Arautegia
InprimatuAGINDUA, 1996ko uztailaren 23koa, Industri, Nekazaritza eta Arrantza sailburuarena, Arrantzarako Aholku-mahai Nazionala arautzen duena.
Identifikazioa
- Lurralde-eremua: Autonomiko
- Arau-maila: Agindua
- Organo arau-emailea: Industria, Nekazaritza eta Arrantza
- Jadanekotasuna-egoera: Indargabetua
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 180
- Hurrenkera-zk.: 4335
- Xedapen-zk.: ---
- Xedapen-data: 1996/07/23
- Argitaratze-data: 1996/09/18
Gaikako eremua
- Gaia: Administrazioaren antolamendua; Ingurune naturala eta etxebizitza
- Azpigaia: Gobernua eta herri administrazioa; Nekazaritza eta arrantza
Testu legala
Industri, Nekazaritza eta Arrantza Sailaren egitura organikoa eta egitekoena finkatzen duen urtarrilaren 31ko 81/1995 Dekretuaren aldibaterako xedapenetariko bigarrenak xedatzen duenez, "Nekazaritza eta Arrantza Sailaren Arautegi Organikoa ezartzen duen martxoaren 12ko 179/1991 Dekretuaren 13, 14, 15 eta 16. ataletan xedatutakoa egongo da indarrean, harik eta, dekretu honen garapenean, han aipatutako organo kolegiatuak arautzeko eman daitezen arauak indarrean jarri artean."
Aldibaterako xedapenetariko bigarrenak aipaturiko organo horietariko bat Arrantzarako Aholku-mahai Nazionala da; mahai hori aipaturiko 179/1991 Dekretuaren 16. atalean arautu zen eta urtarrilaren 31ko 81/1995 Dekretuaren 5. atalaren C) idazatian aipatzen da.
Arrantza arloko profesionalek Euskal Autonomi Elkarteko arrantza-politikaren elaborazio eta jarraipenean parte hartezko modua antolatzeak duen interesa kontutan hartuta, behar-beharrezkoa da urtarrilaren 31ko 81/1995 Dekretua garatzeko xedapen arau-emaile bat artikulatzea, aipatutako organo kolegiatuaren berezitasuna eta iraunkortasuna bermatzen dituen marko juridikoa ezartzeko xedeaz.
Ondorioz, hauxe
atala.- Arrantzarako Aholku-mahai Nazionala arautzeko markoa ezartzea da agindu honen xedea, Industri, Nekazaritza eta Arrantza Sailaren organo kolegiatua izan dadin, hori guztia aipatu Sailaren egitura organikoa eta egitekoena finkatzen dituen urtarrilaren 31ko 81/1995 Dekretua garatzeko.
2 atala.- Arrantzarako Aholku-mahai Nazionala arrantzarekin zerikusi ekonomikoa duten arloko profesionalak batzartzeko eta haiei entzuteko organoa da. Arrantza arloak lehiarako ahalmena hobetzeko laguntza eta bultzada ekimenak gauzatzea da organoaren xedea, eta, gainera, harreman, ordezkaritza eta lankidetza organoa izatea Euskadiko herri-administrazioarekiko erlazioetan.
Aholku-mahaiaren ondorioztapenak eta erabakiak ez dira aginduzkoak izango Administrazioarentzat, eta behartze-indarrik ere ez dute izango, ekimenerako politikabideak definitzerakoan kontutan hartuko baditu ere.
atala.- 1.- Arrantzarako Aholku-mahai Nazionaleko kideak honako hauek izango dira:
Industri, Nekazaritza eta Arrantza sailburua edo bere ordezkaria, mahaiburu.
Industri, Nekazaritza eta Arrantza Saileko izendapen askeko kargudun bi, sailburuak izendatuta. Ez dute zuzendari maila baino apalagoa izango.
Arrantzako Euskal Foroko Zuzendaritza Batzordea.
Idazkari bat, mahaiburuak izendatuta.
Mahaiburuak, gainera, aztergaien arabera beharrezkotzat hartzen dituen guztiak deitu ahalko ditu batzarrera.
Aholku-mahaiak erabakiko du zenbatero egingo diren batzarrak; horrez gain, mahiburuak aparteko batzarretarako deialdia egin ahalko du beharrezkotzat jotzen duenean.
Aholku-mahaiaren osoko bilkurak beharrezkotzat hartzen dituen arlokako batzordeak eratu ahalko ditu.
atala.- 1.- Honako hauek dira mahaiburuaren zereginak:
Organoaren ordezkaria izatea.
Batzar arrunt eta apartekoetarako deialdia erabakitzea eta aztergaien zerrenda ezartzea, gainontzeko batzarkideek sasoiz egindako eskariak kontutan hartuta.
Mahaiaren batzarretan mahaiburu jardutea eta eztabaidak moderatzea.
Aktak eta organoaren erabakien egiaztagiriak ikusonestea.
Mahaiburutzari dagozkion gainerako eginkizunak burutzea.
Mahaiko idazkariaren betebeharrak honako hauek dira:
Mahaiburuaren aginduz, Mahaiaren batzarretarako deialdia egitea, bai eta batzordekideentzako deiak ere.
Mahaiaren batzarretarako aztergaien zerrenda prestatu eta banatzea.
Batzarretako aktak idaztea eta ziurtatzea.
Onetsitako erabakien, irizpenen eta kontsulten egiaztagiriak luzatzea.
Batzarretarako aztergaien arabera behar izango diren txosten tekniko eta agiriak prestatzea.
Aholku-mahaiaren lan-batzordeak bultzatzea eta koordinatzea, eta haien jarraipen teknikoa egitea.
Idazkariari dagozkion gainerako eginkizunak burutzea.
Euskal Herriko Agintaritzaren Aldizkarian argitaratu eta hurrengo egunean jarriko da indarrean honako agindu hau.
Vitoria-Gasteiz, 1996ko uztailaren 23a.
Industri, Nekazaritza eta Arrantza sailburua,
JAVIER RETEGUI AYASTUY.
Gaiarekin lotutako edukiak
Arauaren historia (5)
- Ikus: 290/2005 DEKRETUA, urriaren 11koa, Nekazaritza, Arrantza eta Elikadura Sailaren egitura organikoa eta egitekoena finkatzen duena.
- Garatzen du: 81/1995 DEKRETUA, urtarrilaren 31koa, Industri, Nekazaritza eta Arrantza Sailaren egitura organikoa eta egitekoena finkatzen duena.
- Ikus: 256/2002 DEKRETUA, urriaren 29koa, Nekazaritza eta Arrantza Sailaren egitura organikoa eta egitekoena finkatzen duena.
- Indargabetutakoa: 629/2009 DEKRETUA, abenduaren 22koa, Ingurumen, Lurralde Plangintza, Nekazaritza eta Arrantza Sailaren egitura organikoa eta funtzionala ezartzen duena.
- Ikus: 179/1991 DEKRETUA, martxoaren 12koa, Nekazaritza eta Arrantza Sailaren Arautegi Organikoa ezartzen duena.
