Arreta Soziosanitarioa

Dekretu hau indarrean jarri baino lehen hasitako inskripzio-espedienteak momentu horretara arte indarrean egongo diren xedapenen arabera izapidetu eta ebatziko dira.

Justizia, Lan eta Gizarte Segurantza sailburuari eskumena ematen zaio Dekretu hau garatzeko eta gauzatzeko beharrezko diren xedapenak hartzeko, Erregistroaren zenbait eginkizunen banaketa eraginkorragoa izan dadin neurri arautzaileak sustatzeko, erregistro-mailako zenbait zerbitzu ordaintzea bultzatzeko, eta erregistro-mailako egitekoak teknologia berrien garapenak eskain ditzakeen bitartekoetara egokitzeko.

Dekretu hau Euskal Herriko Agintaritzaren Aldizkarian argitaratu eta hurrengo egunean jarriko da indarrean.

Vitoria-Gasteizen, 2005eko martxoaren 29an.

Lehendakaria,

JUAN JOSÉ IBARRETXE MARKUARTU.

Justizia, Lan eta Gizarte Segurantza sailburua,

JOSEBA AZCÁRRAGA RODERO.

1. – Eratzen ari den kooperatiba baten kudeatzaileek baltzuaren estatutuen proiektua aldez aurretik kalifikatzeko eska dezakete, eta horretarako, Batzar eratzailearen agiriaren bi ale aurkeztu beharko dira, sustatzaile guztiek sinatuko dute, eta bertan aldez aurretik kalifikatu behar diren estatutuen proiektua jasoko da. Kalifikazio hori hogei eguneko epean egingo da, eskabidea Erregistroan sartzen denetik aurrera.

   Estatutu-proiektuaren aldeko kalifikazioa ematen bada, dagokion erabakiarekin batera, bilkura-agiriaren ale bat itzuliko zaie kudeatzaileei, behar bezala sinatuta eta zigilua jarrita.

2. – Erregistroa estatutuen proiektuan zuzen daitekeen okerren bat dagoela ohartzen bada, Euskadiko Kooperatiben Legeko 9.2 artikuluan xedatutakoaren arabera zuzenduko da delako akatsa.

3. – Artikulu honetako aurreko paragrafoetan aipatzen diren kudeatzaileen eskumenak Batzar eratzaileak kontrako erabakirik hartzen ez duen bitartean gauzatu ahal izango dira soilik.

1. – Eratzeko eskritura publikoa Batzar eratzaileak izendatutakoek emango dute, agiri hori sustatzaile guztiek ematen ez badute behintzat.

2. – Eratze-eskritura inskribatzeko, agiriaren lehendabiziko kopia eta kopia soilak aurkeztu beharko dira kudeatzaileek nahiz berariaz eskumena eman zaionak sinatutako inskripzio-eskabidearekin batera. Eratze-eskritura hori Batzar eratzailea egin, edo baltzu-estatutuen aldeko kalifikazioa eman, eta bi hilabeteko epean eman beharko da.

3. – Nolanahi ere, eratzeari dagozkion zergen likidazioa eskatu nahiz egin izana egiaztatu beharko da aldez aurretik.

1. – Inskribatu ahal izateko, Batzar eratzailearen akta jasotzeaz gain, Euskadiko Kooperatiben Legeko 12.2 artikuluan adierazitako alderdiak jaso beharko dira gutxienez eratze-eskrituran.

2. – Ezingo da eratu kooperatibarik, baldin eta kooperatiba horrek dituen bazkideak kooperatiba-mota horrentzat legez ezarritakoa baino gutxiago badira. Horregatik, lehen adierazitako Legean aurreikusten diren beste mota batzuetako bazkideak ez dira kontuan hartuko.

   Eratzean parte hartu dezaketen bazkide horiei dagokienez, bazkide horien izaera eta kooperatiban jarduteko bere gain hartzen dituzten funtsezko konpromisoak zeintzuk diren adierazi beharko da.

3. – Sustatzaileek eratu nahi duten kooperatiba zein motakoa izango den berariaz adierazi beharko dute.

4. – Legean nahiz estatutuetan ezarrita dagoenaren arabera, derrigor gutxienez egin beharreko diru-ekarpena, dagokion kreditu-erakundean ordaindutako kopuruen ordainagiri nahiz egiaztagiri bidez frogatuko da, eta notarioari emango zaio.

   Ordainketaren bat egiteko badago, eta esku-dirutan ordaindu behar bada, nola ordaindu behar den eta beranduenez noiz egin behar den adierazi beharko da; azken hori egin beharrik ez da izango, egun hori Batzarrean zehaztu behar denean.

   Falta diren ordainketak egindakoan, eskritura publiko bidez inskribatu beharko dira.

5. – Ekarpenak diruz egin beharrekoak ez badira, ekarpenaren balioa adierazi beharko da. Horretarako, aditu independienteek egindako txostena hartuko da oinarritzat, eta sustatzaile bakoitzak jartzen dituen ondasunak eta eskubideak, Erregistroko zehaztasunak eta egindako ekarpenaren titulua nahiz kontzeptua adierazi beharko dira. Ondasunen zerrenda egiten denean, eskrituran jasoko da.

   Diruz egin behar ez diren ekarpenen izaera, balioa eta edukia zehaztuko dira, baita ekarpen horiek nola eta noiz egin behar diren ere. Ekarpen horiek bere garaian egiten ez badira, diruz ordainduko da horien balioa.

