Osasun Saila

Ongizate, Gazteria eta Erronka Demografikoaren Saila

Arreta Soziosanitarioa

Osasun Saila / Ongizate, Gazteria eta Erronka Demografikoaren Saila

Arautegia

Inprimatu

404/1994 DEKRETUA, urriaren 18koa, Euskal Herriko Fundazioen Erregistroa eta Babeslaritza antolatu eta ihardunean jartzeko Arautegia onartzeko dena.

Identifikazioa

  • Lurralde-eremua: Autonomiko
  • Arau-maila: Dekretua
  • Organo arau-emailea: Justizia
  • Jadanekotasuna-egoera: Indargabetua

Aldizkari ofiziala

Deskargatu (PDF)

  • Aldizkari ofiziala: EHAA (Euskal Herria)
  • Aldizkari-zk.: 226
  • Hurrenkera-zk.: 4343
  • Xedapen-zk.: 404
  • Xedapen-data: 1994/10/18
  • Argitaratze-data: 1994/11/28

Gaikako eremua

  • Gaia: Administrazioaren antolamendua
  • Azpigaia: Gobernua eta herri administrazioa
Deskribapenak

Testu legala

Aurkibidea erakutsiAurkibidea ezkutatu
XEDATU DUT : 1. atala.- Euskal Autonomi Elkarteko baimendutako establezimenduetan jartzen diren «B» motako jokomakinak jartzeko instalazio buletinen baimena arautzeko xedea du Agindu honek, Jokoa arautzeko azaroaren 8ko 4/1991 Legean ezarritakoa betez. 2. atala.- 1.- Instalazio buletina administrazio mailako agiria da, Agindu honen eraskinean jasota datorren inprimaki normalizatuan hiru aletan luzatua, eta horren bidez enpresa operatzailea eta establezimenduaren jabea hitzartuta gelditzen dira «B» motako makina jakin bat baimendutako establezimenduan jartzeko. 2.- Instalazio buletina derrigorrezkoa da «B» motako jokomakina ustiatzeko baina ez da nahikoa, ustiatzeko baimena ere behar baitu. 3. atala.- 1.- Instalazio buletina enpresa operatzaileak eta establezimenduaren jabeak izenpetuko dute, eta Joko eta Ikuskizun Zuzendaritzaren baimena ere beharko du. Honako datu hauek jasoko dira gutxienez bertan: a) Makina mota, erregistro zenbakia eta saila. b) Ustiatzeko baimenaren zenbakia. c) Nortasun Agiri Nazionala edo, behar bada, enpresa operatzailearen Identifikazio Fiskaleko Kodea eta izena, eta Jokoaren Errolda Nagusian duen izenematezenbakia. d) Nortasun Agiri Nazionala edo, behar bada, establezimenduko jabearen Identifikazio Fiskaleko Kodea eta helbidea, eta baita establezimenduaren izen komertziala eta helbidea ere. 2.- Instalazio buletinaren baimenak hiru urterako balioa izango du Administrazioak ematen duenetik kontatzen hasita, eta epe hori beste hiru urtez luzatu ahal izango da, baimenak indarra galdu baino bi hilabete lehenago alde batek edo besteak haren balioa salatzen ez badu. 4. atala.- 1.- Instalazio buletinaren baimena honako arrazoiren batengatik amaituko da: a) Buletinaren gehienezko indarraldia igarotzeagatik. b) Aldeek idatziz horrela erabakitzen dutelako Administrazioaren aurrean. c) Instalazio buletinaren baimena amaituta dagoela adierazten duen epai irmoagatik. d) Aurkeztutako zenbait datu edo baimena lortzeko erantsitako agirietan azaldutako beste zenbaiten artean ezberdintasun garrantzizkoak antzematen direlako; hori gertatuz gero, beharrezkoa izango da Joko eta Ikuskizun zuzendariaren erabaki arrazoitua. e) Edozein arrazoirengatik, instalazio buletinaren oinarri zen ustiatzeko baimena amaituta gelditzen delako, edo enpresa operatzailearen jabegoa ezezten delako. f) Zigor-espediente baten ondorioz jarritako zigorragatik, zigor horrekin batera instalazio buletinaren oinarri den baimena amaitu edo geldiaraztekoa badakarte. g) Bi aldeen artean ustiatzen ari diren makinaren inguruan hitzartutako baldintza ekonomikoak horietako alde batek aldatzeagatik, baldintzak idatziz jasota izanez gero. h) Instalazio buletinean oinarritutako «B» motako makina ustiatzean, bi aldeetako batek errentagarritasun ekonomikorik ateratzen ez duelako. Kasu horretan, espedientea erabaki ahal izateko, Administrazioak makinaren ustiaketaren kontuikuskaritza eska diezaioke errentagarritasun eza alegatzen dionari. 2.- Establezimendua edo enpresa operatzailea jabe berri baten eskura joanez gero, horrek ez du amaituko instalazio buletinaren baimenaren indarraldia, izan ere, jabe berria lehengoaren eskubide eta betebeharretan subrogatuko da, jabe berriak Joko eta Ikuskizun Zuzendaritzaren aurrean buletinaren baimenaren balioa salatzen duenean izan ezik; kasu horretan, salaketa egiten den urteko abenduaren 31ra arte geldituko da soilik subrogatuta. 3.- Atal honetako 1 zenbakian ezarritakoa alde batera utziz, aldeetako batek indarrean dagoen instalazio buletina duen jokomakina bat ustiatzeari uko egitea gertatuz gero, ondorioak hauek lirateke: erantzule establezimenduaren jabea bada, buletinetan zigilua jartzeko inhabilitazio zigorra jarriko zaio aurreko buletinak zuen epea igaro arterako, eta erantzule enpresa operatzailea izanez gero, ezingo du ustiatzeko baimenik izan epe hori igaro arte. Erabaki hori Joko eta Ikuskizun zuzendariak hartuko du. 4.- Aurreko ataleko g) eta h) zatietan jasotako arrazoiengatik gertatzen denean amaitzea, erabaki hori Joko eta Ikuskizun zuzendariak hartuko du, dagokion espedientea ireki ondoren. Espedientean erabaki ahalik eta egokiena hartzeko, Administrazioak eragindako arloetako elkarte garrantzitsuenei denen artean txostena egin dezaten eska diezaieke. ALDIBATERAKO XEDAPENA Agindu honek indarra hartu aurretik gauzatutako instalazio buletinek balioa izango dute hitzartu zireneko epea igaro arte edo beste batzuk ordezkatzen dituzten arte, une horretatik aurrera arau honen menpe geldituko direlarik. INDARGABETZE XEDAPENA Indargabe gelditzen da Agindu honetan xedatutakoaren aurka doazen maila bereko edo apalagoko xedapen oro. AZKEN XEDAPENA Agindu honek Euskal Herriko Agintaritzaren Aldizkarian argitaratzen den egunaren biharamunean hartuko du indarra. Vitoria-Gasteiz, 1994ko azaroak 23. Herrizaingo sailburua, JUAN M. ATUTXA MENDIOLA.Ekainaren 17ko 12/1994 Legeak, lege horri berorri lotuta dauden fundazioei buruz Euskal Autonomi Elkarteko Administrazio Nagusiak egindako Babeslaritza arautzen duenean, batez ere aholkuak eta argibideak emateko administrazio-organo lez eratzen du Babeslaritza hori; baina ez ditu alde batera uzten erakunde horiei onarpena eta legezko babesa emateko oinarrizkoa den interes orokorrak eskatutako ikuskaritzaeginkizunakere. Babesa eman behar izan arren, lege horrek argi eta garbi aukeratu du askatasunaren bidea, eta alde batera uzten ditu Babeslaritzak aurretik baimenak eman eta kontrolak egin behar izatea. Oreka estua zaintzen du legeak bi alderdi hauen artean: batetik, fundazio bakoitzaren nahia eta iharduteko autonomia errezpetatzen ditu, erakunde horien indar suspertzaile direlako, eta bestetik, kudeatzaileei erantzukizuna ezartzen dieten mekanismoak arautzen ditu, fundazioek sustatutako interes orokorra babestu eta berrezartzeko beharrezkoak direnean. Irizpide horiekin bat etorriz eta legearen azken erabakietako bigarrenean ohartemandakoa betetzeko, arautegi honen II. atalburuan uzten dira araututa Fundazioen Erregistroa eta Babeslaritza antolatu eta ihardunean jartzeko zenbait alderdi, ikuspuntu bitatik begiratuta. Alde batetik, Zuzentza Sailari dagozkion ahalmenak garatzen dira, bere pentzutan uzten baita horiek betetzeko erantzukizuna; eta bestetik, ordea, fundazioen alor berezietan eskuduntzak izan eta Aholku Batzordean sartuta gelditzen diren sailei egotzitako ahalmenak garatzen dira, Babeslaritzari sorospena eta laguntza emateko eginkizunak izango baitituzte. Ildo horretatik, Aholku Batzordea, aholkuak emateko izango denez, maila bitan egituratzen da: Osoko Bilkura eta Batzorde Teknikoa. Lehenengoak, bada, erantzukizun gehiagoko eginkizun orokorrak izango ditu, eta fundazioen izaerarekin eta ihardunekin zuzenean edo zeharka lotuta izan daitezkeen administrazioorgano guztien artean osatuko dute. Bigarrenak, aldiz, eginkizun teknikoak izango ditu eta kide gutxiagok osatuko dute, eraginkortasun gehiago izan dezan. Fundazioen Erregistroa, ostera, II. atalburuko 3, 4 eta 5. sekzioetan arautzen du arautegiak, nola eraman, zelako edukina eman eta nola zabalkundea eta inskripzioak egin, guzti hori garatuaz. Bestalde, III. atalburuan arautzen da Babeslaritzaren administrazio araubidea, fundazioen ihardunbide eta ihardunei dagozkienean; zehatzago esanda, arlo hauek arautzen dira: fundazioaren gobernua (1. sekzioa), ekonomiaren kudeaketa (2. sekzioa), kontabilitate eta aurrekontuen kudeaketa (3. sekzikoa), eta fundazioak aldatzea, batzea eta iraungitzea (4. sekzioa). Azkenik, arautegiaren IV. atalburuan xedapen orokorrak aipatzen dira, hala nola: ihardunbideak, kontsultak, agiriak aurkezteko tokia, errekurtsoak, etabar. Ondorioz, Zuzentza sailburuaren proposamenez, Juarlaritzaren Kontseiluak 1994ko urriaren 18an egindako bilkuran aztertu eta onartu ondoren, hauxeXEDATU DUT:Atal bakarra.