Arreta Soziosanitarioa

Agindu honen xedea da abenduaren 26ko 306/2000 Dekretuaren, babes ofizialeko etxebizitzen erregimenari eta etxebizitzaren eta lurzoruaren inguruko finantza-neurriei buruzkoaren, 16.1.c) artikulua garatzea. Artikulu horrek babestutako alokairuak eta babestutako alokairuan jartzeko etxebizitzak erostea arautzen du.

1. – Alokairu babestuan jartzeko etxebizitzen eskuratzailetzat joko dira arau honek zehaztutako gutxieneko epean alokairuan lagatzeko kostubidezko tituluaren arabera etxebizitza jabetzan hartzen duten pertsona fisiko edo juridikoak. Epe lotesle hori etxebizitza eskuratzeko eskritura publikoa formalizatzen denetik hasita kontatuko da.

2. – Horri dagokionez alokairu babestutzat joko dira etxebizitzak alokatzeko erregimenaren arabera etxebizitzak merkatuan jartzeko jarduketak, etxebizitzen jabe diren pertsona fisiko nahiz juridikoek gauzatutakoak. Alokairu horiek arau honek ezarritako gutxieneko iraupena izango dute. Epe lotesle hori lehen alokairuaren kontratua bisatzen denean hasiko da.

3. – Etxebizitzen gehienezko azalera erabilgarria 90 m.2-koa izango da. Hala ere, Birgaitze Integratuko Areetako etxebizitzak direnean zenbateko hori 120 m.2 artekoa izan liteke.

   Etxebizitzek dagokien araudian jasotako bizigarritasun-baldintzak bete beharko dituzte. Halaber, etxebizitzek ezingo dute izan antolamenduaren kanpoko gisa kalifikatutakoak.

4. – Ez dira babes daitezkeen jarduketatzat joko lehenengo bi idatz-zatietan aipatutakoak horietatik eratorrirako alokairuaren kontratuetan arau honek ezarritakoak baino txikiagoak diren epeetan errentariei jabetza lortzea ahalbidetzen dieten klausulak barne hartzen direnean.

5. – Etxebizitzak dagozkien lurralde-ordezkaritzetan ezarritako erregistroetan hartuko dira barne. Erregistro horretan adieraziko dira egindako alokairu-kontratuak, horien luzapenak eta arau honek zehaztutako gutxieneko aldian izandako gainerako gertaera juridikoak.

6. – Etxebizitza horietako gehienezko errenta babes ofizialeko etxebizitzen errenta gisa ezarritako gehienezkoa izango da.

   Edonola ere, artikulu honetan jasotako jarduketen titularrek etxebizitza sozialen gehienezko errenta ezarri ahal izango dute etxebizitzen gehienezko errenta gisa. Horrela eginez gero, horrelako kasuetarako ezarritako zuzeneko laguntza ekonomikoen onuradun izan daitezke.

7. – Etxebizitzek ezingo dute izan babes ofizialeko. Salbuespen izango dira alokairu babestuan jartzeko erosi arren honako baldintzak betetzen dituztenak:

   • jabeak pertsona juridikoak izatea.

   • sozietatearen helburuak jarduketa hori barne hartzea.

   • jarduketa babestuan gutxienez 5 etxebizitza hartzea barne.

     Kasu horietan beharrezkoa izango da aurretiaz Sailarekin hitzartzea eta etxebizitzak esleitzeko prozedura Sailak egitea.

1. Etxebizitzak babes ofizialeko etxebizitzen edo, errenta sozialaren kasuan, etxebizitza sozialen onuradun izateko baldintzak betetzen dituzten bizikidetzako unitateei alokatzea.

   Alderdi hauek berariaz zehaztuko dituen esleipen-prozedura hasteko agindua duten kasuak alde batera utzita, honakoak izango dira aintzat hartuko diren aldiak:

   • Diru-sarreren baldintzari dagokionez: alokairuaren kontratua sinatzen den egunaren aurreko zergaldia.

   • Etxebizitzarik ez izateko, etxebizitza sozial edo itundutako sustapeneko etxebizitzaren baten titular ez izateko edo Euskal Autonomia Erkidegoko Administrazioak etxebizitza erosteko ematen dituen laguntzen onuradun ez izateko baldintzei dagokienez: alokairuaren kontratua sinatzen den egunaren aurreko 10 urteak.

2. Gutxienez 5 urteko iraupena izango duten alokairu-kontratuak sinatzea.

3. Urtero, azkeneko hiru hilekoan, txostena aurkeztea dagokion lurralde-ordezkaritzan. Txosten horretan zehaztuko da etxebizitzen egoera. Horrekin batera aurkeztu beharko da alokairu-kontratuen kopia.

4. Zuzeneko dirulaguntzak eta horien interesak ordaindu egingo dira 5 urteak igaro baino lehen gertatzen denean erabilera-aldaketa, data hauetatik hasita:

   • salerosketako eskritura publikoa ematen den egunetik hasita, alokairu babesturako erosten den kasuan.

