Arreta Soziosanitarioa

Dekretu hau Euskadiko Justizia Administrazioan euskararen erabilera normalizatzeko Plan bat onartuta osatuko da.

1. Lanpostu jakin batzuk lanpostu berezi gisa sailkatzea, lanpostuen zerrendan horiei esleitutako funtzio zehatzek euskaraz jakitea eskatzen dutelako.

2. Unitateak katalogatzea, hizkuntza-betebeharrei begira, herritarrekiko harremana zuzenagoa edo zeharkakoagoa den eta laneko harreman-arloa nolakoa den oinarritzat harturik.

3. Horrela, ikusirik unitateak herritarrengandik duen hurbiltasuna eta zenbateraino hartu behar duen parte organo judizialen eta zerbitzu orokorren prozeduretan, baita Fiskaltzaren, Auzitegiko Medikuntzako Euskal Erakundearen eta gainerako bulegoen jardunetan ere betiere Botere Judizialari buruzko Lege Organikoaren 530. artikuluan ezarritako eremu funtzionalean, beharrizan batzuk ezartzen dira, eta beharrizan horiek dakarte lanpostuak pixkanaka-pixkanaka bereizteko beharra, lanpostuak euskalduntzeko prozesuaren barruan.

4. Euskaran trebatzeko ikastaroen eskaintza arautzea, lanpostuak bereizteko prozesuarekin eta banakako euskara planekin bat etorriz.

5. Bulego judizial eta fiskaletan eta zerbitzu orokorretan euskara erabiltzeko programak arautzea.

6. Lan-talde elebidunak funtzionalki eratzea organo judizial, zerbitzu orokor eta fiskaltza guztietan.

2. Euskara jakitea eskatu ahal izango da, dagokien lanpostu-zerrendetan hala ezarrita badago. Gainerako kasuetan, meritu gisa baloratuko da, Botere Judizialaren Lege Organikoan Justizia Administrazioaren zerbitzura diharduten Kudeaketa Prozesal eta Administratiboko kidegoari, Izapidetze Prozesal eta Administratiboko kidegoari, Laguntza Judizialeko kidegoari, eta Auzitegiko Medikuen kidegoari buruz ezarritakoari jarraiki eta kidego horietan sartzearen inguruko 1451/2005 Errege Dekretuan ezarritakoari jarraiki.

3. Hona hemen zein gaitasun maila baloratuko diren, euskaraz jakitea meritutzat jotzen denean, edota eskatuko diren, bereiztutako lanpostuetarako euskaraz jakitea eskatzen denean:

   1. Laguntza Judizialeko kidegoan: 2. hizkuntza-eskakizuna.

   2. Izapidetze Prozesal eta Administratiboko kidegoan eta Laborategiko Laguntzaileen kidegoan: 2. hizkuntza-eskakizuna.

   3. Kudeaketa Prozesal eta Administratiboko kidegoan: 3. hizkuntza-eskakizuna.

   4. Auzitegiko Medikuen kidegoan: 3. hizkuntza-eskakizuna.

      Aipatutako euskara-mailak bat datoz Euskal Autonomia Erkidegoko herri-administrazioetan euskararen erabilera normalizatzeko prozesua arautzen duen apirilaren 15eko 86/1997 Dekretuan ezarritako mailekin.

2. Zerbitzu bakoitzak dituen funtzioen arabera, lehentasun-maila desberdinak esleituko dira. Lehentasunezko organo judizialetan eta zerbitzu orokorretan, biziagoa izan daiteke lanpostuak bereizteko prozesuaren erritmoa, eta handiagoa bereiztutako lanpostuen ehunekoa, gainerako organo eta zerbitzuetakoak baino.

3. Hizkuntzaren ikuspegi huts-hutsetik, plangintza honako lehentasun hauen arabera antolatuko da:

   1. Lehentasunezko unitateak: halakotzat joko dira Erregistro Zibilak, herritarrei ahoz nahiz idatziz arreta ematea eginkizun nagusi duten unitateak, baita egoitza judizialetik kanpo jardutea eskatzen duten komunikazio- eta betearazpen-egintzen zerbitzu orokorrak ere. Horiek horrela, honakoa ezarri da:

      1. mailako lehentasuna: herritarrei informazioa emateko unitateak.

      2. mailako lehentasuna: bake-epaitegiak eta erregistro zibilak.

      3. mailako lehentasuna: egoitza judizialetik kanpo jardutea eskatzen duten komunikazio- eta betearazpen-egintzen zerbitzuak.

   2. Lehentasunik ez duten unitateak:

      Unitate Orokorrak: gainerako zerbitzuak edo unitateak, salbu eta lehentasunezkotzat jotakoak eta bereziak.

      Unitate Bereziak: herritarrekin harreman gutxien duten unitateak: artxiboak, patologia- eta mezularitza-zerbitzuak eta antzekoak.

4. Herritarrei ahoz nahiz idatziz arreta ematea eginkizun nagusi duten unitateetan, lanpostu guztiak bereiztu ahal izango dira.