1. – Baltzu-estatutuak inskribatzeko egin beharreko gutxieneko aipamenak Euskadiko Kooperatiben Legearen 13. artikuluan adierazitakoak izango dira, erregelamendu honetan aditzera ematen diren xehetasunekin batera.

2. – Estatutuetan bazkideek komenigarritzat jotako itun eta baldintzak ere jaso daitezke, kooperatiba sortzeko oinarrien edo legeen kontrakoak ez badira, behintzat. Horregatik, ez da baliozkoa izango mota bereko bazkideen artean —fundatzaileak izan ala ez izan— desberdintasun arbitrarioak ezartzea.

Hautatzen den izenarekin batera, “Kooperatiba Sozietatea” edo “Koop. S.” jarri behar da.

Horretaz gainera, izen hori, baliozkoa izan dadin, Erregelamendu honetako 95. artikuluan eta hurrengoetan xedatutakoari lotu behar zaio.

1. – Kooperatibak, Euskal Autonomia Erkidegoan, bere bazkideekin jarduerak gehienbat burutzen dituen lekuan nahiz administrazio-kudeaketa eta enpresa-zuzendaritza zentralizatzen den lekuan izango du bere egoitza. Jarduerak burutzeko leku nagusia saltegia nahiz ustiapen nagusia dagoen leku bera izango da, eta administrazio-kudeaketa eta enpresa-zuzendaritzaren zentralizazio-guneak, berriz, benetako administrazio eta zuzendaritzarenarekin bat etorri beharko du.

2. – Europako Kooperatiba Sozietateak Euskal Autonomia Erkidegoan edukiko du bere egoitza, baldin eta bere administrazio zentrala bertan badago.

1. – Kooperatibaren helburua osatzen duten jarduera guztiak adierazi beharko dira, zehatz eta labur. Delako xedea garatzeko beharrezko egintza material nahiz juridikoak aipatzea komenigarritzat jotzen bada, egintza horiek behar bezala bereizturik arautuko dira.

   Kooperatibaren helburua osatzen duten jarduerak kooperatibak berak eta bazkideek garatu beharko dituzte zuzenean, kooperatibarekiko konpromisoaren funtsezko alderdiei dagokienean behintzat. Horretaz gain, kooperatibarekin lankidetzan diharduten entitateek erraztu, koordinatu edo osa ditzakete jarduera horiek, eta baita, beste entitate batzuek ere, baldin eta kooperatibak, Euskadiko Kooperatiben Legearen esparruan, euren kapitalean parte hartzen badu.

2. – Bigarren mailako nahiz hurrengo mailako kooperatiben baltzu-estatutuetan lehenengo mailako kooperatibatik bigarren mailako nahiz hurrengo mailako kooperatibara aldatzen diren eskumenak zeintzuk diren adierazi beharko da, baita Euskadiko Kooperatiben Legeko 128. artikuluan aipatzen diren gainontzeko alderdiak ere.

1. – Kooperatibaren iraupena adierazi egin beharko da estatutuetan.

2. – Epe jakinen bat ezartzen bada, zehaztu egin beharko da epe hori, eta noiz hasten den adieraziko da. Bestela, epe hori eratze-egunetik bertatik hasten dela ulertuko da.

Kooperatibaren eragiketak hasteari buruz bestelakorik erabakitzen ez bada, kooperatibaren eginbeharrak eratze-egunetik bertatik hasten direla joko da.

Estatutuetan baltzu-ekitaldia ixteko eguna zehaztu ahal izango da; gehienez urtebete igaroko da. Estatutuetan hori zehazten ez bada, baltzu-ekitaldia abenduaren 31n amaitzen dela ulertuko da.

Kooperatibaren estatutuetan berariaz jasoko da honako hau: kooperatibaren helburua zehazten duen jarduera kooperatibizatua oro har, Euskal Autonomia Erkidegoan burutuko dela.

Horrek guztiak ez du esan nahi kooperatibak askatasun osoa izango ez duenik EAEtik kanpo hirugarrenekin harreman juridikoak izateko, edo bere helburua betetzeko osagarriak diren jarduera instrumental nahiz pertsonalak burutzerik izango ez duenik.

Euskadiko Kooperatiben Legeko 22. artikuluko c) idatz-zatian araututako obligazioari dagokionez, bazkideen partaidetzarako gutxieneko modulu edo arauak behar bezain argi ezarriko dira estatutuetan, zenbateraino betetzen diren eta kooperatibaren helburuarekin zenbateraino datozen bat jakiteko, eta behar izanez gero, ebaluatzeko.

1. – Kooperatibako bazkide-kopurua hamarretik gorakoa ez bada, kudeaketa- eta ordezkaritza-funtzioak administratzaile bakarrari edo Artezkaritza Batzordeari ematen zaizkion zehaztuko da estatutuetan.

2. – Administratzeko ardura Artezkaritza Batzorde bati ematen bazaio, batzordea zenbat administratzailek osatzen duten, administratzaileen karguek zenbateko iraupena duten eta barne araubidea azaldu beharko dira. Administratzaile guztiak batera berritu behar direnean, estatutuetan jaso ahal izango da gehienez eta gutxienez zenbat izango diren.

3. – Era berean, administratzaileei emandako ordezkaritza nola bete behar den ere jasoko da estatutuetan.

4. – Bigarren mailako nahiz hurrengo mailako kooperatibei dagokienez, Euskadiko Kooperatiben Legeko 131.2 artikuluko lehen paragrafoan aurreikusitako taldekatzeari buruzko arauak barne-araubidearen esku uzten diren ala ez adierazi beharko da. Bestela, estatutuetan arautu beharko da alderdi hori.