   • Lehen alokairu-kontratuaren bisatua egiten denetik, alokairu babestuari dagokionean.

     Hala ere, epea 10 urtekoa izango da babes ofizialeko etxebizitzen kasuan.

     Halaber, zuzeneko dirulaguntzak itzuli egingo dira etxebizitzak ez direnean alokairuan lagatzen urtebete baino gehiagoko guztizko epean, aipatutako bost horien barnean (edo elkarren hurrenekoak ez diren bi urtetan aipatutako 10en barruan).

5. Etxebizitzen alokairu babestuaren kasuan ez dira finantza-laguntzak emango horien titularra administrazio publikoa edo erakundezko administrazioa denean, sozietate publikoak eta erakunde autonomiadunak barne.

1. Gehienezko zenbatekoa honakoa izango da:

   • Etxebizitzen kasuan:

     Etxebizitzaren guztizko salmenta-prezioaren %80, babestutako etxebizitzen gehienezko prezioaren arabera kalkulatuta, bisatzeko aurkeztutako salerosketa-kontratuaren perfekzionamenduaren datan.

     Hala ere, onuradunak etxebizitza sozialen gehienezko errenta ezartzea erabaki duenean, maileguaren gehienezko kopuru hori etxebizitza sozialen gehienezko salmenta-prezioaren arabera kalkulatuko da.

     Babes ofizialeko etxebizitzak direnean, maileguaren zenbatekoa etxebizitzaren salmenta-prezioaren %100ekoa izango da.

   • Etxordeen kasuan:

     Etxebizitzei lotutako etxordeen salmentan egotz dakiokeen balioaren %30.

     Babes ofizialeko etxebizitzei lotutako etxordeak direnean, maileguaren zenbatekoa etxordearen salmenta-prezioaren %100ekoa izango da.

2. Amortizazio-epea 20 urtekoa izango da eta aukerako gabeziako 2 urte osagarri izango dira.

3. Amortizazioa eta kreditu-entitatearen interesak barne hartzen dituzten kuotak konstanteak izango dira eta sei hilabetean behin sortuko dira, ordainketa edozein delarik ere.

4. Mailegua hipoteka bidez bermatuko da eta, hala badagokio, kreditu-establezimenduek mailegariari bermeak eskatu ahal izango dizkiote.

1. Alokairu babestuan jartzeko etxebizitza eskuratzen dutenentzako sorotsitako tasa %2koa izango da.

   Hala ere, sosrotsitako interes-tasa %0koa izango da onuradunak erabakitzen badu errentariek ordaindu beharreko gehienezko errenta gisa finkatzea etxebizitza sozialak alokatzeko oro har ezartzen dena.

2. Hedatzea

   Sorospen hori gabezialdian nahiz amortizazioan zehar hedatuko da, betiere etxebizitzen xedeari eusten zaion eta araudian ezarritako baldintzak betetzen diren bitartean.

   Aurreko zenbakietan ezarritako baldintzak egiaztatzen ez direnean, maileguen amortizazioa administrazioak emandako eta baimendutako interes-tasen araberakoa izango da, kasuan kasu, kreditu-establezimenduekin adostutako hitzarmenari jarraiki.

1. – Alokairu babestuan jartzeko etxebizitzen eskuratzaileari emandakoak:

   Babes ofizialeko etxebizitzen salmentaren gehienezko prezioaren %10, bisatzeko aurkeztutako salerosketa-kontratuaren perfekzionamenduaren datan. Kontratu horretan adierazi beharko da erosleak arau honek ezarritako gutxieneko epean etxebizitza alokatzeko konpromisoa egiten duela bere.

   Dirulaguntza etxebizitzaren salmentaren gehienezko prezioaren %15era iritsiko da, onuradunak errenta soziala ezartzea erabakitzen badu. Kasu horretan, etxebizitzaren salmentaren gehienezko prezioa etxebizitza sozialen gehienezko prezioaren arabera kalkulatuko da.

   Dirulaguntza hori etxebizitzako lehen alokairu-kontratua bisatzeko aurkezten denean jasoko da, egindako salerosketaren eskritura publikoa formalizatzen denetik hiru hilabete igaro baino lehen.

   Birgaitze Integratuko Areetako etxebizitzak direnean 5 puntu handitu ahal izango dira adierazitako ehuneko horiek.

2. – Alokairu babestua:

   Babes ofizialeko etxebizitzen salmentaren gehienezko prezioaren %4, lehen alokairu-kontratua sinatzeko garaian. Dirulaguntza horren zenbatekoa ez da inoiz izango 500.000 PTA (3.005,06 euro) baino gehiagokoa.

   Dirulaguntza etxebizitzaren salmentaren gehienezko prezioaren %8ra iritsiko da, onuradunak errenta soziala ezartzea erabakitzen badu. Kasu horretan, etxebizitzaren salmentaren gehienezko prezioa etxebizitza sozialen gehienezko prezioaren arabera kalkulatuko da.