5. Justizia-arloan eskumena duen sailak behar diren neurriak bultzatuko ditu lehentasunezko organo eta zerbitzuetan euskara zerbitzu-hizkuntza nahiz lan-hizkuntza gisa erabil dadin. Horretarako, euskararen erabilera sustatzeko programak bultzatuko ditu progresiboki organo eta zerbitzu judizialetan. Lehentasunezko organo eta zerbitzuetan dihardutenek eta lanpostua euskararen ezagutza handiagoa duten mugape judizialetan dutenek lehentasuna izango dute hizkuntza-arloan gaitzeko eta trebatzeko ikastaroetan onartuak izateko, dekretu honen V. eta VI. kapituluetan ezarritakoari jarraituz.

6. Dekretu honen ondoreetarako, zerbitzu-hizkuntza da herritarrekiko eta beste administrazioekiko harremanetan erabiltzen den hizkuntza. Ondore berberetarako, lan-hizkuntza da, zerbitzu-hizkuntza gisa ez ezik, administrazioaren barne harremanetan ere erabiltzen den hizkuntza.

2. Bost urteko epealdi bakoitzaren amaieran, ebaluazio bat egingo da, helburuak zein neurritaraino bete diren ikusteko eta behar diren aldaketak egiteko. Horretarako, justizia-arloan eskumena duen sailak ebaluazio-eta jarraipen-txosten bat egingo du dekretu honen betearazpenari buruz. Emaitzen arabera, administrazioaren baliabideen lehentasunak ezarriko dira, hurrengo epealdirako helburuak lortu ahal izateko. Sindikatuei helaraziko zaie txostena.

3. Ebaluazio- eta jarraipen-txostena hizkuntza-politikaren arloan eskumena duen sailaren irizpenean jarriko da.

1. Lanpostuak herritarrekin duen zuzeneko harremanaren maila. Kontu hori lehentasunezkotzat jotzen da.

2. Lanpostuaren erantzukizun-maila, batez ere unitateak antolatzeko eta kontrolatzeko funtzioei dagokienez.

3. Lanpostuaren autonomia-maila, berezko dituen funtzioak eta eginkizunak egiteko orduan.

4. Hizkuntzaren erabilerak lanpostuan egin beharreko eginkizunak betetzean duen garrantzia, kidegoen arabera, prozesuak izapidetzeko, jardunak dokumentatzen laguntzeko eta herritarren kontsulta eta komunikazioei kasu egiteko dituzten egitekoei dagokienez.

5. Lanpostua betetzean ezartzen diren harremanen maiztasuna eta ezaugarriak, dagokion mugape judizialean euskararen benetako ezarpenarekin zuzeneko konkordantzia duela.

   2. Euskara jakin beharra baldintzatzat duten eta lanpostuen zerrendan sartuta dauden lanpostuen funtzio nahiz eginkizunen arlo kuantitatiboa nahiz kualitatiboa baloratzeko, artikulu honen lehenengo paragrafoan aipatzen diren gaiak hartuko dira kontuan. Gainera, bereiztutako lanpostuen egokitasuna eta proportzionaltasuna baloratu beharko dira, mugape judizialaren lurraldean euskarak benetan duen ezarpena kontuan hartuta.

1. Dagokien hizkuntza-eskakizuna egiaztatu duen titularraren dotazioa.

2. Hutsik dagoen dotazioa.

3. Postua bereizteko eskatu duen titularraren dotazioa. Eskari asko egonez gero, euskara-maila altuena duen funtzionarioak, edo subsidiarioki, funtzionariorik gazteenak izango du lehentasuna.

4. Lanpostuaren hizkuntza-eskakizuna kontuan hartuta, euskara-maila altuena duen titularren dotazioa.

5. Hizkuntza-eskakizuna egiaztatu beharrik ez duen titularraren dotazioa (lehentasuna izango du titular zaharrena duen dotazioak).

6. Titular gazteena duen dotazioa.

7. Lanpostuan antzinatasun gutxien duen titularraren dotazioa.

2. Lanpostuen zerrenden bidez bereiztuko dira lanpostuak. Era berean, lanpostu berriak sortzearekin batera aztertuko da ea esleitzen zaizkien funtzioak direla-eta justifikatuta dagoen lanpostu horiek bereiztea.

1. Ahozko komunikazioa:

   Hartzaile jakinik gabeko ahozko mezuak, esaterako, erantzungailu automatiko, bozgorailu eta antzekoen bidez emandakoak, euskaraz eta gaztelaniaz zabalduko dira, hurrenkera horri jarraituz.

   Euskara-ezagupenak dituzten langileek euskaraz hartuko dituzte herritarrak, eta gero, erabiltzaileek aukeratzen duten hizkuntzan jarraituko dute. Herritarra funtzionarioari euskaraz zuzentzen zaionean, edota arreta hizkuntza horretan ematea eskatzen duenean, funtzionarioak, euskaraz behar adina ez badaki, langile elebidunen laguntza eskatuko du.