1. – Euskadiko Kooperatiben Legeko 50. artikuluan ezarritakoari jarraiki, Zaintza Batzordea derrigor eratu beharra dagoenean, honako hauek zehaztuko dira estatutuetan: batzorde horretako kide titularren kopurua —gutxienez, hiru—, ordezkoen kopurua, kargu-banaketa eta agintaldiaren iraupena —ez da bat etorriko administratzaileen agintaldiarekin—.

2. – Aipatutako Legearen arabera, kooperatibak beste organo batzuk ere era ditzakeenean, legezko araudi horretan eskatzen diren alderdi guztiak arautu beharko dira estatutuetan.

3. – Zaintza Batzordeko eta aipatu diren gainerako organoetako idazkaria izango da hartzen diren erabakiak egiaztatuko dituena; idazkari hori ez dagoenean, Artezkaritza Batzordeko idazkariak egin ahal izango du hori, batzorde horretako lehendakariaren oniritziarekin, dagozkion akta edo liburuak ikusi ondoren.

1. – Kooperatiba-taldeei dagokienez, honako inskripzio hauek egin behar dira:

   1. Talde-burua kooperatiba bat denean, kooperatiba hori inskribatuko da, eta kooperatiba horrek sustatu egin beharko du, erregelamendu honen arabera, Erregistroan sartu behar den egintza oro; gainera, kontuan hartuko da hurrengo idatz-zatian ezarritakoa.

   2. Nolanahi ere, taldean sartzeko erabakia, bai eta taldetik banantzeko edo taldea eratzeko erabakia ere, Erregistroan jasoko da kooperatiba bakoitzari dagokion orrian.

2. – Kooperatiba-talde batean sartu edo bertatik ateratzeari buruzko inskripzioak ez direnez eraketa-mailako inskripzioak, egintza horiek, bai eta taldeak berak ere, Euskadiko Kooperatiben Legeko 135 bis artikuluan eta erregelamendu honetan adierazten diren baldintzak betetzen direnetik aurrera izango dute eragina.

1. – Batzar Orokorraren aktaren egiaztagiri bidez inskribatuko da administratzaileen izendapena; eta Erregelamendu honen 34. artikuluko baldintzak bete beharko dira. Artezkaritza Batzordeko kideen izendatzeak inskribatu behar direnean, karguak banatzeko bilkurako erabakiaren egiaztagiria ere aurkeztu beharko da, eta aipatutako baldintzak betetzen direla egiaztatu beharko da. Egiaztagiriak behar bezala beteta eta notarioak edo eskumena duen funtzionarioak legeztatutako sinadurekin eman beharko da.

   Batzarreko aktari buruz notarioak egindako egiaztapenarekin, notarioaren aktaren kopia baimenduarekin nahiz eskritura publikoarekin ere inskriba daiteke izendapena.

   Bazkideak ez diren pertsonak hautatuz gero, halaxe eman beharko da aditzera.

2. – Administratzaileen izendapenik ez da inskribatuko, baldin eta berariaz jasotzen ez bada administratzaile horiek onartuak izan direla.

3. – Kooperatibaren kudeaketa eta ordezkaritza administratzaile bakar bati esleitzen bazaio, artikulu honetako l. paragrafoan aipatzen den egiaztatzeko eskumena administratzailearena berarena izango da.

4. – Administratzaile juridiko bati dagozkion eginkizunak betetzeko pertsona fisiko bat izendatuz gero, pertsona horrek emandako ziurtagiri bidez egiaztatuko da izendapena. Agiri horretan, izendatuaren nortasuna eta izendapena baliozkoa den ala ez erakusten duten zer-nolakoak adierazi beharko dira.

5. – Administratzaileen izendapenak onartzen den unetik izango ditu ondorioak, eta hurrengo 30 egunetan inskribatzeko aurkeztu beharko da.

1. – Administratzaileen dimisioa honela inskribatu ahal izango da:

   1. Administratzailearen ukoa modu frogagarrian ziurtatzen duen agiriaren bidez, eta kooperatibari egingo zaion jakinarazpenaren bidez.

   2. Erregistroaren arduradunaren aurrera agertuta; aurrez, kooperatibari jakinarazi beharko zaio.

   3. Batzarreko aktaren nahiz administrazio-organoaren egiaztapenaren bidez, betiere, Erregelamendu honen 34. artikuluan ezarritako baldintzak beteta.

2. – Heriotzagatik nahiz epaileak heriotz-adierazpena egin duelako administratzaileek kargua utzi izana kooperatibaren edo interesa izan dezakeen edonoren eskariz inskribatuko da, Erregistro Zibilak emandako egiaztapenaren indarrez.

1. – Administratzaileei Euskadiko Kooperatiben Legeko 42.2, 44.2 eta 48.2 artikuluetan aurreikusitako arrazoiengatik kargua kendu zaiela inskribatzeko, Batzar Orokorraren aktaren egiaztagiria egin beharko da. Hala ere, Lege horretako 42.2 artikuluan adierazten den aldi baterako kargugabetzea ere inskriba daiteke, Zaintza Batzordearen, edo behar izanez gero, Artezkaritza Batzordearen aktaren egiaztagiri bidez.

2. – Kargutik kentzea epailearen ebazpen irmoz erabakitzen bada, delako ebazpenaren aitorpena eginez inskribatuko da kargugabetzea.

