Osasun Saila

Ongizate, Gazteria eta Erronka Demografikoaren Saila

Arreta Soziosanitarioa

Osasun Saila / Ongizate, Gazteria eta Erronka Demografikoaren Saila

Arautegia

Inprimatu

AGINDUA, 2002ko urtarrilaren 22koa, Ogasun eta Herri Administrazio eta Lurralde Antolamendu eta Ingurumen sailburuena, Lurralde Antolamendu eta Ingurumen Saileko kontratazio-mahaia sortzeko dena.

Identifikazioa

  • Lurralde-eremua: Autonomiko
  • Arau-maila: Agindua
  • Organo arau-emailea: Ogasun eta Herri Administrazio Saila; Lurralde Antolamendu eta Ingurumen Saila
  • Jadanekotasuna-egoera: Indargabetua

Aldizkari ofiziala

Deskargatu (PDF)

  • Aldizkari ofiziala: EHAA (Euskal Herria)
  • Aldizkari-zk.: 33
  • Hurrenkera-zk.: 1041
  • Xedapen-zk.: ---
  • Xedapen-data: 2002/01/22
  • Argitaratze-data: 2002/02/15

Gaikako eremua

  • Gaia: Administrazioaren antolamendua; Ogasun eta Ekonomía
  • Azpigaia: Sailak; Ogasun
Deskribapenak

Testu legala

Lurralde Antolamendu eta Ingurumen Sailaren egitura organikoa ezartzen duen azaroaren 20ko 306/2001 Dekretua indarrean jarri ondoren eta Euskal Autonomia Erkidegoko Administrazioan sailak sortu, kendu eta aldatu direnez eta bakoitzaren zereginak eta jarduera-alorrak finkatu direnez, nahitaezkoa da Lurralde Antolamendu eta Ingurumen Sailaren kontratazio-mahaia sortzea, Euskal Autonomia Erkidegoko Administrazioaren kontratazio-araubideari buruzko ekainaren 5eko 136/1996 Dekretuaren 4. artikuluan ezarritakoa betetzeko.

Ondorioz, Administrazio Kontratazioko Aholku Batzordearen txostena aztertu ondoren, hauxe

XEDATU DU GU:
Artikulu bakarra ¿ Lurralde Antolamendu eta Ingurumen Saileko kontratazio-mahaia.

  1. ¿ Lurralde Antolamendu eta Ingurumen Saileko kontratazio-mahaia sortzen da, Zerbitzu Zuzendaritzari atxikita, bere zereginak bete ditzan. Horren jarduera-eremua ekainaren 5eko 136/1996 Dekretuaren 5. eta 7. artikuluetan daude zehaztuta.

  2. ¿ Hauek izango dira mahai horretako kide:

    1. Lehendakaria: Uren zuzendaria. Kargua hutsik badago, titularra kanpoan edo gaixorik badago edo legezko beste edozein gorabehera gertatuz gero, horren ordez Zerbitzu Zuzendaritzako Langile, Antolamendu eta Gai Orokorretako arduraduna arituko da.

    2. Kontratazio-organoaren ordezkari izango den bokal bat, kontratazio-organoak berak izendatua.

    3. Kontrol Ekonomikoko Bulegoko, Ondare eta Kontratazio Zuzendaritzako eta Informatika eta Telekomunikazio Zuzendaritzako kide bana, horien titularrak izendatuak. Azkenak informatika-ondare eta -zerbitzuei buruzko espedienteetan baino ez du parte hartuko.

    4. Idazkari-bokal-aholkulari juridikoa: Zerbitzu Zuzendaritzako kontratazio-arduraduna. Idazkaritzako eta aholkularitza juridikoko lanak berak egingo ditu eta hitza eta botoa izango ditu. Kargua hutsik badago, titularra kanpoan edo gaixorik badago edo legezko beste edozein gorabehera gertatuz gero, horren ordez Zerbitzu Zuzendaritzako Aholkularitza Juridikoko abokatu bat arituko da.

  3. ¿ 136/1996 Dekretuaren 6. artikuluaren 2. paragrafoak dioenez, banan-banan egin ez diren izendapenak eta agindu honetan aurreikusi ez diren ordezkapenak Lurralde Antolamendu eta Ingurumen sailburuak egingo ditu, agindu honetan beste zerbait xedatu ezik.

XEDAPEN INDARGABETZAILE BAKARRA

Indarrik gabe uzten da Ogasun eta Herri Administrazio eta Lurralde Antolamendu, Etxebizitza eta Ingurugiro sailburuen 1996ko uztailaren 12ko Agindua, Lurralde Antolamendu, Etxebizitza eta Ingurugiro Sailaren kontratazio mahaia sortzeko dena.

AZKEN XEDAPEN BAKARRA

Agindu hau Euskal Herriko Agintaritzaren Aldizkarian argitaratzen den egunaren biharamunean jarriko da indarrean.

Vitoria-Gasteiz, 2002ko urtarrilaren 22a.

Ogasun eta Herri Administrazio sailburua,

IDOIA ZENARRUZABEITIA BELDARRAIN.

Lurralde Antolamendu eta Ingurumen sailburua,

SABIN INTXAURRAGA MENDIBIL.

Gaiarekin lotutako edukiak


Arauaren historia (3)

Eskumenak eta transferentziak

Ez dago lotutako edukirik.

Garrantzi juridikoko dokumentazioa

Ez dago lotutako edukirik.