- Euskal Herriko Fundazioen Erregistroa eta Babeslaritza antolatu eta ihardunean jartzeko Arautegia onartzen da, eta dekretu honen eraskinean argitaratzen da. GEHIGARRIZKO XEDAPENA Bakarra.- Espedienteak bidaltzea. Hezkuntza, Unibertsitate eta Ikerketa Sailak, Kultura Sailak eta Lan eta Gizarte Segurantza Sailak Zuzentza Sailari bidaliko dizkiote beren fundazioen jatorrizko espedienteak, fundazio horiekin babeslaritza eta erregistro eginkizunak bete izan badituzte. ALDIBATERAKO XEDAPENAK Lehenengoa.- Estatutuak egokitzea. 1.- Legearen aldibaterako xedapenetatik lehenengoan eskatzen diren betebeharren arabera, erregistroan aurkeztu beharko dira fundazioen estatutuak, legean ohartemandako epean bertako xedapenetara egokitu eta gero, esandako epe horretan inskripzioa egiteko. 2.- Betebehar horiek bete gabe uzten baditu gobernuorganoak,indarrik gabe geldituko dira legearen aurka dauden estatutuetako xedapenak. Horrelako kasuetan, legearen 31.3. atalean ezarritakoarekin bat etorriz, dena delako fundazioak bere estatutuen arabera egoki iharduterik ez badu, Babeslaritzak, dekretu honi erantsitako arautegiaren 62.2. atalean xedatutakoarekin bat etorriz, bidezkoak diren aldaketak egiteko agindua eman dezatela eskatu ahal izango die epaileei; baina, horrek ez du esan nahi gobernu-organoari dagokion erantzukizunari buruzko egintzak aurkezterik izango ez duenik. Bigarrena.- Aurretiko inskripzioak. Egundaino indarrean dauden FundazioErregistroek egindako inskripzioek balio osoa izango dute eta aurrerantzean ere ondorio guztiak sortuko dituzte. Hirugarrena.- Espedienteen izapideak egitea. Lehenagoko legeen arabera hasitako espedienteen izapideak haien arabera egingo dira eta halaxe erabakiko ditu sail bakoitzak. Ekainaren 17ko 12/1994 Legea indarrean jarri eta gero hasitakoak, aldiz, lege horren arabera amaituko dira; sail bakoitzak berari dagozkionak egingo ditu, harik eta Zuzentza Sailaren menpeko Babeslaritza berriak eta Fundazioen Erregistro bakarrak eraginkortasun osoa lortu eta ihardunean jarri arte, dekretu honen azken xedapenetatik lehenengoan xedatutakoaren arabera. INDARGABETZE XEDAPENA Bakarra.- Indargabetuta gelditzen dira honako hauek: azaroaren 12ko 359/1985 Dekretua, Ongizate eta Laguntzarako Fundazioen Erregistroari dagokionean; Hezkuntza eta Kultura Sailaren 1983ko urriaren 21eko Agindua eta Hezkuntza, Unibertsitate eta Ikerketa Sailaren 1986ko maiatzaren 14ko Agindua; eta horiekin batera, erantsita doan arautegian xedatutakoaren aurka dauden maila bereko edo beheragoko beste xedapen guztiak ere indargabetuta gelditzen dira. AZKEN XEDAPENAK Lehenengoa.- Garapena eta betearaztea. Dekretu hau garatu eta betearazteko beharrezko xedapenak agintzeko ahalmena ematen zaio Zuzentza sailburuari. Lehendakaritza, Lege Araubide eta Autonomi Garapenerako Sailak eta Ekonomi eta Finantza Sailak, bakoitzak bere eskumenen eremuan, dekretu hau ezarri eta betearazteko bidezko diren neurriak hartuko dituzte. Bigarrena.- Indarrean jartzea. Euskal Herriko Agintaritzaren Aldizkarian argitaratzen den egunaren biharamunean jarriko da indarrean dekretu hau. Baina, arautegiaren II. atalburuko 1, 2 eta 3. sekzioetan eta horiekin bat datozen gainerako xedapenetan xedatutakoa ezingo da ezarri 1995eko martxoaren 1erarte. Vitoria-Gasteizen, 1994ko urriak 18. Lehendakaria, JOSÉ ANTONIO ARDANZA GARRO. Zuzentza sailburua, JOSÉ RAMÓN RECALDE DÍEZ.ERASKINA EUSKAL HERRIKO FUNDAZIOEN ERREGISTROA ETA BABESLARITZA ANTOLATU ETA IHARDUNEAN JARTZEKO ARAUTEGIA.I. ATALBURUA.- ATARIKO XEDAPENAK 1. atala.- Arautegi honetan jasotako legeaipamenen esanahia. 1.- Lege hitza beste zehaztasunik gabe esaten denean, Euskal Autonomi Elkarteko Fundazioak arautzen dituen ekainaren 17ko 12/1994 Legea aipatzen da. 2.- Arautegia hitza esaten denean, Euskal Herriko Fundazioen Erregistroa eta Babeslaritza arautzen dituen xedapen hauxe bera aipatzen da. 3.- Euskal Autonomi Elkarteko Fundazioei buruzko Legeari lotuta dauden fundazioei buruz Euskal Autonomi Elkarteko Administrazio Nagusiak Eusko Jaurlaritzako Zuzentza Sailaren bidez egindakoa, horixe da Babeslaritza. 4.- Administrazio ihardunbidea esaten denean, bestalde, Herri-Administrazioen Lege Jaurbideari eta Guztientzako Ihardunbideari buruzko azaroaren 26ko 30/1992 Legearen edukina aipatzen da; edo bestela, geroago egindako aldaketak eta, kasua hori bada, legea aldatzen duten arauak eta Konstituzioaren 149.1.18. atalarekin bat etorriz guztientzako administrazio ihardunbidea arautzen duten arauak. 5.- Fundazioen Erregistroa, ostera, Euskal Autonomi Elkarteko Fundazioei buruzko ekainaren 17ko 12/1994 Legearen 40. atalaren bidez sortutakoa da. 2. atala.- Administrazioorganoei buruzko hitzen esanahia. 1.- Ekainaren 17ko 12/1994 Legeari atxikitako fundazioen gainean Babeslaritza egiten duen saila Eusko Jaurlaritzako Zuzentza Saila da, edo geroakarrenean eskuduntza berberekin bere ordez jar dadin beste edozein sail. 2.- Eskuduntzak dituzten sailak, ostera, fundazioek dituzten helburuen arabera emandako sailkapena kontuan hartuta, legeak eta arautegiak agindutako eginkizunak bete eta betearazten dituzten sailak dira. 3.- Kabinete Teknikoko Zuzendaritza izango da Zuzentza Sailak Babeslaritza egiteko erabiliko duen organoa. Zuzendaritza horri buruz egindako aipamen guztiak, bada, geroakarrenean bere ordez jarritako beste edozein organorentzat ere berdin balio dutela ulertu behar da. 4.- Kabinete Teknikoko zuzendaria, bestalde, aurreko idazatian aipatutako zuzendaritzako burua bera da. 3. atala.- Fundazioa edo fundazioak hitzaren esanahia. Arautegian fundazioa edo fundazioak hitza esaten denean, legearen arauen menpe jarritako fundazioak aipatzen dira.II. ATALBURUA.- BABESLARITZAREN ANTOLAKETA ETA IHARDUERA 1. SEKZIOA.- ARAU OROKORRAK ETA EGITURA ORGANIKOA. 4. atala.- Helburua. Ekainaren 17ko 12/1994 Legeak araututako fundazioei aholkuak eman, laguntza teknikoa eskaini eta kontrola egitea da Euskal Autonomi Elkarteko fundazioen Babeslaritzak duen helburua; izan ere, fundazioak eratzeko eskubidea zuzen erabiliko dela erraztu eta sustatzeko eta fundazioen eraketa eta iharduera legez egingo direla bermatzeko izango baita. 5. atala.- Eginkizunak. 1.- Aurreko atalean adierazitako helburuak betetzeko, Babeslaritzari dagozkion eginkizunak fundazioei buruzko legean egotzitakoak dira, baina arautegi honetan finkatutako zehaztasunen arabera. 2.- Babeslaritzak fundazioekin izango dituen harremanetan, argibideak zabaldu, laguntza eskaini eta aholkuak emango dizkie, bai fundazioak eratu behar direnean zein ihardunean aritzeko orduan, zelako araubide juridikoa duten kontuan izan dezaten eta hortik eratorritako betebeharrak bete ditzaten. 6. atala.- Administrazio antolaketa. 1.- Babeslaritza izan, bakarra izango da, eta Zuzentza Sailaren Kabinete Teknikoko Zuzendaritzak beteko du. Helburu horretarako, bada, zuzendaritza horrek honako administrazio lantaldea erabiliko du: - Erregistro, Ahokularitza eta Kontrolerako Lantaldea. 2.- Lantalde horren arduran izango dira Fundazioen Erregistroa bete eta erregistroan inskribatu aurretiko espedienteen izapideak egitea; erabakiak hartzeko proposamenak egin, aholkuak eman eta zaintza burutzeko orduan Babeslaritzarenak diren eginkizunak ere bereak izango ditu lantalde horrek, arautegi honetako 8. atalean xedatutakoaren ondorioz Eusko Jaurlaritzako beste sailei egotzitako eskuduntzen aurka jarri gabe. 7. atala.- Zuzentza Sailaren eskuduntzak. 1.- Zuzentza sailburuari, Babeslaritza egiten duen saileko buru denez, honako eginkizunak dagozkio: a) Agindu bidez erabakiko ditu fundazioen hasierako inskripzioa egiteko espedienteak, baita fundazioak aldatu, batu eta iraungitzeko ere. b) Fundazioen gobernuorganoetako kideen aurkako erantzukizunagatiko egintzak burutzea proposatuko dio Jaurlaritzaren Kontseiluari, baita legean ezarritakoaren arabera bidezko izan dadin beste edozein auzibide jartzea ere. c) Fundazioen arautegiak eguneratzea proposatuko dio Jaurlaritzaren Kontseiluari, baita fundazioen eginkizunak hobeto betetzeko lagungarri izan daitezen beste edozein neurri hartzea ere. d) Kabinete Teknikoko zuzendariaren erabakien aurka aurkeztutako errekurtsoak ere sailburuak ebatziko ditu. 2.- Gainerako eginkizun guztiak Kabinete Teknikoko zuzendariak beteko ditu. Zuzentza sailburuaren erabakiekin amaitu egiten da administrazio bidea eta administrazioarekiko auzitarako jurisdikzioan aurkatu ahal izango dira, indarrean dauden legeen arabera. 8. atala.- Beste sailen eskuduntzak. 1.- Fundazioek beren buruei jarritako helburuen izaera kontuan hartuta, fundazioei laguntza eman eta fundazio horiek sustatu eta koordinatzeko dituzten egitekoez aparte, legearen 36.4. atalean ohartemandako betetzeindarreko irizpentxostena egin eta bertan adierazitako beste eginkizunak bete beharko dituzte sail horiek, beti ere fundazioek garatzen dituzten ihardueren arloan sail bakoitzak dituen eskuduntzen arabera. 