Arreta Soziosanitarioa

1. – Dekretu hau GLSFren Kudeaketa Batzordea arautzeko da. Batzorde hori Lehendakaritzari atxiki zion apirilaren 13ko 186/1999 Dekretuak. Kudeaketa Batzordea erakundeak biltzeko eta koordinatzeko organo bat da eta Euskal Autonomia Erkidegoan GLSFren bitartez Garapen Lankidetzarako ematen diren diru baliabideak izendatzea eta kontrolatzea da bere zeregina.

2. – Kudeaketa Batzordea honako kide hauek osatuko dute:

   Batzordeburua: Kanpo Harremanetarako Idazkari Nagusia.

   Batzordeburua kanpoan edo gaixorik dagoenean eta, orokorrean, legeak jasotako arrazoiren batengatik ezin duenean, Lehendakariordetzak organo honetan duen ordezkariak beteko ditu batzordeburuaren zereginak.

   Bokalak: - Eusko Legebiltzarreko Giza Eskubideen Batzordeko burua.

   • Jaurlaritzaren Lehendakariordetzako ordezkari bat, sailburuorde maila duena.

   • Honako sail hauetako ordezkari bana, (sailburuorde maila izango dute):

   • Ogasun eta Herri Administrazio Saila.

   • Hezkuntza, Unibertsitate eta Ikerketa Saila.

   • Industria, Merkataritza eta Turismo Saila.

   • Emakunde Autonomiadun Erakundearen zuzendaria.

   • Foru aldundien ordezkari bana; ahaldun nagusiaren maila izango dute.

   • Garapen Lankidetzarako zuzendaria; idazkari lanak ere egingo ditu.

3. – Kudeaketa Batzordeko kideek agertu ezin dutenean ordezkatzen duten organo edo erakundeko beste pertsona bati utziko diote batzordearen bileretan parte hartzeko aukera.

4. – GLSFren Kudeaketa Batzordeak Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen II. tituluko II. kapituluan organo kolegiatuentzat xedatutakoa bete beharko du funtzionamenduan.

Honako egiteko hauek izango ditu GLSFren Kudeaketa Batzordeak:

1. – Lehendakaritzak GLSF arautzeko egiten dituen xedapenak aztertzea eta horien berri ematea.

2. – Proiektuak aztertzeko eta ebaluatzeko lan teknikoa gainbegiratzea, GLSFren konturako dirulaguntzak arautzen dituzten xedapenen arabera.

3. – GLSFren konturako dirulaguntzen urteko esleipena proposatzea, Garapen Lankidetzarako Zuzendaritzak horretarako txostenak egin ondoren.

Kudeaketa Batzordeak, bere egitekoak egoki bete ditzan, Kanpo Harremanetarako Idazkaritza Nagusiaren Garapen Lankidetzarako Zuzendaritzaren laguntza izango du. Garapen Lankidetzarako Zuzendaritzaren zeregina izango da aurkezten diren lankidetza proiektuak aztertu eta ebaluatzea, diruz lagundutako proiektuen jarraipena egitea eta Kudeaketa Batzordeari bere egitekoetarako behar duen informazio guztia ematea.