1. – Eskumenak eskuordetzeari buruz eta Batzorde Betearazleko kideak nahiz kontseilari ordezkariak izendatzeari buruz Artezkaritza Batzordeak hartzen duen erabakia eskritura publikoaren bidez inskribatuko da. Behin eta berriz eskuordetutako eskumenak zeintzuk diren azaldu beharko da, zehatz mehatz, eskritura horretan, eskuordetze horiek Legeak baimentzen dituen guztiak ez badira eta formula orokor bat erabiltzen ez bada, behintzat.

   Aurreko lerroaldean aipatzen diren erabakiak inskribatzeko, izendatutako lagunek karguak onartu egiten dituztela adierazi beharko dute.

   Eskuordetzeari edo izendapenari buruzko erabakiak aldatzen dituzten beste erabakiak ere eskritura publiko bidez inskribatuko dira.

2. – Eskumenak eskuordetu izanaren ezeztapena, ezeztapen hori jasotzen duen eskritura publiko bidez inskribatuko da.

3. – Ukoa ukatzaileak berak egindako idazki baten indarrez inskribatuko da. Ukoa argi eta garbi jakinarazi beharko zaio kooperatibari, eta idazkiak notarioak edo eskumena duen funtzionarioak legeztatua izan behar du.

Zuzendari gerente baten edo gehiagoren izendapena, kargu-uztea edo ahalordetzea inskribatzeko, eskritura publikoa egin behar da, baita beste zenbaiten ahalordetzea inskribatzeko ere. Eskritura publikoa egin behar da, halaber, beste edozein pertsona inskribatutakoan ematen diren ahalordetze bereziak inskribatzeko, Erregelamendu honen 32.2.a artikuluan ezarritakoaren arabera. Eskrituran Artezkaritza Batzordeak emandako eskumenak jaso behar dira, dagokion bilkura-aktaren egiaztagiriaren bidez.

1. – Batzar Orokorrak nahiz Artezkaritza Batzordeak hartutako erabakien aurka egiteko eskaeren prebentziozko oharpena, bai eta aurka egin zaien erabakien eteteena ere, hori egitea agintzen duen epaileak emandako ebazpen bidez egingo da, Prozedura Zibileko Legearen 727. artikuluan eta hurrengoetan ezarritakoaren babesean.

2. – Prebentziozko oharpenak lekukotasun judizial baten bidez aldatuko dira, Prozedura Zibileko Legean aipatzen diren kautelazko neurrien aldaketa edo indargabetzea gertatzen denean.

   Prebentziozko oharpen hori lekukotasun judizial baten bidez ezeztatuko da aurka egiteko eskaera epai irmoz ezesten bada. Orobat, ezeztatu egin beharko dira, dagokion aginduaren indarrez, ekintzari uko egiten bazaio edo eskaeran atzera egiten bada.

3. – Aurkatutako erabaki guztien nahiz batzuen baliogabetasuna deklaratzen duen epai irmoari buruzko lekukotasun judiziala nahikoa izango da prebentziozko oharpena eta erabaki baliogabeak jasotzen dituen edo epaiaren aurkakoa den edozein oharpen ezeztatzeko.

4. – Inskribatuta dauden nahiz inskriba daitezkeen erabakien etetea erabakitzen duten epai irmoen prebentziozko oharpena egin ahal izango da baldin eta Erregistroak erabaki horiek badirela ziurtatzen badu. Artikulu honetako 2. paragrafoan finkatutako kasuetan eta eran ezeztatuko da oharpen hori.

5. – Aurreko paragrafoetan adierazten ez diren kasuetan, Prozedura Zibileko Legeari jarraituko zaio, eta subsidiarioki, merkataritza-erregistroko arauek baltzu anonimoentzat antzeko kasuetarako ezarritakoari jarraituko zaio.

1. – Estatutuetan egindako aldaketa oro eskritura publikoaren bidez inskribatuko da. Eskrituran honako xehetasun hauek azaldu beharko dira:

   1. Batzar Orokorrean hartutako erabakia.

   2. Aldatu nahiz gehitzen diren artikuluen hitzez hitzezko transkripzioa.

   3. Euskadiko Kooperatiben Legeko 74.1 artikuluan ezarritakoa bete izanaren egiaztapena; deialdiaren txostena eta iragarkia aurkeztu beharko dira.

2. – Aldaketak baltzuaren izenari, helbideari nahiz helburuari eragiten badio, eskritura publikoan jasoko da kooperatibaren egoitza dagoen lurralde historikoko zabalkunde handiko egunkariren batean aurrez argitaratutako iragarkia.

Baltzuaren helbidea udalerrian bertan aldatu dela inskribatu nahi bada, aurreko artikuluan agindutako modu berean egingo da inskripzioa; Batzar Orokorraren erabakia izango da salbuespena, kasu horretan, administratzaileen erabakiarekin nahikoa izango baita —estatutuetan bestelakorik adierazten ez bada, behintzat—.

1. – Kooperatiba bat edozein motako sozietate zibil, merkataritza-sozietate edo pertsona juridiko bihurtzeak kooperatibaren erregistro-idazpenak ezeztatzea dakar berekin.

2. – Eraldatu nahi den kooperatibaren idazpenak ezeztatzeko, eraldatzearen eskritura publikoa aurkeztu beharko da Euskadiko Kooperatiben Erregistroan, eta baita Merkataritza Erregistroan egindako inskripzioaren egiaztagiria ere.

