Arreta Soziosanitarioa

Lurralde Antolamendu eta Ingurumen sailburuari honako hauek dagozkio:

1. ¿ Jaurlaritzari buruzko ekainaren 30eko 7/1981 Legearen 26. artikuluan aipatzen diren eskumenak eta Sailari dagozkion egiteko eta jardute-arloan indarrean dauden legeek eman diezazkioketenak, uztailaren 16ko 7/2001 Dekretuarekin (irailaren 17ko 19/2001 Dekretuak aldatu zuenarekin) bat etorriz, Saileko beste organo bati atxikita ez badaude.

2. ¿ Aholkulariek eta sailburuak berak izendatutako konfidantzako langileek lagunduko diote Lurralde Antolamendu eta Ingurumen sailburuari bere egitekoak betetzen bere goi mailako zuzendaritzapean.

3. ¿ Haren ardurapean jarrita dauden egitekoak behar bezala bete ahal izateko, Saileko organoek kasu bakoitzerako behar den informazioa eta laguntza eskainiko diete Kabinetearen Zuzendaritzari eta konfidantzako gainerako langileei.

4. ¿ Zuzendaritza-Kontseilu batek Sailaren politika gainbegiratu, jarraipena egin, jarduerak oro har antolatu eta agintzen zaizkion gaien gaineko laguntza eskainiko dio bere titular izango den sailburuari. Zuzendaritza-Kontseilua sailburuordeek, zuzendariek, aholkulariek eta konfidantzako gainerako langileek osatuko dute, Lurralde Antolamendu eta Ingurumen sailburuaren zuzendaritzapean.

Lurralde Antolamendu eta Ingurumen Saileko sailburuordeek honako egiteko hauek bete beharko dituzte nork bere jardute-eremuaren barruan eta sailburuaren zuzendaritzapean eta agintepean, Jaurlaritzari buruzko ekainaren 30eko 7/1981 Legearen 30. artikuluan xedatzen denaren arabera:

1. Sailburuordetzaren eta horren menpeko organoen ekintzen ardura izan, koordinatu, bultzatu eta gainbegiratzea.

2. Sailburuordetzaren jarduerak programatzea.

3. Sailburuaren jardute-eremuak diren arloetako xedapen orokorrei buruzko proiektuak lantzea eta, hala behar izanez gero, sailburuari aurkeztea.

4. Sailburuaren eskumeneko gaietan bidezkotzat jotako ebazpenak proposatzea sailburuari, horiek izapidetzea Sailburuordetzari dagokion kasuetan. Bestetik, sailburuordearen eskumeneko gaiak ebaztea.

5. Sailburuordetzarekin harremanak dituzten gainerako sailekiko eta, erakunde eta entitate publiko eta pribatuekiko komunikazio-organo izatea.

6. Indarrean dauden xedapenek eman diezazkieten eskumen, ahalmen, prerrogatiba eta egiteko guztiak.

Jaurlaritzari buruzko ekainaren 30eko 7/1981 Legearen 31. artikuluan xedatzen denaren arabera, sailburuordearen agintepean, edo Zerbitzu Zuzendaritzaren eta Kabinetearen Zuzendaritzaren kasuan sailburuaren agintepean, zuzendariek antolaketa unitate baten zuzendaritza hartzen dute beren ardurapean, eta honako eskumen hauek egozten zaizkie:

1. Zuzendaritzaren jarduerak zuzentzea, koordinatzea, bultzatzea eta horien jarraipena egitea, dagokion Sailburuordetzako titularrak edo, Zerbitzu Zuzendaritzaren eta Kabinetearen Zuzendaritzaren kasuan, sailburuak emandako instrukzioei jarraituz.

2. Zuzendaritzako zerbitzuak eta lan-sistemak antolatzea, Zerbitzu Zuzendaritzak arlo horretan egotzita dituen eskumen orokorren kalterik gabe.

