Arreta Soziosanitarioa

atala.- Egiaztatze fisikoa.

Obren, horniketen, laguntzen, ezohiko lan espezifiko eta konkretuen eta zerbitzuen egiaztatze fisikoan kontrol ekonomiko-fiskalaren erabilera ondoren zehazten den bezala gauzatuko da: fondo publikoak izendatuta zeukaten helbururako erabili direlakoa justifikatzen duen agiriak aztertuz eta materialki egiaztatuz goian aipaturikoak.

Egiaztatze fisikoa honela burutuko da: horniketaren, laguntzaren, ezohiko lan espezifiko eta konkretuaren edo dena delako zerbitzuaren onarpen ekintzan kontu-hartzailearen partaidetzarekin.

atala.- Egiaztatze fisikoari atxikitako espedienteak.

Ondoko hauen kasuan manuzkoa izango da Kontrol Ekonomikorako Bulegoaren egiaztapen fisikoa:

1. Guztirako zenbatekoa 300.000.000 pezetatik gorakoa duten obrak, zenbatekoa zehazterakoan kontutan izan beharko direlarik kontratuaren prezioa gehitu duten aldakuntzak. Obren onarpenari aplikagarri zaizkion arauetan zehaztu legez burutuko da egiaztapena.

2. Horniketen kasuan: guztirako zenbatekoa edo, halakorik balitz, lotekako zenbateko partziala 100.000.000 pezetatik gorakoa bada, eta homologatuak ez badira izan, beti ere euren entrega ekintza bakarrean gauzatuz gero. Horniketako ondasunak entregatzeko unean egingo da egiaztapena.

3. Laguntzak, ezohiko lan espezifiko eta konkretuak edo zerbitzuak, euren zenbatekoa 50.000.000 pezetatik gorakoa bada; eta beti ere helburutzat estudio konkretuak, proiektuak edo txostenak entregatzea badute. Zenbatekoak zehazterakoan kontutan izango dira kontratuen prezioak gehitu dituzten aldakuntzak. Kontratuaren helburua den estudio, proiektu edo txostena entregatzen denean burutuko da egiaztapena.

Atal honetako lehenengo idazatian sartzen ez diren zerbitzuak, ezohiko lan espezifiko eta konkretuak, laguntzak, horniketak edo obrak egiaztatu egingo dira fisikoki Kontrol Ekonomikorako Bulegoko zuzendariak hala agintzen duenean; egiaztapena egingo delakoaren berri erakunde kudeatzaileari eman baharko zaiolarik —aurretiaz eta sasoiz—, hala erakunde honek kontu-hartzailea izendatzeko eskaria egin dezan.

atala.- Kontu-hartzailea izendatzeko eskaria.

Aurreko 2. atalean zerrendatutako espedienteen egiaztapen fisiko diren ekintzetarako kontu-hartzailea izendatzeko eskariaren izapideak organo kudeatzaileak Kontrol Ekonomikorako Bulegoan egin beharko ditu, onarpen ekintzarako eguna eta ordua jakinaraziz, beti ere eskaria agindu honi atxikita agertzen den I. eranskin gisa agertzen den ereduari zeharo egokitua izango delarik.

Atal honetan aipagai dugun eskaria Kontrol Ekonomikorako Bulegoak aldez aurretik jaso beharko du —gutxienez 15 egun lehenago—, obren onarpenari badagokio; eta 5 egun lehenago zerbitzuen, ezohiko lan espezifiko eta konkretuen, laguntzen edo horniketen onarpenari badagokio.

atala.- Kontu-hartzailea izendatzea.

Obraren, horniketaren, laguntza, lan espezifiko eta ezohiko konkretuaren edo zerbitzuran onarpen ekintzan parte har dezan Kontrol Ekonomikorako Bulegoko zuzendariak kontu-hartzailea izendatuko du, agindu honetan II. eranskin gisa agertzen den eredua erabiliz organo kudeatzaileari jakinaraziz.

Kontu-hartzailearen izendapenarekin batera, beharrezko balitz, kontu-hartzaileari egiaztapen fisikoan lagunduko dion aholkulari teknikoarena ere jakinaraziko da, agindu honetan III. eranskin gisa agertzen den eredua erabiliz.

atala.- Aholkulari teknikoaren izendapena.

Egiztapen fisikoa egiteko ezagutza teknikoak izatea beharrezkoa denean, Kontrol Ekonomikorako Bulegoko zuzendariak ondoren zehazten den funtzionario bat izendatzeko eskatu dezake kontu-hartzailearen aholkulari gisa jardun dezan: zerbitzu, ezohiko lan espezifiko eta konkretu, laguntza, horniketa edo obrari dagokion espezialitaterako beharrezko diren ezagutzak dituena.

Komertzioan ohiko baldintzekin, kalitatearekin edo kopuruarekin zehaztu daitezkeen objektuei dagokienean, edo objektuak marka komertzialarekin edo izenarekin kreditatuta badute euren jatorria, ez da izango beharrezkoa ezagutza teknikoak izatea prestazioa materialki egiaztatzeko.

Aitzitik, ondoren zehazten den kasuan beharrezko izango da ezagutza teknikoak izatea obren onarpenen egiaztapena burutzeko: arkitektu edo injineru diren funtzionario teknikoek egin badituzte proiektuak, eta halaber proiektuak sinatzeko titulu akademiko edo profesionalak eduki behar dituztenek egindakoak badira.

