Arreta Soziosanitarioa

1. ¿ Jaurlaritzaren baitan, Plangintza eta Ekonomia Gaietarako Ordezko Batzordea sortzen da, bere osaera eta funtzioak dekretu honetan ezartzen dira.

2. ¿ Plangintza eta Ekonomia Gaietarako Ordezko Batzordea Jaurlaritzaren ekonomia-jardueraren eta bere politika sektorialen plangintza eta koordinazioaren oinarrizko organo gisa eratzen da, arau honen arabera.

2. ¿ Plangintza eta Ekonomia Gaietarako Ordezko Batzordearen kide honakoak izango dira:

   1. Lehendakaria, buru izango dena.

   2. Jaurlaritzaren lehendakariorde eta Ogasun eta Herri Administrazio sailburua. Lehendakaria bertaratzen ez denetan, Jaurlaritzaren lehendakariordea izango da Batzordeko buru.

   3. Justizia, Lan eta Gizarte Segurantza sailburua.

   4. Industria, Merkataritza eta Turismo sailburua.

   5. Etxebizitza eta Gizarte gaietako sailburua.

      2. ¿ Plangintza eta Ekonomia Gaietarako Ordezko Batzordearen idazkaritza-lanak Jaurlaritzaren lehendakariorde eta Ogasun eta Herri Administrazio sailburuak burutuko ditu.

Plangintza eta Ekonomia Gaietarako Ordezko Batzordearen egitekoak ondokoak dira:

1. Jaurlaritzak onartu behar dituen plan, programa eta jardueren, nahiz Eusko Legebiltzarraren aurrean lege-egitasmo edo komunikazio gisa eztabaidatu behar direnen oinarrizko alderdi ekonomiko eta estrategikoen azterlana egitea.

2. Ekonomiaren plangintzaren prozesua bultzatu eta jarraipena egitea, baita ekonomia planak eta horien garapena aurrez onartzea ere, nahiz eta gero Jaurlaritzak onartu beharrekoak izan.

3. Jarraipen- eta ebaluazio-txostenen azterketa eta analisia egitea, Jaurlaritzak onartu beharreko planen betearazpen-prozesuan derrigorrez sartu behar direnak.

4. Politika publikoen plangintza bateraturako metodo eta tresna berriak aztertzea eta proposatzea, baita Jaurlaritzaren jardueran kalitatea handitzeko eta diseinuan, plangintzan eta ebaluazioan etengabe hobetzeko politika horien ebaluazioaren normalkuntza ere.

5. Euskal Gobernantza Publikoari eta Euskadiko Herri Administrazioan politika publikoen berrikuntza eta ebaluazio ereduei buruzko estrategien diseinura bideratutako azterketa, analisia eta proposamena egitea.

6. Euskadiko Aurrekontu Araubideari buruz indarrean dauden legezko xedapenen Testu Bateratua onartzen duen irailaren 27ko 1/1994 Legegintza Dekretuaren arabera, eta aurrekontuei buruzko urteroko legeen arabera, batzordeari parte hartzeko agindu zaizkion alorretako aurrekontuetako eragiketak aztertu eta onartzea, nahiz eta bidezkoa denean Jaurlaritzari aurkeztuko dizkion behin betiko onarpena emateko.

7. Eusko Legebiltzarrean aurkeztu eta ekonomian edo finantzetan eragina izan edo politika publiko sektorialen aplikazioan koordinazioari eragiten dieten ekimenei buruz Jaurlaritzak duen irizpidea aztertu, ikertu eta proposatzea.

8. Euskal Administrazio Publikoaren erreforma, antolamendu, ekonomia eta ogasunarekin zerikusia duten gaien azterketa eta analisia egitea, baita Jaurlaritzaren egiturako sail guztientzako edo bereziki eragiten dien sail batzuentzako interes komuna duen edozein gairenak ere.

9. Administrazio eta gobernu elektronikoak osatzen dituzten proiektuak aztertu, analisia egin eta onartzea, Jaurlaritzaren Lehendakariordetzak proposaturik.

10. Lege maila duen arauetan esleitu zaiolako, bere eskumen peko diren gaiak aztertu, landu, proposatu edo erabakitzea.

11. Jaurlaritzak ordezkoan emandako beste edozein egiteko edo, bestela, Jaurlaritzak, Lehendakariak edo lehendakariordeak aztertu eta lantzeko agintzen dizkionak. Ordezko lan hori dekretuz eman beharko zaio eta Euskal Herriko Agintaritzaren Aldizkarian argitaratu beharko da.

1. ¿ Plangintza eta Ekonomia Gaietarako Ordezko Batzordeak berak onartzen dituen barne-arauen arabera funtzionatuko du, hauekin kontraesanean edo aurkaritzan ez dagoen Jaurlaritzaren ekainaren 30eko 7/1981 Legearen 19tik 21era bitarteko artikuluetan xedatutakoa aplikaziozko gehigarria izanik.

2. ¿ Plangintza eta Ekonomia Gaietarako Ordezko Batzordeak tratatu beharreko gaiek edo burutu beharreko funtzioek eskatzen dituzten sailarteko interes orokorra, konplexutasuna edo eskakizun teknikoek hala eskatzean gai zehatzetarako batzorde teknikoak edo lantaldeak eratu ahal izango dira eta hauetan administrazioko goi kargudunek parte hartu ahal izango dute.

3. ¿ Jaurlaritzaren Idazkaritzako eta Legebiltzarrarekiko Harremanetarako Zuzendaritzak beharrezko laguntza administratiboa emango du Plangintza eta Ekonomia Gaietarako Ordezko Batzordearen funtzionamendurako.