3. Egokitzat jotako ebazpenen proposamena sailburuordeari, edo Zerbitzu Zuzendaritzaren kasuan sailburuari, egitea, ebazpen horiek izapidetzea Zuzendaritzari dagokionean. Bestetik, bere eskumeneko gaiak ebaztea.

4. Indarrean dauden lege xedapenek ematen dizkioten gainerako eskumen, ahalmen, prerrogatiba eta egitekoak.

Kabinetearen Zuzendaritzatik sailburuak zuzeneko laguntza jasoko du. Zuzendaritza honi, Saileko zuzendarienak diren egiteko orokorrez gain, ondoko beste egiteko eta jardute-eremu hauek dagozkio:

1. Sailburuari laguntza ematea, Lurralde Antolamendu eta Ingurumen Sailari atxikitako eskumenen erabileran.

2. Kudeaketarako barne planak eta txostenak lantzeko koordinatzea eta horien jarraipena egitea.

3. Sailburuari Sailaren eskumen-arloen gainean aritzeko irizpideak proposatzea.

4. Sailak Eusko Legebiltzarrarekin eta beste erakunde batzuekin dituen harremanak bideratzea, Jaurlaritzaren Lehendakariordetzari dagozkion eskumenak kaltetu gabe.

5. Sailaren organoek Europako Batasuneko erakundeekin dituzten harremanak koordinatu eta bideratzea, Jaurlaritzaren Lehendakaritzari dagozkion eskumenak kaltetu gabe.

6. Sailak gizarte-komunikabideekin dituen harremanez arduratzea.

7. Sailaren ekitaldi publiko eta ofizialak antolatzea.

8. Sailaren argitalpenak koordinatzea.

Honako egiteko hauek dagozkio Zerbitzu Zuzendaritzari sailburuaren goi mailako zuzendaritzapean:

1. Sailburuari laguntza teknikoa, juridikoa eta administratiboa ematea.

2. Saileko organoen arteko administrazio-harremanak koordinatzea, baita organo horien eta Jaurlaritzaren gainerako organoen artekoak eta, behar izanez gero, bestelako herri administrazioen edo erakunde publiko zein pribatukoen artekoak ere.

3. Saileko beste zuzendaritzekin koordinatzea, Saileko aurrekontuen aurreproiektua landu, jarraitu eta gainbegiratzeko.

4. Jaurlaritzaren Kontseiluaren eta Ekonomi Gaietako Ordezko Batzordearen menpe jarri beharreko espedienteak eta gaiak izapidetu eta kontrolatzea.

5. Sailari, gainerako Zuzendaritzekin koordinatuz, aholku juridikoak ematea.

6. Sailaren esparruan kontratazio-organo bezala aritzea, ekainaren 16ko 2/2000 Legegintzako Errege Dekretuak, Herri-administrazioetako kontratuei buruzko Legearen testu bategina onartzeko denak, eta aplika daitezkeen gainerako xedapenek Sailari esleitzen dizkioten ahalmen eta mugak errespetatuz.

7. Saileko kontratazio-espedienteak izapidea.

8. Espedienteak izapidetzeko behar diren gastuetarako baimenak onartzea.

9. Sailari edo Sailaren menpeko edo atxikitako edozein erakunderi eragiten dieten arloen gaineko Lege-aurreproiektuak eta izaera orokorreko xedapenak zuzendu, bultzatu, koordinatu, dagokionean landu, izapidetu eta kontrolatzea.

10. Sailari eragiten dioten arloen gaineko txosten juridikoak eta azterlanak zuzendu eta egitea; eta baita izaera juridikoko dokumentazio-zerbitzuak eta base dokumentalak kudeatzea ere.

11. Sailaren organo aholkuemaileei eta hari atxikitako gainerako erakundeei lege-aholkularitza, aholkularitza eta laguntza eskaintzea.

12. Sailak izenpetu beharreko akordioen eta hitzarmenen gaineko txosten juridikoak egitea; baita derrigorrezko legezkotasun-txostenak ere, beste organo batzuei esleitutakoak izan ezik.