3. – Kooperatibaren eraldatze-eskriturak, sozietate berri hori eratzeko eskatzen diren legezko eta arauzko aipamenez gain, honako agiri hauek jaso beharko ditu:

   1. Euskadiko Kooperatiben Kontseilu Nagusiak emandako homologazioa.

   2. Kooperatibaren Batzar Orokorrak berariaz hartutako aldeko erabakia; erabaki hori hartzeko, gutxienez, Euskadiko Kooperatiben Legeko 36. artikuluan aurreikusitako gehiengoa eskatuko da.

   3. Euskadiko Kooperatiben Legeko 85.1.b artikuluan adierazten diren baldintzak betetzen direla erakusten duen agiria.

   4. Eraldatzeko erabakia Euskal Herriko Agintaritzaren Aldizkarian eta kooperatiba kokatuta dagoen lurralde historikoan zabalkunde handia duten bi egunkaritan argitaratu izanaren agiria.

   5. Euskadiko Kooperatiben Legeko 85.1 artikuluaren e) idatz-zatian eta azken lerroaldean adierazten diren balantzeak.

   6. Bereizteko eskubideaz baliatu diren bazkideen zerrenda; bazkide bakoitzari dagokion kapitala zenbatekoa den adierazi beharko da.

   7. Heziketa eta Kooperatiba Sustapeneko Funtsa erabili izanaren egiaztagiria, bai eta, Euskadiko Kooperatiben Legeko 85.4 artikuluan araututakoaren arabera, Euskadiko Kooperatiben Kontseilu Nagusiaren partaidetza-kontuetako tituluei buruz Batzar Orokorrak hartutako erabakia erakusten duen agiria ere.

4. – Era berean, aditu independienteek diruzkoa ez den baltzu-ondareari buruz egindako txostena ere jaso beharko da eraldatze-eskrituran, merkataritza-legedian araututakoari jarraiki, beti ere, delako kooperatiba araudi horren menpeko sozietate bihurtzen bada.

1. – Kooperatiba ez den sozietate edo elkarte bat kooperatiba bihurtzeko eskritura publikoan Euskadiko Kooperatiben Legeko 86.2 artikuluan egiten diren aipamenak jaso beharko dira erregelamendu honetan arautzen den inskripzioa egin dadin. Eskritura horrekin batera, artikulu horretako 3. paragrafoan aurreikusten den balantzea aurkeztu beharko da, eta behar izanez gero, aipatutako txostena ere bai. Eraldatutako sozietatea erantzukizun mugatukoa denean, berriz, eskritura eman aurreko egunean itxitako azken balantzea ere erantsiko da.

2. – Kooperatiba bihurtzeko egintza Euskadiko Kooperatiben Erregistroan inskribatzen denean, eraldatutako sozietatea aurrez inskribatuta zegoen Erregistroari horren berri eman behar zaio, dagozkion ondorioetarako.

1. – Bateratu behar den sozietateko administratzaileek sozietateen bategite-proiektuaren ale bat gordailatuko dute Kooperatibaren Erregistroan, Euskadiko Kooperatiben Legeko 77. artikuluari jarraiki.

2. – Euskadiko Kooperatiben Erregistroak, aurkeztutako agiria lehen adierazitako lege-aginduak eskatzen duena bera bada eta behar bezala izenpeturik badago baino ez du kalifikatuko, eta, gehienez, hamabost eguneko epean, bategitean parte hartzen duen kooperatibarentzat prestatutako orrian egin beharreko ertzeko oharrak egingo ditu, baldin eta legezko baldintzak betetzen badira.

3. – Euskadiko Kooperatiben Legeko 78. artikuluan aipatzen den deialdia ezingo da argitaratu harik eta bategite-proiektuaren oharpena egin arte, eta hori bategite-prozesuan parte hartzen duen sozietateari jakinarazi beharko zaio.

1. – Bategitea —sozietate berri bat sortzeagatik edo beste bat xurgatzeagatik—, kooperatiba parte-hartzaile guztiek emandako eskritura publiko bakar baten indarrez inskribatuko da. Eskritura horretan, Euskadiko Kooperatiben Legeko 82.2 artikuluko aipamenak ez ezik, honako hauek ere egin beharko dira:

   1. Bategitean parte hartzen duten Batzar Orokorrek hartutako bategite-erabakia, Lege horretako 79. artikuluan xedatutakoaren arabera.

   2. Emaileek euren erantzukizunpean egindako adierazpena; bazkideak Lege horretako 78. artikuluan aipatzen den informazioaz bertan ezarritako baldintzetan baliatu direla adieraziko dute.

   3. Bategitean parte hartzen duten kooperatiben hartzekodunek, aipatutako Legeko 79.6 artikuluan aipatzen diren iragarkietako azkena argitaratu eta hilabeteko epean, bategitearen aurka ez dutela egin dioen adierazpena; emaileek egingo dute adierazpen hori. Bestela, aurka agertu diren hartzekodunak eta euren helbideak zeintzuk diren adierazi beharko da, baita horien kredituen zenbatekoa eta sozietate zordunak nahiz bategitetik sortutako kooperatibak zenbateko hori ordaintzeko emandako bermeak ere.

   4. Bereizte-eskubideaz baliatutako bazkideak nortzuk diren eta horiek egindako ekarpenak itzultzeko baldintzak zer-nolakoak diren adierazi behar da, emaileen adierazpenaren bitartez.

2. – Bategiteko eskritura publikoarekin batera, honako agiri hauek aurkeztu behar dira:

   1. Euskadiko Kooperatiben Legeko 79.6 artikuluan aipatzen den argitalpen bakoitzaren ale bana. Bategite-erabakiaren iragarkian hartzekodunek erabaki horren aurka agertzeko eskubidea dutela adierazi beharko da.

