare urbanizatu eta eraikiaren birgaitze-arloan ezarritako finantza-neurrien bitartez babestu ahal izango da.

      Birgaitze-proiektu hori adierazitako epean ez aurkezteak edota obren amaierako ziurtagiria kontratuari oniritzia eman eta bi urteko epean ez aurkezteak jasotako onura ekonomiko guztiak hauei dagozkien interesekin (indarrean dagoen legezko tasaren arabera) itzuli beharra ekarriko du.

   6. Etxebizitza libre erabilien edo hauei lotutako eranskinen azalera babes ofizialeko etxebizitzetarako oro har ezarritakoa izango da, familia ugariek eskuratzen dituzten edo Birgaitze Integratuko Areetan kokatuta dauden etxebizitzen kasuan izan ezik. Kasu hauetan etxebizitzaren azalera erabilgarria 120 m2-koa izan daiteke.

4. – Hirigintza-mailan antolamenduz kanpoko gisa kalifikatuta dauden etxebizitzak lortzeko eskaerek ez dute diru-laguntzarik jasoko, lurzoruari eta hiri-antolamenduari buruz indarrean dagoen araudian xedatutakoari jarraiki.

5. – Jasotako finantza-neurrien bidez eskuratzen diren etxebizitza libre erabiliak ezin izango dira eskualdatu 10 urteko epean (salerosketa-eskritura publikoa formalizatzen den egunetik aurrera kontatzen hasita), Administrazioari jasotako laguntza eta honi dagozkion legezko interesak itzultzen ez bazaizkio. Ondorio hauetarako, ezkontza-banantzeen edo dibortzioen ondorioz etxebizitza osoa titularkide bati esleitzea ez da eskualdaketatzat hartuko.

1. – Maileguaren ezaugarriak

   1. Gehieneko kopurua etxebizitzaren salmenta-prezioaren %80koa izango da.

      Etxebizitza-beharrari buruzko Aginduan ezarritakoari jarraiki, eskatzailea beste etxebizitza baten titularra denean maileguaren gehieneko kopurua ondokoa izango da:

      1. – Finantza-neurriak eskatuta eskuratu nahi den etxebizitzaren eta, hala badagokio, eranskinen prezioaren eta hondamen-egoeran dagoen etxebizitzaren tasazio-balioaren arteko diferentziaren %80koa.

      2. – Finantza-neurriak eskatuta eskuratu nahi den etxebizitzaren eta, hala badagokio, eranskinen prezioaren eta desjabetze-espedientean erabakitako balio justuaren kopuruaren arteko diferentziaren %80koa.

      3. – Finantza-neurriak eskatuta eskuratu nahi den etxebizitzaren eta, hala badagokio, eranskinen prezioaren eta gutxieneko bizigarritasun-baldintzak betetzen ez dituen etxebizitzaren tasazio-balioaren arteko diferentziaren %80koa.

      4. – Eskuratzen den etxebizitza-zatiaren eta, hala badagokio, eranskinen salmenta-prezioaren %80koa, eskatzailea titularkidea izanik etxebizitzaren jabari osoa eskuratzeko finantza-neurriak eskatzen direnean.

      5. – Finantza-neurriak eskatuta eskuratu nahi den etxebizitzaren eta, hala badagokio, eranskinen prezioaren eta finantza-neurrien eskatzaileak jabetzan duen etxebizitzaren salmenta-prezioaren arteko diferentziaren %80koa, eskatzaileen artean bizikidetza-unitateko kidea den eta mugigarritasun mugatu iraunkorreko minusbaliotasuna duela egiaztatzen duen pertsona bat dagoenean.

   2. Amortizazio-epea 20 urtekoa izango da, 2 urteko hautazko gabealdia barne hartuta.

   3. Mailegua hipoteka bidez bermatuko da eta, hala badagokio, kreditu erakundeek mailegariari exijitzen zaizkion bermeen bidez.

   4. Garajeen eta trastelekuen azalera erabilgarria mailegu kualifikatuaren gehieneko kopurua finkatzeko kontuan hartuko da.