2.- Aurreko lerroaldian aipatutako irizpentxostenak hilabeteko epean egingo dira. Aipatutako epean egiten ez badira, delako irizpentxostena aldekoa dela ulertuko da, espedientearen izapideek aurrera jarrai dezaten eta dagokion erabakia eman dadin. Dena dela, geroago bada ere, izango da irizpentxostena bidaltzeko aukerarik, nahiz eta behin-betiko erabakia eman baino lehenago izan beharko den. 3.- Arautegi honetan ohartemandakoarekin bat etorriz, eskuduntzak dituen sail bakoitzari dagokio betetzeindarrekoirizpentxostena egitea honako espediente hauen izapideak egiten direnean: a) Autokontrataziorako baimena emateko. b) Fundazioak eratu, aldatu, batu eta iraungitzeko denean. c) Babeslaritzaren Behin-behineko kudeaketarako denean. d) Aurrekontua, kontuak eman eta kontuak gordailuan jarri behar direnean. 2. SEKZIOA.- AHOLKU BATZORDEA 9. atala.- Kontsultarako batzordea. Legearen 36.3. atalean ohartemandako Aholku Batzordea kontsultarako organoa da eta Zuzentza Sailari atxikita dago. Fundazioen iharduerak garatzen diren arloetan eskuduntzak ditutzen saileko ordezkariek osatuko dute batzorde hori eta sorospen teknikoa eta aholkuak emango dizkio Babeslaritzari bere eskuduntzen eremuan. 10. atala.- Iharduteko araubidea. 1.- Aholku Batzordeak Osoko Bilkura eta Batzorde Teknikoa izango ditu. Gutxienez urtean behin bilduko da Osoko Bilkura, bertako lehendakariak deituta. Batzorde Teknikoa, aldiz, eztaibaidatzeko gairik dagoen guztietan bilduko da edo Osoko Bilkurako kideren batek hala eskatuta. 2.- Batzorde zehatzak eratu ahal izango ditu Aholku Batzordeak, dagozkion lanak prestatzeko, Aholku Batzordeko kideez osatuta. Osoko Bilkuraren eta Batzorde Teknikoaren bileretara, bestalde, dena delako gaiko espezialista edo adituak joan daitezke lehendakarien erabakiz, hizpidea bai, baina botorik izan gabe. 3.- Aholku Batzordea eratu eta ihardunean jartzeko, orain arte oharteman gabe dauden kasu guztietan, kide anitzeko administrazio organoak arautzen dituzten arauetan xedatutakoari lotuko beharko zaio. 11. atala.- Osakera. 1.- Aholku Batzordearen Osoko Bilkura honako kide hauek osatuko dute: - Zuzentza sailburuak. - Zuzentza Saileko Kabinete Teknikoko zuzendariak. - Ekonomi eta Ogasun Saileko Zerga Administrazioko zuzendariak. - Sailen barruan arlo hauetakoren batean diharduen ordezkari batek, baina zuzendari maila duena: . Hezkuntza, Unibertsitatea eta Ikerketa. . Kultura, Gazteria eta Kirola. . Lana eta Gizarte Segurantza. - Zuzentza Saileko Idazkaritza Teknikoko arduradunak. - Erregistro, Ahokularitza eta Kontrol Lantaldeko arduradunak. 2.- Batzorde Teknikoa honako kide hauek osatuko dute: - Kabinete Teknikoko zuzendariak. - Zuzentza Saileko Idazkaritza Teknikoko arduradunak. - Erregistro, Ahokularitza eta Kontrol Lantaldeko arduradunak. - Kasu bakoitzean eskuduntzak dituen sailaren izenean, Osoko Bilkurako kide den ordezkariak. 3.- Sail bakoitzeko sailburuak izendatuko ditu saileko ordezkariak, bai titularra eta bai ordezkoa ere. Kasu horietan eta Kabinete Teknikoko eta Zerga Administrazioko zuzendarien kasuetan, gainera, dena delako saileko goimailako teknikariren bat izan daiteke ordezko. 4.- Fundazioren batek berak betetzen dituen ihardunen izaeragatik, 1. idazatian aipatutako Eusko Jaurlaritzako sailekin barik beste batekin baditu harremanak, sail horrek Aholku Batzordean sartzea eska dezake, kide berria izateko, edo, bestela, iadanik partaide diren sailetakoren baten esku utz dezake bere ordezkaritza; horrela bada, egoki iritzitako oharrak helaraziko dizkio. 12. atala.- Lehendakaria eta idazkaria. 1.- Aholku Batzordearen Osoko Bilkurako Lehendakaritza eta Lehendakariordetza, hurrenez hurren, Zuzentza sailburuak eta Kabinete Teknikoko zuzendariak beteko dute. Zuzendari horri dagokio, halaber, Batzorde Teknikoaren Lehendakaritza; kargu horretatik ordezkatu beharrik izanez gero, Zuzentza Saileko Idazkaritza Teknikoko arduraduna izango da ordezkari. 2.- Batzordeko Osoko Bilkuraren Idazkaritza, ordea, goimailako funtzionario batek beteko du, hizpidea bai, baina botorik izan gabe. Zuzentza Saileko Kabinete Teknikoko Zuzendaritzara atxikita dagoena izango da, eta bere ardurapekoa izango da Batzorde Teknikoaren Idazkaritza ere. 13. atala.- Eginkizunak. 1.- Honako hauek dira Aholku Batzordearen eginkizunak: a) Legearen 40.2. atalean ohartemandako aldeko irizpentxostenaegin ahal izateko, fundazioa inskribatzeko espedienteen aurre azterketa egingo du, fundazio bakoitzak duen helburu nagusiaren arabera sailkatu ahal izateko. Irizpentxosten horretan arauzko egiaztapen hauek baino ez dira egingo: legean ohartemandako gai guztiak jasotzen direla eratzeagirian, fundazioaren helburuak legezkoak eta guztien intereserako direla eta, legearen 9. atalean ezarritakoaren arabera, fundazioak duen ondarea nahiko dela bere ihardueren lehenengo egitaraua garatzeko. b) Babeslaritzari dagozkion auzibideen aurretiko irizpentxostena egingo du. c) Zuzentza sailburuak edo, bestela, Kabinete Teknikoko zuzendariak edo Aholku Batzordean dauden saileteko ordezkariek eskatutako irizpentxosten guztiak egingo ditu. d) Babeslaritzaren ihardueren Urteko Memoria onartuko du; Babeslaritzaren iharduteko irizpideak finkatzeko beharrezkotzat jo daitezen proposamenak ere berak onartuko ditu. e) Fundazioen arautegia aldatu edo garatu aurreko irizpentxostena egingo du. f) Babeslaritzaren lana egiteko lagungarri izan daitezen beste eginkizun guztiak ere berak beteko ditu. 2.- Goian aipatutako eginkizunetatik d) eta e) idazatietan jasotakoak Osoko Bilkurak beteko ditu eta beste guztiak, Batzorde Teknikoak; Osoko Bilkurak hurrengo lehenengo batzarra egiten duenean eman beharko dio bere ihardueren berri Batzorde Teknikoak Osoko Bilkurari. 3.- 1. lerroaldian ohartemandako irizpentxostenak egiteko epeak eta ondorioak 8.2. atalean finkatutako berberak izango dira. 4.- Aholku Batzordeak bere-bereak dituen eginkizunak bete ahal izan ditzan, inskripzioa eska dezaten fundazioen datuez eta aurrekariez gain, bere iharduerak helburu onera eramateko beharrezko agiriak eta Babeslaritzari atxikitako baliabide materialak eta pertsonalak jarri beharko ditu Batzordearen eskutan Babeslaritzak. 3. SEKZIOA.- FUNDAZIOEN ERREGISTROA 14. atala.- Erregistro bakarra. 1.- Euskal Herriko Fundazioen Erregistroa, Zuzentza Saileko Kabinete Teknikoko Zuzendaritzaren menpekoa dena alegia, bakarra da, eta jarraian aipatzen diren sekzioak izango ditu, fundazio bakoitzaren helburuak kontuan direla emango zaizkien sailkapen ezberdinen arabera: a) Lehenengo sekzioa: irakaskuntzan eta ikerketan diharduten fundazioena. b) Bigarren sekzioa: ongizate, laguntza eta lanerako diren fundazioena. c) Hirugarren sekzioa: kultura, gazteria eta kiroletarako diren fundazioena. d) Laugarren sekzioa: beste guztiak hartzen dituztenak. 2.- Fundazioren baten sailkapenari buruz zalantzarik balego, zelako sekzioa dagokion zehaztu ahal izateko alegia, fundazioaren sorrera agirian edo estatuetan sortzaileak agertutako borondateak adierazten duena onartuko da. 3.- Sekzio bakoitzaren barruan azpisekzio bat irekikoda, legearen ezarpen eremutik kanpo dauden fundazioek Euskal Autonomi Elkartean dituzten ordezkaritzak edo egoitzak inskribatu ahal izateko, legearen lehenengo erabaki gehigarrian xedatutakoarekin bat etorriz. 15. atala.- Eginkizunak. Hauek dira Fundazioen Erregistroaren eginkizunak: a) 22. atalean xedatutakoaren arabera erregistroan jaso behar diren egintzak sailkatu eta inskribatzea. b) Derrigorrez bete behar diren liburuak gaitu edo legeztatzea. c) Arautegi honetako 59. atalak aipatzen dituen urteko kontuak eta gainerako agiriak gordailuan jasotzea. d) Legean eta arautegian ohartemandakoaren arabera, egiaztagiriak eta zabalkunderako beste tresna edo baliabideak egitea. e) 68. atalean xedatutako moduan, bere eskumenekoak diren gaiei buruz egindako kontsultei erantzutea. f) Legeak edo arautegiak egotzitako beste edozein eginkizun betetzea. 16. atala.- Erregistroa nola bete. 1.- Elkarren hurrenkerako zenbakiak dituzten orri higikor arautuez egindako sistemaren bidez beteko da Fundazioen Erregistroa; eratze inskripzioaren lehenengo idazpenaren egunaren ondoren, hurrenkera kronologikoa zainduko da, fundazio bakoitzaren historia bizia une oro agertzeko moduan. Orriaren eskuineko goiko ertzean agertuko da erakundearen inskripzio zenbakia. 2.- Makinaz edo informatika bidez egingo dira idazpenak. Ertzetako oharrak eskuz edo zigiluz ere egin ahal izango dira. 17. atala.