   2. Prozesu horretan parte hartzen duten kooperatiben bategitearen balantzea. Azkena onartutako balantzea baliozkotzat joko da, baldin eta balantze hori bategiteari buruzko batzarra egin baino sei hilabete lehenago ixten bada.

   3. Bategite-prozesuan parte hartzen dute kooperatibetako administratzaile bakoitzak egindako txostenak, egin asmo den bategitearen komenentziari eta ondorioei buruzkoak. Bategitean parte hartzen duen kooperatiba bakoitzaren administratzaileei buruz, eta kasua bada, bategitearen ondorioz administratzaile izateko proposatuko direnei buruz, Legearen 78. artikuluko g) idatz-zatiak adierazten dituen aipamenak egin beharko dira.

1. – Euskadiko Kooperatiben Legeko 82.3 artikuluan aurreikusitakoaren arabera, bategiteak dagokion Erregistroan agertu beharko du eragina izan dezan.

2. – Bategite-eskritura inskribatzen denean, iraungitako kooperatibei buruzko idazpenak ezeztatu egingo dira ofizioz.

1. – Banaketa eskritura publikoaren bidez inskribatuko da; eskritura horretan erregelamendu honen 62. artikuluan adierazitako aipamenak —aplika daitezkeenak— egingo dira, eta Euskadiko Kooperatiben Legeko 84.2 artikuluan adierazten den proposamen zehaztua kontuan izango da. Halaber, banatzen den kooperatiba desegiten den ala ez, eta banatzearen onurez baliatzen diren kooperatibak sortu berriak ala lehenagokoak diren azaldu beharko da.

2. – Osorik banatu edo zati batean banatu, nahitaez hautatu beharko dira administratzaile berriak, baldin eta onuraduna kooperatiba sortu berri bat —edo gehiago— bada, edo kooperatiba horiek izango duten bazkide-kopurua banaketaren aurretik zuten bazkide-kopurua baino handiagoa bada.

   Administratzaileak aukeratzeko, estatutuetan dauden arauei jarraituko zaie, eta horiek ezean, banaketarako egingo den batzarraren deialdiari. Honako arau hauek sartuko dira deialdi horretan:

   1. Kooperatiba sortu berri bat —edo gehiago— denean onuraduna, banaketarako erabakia hartzen den batzarrean bertan hautatu ahal izango dira administratzaileak; hautaketa hori behin-behinekoa izango da, eta kooperatiba bakoitzeko bazkideak bereizita egingo den bozketaren bidez hautatuko da. Hala ere, hautaketa hori behin betiko bihurtuko da, baldin eta deialdian jasotzen bada bozketaren bilkura bereizi hori Batzar eratzaile bihurtzeko aukera.

   2. Lehendik zegoen kooperatiba bat —edo gehiago— bada onuraduna, kooperatiba berri horretara pasako diren bazkideen bozketa bereizi hori Batzar Orokorra Prestatzeko Bileran egin dela ulertuko da; hain zuzen ere, banatutako ondarea nola jasoko den onartuko da bilera horretan.

3. – Banatzen den kooperatiba desegiten bada, ezeztatu egingo dira inskripzio-idazpenak; aurrez, banatzearen ondorioz edo xurgatzearen ondorioz sortutako kooperatiba edo kooperatibak dagozkion orrietan inskribatu beharko dira.

4. – Banatzea partziala baldin bada, bereizten den kooperatibaren eta banatzearen onurez baliatzen diren sozietateen —sortu berriak edo xurgatzaileak— orrietan inskribatuko da bereizketa.

1. – Lan Elkartuko Kooperatiben eta Lan Baltzuen bategitea, dela xurgapen bidez, dela aipatutako moduko kooperatiba berria eratuz, Euskadiko Kooperatiben Erregistroan inskribatu ahal izateko, lan-baltzuei ezar dakiekeen legedian eskatzen dena bete dela egiaztatu beharko da. Horretarako, erregistro-egiaztagiriak aurkeztu behar dira.

2. – Nekazaritza-kooperatiba eta eraldaketako nekazaritza-baltzu baten arteko bategitea gertatzen denean —dela xurgapen bidez, dela nekazaritza-kooperatiba berria sortuz—, eraldaketako nekazaritza-baltzuak ezar dakiokeen legedian eskatzen diren betebeharrak betetzen dituela egiaztatu beharko da Erregistroan.

3. – Kasu bietan, bai bategite prozesuan parte hartzen duten kooperatibei nahiz prozesu horren ondorioz sortutakoei, eta bai, hala badagokio, kooperatiba xurgatzaileari, ohiko bategiteak inskribatzeari buruz erregelamendu honetan jasotako araudia ezarriko zaie.

4. – Nolanahi ere, Erregistroko arduradunak, Erregistroa behar bezala koordinatzeko, lankidetza eta argibideetarako zerrenda informatiboak prestatuko ditu, bategite berezietan parte hartzen duten lan-baltzuak eta eraldaketako nekazaritza-baltzuak inskribatuta dauden Erregistroko titularrekin batera, Herri Administrazioen Araubide Juridikoaren eta Administrazio Prozedura Erkidearen Legeko 4. artikuluan ezarritakoaren arabera.

1. – Kooperatiba baten desegitea, sozietatearen indarraldia amaitu delako nahiz estatutuak indarrean dagoen legedira epe barruan egokitu ez direlako ez bada behintzat, Batzar Orokorrak kooperatiba desegiteko hartutako erabakia nahiz epaileak ildo horretatik emandako ebazpena jasotzen duen eskritura publiko bidez inskribatu beharko da. Desegiteak inskripzio eratzailea eskatzen du.