      Erregistroaren arabera babes ofizialeko etxebizitzari edo etxebizitza libre erabiliari lotutako eranskinen kasuan, maileguaren m2 erabilgarri bakoitzeko gehieneko kopurua eranskinaren salmenta-prezioaren %60koa izango da.

      Babes ofizialeko etxebizitzari lotu gabeko eranskinek beren salmenta-prezioaren %30eko mailegua izango dute.

      Garajeen eta/edo trastelekuen eskuratzaileek ez dute finantzaketa kualifikaturik jasoko garaje eta trasteleku horien eraikin, eraikuntza-unitate edo sustapen berean kokatutako babes ofizialeko etxebizitza bat eskuratzen ez dutenean.

   5. Martxoaren 25eko 2/1981 Legean aurreikusitako ondorioetarako, etxebizitzak eta eranskinak eskuratzeko maileguen kopurua etxebizitzaren eta eranskinen tasazio-balioaren %80koa izango da gehienez ere.

2. – Subrogazioa edo zuzeneko mailegua

1. – Eskuratzailearentzako mailegua zuzenean edo mailegu kualifikatuaren hipoteka-kargaren ordainketan sustatzailea subrogatuz eman ahal izango da.

2. – Eskuratzaileari subrogazio bidez egindako maileguak, eraikuntza amaitu ondoren eskurapena salerosketa edo esleipen eskritura publikoaren bitartez formalizatzen denean, gabealdia eta aldi horri dagozkion interesen ordainketa eteten du.

   Eskuratzaileak, eskrituraren bidez, hipotekaren ondoriozko erantzukizunekin eskuratuko du etxebizitzaren jabetza eta eskrituraren datatik aurrera hasi beharko du hipoteka-kreditua amortizatzen. Horretarako, eskritura Kreditu Erakundeari jakinaraziko zaio sustatzaileak ordaindu beharreko lehen kopiaren bidez.

   Hipoteka Legearen 118. artikuluan xedatutakoari jarraiki eskuratzailea hipoteka-erantzukizun horretan ez ezik horrekin bermatutako betebehar pertsonalean ere subrogatuko dela ituntzen bada, betebehar horretan ere subrogatuko da Kreditu Erakundeak espresuki edo tazituki adostasuna adierazten badu.

3. – Mailegu kualifikatuen zuzeneko emakidak berariazko ondoko baldintzak betetzea eskatuko du:

   1. Etxebizitzaren sustatzaile/saltzailearen eta eskuratzailearen artean salerosketa-kontratua edo esleipen-dokumentua ikus-onetsia behar bezala jaso ondoren eta eskritura publikoan formalizatu izana.

   2. Sustatzaile/saltzaileak etxebizitza bererako kreditu kualifikatua jasotzen duenean kreditu hori eskuratzailearentzako mailegua eman aurretik baliogabetzea.

   3. Salerosketa edo esleipen kontratuaren ikus-onetsiaren eta babes ofizialeko etxebizitzen behin betiko kalifikazioa lortzen direnetik Kreditu Erakundean mailegu kualifikatuaren eskaera bideratu arte 6 hilabete ez igarotzea. Mailegu hau urtebeteko epean formalizatu beharko da gehienez ere.

1. – Itzuli beharrik gabeko diru-laguntzaren kopurua Agindu honen 4. artikuluan adierazitako tasazio-balioaren gainean kalkulatuko da, salmenta-prezioa baxuagoa denean izan ezik, kasu horretan prezio horren arabera kalkulatuko baita. Portzentajeak ondokoak izango dira:

   Oro har: %9.

   • Birgaitze Integratuko Areetan kokatutako etxebizitzen edo 35 urtetik beherakoez osatutako bizikidetza-unitateen kasuan: %10.

   • Familia ugarien kasuan: %10 gehi 600,00 euro seme-alaba bakoitzeko (hirugarrenetik aurrera, hau barne).