Aholkulari teknikoaren izendapena Kontrol Ekonomikorako Bulegoko zuzendariak egingo du, ahal delarik Lurralde Antolamendu, Etxebizitza eta Ingurugiro Sailak hartarako proposaturikoen artean, salbu eta sail honi dagozkion inbertsioak badira, kasu honetan beste sail bati atxikitako fakultatibo bat izendatuko da.

Atal honetako 1. idazatian zehazturiko ondorioetarako Kontrol Ekonomikorako Bulegoak sailei eskatu egingo die delako lana egin dezaketen tekniko aholkularien zerrenda eta euron artean egingo ditu izendapenak, Kontrol Ekonomikorako Bulegoaren ordezkaritza tekniko aholkulari batek izan lezakeelarik.

atala.- Egiaztapen fisikoaren emaitza.

Egiztapen fisikoa ekintzara bertaratu diren guztiek sinaturiko akta baten bitartez kreditatu beharko da eta akta horretan ondorengo hauek erasoko dira: halakorik balitz, hautemandako hutsak, hauek zuzentzeko hartu beharreko neurriak eta zuzenketok burutzeko epea, eta bai onarpeneko zirkunstantzia eta gertaerak ere. Emandako epea amaitutakoan, beste onarpen ekintza bat burutuko da, egiaztatu ahal izateko ea hutsak zuzendu diren ala ez.

Egiaztapen fisikoaren emaitzak biltzen dituen aktan edo txosten osagarrian bertaratutakoek banan banan edo taldeka egoki irizten dioten ohar oro formulatu ahal izango dute.

Egingo diren manuzko egiaztapen fisikoen akta guztien kopia igorri beharko da Kontrol Ekonomikorako Bulegora.

atala.- Agiriak.

Egiaztapen fisikoa kontutan izanik, izendatutako

kontu-hartzaileak zein aholkulari teknikoak eskura izan beharko dituzte beharrezko agiriak —aldez aurretik eta sasoiz— egiaztatu ahal izateko, ea prestazioa egokitzen den kontratuaren baldintzetara; horretarako Kontrol Ekonomikorako Bulegoak egoki irizten diona igortzeko eskatu ahal izango dio organo kudeatzaileari.

Egiaztapen fisikoari buruzko espedienteen segimendu eta kontrol egokia erraztearren, Kontrol Ekonomikorako Bulegoak eurotariko bakoitzari erreferentzia bat esleituko dio, zeintzu agindu honetako 4. eta 5. ataletan aipatzen diren izendapenetan konstarazi beharko baitira.

Egiztapen fisiko bereko espedienteari buruzko agiri guztietan konstaraziko da aipatu erreferentzia.

atala.- Egiztapen fisikoaren ondorioak.

Obligazio-aitortze edo likidazioari buruzko espediente baten izapideak ere ez ditu egingo Kontrol Ekonomikorako Bulegoak, baldin eta espediente horretan ez bada agertzen behar bezala beteta onarpen aktaren kopia bat; edozelan ere egiaztatu egin beharko direlarik berorretan erasotako hutsak zuzendu diren ala ez edo hutsok kausa direnentz etenarazlea den kontrako fiskalizatze txostenerako. Guzti hau Euskal Autonomi Elkartearen

Ekonomia-kontrol eta Kontabilitateari buruzko ekainaren 30eko 14/1994 Legeko 24.1.d) atalean zehaztutakoaren arabera.

LEHENENGO XEDAPEN GEHIGARRIA

Obra batzuk ez badute helburu pratikorik ez da manuzkoa euron egiaztapen fisikoa, euron zenbatekoak direnak direla ere. Kasu horretan leudeke aldeko emaitzik izan ez duten zundaketak eta prospekzioak edo karrakaketa edo antzeko lanak burutzea direnak.

BIGARREN XEDAPEN GEHIGARRIA

Ogasun eta Herri Administrazio Sailaren funtzioak eta egitura ezartzen dituen otsailaren 28ko 173/1995 Dekretuaren 21.2 atalean ezarritakoaren eta honekin bat datozen arauen arabera, agindu honetan Kontrol Ekonomikorako Bulegoari edo Kontrol Ekonomikorako Bulegoko zuzendariari egindago erreferentziak, hurrenez hurren Osakidetzan Kontu-hartzailetzari eta Osakidetzako

kontu-hartzaileari egindakotzat jo behar dira, erakunde autonomo honen esparruan, salbu eta 5.4 atalean zehazten dena.

ALDIBATERAKO XEDAPEN BAKARRA

Estatuaren Kontratuei buruzko aurreko legeriaren idarraldian esleitutako obren kontratuei dagozkien inbertsioak materialki egiaztatzeko, agindu honetako eranskinetan ezarritako ereduak erabiliko dira, organo kudeatzaileak konstarazi egin beharko duelarik zirkunstantzia hau eurotan.

INDARGABETZE XEDAPENA

Inbertsioen egiaztatze materialean kontu-hartze funtzioaren erabilerari buruzko 1985eko urriaren 8ko Ogasun eta Herri Administrazio Sailaren Agindua idargabetua geratzen da.