   Kooperatiba deskalifikatu izanagatiko nahitaezko desegitea inskribatzeko, erregelamendu honetako 74. artikuluan xedatutakoari jarraituko zaio.

2. – Kasuan kasu inskribatu beharreko tituluarekin batera, desegiteko erabakia Euskal Herriko Agintaritzaren Aldizkarian eta baltzuaren egoitza dagoen lurralde historikoan zabalkunde handia duen egunkariren batean argitaratu dela frogatzen duen ziurtagiria aurkeztu behar da.

3. – Kooperatiba epe jakin baterako eratuz gero, epe hori iragaten denean, kooperatibaren desegitea inskribatu beharko du Erregistroak, ofizioz nahiz interesaturik dagoen nornahik hala eskaturik.

   Kooperatibak epe hori luzatzea erabakitzen badu, Euskadiko Kooperatiben Legeko 36.2 artikuluan ezarritako gehiengoak beharko dira erabaki hori hartzeko, eta, epea amaitu baino lehen, eskritura publiko bidez aurkeztu beharko da inskriba dadin. Erregistroan sartzen denetik izango du eragina luzapenak.

1. – Kooperatibaren berraktibatzea eskritura publiko bidez inskribatuko da. Hona hemen eskritura horretan gutxienez egin beharreko aipamenak:

   1. Desegitea eragin zuen arrazoia desagertu dela erakusten duen agiria.

   2. Administratzaile nahiz likidatzaileek euren erantzukizunpean egindako adierazpena; hain zuzen ere, bazkideei ekarpenak itzultzen ez dela hasi dioena.

   3. Bazkideen izen-zerrenda.

   4. Kooperatiba berraktibatzeko erabakia, Euskadiko Kooperatiben Legeko 36.2 artikuluan aurreikusitako gehiengoaren bidez Batzar Orokorrean hartutakoa; bertan, kooperatiba modu eraginkorrean aktibatzeko burutu beharreko ekintzak zehaztuko dira.

   5. Hartzekodunekin izenpetutako hitzarmenaren kopia, konkurtsoa deklaratzen bada.

2. – Kooperatiben Erregistroak, berraktibatzea inskribatu aurretik, Kooperatiben Kontseilu Nagusiaren txostena eska dezake, berraktibatze hori zuzenbidearen araberakoa den ala ez ikusteko.

3. – Eskritura publikoa Erregistroan sartzen denetik aurrera izango ditu ondorioak kooperatibaren berraktibazioak.

Kooperatibaren desegite judizialaren eskaerari buruzko prebentziozko oharpena, Euskadiko Kooperatiben Legeko 88.3 artikuluan aipatzen dena, Erregelamendu honetako 56. artikuluan araututakoaren arabera egingo da.

1. – Likidatzaileen izendapena eskritura publikoaren indarrez, nahiz, hala behar izanez gero, Euskadiko Kooperatiben Legeko 90.2 artikuluak aipatzen duen ebazpen judiziala erakutsita inskribatuko da. Eskritura publiko horrek Batzar Orokorrean izendatzeko hartzen den erabakia edo, bestela, izendatze horren egiaztagiria jasoko ditu; egiaztagiri hori, likidatzaile bakarrak edo likidatzaileen —hiru edo gehiago— elkargoko idazkari izendatua izan denak emango du. Batzar Orokorrak kooperatiba desegiten den unean edo ondoren har dezake erabakia, eta erabaki horretan berariaz jasoko da izendatuen onarpena.

   Likidatzaile bat baino gehiago izendatuz gero, euren eginkizunak betetzeko modua —lehendakaria eta idazkaria izendatuko dira— eta xehetasun pertsonalak adierazi beharko dira, likidatzaileen elkargokide izaerari kalterik eragin gabe.

2. – Izendapena Batzar Orokorraren erabakiz ezeztatzen bada, beste likidatzaile batzuk izendatuko dira bilkura berean, eta izendapen hori inskriba dadila eskatuko da.

3. – Likidatzaileen izendapenak inskribatzen denetik izango du eragina hirugarrenentzat.

Kooperatibaren likidazioan legeak eta baltzu-estatutuak betearaziz parte hartzeko ardura duten pertsonak Euskadiko Kooperatiben Legeko 93. artikuluaren arabera izendatuko dira, eta ebazpen judizialaren adierazpena nahiz administrazio-egintzaren kopia aurkeztuaz inskribatuko da izendapen hori.

1. – Likidatzaileek, kooperatibaren erregistro-idazpenak ezezta daitezen eskatzeko, honako hauek aurkeztu beharko dituzte Erregistroan: batetik, Batzar Orokorrak, baltzuaren ondasunak banatzeko proiektuaren arabera, azken balantzea eta likidazio-eragiketak onartu izanaren erabakia jasotzen duen eskritura; bestetik, Euskal Herriko Agintaritzaren Aldizkarian eta baltzuaren egoitza dagoen lurralde historikoan zabalkunde handia duen egunkariren batean argitaratutako iragarkiak; iragarki horietan, Batzar Orokorrak azken balantzea eta baltzuaren ondasunak banatzeko proiektua onartu dituela adieraziko da, eta horretaz gain, Euskadiko Kooperatiben Legeko 95.2 artikuluan aipatzen den informazioa ere jasoko da.