     Nolanahi ere, kopuru horrek ezin izango ditu gainditu sarrera ponderatuen araberako gehieneko ondoko mugak:

     SARRERA PONDERATUAK MUGA OROKORRA BIA-ETAN KOKATUTAKO FAMILIA UGARIEN MUGA

     ETXEBIZITZEN EDO 35

     URTETIK BEHERAKOEN MUGA

     ≤ 33.055,67 euro 4.210,00 euro 5.410,00 euro 6.010,00 euro

     ≤ 27.045,54 euro 6.010,00 euro 7.215,00 euro 7.815,00 euro

     ≤ 21.035,42 euro 8.415,00 euro 10.220,00 euro 11.420,00 euro

     ≤ 15.025,30 euro 13.225,00 euro 15.025,00 euro 16.830,00 euro

     ≤ 9.015,18 euro 15.625,00 euro 17.430,00 euro 21.000,00 euro

2. – Eskatzaileek aldi berean aurreko paragrafoan adierazitako hainbat portzentajeren onuradunak izateko beharrezkoak diren baldintzak betetzen badituzte, onuragarriena besterik ez zaie aplikatuko.

1. – Finantza-neurriak emateko prozedura Ordezkaritzari eredu ofizialean egindako eskaeraren bidez hasiko da eta eskabideari ereduan agertzen den dokumentazioa erantsiko zaio. Eskabidea salerosketa-eskritura publikoa formalizatu aurretik aurkeztu beharko da, Agindu honen lehen xedapen iragankorrean xedatutakoaren kaltetan izan gabe.

   Nolanahi ere, organo eskudunaren iritziz egindako eskaera ebazteko beharrezkoa den beste edozein dokumentu eskatu ahal izango da.

2. – Eskabidearekin batera salerosketa-kontratuak edo esleipen-dokumentuak aurkeztu beharko dira eta, bertan, etxebizitzaren eskuratzaileak eta bere bizikidetza-unitateko guztiek bizileku eta ohiko gisa erabiltzeko eta ematen zaienetik hiru hilabeteko epean bertan bizitzen hasteko konpromisoa hartzen dutela jasoaraziko da espresuki eta nahitaezko klausula gisa. Gainera, bertan bizi direla egiaztatu beharko dute dagokion udal-ziurtagiriaren bidez. Egiaztagiri hau adierazitako hiru hilabeteko epean aurkeztu beharko da dagokion Lurralde Ordezkaritzaren aurrean.

   Betebehar hau ez betetzeak jasotako laguntza galtzea eta, hala badagokio, kopurua itzuli beharra ekarriko du dagokion administrazio-espedientearen ondoren.

3. – Interesatuek etxebizitza berbera eskuratzeko aurkeztutako finantza-neurrien bigarren eskaerak edo hurrengoak ez dira onartuko, Agindu honen lehen Xedapen Iragankorrean kontuan hartutako aurreikuspenen babesean egiten direnak izan ezik.

4. – Finantza-neurriak, nolanahi ere, dagokion Lurralde Ordezkariaren administrazio-ebazpen bidez emango dira.

5. – Administratiboki onartutako finantza-neurriak aldez aurretik eskritura publikoa formalizatu ondoren eta Euskal Autonomia Erkidegoko Administrazioarekin berariazko finantza-hitzarmena izenpetu duten Finantza Erakunderen baten bitartez jasoko dira. Horretarako, Lankidetza Hitzarmena izenpetu duten Kreditu Erakundeetako edozeinetara joan beharra dago 3 hilabeteko epean, hurrengo atalean ezarritako egunetik aurrera kontatzen hasita.

6. – Finantza-neurrien onuraduna den eskuratzaileak dagokion eskritura publikoa aurkeztu beharko du Lurralde Ordezkaritzan, 3 hilabeteko epean ondokoetatik aurrera kontatzen hasita:

   • laguntza ematen edo onartzen duen ebazpena jakinarazten denetik aurrera, etxebizitza erabiliak eta babes ofizialeko etxebizitzen bigarren eskualdaketak edo ondorengoak direnean.

   • behin betiko kalifikazioa eman dela jakinarazten denetik aurrera, babes ofizialeko etxebizitzen lehen eskualdaketetan.

     Eskritura publiko horretan eskabidean edo salerosketa-kontratu pribatuan adierazitako datuekin kontraesanean dauden funtsezko datuak jasotzeak onartutako laguntzak baliogabetzea ekar dezake.