13. Jurisdikzio-prozeduren jarraipena egin eta kontrolatzea, eta Auzibide-Zuzendaritzarekiko harremanak izatea Lurraldea Antolamendu eta Ingurumena partaide deneko gaiei eta horien gainean eman diren ebazpenei dagokionez.

14. Sailaren jardueraren inguruan sor daitezkeen ondarezko erantzukizunari buruzko prozedurak koordinatu eta jarraipena egitea, horien gaineko amaierako ebazpena eman arte; Uren Zuzendaritzaren jardueraren esparruan sor daitezkeenak izan ezik.

16. Saileko langileen arloa planifikatzea, kontrolatzea eta horren kudeaketa koordinatzea, Euskal Funtzio Publikoari buruzko uztailaren 6ko 6/1989 Legeko 10.1 artikuluan aipatzen diren egitekoak betetzeko eskuduna baita.

17. Saileko zerbitzu orokorrak antolatu eta administratzea eta sailburuordetza, zuzendaritza eta lurralde bulegoetako lan sistemak eta metodoak koordinatzea.

18. Saileko aplikazio informatikoak koordinatu eta kudeatzea, Ogasun eta Herri Administrazio Saileko organo eskudunek izan ditzaten eskumenen kalterik gabe.

19. Saileko erregistro orokorra kudeatzea.

20. Elkartearen arauak eta elkarte horretako zuzenbidearekin lotura duten gaiak ikertzea eta araudi hori betetzen dela ziurtatzeko neurriak hartzea.

21. Administrazioa berritu eta gaurkotzeko organo eskudunak emandako ekimen eta jarraibideak garatu eta burutzeko beharrezko euskarria bermatzeko organo erantzule gisa jardutea, Jaurlaritzaren programaren aurreikuspenak garatzeko Sail honen jardute-eremuaren barruan.

22. Indarrean dagoen zuzenbidezko ordenamenduak egotz diezazkiokeen egiteko guztiak

Ingurumen Sailburuordetza Eusko Jaurlaritzaren ingurumen organoa da eta Euskal Herriko ingurugiroa babesteko otsailaren 27ko 3/1998 Lege orokorrak eta gainerako lege-xedapenek ezarritakoaren arabera, Saileko sailburuak gainbegiratuta, ondorengo jardute-eremuak gidatu eta koordinatzen ditu:

1. Ingurumenarekiko politika planifikatu, programatu eta koordinatzea.

2. Ingurumenean eragiten duten jarduerak koordinatzea eta horiek izan dezaketen efektu kutsatzailea kontrolatzea.

3. Bere eskumen-eremuari dagozkion eta ingurumenaren gaineko legerian jasotako baimenak ematea.

4. Ingurumenaren gaineko eraginaren deklarazioa egitea, ingurumenaren gaineko eraginaren ebaluazioaren prozedurapean dauden programa eta proiektuei buruz.

5. Ingurumenari buruzko arauak prestatzea.

6. Ingurumena eta urari buruzko topaketa-foroetan parte hartzea.

Ingurumenaren Kalitatearen Zuzendaritzari honako egiteko hauek dagozkio:

1. Ingurumenean eragina duten jardueren administrazio-kudeaketa egitea, sailkatutako jardueretarako baimena emateko prozeduran neurri zuzentzaileak ezartzeko txosten-proposamena barne, eta sektorekako araudian begietsitako baimenak lortzeko baldintza eta betebeharrena, Uren Zuzendaritzari bere esparruan aitortu zaizkion eskumenak kaltetu gabe.

2. Ingurumenari buruzko sektorekako araudian aurreikusitako lizentziak eta baimenak lortzeko administrazio prozedurak koordinatzeko izango diren neurriak hartzera bultzatzea.

3. Ingurumenaren gaineko eraginaren ebaluazioko prozedurak izapidetzea eta ingurumenaren gaineko eraginaren deklaraziorako proposamenak lantzea.