   Euskadiko Kooperatiben Legeko Bigarren Xedapen Gehigarrian aurreikusitako irakaskuntzako kooperatiben kasuan, ofizioz ezeztatuko da erregistroko idazpena, xedapen horretan agintzen denaren arabera.

2. – Horretaz gain, likidatzaileek euren erantzukizunpean egindako honako adierazpen hauek jasoko dira eskrituran:

   1. Artikulu honetako 1. zenbakian aipatzen den erabakia aurkatzeko epea erreklamaziorik aurkeztu gabe amaitu dela, edo erreklamazio horiek erabakitzeko emandako epaia behin betikoa dela.

   2. Kooperatibaren hartzekodunei euren kredituak osorik ordaindu zaizkiela, kreditu guztiak kontsignatu direla, edo behar izanez gero, ordaintzeko epea amaitu gabe duten kredituen ordainketa bermatu dela.

   3. Baltzuaren ondasunak esleitzeko arauak kontuan izan direla, lehen adierazitako legeko 94. artikuluan, nahiz, kasua bada, 132., 135. eta 136. artikuluetan araututakoari jarraiki.

3. – Ez da erregistro-idazpenen ezeztapenik egingo, harik eta Euskadiko Kooperatiben Kontseilu Nagusia espedientean agertu eta Euskadiko Kooperatiben Legeko 94.2 artikuluko a) eta d) idatz-zatietan araututako likidazio-eragiketen berri eman arte.

   Erregistroko arduraduna izango da Euskadiko Kooperatiben Kontseilu Nagusiari ezeztapen-eskaeraren berri emango diona, eskaera hori aurkeztu bezain pronto.

4. – Artikulu honetako 1. paragrafoan aipatzen den ezeztatze-eskaerarekin batera, kooperatibaren liburuak eta likidazioari buruzko agiriak gordailatu beharko dira Erregistroan.

5. – Iraungi beharreko kooperatibari buruzko idazpen guztientzat ezeztatze-idazpen bakarra egingo da, eta aurreko paragrafoan aipatzen diren liburuak eta agiriak gordailatu direla adierazi beharko da bertan.

6. – Liburuak eta agiriak Erregistroan sei urtetan zehar eduki beharko dira, Kooperatibaren ezeztatze-idazpena egiten denetik kontatzen hasita.

1. – Ezeztatutako kooperatiba baten ondasunak edo eskubideak agertuko balira, ondasun horren likidazio osagarri bat egingo da, Euskadiko Kooperatiben Legeko 94. artikuluko arauen eta estatutuen arabera, eta dagokion eskritura publikoa emango da, Erregistroan inskribatzeko aurkeztua izan dadin.

2. – Legearen arabera, honako hauek egin ditzakete aurreko paragrafoan adierazitako eragiketa horiek:

   1. Erregistroan azkena inskribatu diren likidatzaileak.

   2. Behar izanez gero, azken administrazio-organoko edo azken Zaintza Batzordeko kideak, Erregistroan inskribatuta daudenak.

   3. Aurreko bi idatz-zatietan aipatu diren pertsona horiek egon ezean, Euskadiko Kooperatiben Federazioak —kooperatiba-mota bakoitzari dagokiona—, edo haren faltan, Euskadiko Kooperatiben Konfederazioak, aipatutako legearen 144. artikuluaren arabera, Erregistroaren kolaboratzaileak eta bazkideentzako komenigarriak diren zerbitzuak ematen dituztenak diren aldetik.

3. – Erregistroko arduradunak errekerimendua egingo die 2. paragrafoko a) idatz-zatian adierazitako pertsonei; posta ziurtatu bidez, hartu izanaren agiri eta guzti, egingo du hori. Bi hilabete igaro, eta inor aurkezten ez bada, gauza bera egingo du b) idatz-zatiko pertsonekin, bertan ezarritako hurrenkerari jarraituz. Eta beste bi hilabete igaro, eta inork erantzuten ez badu, dagokion elkartera joko du.

   Nolanahi ere, Erregistroko arduradunak burututako ekintzen berri emango dio Euskadiko Kooperatiben Kontseilu Nagusiari, Euskadiko Kooperatiben Legeko 94.2 artikuluko a) eta d) idatz-zatietan ezarritako ondorioetarako.

1. – Erregistroan inskribatu beharko dira honako hauek: ebazpen judiziala —konkurtso-deklarazioa eskatutzat emanda—, eta dagokion prozeduraren bidez ematen diren ebazpenak, merkataritza-sozietateetarako xedatutakoari jarraiki, inskribagarriak direnak.

2. – Ebazpen judizialak, irmoak bihurtzen ez diren artean, prebentziozko oharpen gisa inskribatuko dira.

3. – Konkurtso-deklarazioaren idazpenak ezeztatzeko, epailearen agindua beharko da.

1. – Justizia, Lan eta Gizarte Segurantza sailburuaren edo Gizarte Ekonomiako zuzendariaren ebazpenak —Euskadiko Kooperatibei buruzko Legearen 142.1 artikuluan ezarritako neurriak hartzeari dagozkionak— kooperatibaren erregistro-orrian inskribatuko dira. Ebazpen horietan aipatu egin beharko da Euskadiko Kooperatiben Kontseilu Nagusiak eman beharreko txostena eman duela.

2. – Administrazio-ebazpena, irmoa bihurtzen ez den artean, prebentziozko oharpen gisa inskribatuko da.

3. – Deskalifikatzeko administrazio-ebazpenaren inskripzioa ofizioz egingo da, behin ebazpena irmoa denean.