Arautegia
Inprimatu133/1996 DEKRETUA, ekainaren 5ekoa, Lurrari buruzko Legearen Bateratutako Testuaren 129. atalean berdeune eta zabaluneen arloan ohartemandako irizpena Euskal Herriko Lurralde Antolaketarako Batzordeari ematea dagokiola ezartzeko dena.
Identifikazioa
- Lurralde-eremua: Autonomiko
- Arau-maila: Dekretua
- Organo arau-emailea: Lurralde Antolamendua, Etxebizitza eta Ingurugiroa
- Jadanekotasuna-egoera: Indargabetua
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 116
- Hurrenkera-zk.: 2993
- Xedapen-zk.: 133
- Xedapen-data: 1996/06/05
- Argitaratze-data: 1996/06/18
Gaikako eremua
- Gaia: Administrazioaren antolamendua
- Azpigaia: Gobernua eta herri administrazioa; Sailak
Testu legala
Lehendakariordea,
JUAN JOSÉ IBARRETXE MARKUARTU.
Merkataritza, Kontsumo eta Turismo sailburua,
ROSA DÍEZ GONZÁLEZ.
Lurraren araubide eta hiri-antolaketari buruzko Legearen Bateratutako Testua onesten duen ekainaren 26ko 1/1992 Legegintzako Errege Dekretuaren 129. atalak hauxe ezartzen du:
"129. atala. Aldaketa kualifikatua
Planak, Osagarrizko Arauak, Ordezko Arauak eta Ihardute-Egitarauak aldatzeak Planean ohartemandako berdeune edota zabaluneen zonakapen edo hirigintza-erabilera desberdina balu helburu, dagokion Autonomi Elkarteko goren mailako bazkun-gisako ihardutze-organoak onartu beharko du, gaiaren arloan aginpidedun den sailburuak, eta Estatu-Kontseiluak edo dagokion erakunde autonomoak aldeko irizpena eman ondoren."
Hona zein den Dekretu honen helburua: Euskal Autonomi Elkartean, Planean ohartemandako berdeune edota zabaluneen zonakapen edo hirigintza-erabilera desberdina dakarten Plan, Gehigarrizko Arau, Arau Subsidiatu eta Ihardute-egitarauen aldaketei buruzko irizpena eman behar duen "erakunde autonomoa" definitzea, Foru Diputazioek behin betiko onespena eman aurretik.
Ildo horretatik, Euskal Herriko Lurralde Antolaketaren Batzordea dela aipatutako 129. atalean ohartemandako irizpena ematea dagokiona ezartzen du, lurraldearen antolaketa, itsasertz eta hirigintzaren ihardute-esparruan Euskal Autonomi Elkarteko Administrazioaren aholkularitza eta koordinazio erakunde gorena baita.
Ondorioz, berdeune edota zabaluneen zonakapen edo hirigintza-erabilera desberdina dakarten Plan, Gehigarrizko Arau, Arau Subsidiatu eta Ihardute-egitarauen aldaketek Batzorde horren behartze indarreko irizpena beharko dute, Foru Diputazioek behin betiko onespena eman aurretik.
Barne Aldaketarako Plan Bereziek edo Zatiko Planek garatu beharreko esparruetan definitutako zabaluneak edo berdeuneak, toki izaeradunak izanik, Planek aldatuak izan daitezke Batzordearen aurreko irizpenik behar gabe.
Ondorioz, Lurralde Antolamendu, Etxebizitza eta Ingurugiro sailburuaren proposamenez, Jaurlaritzaren Kontseiluak 1996ko ekainaren 5ean egindako bilkuran aztertu eta onartu ondoren, hauxe
Atal bakarra.-
Lurraren araubide eta hiri-antolaketari buruzko Legearen Bateratutako Testua onesten duen ekainaren 26ko 1/1992 Legegintzako Errege Dekretuaren 129. atalaren azken eraskinak aipatzen duen irizpena, Euskal Herriko Lurralde Antolaketaren Batzordearen eskumenekoa izango da, lurraldearen antolaketa, itsasertz eta hirigintzaren ihardute-esparruan Euskal Autonomi Elkarteko Administrazioaren aholkularitza eta koordinazio erakunde gorena izanik dagozkion eskumenen indarrez.
Euskal Herriko Lurralde Antolaketaren Batzordearen egitekoak, kideak eta funtzionamendu erregimena ezartzen dituen urriaren 2ko 263/1990 Dekretuak aipatutako Batzordeari eman dizkion egitekoen artean dagoela irizpen hori joko da.
Garapenerako planeamenduan jasota dauden toki-sistemen aldaketek ez dute izapidetza horren beharrik izango.
Euskal Herriko Agintaritzaren Aldizkarian argitaratzen den egunean bertan jarriko da indarrean Dekretu hau.
Vitoria-Gasteizen, 1996ko ekainaren 5ean.
Lehendakaria,
JOSÉ ANTONIO ARDANZA GARRO.
Lurralde Antolamendu, Etxebizitza eta Ingurugiro sailburua,
Francisco José Ormazabal Zamakona.