4. Atmosfera kutsatzen duten eta zarata sortzen duten fokoak kontrolatzea.

5. Hondakinei buruzko plan zuzentzaileak prestatzea; horien jarraibideetara jarri beharko dira Euskal Autonomia Erkidegoaren esparruan garatzen diren hondakinen ekoizpen edo kudeaketa publiko zein pribatuko jarduerak.

6. Hondakinen trafikoa ikuskatu eta kontrolatzea.

7. Hondakinak ekoiztu eta kudeatzeko baimen-proposamenak lantzea, deklarazioak fiskalizatu eta urteko ekoizpen eta kudeaketaren gaineko memoriak egitea.

8. Administrazio erregistroak sortu eta horien mantenimendua egitea.

9. Ontziki-hondakinak kudeatzeko sistema integratuetarako baimen-proposamena, ontzikiak prebenitzeko enpresa-planak onartzea eta ontzikiak jaso, sailkatu eta birziklatzeari buruzko informazioa kudeatzea.

10. Lurzoru kutsatuak kontrolatu eta ebaluatzea, lurzoru kutsatuak berreskuratu, babestu eta aurreikusteko neurriak zehaztu eta ezarriz.

11. Ekoizpen prozesuetan ingurumen ondorioak aurreikusi, murriztu eta gutxitzeko teknikak aplikatzea sustatzea.

12. Eta zuzenbidezko ordenamenduak egozten dizkion guztiak.

Ingurumenaren Plangintza, Partaidetza eta Kontrolerako Zuzendaritzari honako egiteko hauek dagozkio:

1. Euskal Herriko Ingurumeneko Esparru-Programa bultzatzea ingurumen-politikaren plangintza eta programazioa prestatuz, Euskal Autonomia Erkidegoko gainerako erakunde publikoen ekimenekin batera aipatutako programa hori eratuko duena.

2. Ingurumen gaiaren plangintza koordinatzea eta ingurumen arloko azterlanak egitea beste arloekiko lankidetzan.

3. Ingurumenaren egoerari buruzko memoria prestatzea

4. Euskal Herriko Ingurumen Batzordearen eta Euskal Herriko Ingurumenaren Aholku Batzordearen idazkari izatea eta horiei laguntza teknikoa ematea.

5. Ingurumenari buruzko informazioa kudeatzea, ingurumenari buruzko datutegia osatuz.

6. Araudia lantzea, Zerbitzu Zuzendaritzarekiko koordinazioan.

7. Zaintza, ikuskaritza eta kontrolerako lanak betetzea, Euskal Herriko ingurugiroa babesteko otsailaren 27ko 3/1998 Legeak eta Euskal Autonomia Erkidegoaren eskumeneko ingurumenari buruzko legezko xedapenek ezarritako eremuaren barruan, eta betiere, Uren Zuzendaritzari bere esparruan aitortu zaizkion eskumenak kaltetu gabe.

8. Atmosferaren ingurumen-kalitatea ebaluatu eta kontrolatzea.

9. Hiriko ingurumenaren jasangarritasuna sustatzea XXI Agenda bultzatuz.

10. Zientzia, Teknologia eta Berrikuntza Planaren barruko I+G jarduerak sustatzea.

11. Eta zuzenbidezko ordenamenduak egozten dizkion guztiak.

Uren Zuzendaritzari honako egiteko hauek dagozkio:

1. Erabat Euskal Autonomia Erkidegoaren lurraldean dauden arroetako uren plangintza eta haren jarraipena eta berrazterketa burutzea, Uren abuztuaren 2ko 29/1985 Legearen 13.3, 38.4 eta 39.2 artikuluetan ezarritako irizpideei jarraikiz, eta hainbat erkidego hartzen dituzten arroetako uren plangintzan parte hartzea.

2. Zuzendaritzaren jardueren eremuko obra eta instalazioen plangintza eta programazioa burutzea, Zerbitzu Zuzendaritzarekin elkarlanean.

3. Uraren administrazio publikoa antolatzeko era proposatu eta Euskal Autonomia Erkidegoko urak eta obra hidraulikoak arautzeko xedapenen aurreproiektuak taxutzea.