- Protokoloa. Fundazio bakoitzari protokolo edo espediente bat irekiko zaio. Bertan sartuko dira inskribatzeko aurkeztutako agiri guztiak, baita horiei buruz administrazioak hartutako erabakiak eta fundazioaren antolaketa, iharduera eta ihardunei buruz egindako beste agiri guztiak ere, agiritegi berezirik izendatuta ez badute. 18. atala.- Gaitu eta legeztatutako liburuen fitxategia. Fundazio bakoitzerako fitxa bana eginez beteko da gaitutako liburuen fitxategia; eta fitxa bakoitzean, erakundearen izena eta inskripzio zenbakia, gaitutako liburua zein motakoa den eta zein egunetan gaitu zen jasoko dira. 19. atala.- Kontuen gordailuko fitxategia. Aurreko atalean ohartemandako moduan beteko da kontuen gordailuko fitxategia ere; fundazioaren izena eta inskripzio zenbakiaz gain, gordailuan utzitako agiri mota, zein egunetan utzi den eta zein ekonomia ekitaldikoa den jasoko dira fitxategian. 20. atala.- Hutsen zuzenketa. 1.- Inskripzioetan egindako hutsak, inskripzio horiek edozein eratakoak direla ere, ezingo dira zuzendu konponketak, narrioak edo urradurak eginda. Idazpen berri bat eginez zuzenduko da, eta beste zenbaki bat emango zaio. Hona hemen bertan jasoko diren puntuak: a) Hutsa zein idazpenetan egin zen eta zein lerrotan dagoen. b) Okerrezko hitzak edo kontzeptuak. c) Oker daudenen ordez jarritako berbak. d) Aurreko idazpena zuzendu egin dela argitzen duen aitorpena. 2.- Orri ertzeko oharren zuzenketa, bada, zuzendutako oharretatik ahal denik eta hurbilen egingo da. 3.- Erregistroko idazpenen bat zuzentzen denean, idazpen berriaren aipamen argia egin behar da idazpen okerraren ertzean. 4.- Inskripzio bat zuzendu ondoren, horrekin lotuta dauden gai guztiei buruzko beste idazpenak ere zuzendu egingo dira, beste liburu batzuetan egon arren, horrek ere okerrak badira. Ertzean oharrak eginez burutuko da zuzenketa hori. 21. atala.- Inskripzioak egiteko epea. Inskripzioa egiteko diren agiriak aurkezten direnetik hurrengo bi hilabeteen barruan egingo dira inskripzioak, akatsik ez badago. Hutsak zuzentzeko espedienteari hasiera eman izan bazaio, aldiz, hutsa zuzendu edo agiriak aurkezten direnetik kontatuko da epea, erregistroko arduradunak eskatutakoaren arabera. 4. SEKZIOA.- ERREGISTROAREN EDUKINA ETA ZABALKUNDEA. 22. atala.- Inskribatu daitezkeen egintzak. Honako hauek inskribatu beharko dira Fundazioen Erregistroan: a) Fundazioa eratzea eta fundazioa aldatu, batu, iraungi eta likidatzeko egintzak. b) Hasierako gobernu organoa osatzen dutenen zerrenda eta gero izandako aldaketa guztiak; likidatzailerik izendatzen bada, horiek ere jasoko dira, baita karguak onartu dituztela ere. c) Gobernu organoek agindutako ordezkaritza eta/edo ahalmentze orokorrak eta ezestapenak; auzietarako aginpidea kanpoan uzten da. d) Hasiarazi daitezen auzibideak eta horiei emandako sententzia finkoak. e) Legearen 22. atalean aipatutako erabiltze egintzak edo zergapetze egintzak. f) Legearen 38. atalean xedatutakoaren arabera, fundazioaren Behin-behineko kudeaketarako baimena lortzeko egindako eskaria, baita ihardunbide horretan epaileak emandako erabakia ere. g) Legeak agintzen duen beste edozer. 23. atala.- Derrigortasuna. 1.- Aurreko atalean zerrendatutako egintzak nahitaez jaso behar dituzte erregistroan legearen menpe dauden fundazioek; egintzak amaitu eta irmotasun juridikoa lortzen dutenetik hiru hilabeteko epean egingo da hori. 2.- Fundazioa eratzeko egintza «inter vivos» erregistratzen denean, fundazioa eratzeko agiria ematen denean hasiko da derrigortasuna; oinordetzaren ondorioz eratzen denean, aldiz, ordeinua egin duena hiltzen denean hasiko da derrigortasuna, egintza biok ere atzera ezinezkoak dira eta. 24. atala.- Erregistroaren ondorioak. 1.- Fundazioen eratze agiria inskribatzea ezinbesteko baldintza da nortasun juridikoa lortzeko, legearen 5.2. atalean xedatutakoarekin bat etorriz. 2.- Fundazioen gobernu organoak dira inskripzioak egitera behartuta daudenak; egingo ez balute, erantzukizundun bihurtuko lirateke. 25. atala.- Erregistroaren iharduera arautua. 1.- Inskriba daitekeen egintza bati ere ez zaio inskripzioa ukatuko, legeak eta ezargarri diren beste xedapenek ezarritako baldintzak betetzen baditu eta erregistroan jaso behar diren datu guztiak gordetzen baditu, arau horietan ezarritakoaren arabera. 2.- Akatsik egon eta konpontzeko modukoa bada, hilabeteko epea emango da horretarako, baina izapide hori jaso egingo da erregistroko orriaren ertzean ohar bat idatzita. Hala ere, horrek ez du esan nahi indarrik gabe gelditzen direnik legearen 7.3. atalean finkatutako interpretazioak, bidezkoak badira. 3.- Inkripzioa ukatzeko erabakirik hartzen bada, arrazoietan oinarritutakoa izan behar da beti, eta dagozkion errekurtsoak aurkeztu ahal izango dira bere aurka, legean eta arautegi honetan xedatutakoaren arabera. 26. atala.- Erregistroaren zabalkundea. 1.- Euskal Autonomi Elkarteko Fundazioen Erregistroa publikoa da, edukina jakin nahi duen edonorentzat. 2.- Eskabidea aurkeztea bera da nahiko arrazoi interesa dagoela agertzeko, edozein fundazio zehatz baten erregistroko datuak eskatzen badira, hala nola: inskripzioa, izena, helburuak, helbidea, gobernu organoa osatzen dutenen izena eta ihardunarauak. 3.- Aurreko idazatian aipatutako erregistrokodatuez bestelakoak eskatzen direnean, eskabidea egiten duenak ondo zuritu beharko du legezko interesa duela. 4.- Dena delako mailako administrazio eta auzitegietako agintariek erregistroan dagoen edozein daturen gaineko informazioa eska dezakete, beren eginkizunak betetzeko, hala behar badute. 27. atala.- Erregistroari zabalkundea emateko bideak. 1.- Legearen 40.3. atalean xedatutakoarekin bat etorriz, idazpenen edukina jasoten duten egiaztagirien bidez egingo da erregistroaren zabalkundea, dela informazio ohar soila emanda, dela idazpenen kopia erkatua eginda, baina beti eskegileak eskatutako moduan. 2.- Erregistroaren edukina benebenetan egiaztatzeko bide bakarra egiaztagiria izango da. 28. atala.- Egiaztagiriak. 1.- Egiaztagiriak positiboak edo negatiboak izan daitezke. 2.- Egiaztagiri positiboak osokoak edo zati batenak izango dira. Erregistroko idazpenei edo arautegi honen 17. atalean arautu eta erantsita doan protokoloari buruzkoak izan daitezke. Baina, espedienteari lotuta dauden irizpentxostenen egiaztagiririk ezingo da egin. 3.- Erregistroaren osoko egiaztagiriak guztiz etz zehatz jasoko ditu fundazio bakoitzarentzat irekitako orrietan egindako idazpenak. Erregistroari erantsita dagoen protokoloaren osoko egiaztagiriak, bestalde, bertan gordetako agiri guztien erreprodukzio osoosoa jasoko du, beti ere fundazio zehatz bati buruzkoak direnean. Kasu horietarako, fotokopiagailua edo erreprodukziorako beste edozein tresna erabili ahal izango da. 4.- Egiaztagiriak zati batenak direnean, beti eta derrigorrez adierazi beharko da jaso gabe utzi den horretan ez dagoela ezer egiaztatutakoa gehitu, gutxitu, aldatu edo baldintzatzen duenik. 5.- Gobernu organoa osatzen duten kideen zerrenda egiaztatzeko egindako agirietan inskripzio eguna jaso beharko da; eta horrekin batera, beste ohar bat ere bai, organo hura sortu zen egunetik aurrera erregistroan ez dela inolako jakinarazpenik sartu orduko hura aldatu dela adierazteko. 6.- Idazpenei buruz edo protokoloaren gordailuan utzitako agiriei buruz egiaztagiri negatiboak egiten direnean, bestalde, edo denbora aldi zehatz batekoak aipatuko dira edo bakoitzaren erregistroa ihardunean jarri zenetik igarotako denborakoak, beti ere eskatzaileak eskatutakoaren arabera. 7.- Arregistroko arduradunak egingo ditu egiaztagiriak, eskabidea aurkezten denetik 10 eguneko epean. 29. atala.- Informazio oharrak edo kopia erkatuak. Erregistroko idazpenen informazio ohar soila edo gordailuan utzitako agirien kopia erkatua 5 eguneko epean egingo da, eskabidea egiten denetik kontatuta. Orri kopurua eta zein egunetan egin diren azaldu beharko da ohar eta kopia horietan, eta erregistroaren zigilua eraman beharko dute itsatsita. 30. atala.- Eskabideak. 1.- Erregistroaren edozein modutako zabalkunderako eskabideak idatziz egin behar dira, erregistroko arduradunari zuzenduta. Ezagutzen dituen inguruabar guztiak azaldu beharko ditu eskegileak, eskatutako datuak bilatzeko lana errazteko. Hala ere, azaldutako datuak nahiko ez badira, egiaztagiria eman gabe utzi lezake erregistroak, eta horrela jakinaraziko dio eskegileari. 2.- Erregistroko arduradunak zalantzarik izango balu eskatutako datuen zabalkuntza egiteko, Babeslaritzari aurkeztu beharko lioke arazoa, bidezkoa zer den erabaki dezan. 5. SEKZIOA.- ERREGISTROKO INSKRIPZIOAK. 31. atala.- Hasierako inskripzioa. 1.