   Dirulaguntza hori dagokion lurralde-ordezkaritzak lehen alokairu-kontratua bisatu ondoren jasoko da.

   Birgaitze Integratuko Areetako etxebizitzak direnean 5 puntu handitu ahal izango dira adierazitako ehuneko horiek.

1. Alokairuan lagatzeko etxebizitza eskuratzeko.

   1. – Espedienteari eskaeraren bidez ekingo zaio (eskaera eredu ofizialaren arabera egingo da lurralde-ordezkaritzan edo, hala badagokio, hitzarmen-eskaria aurkeztuko da Sailean). Eskaerarekin batera honako agiriak aurkeztuko dira:

      1. Eskatzailearen nortasuna egiaztatuko duena eta, hala badagokio, eskatzailea noren ordezkari den adierazten duena.

      2. Etxebizitza, arauan ezarritako baldintzen arabera, alokairu babestuan jartzeko konpromisoa. Errentariak ordaindu beharreko gehienezko errenta adieraziko da.

      3. Salerosketaren kontratua edo esleipenaren agiria.

      4. Egindako eskariaren inguruko erabakia hartzeko eskumena duen organoak beharrezkotzat jotzen duen beste edozein.

         Lagapenaren agirian berariaz eta nahitaezko klausula gisa adieraziko da etxebizitza eskuratzen duenak bere egiten duela etxebizitza gutxienez 5 urteko aldian (edo 10 urtean etxebizitza babes ofizialekoa bada) alokatzeko konpromisoa.

   2. – Finantziazio kualifikatua eta zuzeneko dirulaguntzak onartzea edo ukatzea, onartutako maileguaren gehienezko zenbatekoa zehaztearekin batera. Hori, edozein kasutan, lurralde-ordezkariaren administrazio-erabakiaren bidez egingo da.

      Eskaera aurkeztu eta hiru hilabeteko epean lurralde-ordezkaritzaren berariazko erabakirik ez bada, ez dela onartu ulertuko da.

   3. – Finantziazio kualifikatua eta administratiboki onartutako sorospena lortzeko, aurretiaz formalizatu beharko da salerosketa eskritura publikoan. Hori Euskal Autonomia Erkidegoko Administrazioarekin berariazko finantza-hitzarmena sinatu duten kreditu-establezimenduen bidez egingo da.

   4. – Dirulaguntza jasotzeko egindako lehen alokairu-kontratua aurkeztu beharko da lurralde-ordezkaritzan bisa dezaten, egindako salerosketa eskritura publikoan formalizatzen denetik hasi eta gehienezko hiru hilabeteko epean. Alokairu-kontratuan berariaz eta nahitaezko klausula gisa adieraziko da etxebizitzaren errentariak bere egiten duela hori bizileku ohiko eta iraunkor gisa erabiltzeko eta prest dagoenetik hasita hilabeteko epean bertan bizitzeko konpromisoa. Bertan bizi dela egiaztatu beharko du udal-ziurtagiriaren bidez. Ziurtagiri hori aipatutako hilabeteko epean aurkeztu beharko da dagokion lurralde-ordezkaritzan.

      Alokairuaren kontratuarekin batera aurkeztuko dira lurralde-ordezkaritzan errentariaren bizikidetzako unitatearen diru-sarrerak egiaztatzen dituzten agiriak. Agiri horiek alokairuaren kontratua sinatu aurreko azken zergaldiari dagozkionak izango dira, Pertsona Fisikoen gaineko Zergaren aitorpena egiteko epea amaitu ondoren.

2. Alokairu babestuak.

   1. – Espedienteari lurralde-ordezkaritzan aurkeztutako eredu ofizialaren araberako eskaeraren bidez ekingo zaio. Eskaerarekin batera honako agiriak aurkeztuko dira

      1. Eskatzailearen nortasuna egiaztatuko duena eta, hala badagokio, eskatzailea noren ordezkari den adierazten duena.

      2. Alokairu-kontratua, dagokion lurralde-ordezkaritzak bisa dezan.

      3. Bizikidetzako unitatearen diru-sarrerak egiaztatzen dituzten agiriak. Agiri horiek alokairuaren kontratua sinatu aurreko azken zergaldiari dagozkionak izango dira, Pertsona Fisikoen gaineko Zergaren aitorpena egiteko epea amaitu ondoren.

      4. Alokatzen den etxebizitzaren titulartasuna egiaztatzen duen Jabetza Erregistroko ziurtagiria.

   2. – Lurralde-ordezkaritzaren administrazio-erabakiaren bidez onartu edo ukatuko dira dirulaguntzak eta modu berean zehaztuko dira zenbatekoak.

      Eskaera aurkeztu eta hiru hilabeteko epean lurralde-ordezkaritzaren berariazko erabakirik ez bada, ez dela onartu ulertuko da.

   3. – Administratiboki onartutako dirulaguntza Euskal Autonomia Erkidegoko Administrazioarekin berariazko finantza-hitzarmena sinatu duten kreditu-establezimenduen bidez jasoko da.