4. Jabari publiko hidraulikoen gaineko legezko zortasunak, emakidak eta baimenak eman, aldatu eta iraungitzeari buruzko erabakiak hartzea; erkidegoaren barruko arroetako zortasuna duten eremuen eta ibaietako polizi aldeen gaineko baimenei buruzko erabakiak hartzea; bai eta euskal itsasertzari dagozkion uretan industri hondakin kutsatzaileak isurtzeko baimenak ematea ere.

5. Erkidegoaren barruko arroetan isurketak egiteko baimenak eman, aldi baterako eten, aldatu eta iraungitzeari buruzko erabakiak hartzea.

6. Erkidegoaren barruko arroetako ur baliabideak Uren Legearen 41., 53., 54. artikuluetan arauturako babes araubide berezien menpe jartzea, bai eta Uren Legean eta hura garatzeko xedapenetan aurreikusitako bestelako araubideen menpe ere, baldin eta Jaurlaritzaren Kontseiluari ez badagokio.

7. Uren Erregistroa, ur pribatuen katalogoa eta hondakin-uren isurketen errolda eramatea.

8. Erabiltzaileen Elkarteen estatutuak eta ordenantzak eta uren legerian horien inguruan emandako gainontzeko eskumenak onestea.

9. Halakorik izanez gero, uren, ustiaketen eta bestelako obra hidraulikoengatiko tasa eta kanonetan sartzen diren osagaien ordaina zenbatekoa izango den proposatzea.

10. Euskal Autonomia Erkidegoaren aginpideko azpiegitura hidraulikoko obrak egiteko proiektuak onartu eta burutzea, ubideak eta ureztaketakoak barne direla; haiek zaindu eta, hala badagokio, ustiatzea, eta obra eta instalazio hidraulikoekin zerikusia duten teknologiak aztertu, ikertu eta egunean jartzea.

11. Zuzendaritzak gauzatuko dituen lanei buruzko proiektu teknikoak gainbegiratzea.

12. Urak eta obra hidraulikoak direla eta, toki erakundeei, entitate eta partikularrei laguntzak nola eman proposatzea.

13. Uren legeria bete dadin beste administrazioekin eta gainontzeko pertsona publiko nahiz pribatuekin behar diren hitzarmen eta lankidetza bideak proposatu eta burutzea

14. Itsas-lehorreko jabari publikoko babes-zorpeko aldea erabili eta bertan jarduerak burutzeko administrazio-baimenak, nahiz itsasertza babesteko behar diren gainerako baimenak kudeatzea eta horien gaineko txostenak egitea.

16. Uren gaineko eta kostaldeei buruzko legeria ez betetzeagatik zigor-espedienteak izapidetzea.

17. Uren kalitatearen analisia eta kontrola burutzea, ur-baliabide eta ustiapenen plangintza eta kudeaketarako eskumenak erabiltzeko beharrezkoa dena; plangintza hidrologikoa betez, uren kalitatea hobetzeko helburu eta programak proposatu eta haien jarraipena egitea, ukitutako gainontzeko sailekiko elkarlanean.

18. Aforoak eta hidrologia azterlanak egitea, eta uhaldien gaineko informazioa jasotzea; jabari publiko hidraulikoa eta uren kalitatea babesteari dagokionez uraren administrazioak dituen aginpideak erabiltzea.

19. Estatuko antolaketa hidraulikoan eta ur gaietako koordinazio organoetan parte hartzea.

20. Oro har, 1994ko maiatzaren 31ko Hitzarmenak agindutako egitekoak burutzea, Euskal Autonomia Erkidegoaren aginpideko arroetako ur baliabide eta ustiaketen araubidearen ondorio diren gainontzeko eskumenak erabiltzea, eta haiek zaindu ahal izateko behar diren ekintzak proposatu eta gauzatzea, ukituriko gainontzeko sailekiko elkarlanean.

21. Zuzendaritzari zuzenean dagozkion gaiei buruzko irizpenak eta txostenak egitea.