- Arautegi honetako 23. atalean ohartemandako epean aurkeztu beharko da fundazioa eratu dela inskribatzeko eskaria, honako agiri hauek aurkeztuta: a) Fundazioaren sorrerako agiria eta, bereziki, estatutuak; legearen 6. atalean eskatutako alderdi guztiak izan beharko ditu lehenengoak; estatutuek, aldiz, legean ohartemandako punturik txikiena ere ezingo dute alde batera utzi. b) Gobernu organoaren kideek kargua onartzean jasotako agiria, legeak baimendutako eratakoren baten arabera egina. c) Ihardueren lehenengo egitaraua garatzeko behar besteko hasierako diruizendapena benetan ekarri dela egiaztatzen duen agiria. Fundazioaren lehenengo ekitaldiari dagokion aurrekontuaren bidez agertuko da egitarau hori, 53. atalean xedatutako moduan egina. Horrekin batera, ekonomiako azterlan bat aurkeztu behar da, legez baimendutako profesional batek egina, ekarritako baliabideekin egitaraua bideragarria dela egiaztatzeko. d) Ekarpena dena batera barik aldika egitekoa bada, egiteke dauden ordainketak zelan eta zelako gehienezko epean egingo diren adierazi beharko da. Ekarpenak diruzkoak ez direnean, horien izaera, balioa eta edukina zehaztuko dira, entzute handiko adituek egindako irizpentxostenaz.Ekarpenok egiteko era eta epeak ere azaldu egin behar dira. 2.- Hasierako inskripzioa Aholku Batzordeak aldeko irizpentxostena eman ondoren egingo da, arautegi honetako 21 eta 25. ataletan ohartemandako epe eta eran. Baina ezingo da inskripzioa ukatu, legean eta ezargarri diren beste arauetan beharretsitako baldintzak betetzen badira aurkeztutako agirietan. 32. atala.- Izenak berdinak direnean. 1.- Legearen 7.1 a) atalean xedatutakoaren arabera, fundazioek ezingo dute erregistroan lehendik inskribatuta dagoen beste fundazio batek duen moduko izen berdina hartu. 2.- Berdintzat joko dira izenak honako kasuetan: a) Hitz berberak erabiltzen direnean, nahiz eta hurrenkera, generoa edo numeroa beste bat izan. b) Hitz berberak erabiltzen direnean, termino edo adierazpen orokor edo azalezkoak gehituta edo kenduta erabili arren; edo artikuluak, aditzondoak, preposizioak (atzizkiaurrizkiak), lokailuak, azentuak, gidoiak, puntuazio ikurrak eta antzerako beste hizki batzuk gehitu edo kenduta bada ere. c) Adierazpen fonetikoa berdina denean. 3.- Hala ere, izen berdina onartzerik ere izango da, baldin eta inskripzioa egin nahi duen erakundeari izen hori erabiltzeko baimena ematen badio izen berriak kaltetu dezakeen fundazioak. Horretarako, ziurtagiri egiaztatzailea aurkeztu beharko da, eskumena duen organoak emanda. 4.- Fundazioren bat xurgatzeaz edo berriren berri beste bat sortzeaz fundazioak batzen badira, onartu egingo da, horren ondorioz, xurgatu edo iraungitako erakundearen izen berdina erabiltzea. 33. atala.- Izena denboraldi baterako gordetzea. 1.- Fundazioek izena denboraldi baterako gordetzea eska diezaiokete erregistroari, aurrez inskribatutako beste fundazio baten izenarekin bat ez datorrela lehenagoegiaztatzen bada. 2.- Eskatutako izena erregistroan ez dela agiri egiaztatzeko agiria eman eta gero, izenen fitxategi berezi batean sartuko da izen hori, behin-behinean sartu ere, urtebeteko eperako, egiaztagiria egiten denetik kontatuta hain zuzen. 3.- Epea igaro arren, fundazioak inskripzioa egiten ez badu edo, kasua bada, estatutuak aldatzen ez baditu, erregistroan jasotako izenari epea beteko zaio eta ofizioz deuseztuko da. Baina, fundazioaren eratzearen inskripzioa egiteko edo esandako estatutuak aldatzeko eskabidea aipatutako epe hori amaitu baino lehen egin arren, erregistroa bada epe barruan inskripzioa egin ez duena, luzatu egingo da izena gordeta edukitzeko epea, harik eta erregistroko egintza hori burutu arte. 34. atala.- Beste inskripzio batzuk. 1.- Lehenengo inskripzioa egiteko arautegi honen 31. atalean finkatutakoaren aurka jarri gabe, erregistrorako hurrengo inskripzioak egiteko eskabideekin edo instantziekin batera, inskribatu behar den agiriaren edo egintzaren aurrekariak aurkeztuko dira, baldin eta iadanik erregistroan jasota ez badaude. 2.- Erregistroan jaso behar diren agiri guztien ale bina aurkeztuko dira, eta jatorrizko ale bata espedientearen edo protokoloaren agiritegirako izango da. Beste agiria, aldiz, eskegileari itzuliko zaio erregistroan jaso izan dela azaltzen duen oharra daramala. Legearen arabera ondorio berdinak dituen kopia baimenduna originaltzat hartuko da.III. ATALBURUA.- FUNDAZIOEN IHARDUERARI BURUZKO BABESLARITZA. 1. SEKZIOA.- FUNDAZIOAREN GOBERNUA. 35. atala.- Kide anitzeko gobernu organoa. Fundazioaren gobernu organoa, sortzaileak beste osakeraren bat erabaki ez badu edo legearen 10.4. atalean ohartemandako moduan bizi den denbora guztirako gordeta ez badago, kide anitzekoa izango da eta gutxienez hiru izango dira kideok; horietako bat lehendakari izango da, aurretik izendatuta ez badago. 36. atala.- Barne iharduera. Estatutuetan berariaz besterik esaten ez bada, fundazioaren gobernu organoak iharduteko izango dituen arauak hauek dira: a) Gobernu organoaren lehendakariari dagokio gobernu organoaren batzarretarako deia egitea eta berak arteztuko ditu bertako eztabaidak. Deia egin, bere ekimenez edo kideetako herenak eskatuta egingo du. b) Gobernu organoaren bilerak balio izateko, kideetako erdiak eta bat gehiago bildu behar dira gutxienez. Akordioak hartzeko, alabaina, botoen gehiengoa behar da, eta berdinketarik badago lehendakariaren botoak erabakiko du. Hala ere, batzarrera azaldutako kideen bi herenen aldeko botoa beharko da fundazioa aldatu, batu eta iraungitzeko akordioak hartu behar direnean. c) Fundazioaren gobernu organoak, bai bere kideen artetik, bai fundazioaren zerbitzuan dihardutenen artetik, idazkari bat izenda dezake; bilkuretako aktak jasotzeko ardura izango du bere gain idazkari horrek. d) Lehendakaria gaisorik edo kanpoan badago, edo lehendakari kargua bete gabe badago, lehendakariordeak egingo du ordezkoa edo, hori falta bada, gobernu organoko kiderik zaharrenak; idazkariaren ordezkoa kiderik gazteenak egingo du. e) Gobernu organoko kideek beste edozein kideri eman diezaiokete bertako bileretan beren ordezkoa egiteko aginpidea, lehendakariari zuzendutako agiri bidez eman ere; gainera berariazkoa izango da aginpide hori bilera bakoitzerako. f) Gobernu organoaren akordioak Akta Liburu batean jasoko dira, arautegi honetako 49. atalean xedatutako moduan. Lehendakariak eta idazkariak izenpetuko dute bilerako akta eta akordio guztien berri jasoko da bertan, baita botoak ematen direnean lortutako emaitzak ere, boto partikularrak barne. 37. atala.- Hutsik gelditzen diren karguak. 1.- Gobernu organoko kideen artean karguak hutsik gelditzen badira, estatutuen arabera bete beharko dira; baina, horrela egiterik ez badago, behar den moduan estatutuak aldatzeko ahalegina egin beharko da, baldin eta karguak hutsik egoteak nolabaiteko eragina sortzen badio organo horren jokabideari. 2.- Estatuetan finkatutakoaren arabera, bada gobernu organoaren erabakiak baliozkoak izateko gutxienezko kide kopuru bat, eta horri eutsi beharko diote gobernu organoko kideek. Estatutuetan finkatutako epea baino gehiago luzatzen badira hutsik dauden karguak, edo epea finkatu barik egonda, zentzuzko aldi bat igarotzen bada, eta hori ezingo da 6 hilabetetik gorakoa izan, Babeslaritzak ohartaraziko dio organo horri, hutsik dauden karguak bete daitezen edo estatutuei dagokien aldaketa egiteko; Babeslaritzaren eskakizunari jaramonik egiten ez dio, edo 62.2. atalean ohartemandako bidetik edo, bestela, hurrengo atalean ezarritakoarekin bat etorriz jokatuko da, organo horri erantzukinuzagatik dagozkion egintzak alde batera utzi gabe. 38. atala.- Babeslaritzari dagokion behinbehineko kudeaketa. 1.- Legearen 38.4. atalean ohartemandako edozein egoera gertatzen bada, gehienez ere bi urterako hartu ahal izango du Babeslaritzak fundazioaren ihardueraren Behin-behineko kudeaketa, eskuduntzak dituen sailak aldeko irizpentxostena eman ondoren eta epailearen baimena jasota. 2.- Ondorio horietarako, fundazioa gobernu organorik gabe dagoela ulertuko da, hutsik dauden karguen eragina fundazioaren iharduera guztiz eragoztera heltzeko bestekoa bada. 3.- Epailearen baimenik izan ez arren, fundazioa bukaera onera bideratzeko beharrezkoak diren zuhurtasunezko neurriak har ditzake Babeslaritzak, harik eta epailearen baimena jaso arte; baina izapidetan jarri beharko du lehenago espedientea. Nolanahi ere, epaileari eman beharko dio neurri horien berri. 4.- Epaileak Behin-behineko kudeaketa egiteko baimena ematen dionean, Babeslaritzak egingo du kudeaketa, zuzenean edo zeharka, berak izendatutako pertsonen bidez, eta fundazioaren artezte organoari legez eta estatutuen bidez dagozkion eskurantza guztiak bereganatuko ditu. 5.- Fundazioaren Behin-behineko kudeaketa egiten ari den denboran, bestalde, legearen 38.4 eta 5. atalean ezarritako lege oharpenak betetzeko beharrezkoak diren neurriak hartuko beharko ditu Babeslaritzak. 