2. Idatzizko komunikazioa: Justizia-arloan eskumena duen sailak ahalbidetuko eta sustatuko du herritarrei bidali beharreko jakinarazpenak eta zitazioak euskaraz eta gaztelaniaz idatzita egongo direla, Euskararen Erabilera Arautzeko 10/1982 Legearen 9. artikuluan ezarritakoari kalterik eragin gabe.

   2. Justizia-arloan eskumena duen sailak bitartekoak eta baldintzak jarriko ditu, honako hauek gerta daitezen:

      1. Herritarrentzako edozein komunikaziotan euskara erabil dadin: zuzeneko ahozko harremanetan, telefono bidezkoetan, bozgorailu bidezko mezuetan, komunikazio edo informazio idatzian, eta are teknika eta bitarteko elektroniko, informatiko edo telematikoen bidezkoetan, hala nola, Internet, faxa, posta elektronikoa eta antzekoak.

      2. Herritarrei zuzenean bidali beharreko izapidetzea elebiduna izan dadin, batez ere jakinarazpenak, zitazioak, errekerimenduak eta epatzeak.

2. Justizia Administrazioko Kudeaketa, Izapidetze eta Laguntza kidegoetako eta auzitegiko medikuen eta laborategiko laguntzaileen kidegoetako funtzionarioek egiaztatu ahal izango dituzte hizkuntza-eskakizunak; Euskal Autonomia Erkidegoko administrazioetan euskararen erabilera normalizatzeko prozesua erregulatzen duten arauetan zehaztuta daude hizkuntza-eskakizunak. Honela egiaztatuko dira:

   1. Herri Arduralaritzaren Euskal Erakundeak egiten dituen probak gaindituz, administrazioan sartzeko hautatze-prozeduretarako eta lanpostuak betetzeko lekualdatze-lehiaketetarako deialdiekin bat etorriz. Proba horietan neurtuko diren euskarazko hizkuntza-gaitasunaren mailak 2. eta 3. hizkuntza-eskakizunak dira.

   2. Horretarako Herri Arduralaritzaren Euskal Erakundeak aldiro-aldiro egiten dituen deialdi arruntetara aurkeztuz.

3. Funtzionarioek egiaztatutako hizkuntza-eskakizunen balioari eta eraginari dagokionez, apirilaren 15eko 86/1997 Dekretuaren 36. eta 37. artikuluetan ezarritako araubide orokorra aplikatuko da, dekretu horren bitartez arautzen baita Euskal Autonomia Erkidegoko herri-administrazioetan euskararen erabilera normalizatzeko prozesua.

4. Artikulu honetan aipatzen diren langileek egiaztatutako hizkuntza-eskakizunak Herri Arduralaritzaren Euskal Erakundearen Hizkuntza-eskakizunen Erregistroan jasoko dira.

Bestalde, Euskal Autonomia Erkidegoko Justizia Administrazioaren zerbitzura dauden Dekretu honen aplikazio-eremuko langile guztiei indarrean dauden autonomia-arauetan aurreikusitako baliozkotze-erregimena aplikatuko zaie.

1. Bereiztutako dotazioa duten langileak, beren kidegoari dagokion hizkuntza-eskakizuna egiaztatuta ez dutenak.

2. Lehentasunezkotzat jotako organo, zerbitzu edo unitateetako langileak.

3. Kidegoari dagokion hizkuntza-eskakizunetik hurbilen den euskara-maila duten langileak.

4. Euskara erabiltzeko programak dituzten organoetako langileak.

5. Euskara-maila bera duten eskatzaileen artean, destinoko zentroan antzinatasun handiena duenari emango zaio lehentasuna.

6. Destinoko zentroan euskara-maila eta antzinatasun berbera duten langileen artean, justizia-arloan eskumena duen sailak aurreko ekitaldietan eskainitako ikastaroetan aprobetxamendu handiena atera duenari emango zaio lehentasuna.

7. Aipatutako irizpideak nahiko ez badira, langile gazteenari emango zaio lehentasuna.

2. Lehentasun-maila bakoitzean, hurrenkera honi jarraituko zaio:

1. Karrerako funtzionarioak.

2. Hutsik dagoen lanpostu bat betetzen ari diren bitarteko funtzionarioak.

3. Gainerako bitarteko funtzionarioak.

2. Prestakuntzako banakako planak honako hauek jasoko ditu:

   1. Hasierako euskara-maila eta lortu beharreko hizkuntza-eskakizuna.

   2. Gutxi gorabeherako prestakuntza-aldiaren iraupena, hartu beharreko eskola-orduetan adierazita.

   3. Egutegia.

   4. Funtzionarioaren onespena.

3. Prestakuntzako banakako planen iraupena bost urtekoa izango da gehienez. Iraupena plan bakoitzean zehaztuko da, kasuan kasu.

4. Prestakuntza-prozesuaren jarraipena ikastaroen aprobetxamenduaren mende egongo da, euskara-ikastaroen urteko deialdiak horri buruz zer dioen oinarritzat harturik.