39. atala.- Autokontrataziorako espedientea. 1.- Fundazioarekin kontratuak egin nahi dituzten gobernu organoko kideek, berdin da beren izenean egin zein bitarteko beste edozein pertsona fisiko edo juridikoren bidez egin, autokontrataziorako eskabidea aurkeztu beharko diote Babeslaritzari, legearen 14. atalean ohartemandako administrazio baimena lortu ahal izateko. Burutu nahi den kontratazioari dagokionez, elkarren kontrako interesik ez dagoela ondo zuritzeko beharrezkoak diren agiriak ere eskabidearekin batera aurkeztuko dira. 2.- Babeslaritzak erabakiko du baimenerako espedientea, eskuduntzak dituen sailak aldeko irizpentxostena egin eta gero; eta legearen 37.1. atalean ohartemandako baldintzak betetzen direnean, isilbide positiboan oinarrituta onartu dela ulertu beharko da. 40. atala.- Izendapenak eta kargu uzteak. 1.- Arautegi honetan xedatutako moduan, Fundazioen Erregistroan inskribatuko dira gobernu organoaren hasierako kideen zerrenda eta ondorengo aldaketa guztiak, eta legeak onartutako edozein erara egindako karguen onarpenak ere hortxe jasoko dira. 2.- Gobernu organoko kideren batek bere izendapena onartzen duela berariaz jasota agertzen ez bada, izendapen hori ez da inskribatuko. Onarpena egiten denetik hilabeteko epean aurkeztu behar da erregistroan. 3.- Izendapenaren inskripzioa egiteko, eskribauagiria, egintzari buruz notarioak emandako lekukotasuna edo karguak izendatu diren bilkurako aktaren egiaztagiria beharko da, notarioaren aurrean legeztatutako firmak aldean dituela. 4.- Gobernu organoko kideak hil direlako, heriotzaren aldarrikapena egin delako edo nortasun juridikoa iraungi delako, kargua utzi dutelaeta inskribatu ahal izateko, Erregistro Zibilaren edo Merkataritzako Erregistroaren egiaztagiria beharko da, kasu bakoitzean berea. 5.- Epailearen behin-betiko erabakiz egiten bada kargu uztea edo kargutik kentzea, erabaki hori aurkeztuta egingo da inskripzioa. 6.- Norbaitek karguari uko egiteagatik bete behar bada inskripzioa, eskribau-agiri bidez, notarioak legeztatutako izenpea duen agiri pribatu bidez edo erregistroko arduradunarengana aurkeztu izana jasotzen duen aktaren bidez beteko da. 7.- Aurreko lerroladietan adierazitako arrazoiez kanpo, beste arrazoiren batengatik gertatutako kargu uztearen inskripzioa egiteko, gobernu organoak egindako bilerako aktaren egiaztagiria beharko da. 8.- Gobernu organoko kideek kargu publikoren bat betetzen dutelako bertako kide izendatu eta bertako kargua utzi dutela inskribatzeko, aski izango da eskuduntzak dituen arministrazio organoak emandako egiaztagiria edo antzerako agiria aurkeztea. 41. atala.- Ordezkotzak eta ahalordetzeak. 1.- Legearen 17.2. atalean xedatutakoaz bat etorriz, ordezkotza eta ahalordetze orokorrak egiten direnean, auzietarako direnean izan ezik, Fundazioen Erregistroan inskribatuko dira; ezeztapenekin ere berdin egingo da. 2.- Era horretako inskripzioak eskribau-agiri bidez egingo dira. Fundazioaren gobernu organoak hartutako akordioa jasoko da hor, ordezkotzan eta iraunkor utzitako ahalmenen azalpenarekin batera. 3.- Izendatutako pertsonek ordezkotza onartu dutela berariaz jakinarazi arte, ez da onarpenaren inskripziorik egingo. Legearen 12. atalean ohartemandako edozein bide erabil daiteke izendapena onartzeko. 4.- Ezeztapenak ere, ordezkotzak inskribatzen diren moduan jasoko dira. 5.- Ordezkotzak edo ahalordetzak dituzten baldintzak aldatzeko gero hartu daitezen akordio guztiak ere inskribatu egin beharko dira, eskribau-agiri bidez. 2. SEKZIOA.- EKONOMIAREN KUDEAKETA. 42. atala.- Erabiltzeegintzen eta zergapetzeegintzen jakinarazpena. 1.- Fundazioaren ondarea osatu, edo fundazioaren helburuak betetzeko zuzenean atxikitakoak izan, edo azken urteko balantzearen ondorioz fundazioaren aktiboaren ehuneko hogeitik gorako balioa duten ondasunen edo eskubideen gainean burututako erabiltzeegintzen eta zergapetzeegintzen eta legearen 22.2. atalean aipatutako gainerako egintzen berri eman behar zaio Babeslaritzari, gehienez ere egintzak formaliza daitezen egunetik kontatzen hasiko den 20 eguneko epean, Fundazioen Erregistroan jasota gera daitezen. Horretarako, dagozkion agiriez gain, inskribatu behar den egintzaren beharrezko aurrekari guztiak aurkeztuko dira. 2.- Aurreko lerroaldian xedatutako ondorioetarako, irizpentxosten bat eska diezaioke Babeslaritzak fundazioari, profesional jakitun eta independiente batek egina, ondarean izandako aldaketak azaltzeko; bestalde, dena delako zergapetzeegintza edo erabiltzeegintza zuritu eta bere aldeko arrazoiak emateko beharrezko diren alderdi guztiak ere agerian jarri beharko dira irizpentxostenhorretan, baita ekonomia eta finantzaketaren aldetik bideragarria dela ere. 3.- Zergapetzeegintzen edo erabiltzeegintzen berri Babeslaritzari jakinarazi eta berehala, eskuduntzak dituen sailari emango dio horien berri Babeslaritzak berak, aurkeztu zaizkion agiri guztien kopiak bidaliz. 43. atala.- Publizitatea. 1.- Legearen 24. atalean finkatzen zaie fundazioei publizitatea eman beharra, iragarpenak eta zabalkunde orokorra ahaztu gabe. Fundazioek, beraz, beren xede eta helburuen azalpenak emango dizkiete eskatzen dituztenei, baita eskabide hori egiten den urtean betetzeko diren ihardueren egitasmoen berri ere, urte horretan lehiaketa eta laguntzetarako egindako deialdietako baldintzak eta betebeharrak informazio horren barnean direla. Urteko Memorian jasoko da publizitaterako betebehar hori nola bete den. 2.- Legearen 27.1. atalean aipatutako agiri guztiei (inbentarioa, egoerabalantzea, emaitzei buruzko kontua eta aurreko urteko gastu eta diru-sarreren aurrekontuen kitapena), fundazioak burututako ihardueren memoriako datuak barne direla, Fundazioen Erregistroaren bidez emango zaie zabalkundea, arautegi honetako 26. atalean aipatutako moduan. 3.- Babeslaritzak izango du, halaber, memoriako oinarrizko datuei (izena, helburuak, gobernu organoa osatzen dutenen zerrenda eta ondarea), publizitatea emateko erarik, EHAAn argitaratu edo beste bideren bat erabiliz. Berdin egingo du Fundazioen Erregistrotik atera daitezkeen beste datu orokor eta estatistikoekin ere. 4.- Fundazioei buruz Babeslaritzak eman ditzan erabakiak Euskal Herriko Agintaritzaren Aldizkariaren bidez zabalduko dira, bai testu osoa, zein zati bat edo aipamena argitaratuta, Babeslaritzak horrela xedatzen badu. Hala ere, Zuzentza sailburuaren Aginduak osoosorik argitaratuko dira Euskal Herriko Agintaritzaren Aldizkarian. 44. atala.- Merkataritzaiharduerei buruzko jakinarazpenak. 1.- Legearen 25. atalean xedatutakoaren arabera, fundazioek merkataritzaiharduerarik edo industriaiharduerarik egin nahi badute, horretan hasi baino bi hilabete lehenago eman beharko diote iharduera horien berri Babeslaritzari. 2.- Goiko puntuan aipatutako jakinarazpenean honako hauek jaso behar dira: zelako iharduera mota zehatzak izango diren, zelako lotura dagoen fundazioaren helburuen eta ihardueren artean, nola egituratuko den antolaketa bera, eta instalakuntzen eta establezimenduenberri eman behar da horretarako, eta, azkenik, ihardueron bideragarritasunari buruzko ekonomia eta finantza arloetako azterlana. Ondoren, berehala eman beharko dio Babeslaritzak guzti horren berri eskuduntzak dituen sailari. 3. SEKZIOA.- KONTABILITATEAREN KUDEAKETA ETA AURREKONTUAK. 45. atala.- Liburuak betetzea. Fundazioek bete behar dituzten liburuak: Urteko Inbentario eta Kontuen Liburua, Aurrekontuen Liburua, Liburu Egunkaria eta AktaLiburua. Komenigarri ikusten badute, halaber, beste liburu lagungarri batzuk ere bete ahal izango dituzte, beretzat onartutako kontabilitate sistemaren arabera. 46. atala.- Liburuak gaitu eta legeztatzea. 1.- Derrigorrezkoak diren liburuak behar bezala josi eta azaleztatu behar dira, eta orrietan zenbakiak jarrita izan behar dituzte; eta erabili aurretik, Fundazioen Erregistroan gaitu beharko dira, oharkizunak eta zigilua jarrita. 2.- Erregistroko arduradunak izenpetuko du oharkizuna eta lehenengo orrian egingo da. Oharkizun horretan agertuko dira, batetik, fundazioa zein den eta erregistroko bere datuak, egon badaude, eta bestetik, zelako liburua den, mota berdineko liburuen artean ze zenbaki duen, orrien kopurua, zelako zigilua duen eta zigiluaren edukina. Orri guztietan jarriko da zigilua, inprimatuta, jota, zulatuta edo benetakoa dela bermatzeko beste edozein bide erabiliz. Lana errazteko asmoz, zigilua ezartzeko eragiketa hori arindu egin ahal izango da, liburuaren hiru ertzetan eta lehenengo eta azken orrietan bakarrik jota. 3.- Informatikako ihardunbideak eta egokiak diren beste batzuk erabiliz egindako idazpenak eta oharrak ere baliozkoak izango dira. Gero, hurrenkeran josi eta azaleztatu beharko dira, derrigorrezko liburuak osatzeko. Urteko ekitaldia amaitzen denetik hiru hilabeteko epean legeztatu beharko ditu Fundazioen Erregistroak. Epez kanpo eskatzen bada legeztatzea, horrela adieraziko du erregistroko arduradunak liburuaren oharkizunean baita liburuak gaitu eta legeztatzeko fitxategian dagokion oharpenean ere. 4.- Ezingo da liburu berririk gaitu, aurreko liburua osorik bete dela lehenago egiaztatzen ez bada; bestela izango da, ordea, baldin eta liburua lapurtu egin dutela edo aldendu edo desegin dela adierazten badu notarioak. 47. atala.- Urteko Inbentario eta Kontuen Liburua. 1.- Urteko Inbentario eta Kontuen Liburuaren hasieran jasoko da fundazioaren hasierako diruizendapena osatzen duten ondasunen zerrenda. Fundazioaren ondasunen eta eskubideen altak eta bajak liburu hortan jasoko dira, duten balioa emanda, eta ekonomiaren urteko ekitalde bakoitza amaitzen denean, egoerabalantzeak ere hortxe jasoko dira. 2.- Bereizita zehaztuko dira: a) Ondasun higiezinak. b) Ondasun higigarriak. c) Balio nabarmena duten ondasun higigarriak. d) Balore higigarriak, kredituak eta gorpuztu gabeko jabetzaeskubideak. e) Ibilgailuak. f) Bermeeskubideak. g) Emakida demanial eta administratiboak. 48. atala.- Aurrekontuen Liburua. Legearen 26.2. atalean ohartemandako aurrekontuaz hasiko da Aurrekontuen Liburua. Aurrekontu horren kitapena idatziko da gero, eta ondoren etorriko dira hurrengo aurrekontuak eta kitapenak. 49. atala.- Liburu Egunkaria eta AktaLiburua. Liburu Egunkariaren eta AktaLiburuaren idazpenak Merkataritzako Kodean ohartemandako moduan egingo dira. 50. atala.- Liburuak gorde eta zaintzea. Fundazioak beteko dituen liburuak, laguntzaileak ere barne direla, baita kontabilitateko idazpenen erregistroak eta egiaztagiriak ere, Babeslaritzaren esku utziko dira berak eskatzen dituenean, eta gutxienez 6 urtean gordeko ditu gobernu organoak, Euskal Kultura Ondareari buruzko uztailaren 3ko 7/1990 Legean xedatutakoaren aurka jokatu gabe. 51. atala.- Ekonomiazko urteko ekitaldia. Estatutuetan besterik esaten ez bada, ekonomiazko urteko ekitaldia eta urte naturala bat etorriko dira; beraz, urte bakoitzeko abenduaren 31n amaituko da. 52. atala.- Kontabilitatearen araubidea. 1.- Fundazioen kontabilitatea, bada, Kontabilitatearen Plan Orokorreko arauetara edo berariaz ezargarri zaizkion besteetara egokitu beharko da; halaxe izango da, gainera, zergalaritzako legeen arabera ezargarri zaizkion eskakizunekin ere. 2.- Kontabilitatea urtero itxi beharko da, ekonomiazko urte bakoitzeko ekitaldia amaitzen denean, fundazioaren ondarearen egoera argi eta zehatz azaltzen duen inbentarioa eginez. Sozietateen zergei buruz eskatzen dena betetzera muga daiteke inbentariobalantze hori. Beraz, zerga horren aitorpenaren kopia bat Babeslaritzari ematen bazaio, beteta geldituko da horri eman zaion informazioa. 53. atala.- Aurrekontuen araubidea. 1.- Legearen 26.2. atalean aipatutako aurrekontua, bada, eginkizunen arabera egituratuta aurkeztuko da, eta zehaztu egingo dira bai lortu nahi diren helburuak, bai horiek lortzeko beharrezkoak diren iharduerak eta bai zenbateko finantza baliabideak beharko diren. 2.- Fundazioaren aurrekontua, bestalde, orekatua izan behar da beti, ohartemandako gastuen zenbatekoa diru-sarrera guztiekin parratzeko moduan. 3.- Edozein kontzeptu dela ere, fundazioak jaso ditzan diru-sarrera guztiak sartuko dira dirusarreren multzoan, urteko ekitaldian zehar fundazioaren ihardueretarakohartutako dohaintzak eta dirulaguntzak barne, baita aurreko urteetako ekitaldietako emaitzak ere, gobernu batzordeak ohiko helburuetarako ezarri behar direla erabaki badu. 4.- Gastuen artean, barriz, banandu egingo dira izaera desberdinekoak direnak, besteak beste administrazio gastuak, kontzeptuka zehaztuta. 5.- Goiko 1. lerroaldian aipatutako aurkezpen betebeharra bete eta gero, bere erantzukizunpean burutu ditzake fundazioak bere iharduerak, baina bidalitako aurrekontuarekin bat etorriz. Hala ere, Babeslaritzak, aurrekontua hartu eta bi hilabeteko epean, eskuduntzak dituen sailak aurrez irizpentxostena eginda, estatutuen edo ezargarri diren arauen aurka aurrekontuan egindako arauhauspenen berri emango dio gobernu organoari. Halako kasuetan, eta arauhauspenak nabaritu diren kontuei dagokienez baino ez bada ere, eten egingo da aurrekontua betetzea, harik eta gertatutako arazoa erabaki arte. Halako arazoren batek jotako kontuei dagokionez, konpontzen ez diren bitartean, baita finkatutako epean aurrekontuak aurkezten ez badira ere, aurreko urteko aurrekontuak luzatzen direla ulertu beharko da, zatika luzatu ere. 54. atala.- Errentak eta diru-sarrerak zehaztea. 1.- Legearen 30. atalean aipatutako fundazioaren errentak eta diru-sarrerak zehaztu ahal izateko, dirusarrera gordinak lortzeko beharrezko diren gastuak gutxituko dira hortik, besteak beste zergak eta amortizazioak. 2.- Fundazioaren helburuak betetzeko izendatu behar diren errenta eta dirusarreren ehunekoan sartu behar dira helburu horiek lortzeko zentzuzkoak diren gastuak. 55. atala.- Administrazio gastuak. 1.- Administrazio gastuak hauek dira: batetik, fundazioaren ondarea osatzen duten ondasun eta eskubideak administratzerakoan fundazioaren gobernu organoek eta zuzendaritzak zuzenean sortutakoak, bestetik, legearen 18. atalaren indarrez kalte-ordaina jasotzeko eskubidea duten gobernu organoko kideen gastuak eta, azkenik, fundazioaren zerbitzuan diharduten lagunen ordainketak. 2.- Administrazio gastuak ezingo dira izan, kontzeptu guztiak bilduta ere, fundazioek urtean lor ditzaten diru-sarrera guztien %20tik gorakoak. Hala ere, eta salbuespenez bada ere, fundazioak eskatu eta behar den bestean zurituta, goian aipatutako %20 hori baino gehiagoko administrazio gastuak egiteko baimena eman dezake Babeslaritzak; baina, inola ere ezingo dira %25etik gorakoak izan. 3.- Legearen 36.1. atalean ohartemandakoarekin bat etorriz, Babeslaritza izango da atal honetan xedatutakoa betetzen dela egiaztatuko duena. Horretarako, aurrekontua aldatzea eta aurrekontuaren kitapena eska diezaizkioke gobernu organoari, 53.5. atalean ezarritako epe eta moldera eskatu ere; baina, horrek ez dio erantzukizunik kentzen gobernu organoari, kudeaketan asmo txarrik edo arduragabekeriarik nabaritu izan bazaio. 56. atala.- Aurrekontu gehigarria. 1.- Fundazioaren gobernu organoak, bada, urteko ekitaldirako onartutako aurrekontuan sartzen ez diren salbuespenezko iharduerak burutzeko asmoa duenean, aurrekontua aldatu beharko du, aurrekontu gehigarri bat eginez; eta ondoren, Babeslaritzari aurkeztu beharko dio. Ekitaldiaren pentzutan egingo diren salbuespenezko ihardueren diru-sarrerak eta gastuak jasoko dira aurrekontu gehigarri horretan. 2.- Babeslaritzari aurrekontu gehigarria aurkezterakoan, honako hauek gehitu beharko dizkio: oinarrian izan dituen azterlan teknikoak eta ekonomiazkoak, ohartemandako ihardueren iraupena eta, azkenik, aurrekontuetan sartutako iharduerak egin eta finantzatzeko gora beherak azalduko dituen memoria bat. Eskabidea aurkezten den egunaren biharamunetik kontatzen hasi eta hilabeteko epean Babeslaritzak aurkako oharpenik jakinarazten ez badio, aurrekontu gehigarrian ohartemandako iharduerak egiten has daiteke fundazioa. 57. atala.- Aurrekontuak kitatzea. 1.- Aurrekontuaren kitapena behar bezala bananduta egin beharko da, bai diru-sarreren sorreran, zein gastuen zehaztasunetan. 2.- diru-sarrerei dagozkien puntuan hauxe adierazi behar da: a) Ohiko dirusarreren iturrietatik lortutakoak. b) Ohikoak ez diren inguruabar eta eragiketengatik sartutako kopuruak. c) Ondareko zenbait alderdi saldu edo kitatzean lortutako dirusarrerak. 3.- Gastuei dagozkien puntuan hauxe adierazi behar da: a) Administrazio gastuen zehaztasunak. b) Fundazioaren helburuak lortzeko berezkoak diren gastuen zehaztasunak. c) Ohikoak ez diren gastuen zehaztasunak. 58. atala.- Iharduerei buruzko memoria. Zehatza eta mehatza izan behar da iharduerei buruzko urteko memoria, hain zuzen fundazioaren helburuak eta ezargarri diren arauak bete direla jakinarazi eta zuritu ahal izateko modukoa. Honako puntu hauek azaldu behar ditu: 1) Fundazioaren finantzaketa adierazten duen taula. 2) Ondarearen ekonomiazko kudeaketa. Horretarako, ibilgetuko ondasunetan izandako aldaketak adieraziko dira, fundazioaren helburuak zuzenean betetzeko izendatutako ondasunen artean iraunkorrak direnak eta ez direnak bananduta; iraunkorrak ez direnen artean, merkatu ofizialetan saldutako baloreak sartuko dira, eta zehaztu egingo da zeintzuk erabili diren berriro ere diruezarketak egiteko, hain zuzen aurrekoen izaera bereko beste ondasun batzuetan inbertitu direnak. Horiekin batera, fundazioak zuzenean burututako ondasunen zergapetzeegintzak, itundutako kredituen eragiketak eta ekonomiazko iharduerak adierazi beharko dira. 3) Urtean egindako iharduerak; zelako baldintzetan egin diren azaldu behar da. 4) Fundazioaren gobernu organoa osatzen duten kideen artean izandako aldaketak, baita ordezkoak jarri badira eta karguaren ardura eten eta kargua kendu bazaie ere. 5) 43. atalean xedatutakoaren arabera publizitatea egiteko betebeharra nola bete den. 6) Fundazioaren helburuak eta legezko manuak nola bete diren adierazteko nabaria den beste edozein kontu. 59. atala.- Kontuen gordailua. 1.- Legearen 27. atalean aipatutako agiriak Babeslaritzari aurkeztu beharko dizkiote fundazioek, atalburu honetan garatutako arauetan esandako moduan. Guzti horri, ordea, beste hauek ere gehitu egin behar zaizkio: a) Fundazioaren ordezkotza egiteko baimena duen lagunak izenpetutako eske-idazkia. Legean eta arautegi honetan ohartemandako kasuekin bat etorriz, kontuak ikuskatzea derrigorrezkoa den edo ez ere bertan azaldu beharko da. b) Gobernu organoak kontuak onartzeko hartutako akordioen egiaztagiria eta legearen 27.1. atalean aipatutako beste agiri guztiak. c) Gordailuan utzitako kontuak eta ikuskatutakoak berdinak direla egiaztatzen duen ziurtagiria, kontuak ikuskatzea derrigorrezkoa den kasuetan. Halakoetan, bestalde, ikuskatzaileen irizpentxostena ere erantsita joan behar da, arautegi honetako 61. atalean eskatzen den moduan. d) Kontuak jasotzen dituen agiriaren ale bat eta, kasua holakoa bada, ikuskatzailetzaren irizpentxostenaren beste bat. 2.- Agiriak aurkezten direnetik hurrengo bi hilabeteen barruan, eta beti ere eskuduntzak dituen sailaren irizpentxostena lehenago jasota, erregistroko arduradunak aztertuko du ea, batetik, legean eskatutakoak diren aurkeztutako agiriak, bestetik, gobernu organoak behar bezala onartu dituen agiriok eta, hirugarren, idazkariaren eta lehendakariaren sinadurak bertan agertzen diren, ezinbestekoak dira eta. Baina, arduradunak akatsik aurkitzen ez badu, gordailuan jasotakotzat izango da eta dagokion idazpena egingo da. Bestela bada, ordea, akatsak dituzten agiriekin orokorrean eginohi den moduan aritu beharko da. 3.- Gordailuan utzitako agiriak 6 urtean gordeko ditu Fundazioen Erregistroak. 60. atala.- Kontuikuskaritza. 1.- Ekonomiaren aldetik garrantzi handikoak diren fundazioen kontuei konpoko ikuskaritza egingo zaie, kontu-ikuskaritzaren Legean eta hori garatzeko arauetan ezarritako moduan. 2.- Ekonomiaren aldetik garrantzi handiko fundaziotzat hartuko dira bi urte jarraian honako inguruabar hauetako bi gutxienez betetzen dituztenak: a) Fundazioaren ondarearen balioa 100 milioi pezetatik beherakoa ez bada. b) Fundazioak kudeatutako ihardueren zenbateakoa 500 milioi pezetatik gorakoa bada. c) Kideen erantzukizuna mugatuta duen edozein sozietatetan parte hartu edo merkataritzako iharduerak bere kontura egiten baditu fundazioak. d) Fundazioak betetzen dituen zerbitzuen artean, onuradunek ordaindutakoen kopurua nabarmena bada. 3.- Nolanahi ere, era horretako fundaziotzat hartuko dira, kontu-ikuskaritzaren legearen arabera, akziokako sozietateak kontu-ikuskaritzaren menpe jartzera behartzeko besteko indarra duten inguruabarretan aurkitzen diren fundazioak. 4.- Ez dute kontuak ikuskatu beharrik izango, hala ere, zerbitzuak dohainik ematen dituzten fundazioek, estatutuetan edo fundazioaren sortzaileak berariaz agertutako borondatez betebehar hori ezarri ez bazaie. 5.- Ekonomiaren aldetik garrantzi handiko fundaziotzat hartzeko edozein inguruabar betetzen duen fundazioaren gobernu organoak, bestalde, ezaugarri horren berri eman beharko dio Fundazioen Erregistroari, bertan jasota gera dadin. 61. atala.- Ikuskatzaileen irizpentxostena. 1.- Kontuikuskatzaileek idatzitako irizpentxostenean, gutxienez, honako gogapenak jaso behar dira: a) Kontabilitatea eta urteko kontuak aztertuta, legean edo estatutuetan ezarritakoaren kontra aurkitutako agiango arauhauspenei buruzko oharrak. b) Egiaztatutako beste edozein egintzari buruzko oharrak, egintza horrek fundazioaren finantzetarako arriskurik badakar. 2.- Ikuskaritza jasotzera behartuta badago fundazioa, Fundazioen Erregistroan utzi beharko da gordailuan ikuskatzaileen irizpentxostena, kontuekin batera, 59. atalean xedatutakoarekin bat etorriz. 4. SEKZIOA.- FUNDAZIOAK ALDATU, BATU ETA IRAUNGITZEA. 62. atala.- Aldaketak egiteko ihardunbidea. 1.- Legearen 31. atalean ohartemandako edozein kasutan ere, honako baldintza hauek bete beharko dira fundazioen estatutuak aldatzeko: a) Fundazioaren sortzaileak horretarako debekurik jarri ez izana. b) Fundazioaren helburuei men egitea. c) Estatutuetan edo arautegi honetako 36.b) atalean botoa emateko ezarritako quoruma bertan dela, fundazioaren gobernu organoak hartutako akordioa. Akordio horretan, bestalde, argi eta garbi azaldu beharko da zeintzuk diren aldaketa egiteko arrazoi ebazleak, baita goragoko puntuetako baldintzak bete egin direla ere; aldatu, gehitu edo kendutako atalen idazkera berria ere hitzez hitz jaso behar da, eskribau-agiri bidez gauzatuta. d) Estatutuak aldatzeko administrazio espedientearen izapideak Babeslaritzan egiteko eskeidazkia. Aurreko puntuetan eskatutakoa egiaztatzeko agiriak aurkeztu beharko dira horretarako, baita eragiketaren edukina eta, kasua hori bada, bideragarritasunari buruzko ekonomiazko azterlana eta instalakuntzak egokitzeko egitaraua ere. e) Babeslaritzaren onarpena, eskuduntzak dituen sailak lehenago irizpentxostena eginda, eta gero Fundazioen Erregistroan inskripzioa egitea. 2.- Legearen 31.2. atalean xedatutakoaren indarrez estatutuak aldatzea ezinbestekoa izan arren, fundazioaren gobernu organoak horrela egiten ez badu, errekerimendua egingo dio Babeslaritzak organo horri, bidezkoa den aldaketa sustatu dezan; berak jarriko dio zentzuzko epea horretarako, eta ez da 6 hilabetetik gorakoa izango. Baina, gobernu organoak errekerimendu horri jaramonik egiten ez badio, Aholku Batzordearen irizpentxostenahartu eta gero, beharrezkoa den aldaketa egiteko agindua eman dezatela eskatuko die Babeslaritzak epaileei. Hala ere, horrek ez du esan nahi gobernuorganoari dagokion erantzukizunari buruzko egintzak aurkezterik izango ez denik. 63. atala.- Fundazioak batzeko ihardunbidea. 1.- Edozein fundazio batu daiteke, bai fundazio batzuk batuta beste barri bat sortzeko, zein jadanik badagoen fundazio batek beste bat edo batzuk zurgatuta ere. 2.- Fundazioak batzeko, honako betebehar hauek bete behar dira: a) Fundazioaren sortzaileak horretarako debekurik jarri ez izana. b) Fundazioaren helburuei men egitea. c) Fundazioak batzeko ihardunbidean parte hartzen duten gobernu organo guztien artean lortutako akordioa fundazioak batzeko; eskribau-agiri bakar batean gauzatu ahal izango da. Argi eta garbi azaldu beharko da akordio horietan, ordea, zeintzuk diren fundazioak batzeko arrazoi edo zergati ebazleak, baita goragoko puntuetako baldintzak bete direla ere. d) Fundazioak batzeko ihardunbidean parte hartzen duten gobernu organoetako kideek batasuna lortzeko egitasmo bat egin behar dute, batasuna lortzen den eguneko egoeraren balantzea nahitaez barne hartuta. e) Fundazioak batzeko administrazio espedientearen izapideak Babeslaritzan egiteko eske-idazkia. Aurreko puntuetan eskatutakoa egiaztatzeko agiriak aurkeztu beharko dira horretarako. f) Babeslaritzaren onarpena, eskuduntzak dituen sailak lehenago irizpentxostena eginda, eta gero Fundazioen Erregistroan inskripzioa egitea. 3.- Fundazio bakoitzak besteekin batzeko akordioa hartzeko, estatutuetan agindutako quoruma beharko du botoak emateko orduan eta, estatuturik izango ez balu, arautegi honetako 36.b) atalean ohartemandakoa beharko du. 4.- Fundazioak batzetik beste fundazio berri bat sortzen bada, legearen 6. atalean eskatutako betebeharrak jaso beharko dira eskribau-agirian. Batak bestea xurgatuta lortzen bada batasuna, eta estatutak aldatzen badira, fundazio xurgatzaileak estatutuetan izandako aldaketak jaso beharko dira, aurreko manuan xedatutakoaren arabera. 5.- Fundazio berri batean batu edo xurgatuta gelditzen diren fundazioak ezabatu egingo dira. Hala ere, ez dira likidatuko eta fundazioaren ondarea osoosorik eskualdatuko zaio fundazio berri edo xurgatzaileari, zeinak iraungitako fundazioen eskubideak eta betebeharrak bereganatuko dituen. 6.- Legearen 32.2. atalean ohartemandako kasua gertatzen bada, arautegi honetako 62.2 atalean ohartemandako izapideen arabera ihardungo du Babeslaritzak. 64. atala.- Fundazioak iraungitzeko ihardunbidea. 1.- Fundazioak iraungi, Euskal Autonomi Elkarteko Fundazioei buruzko Legearen 33. atalean araututako kasuetan iraungi daitezke, baina lege horren 34. atalean azaldutako ihardunbideari jarraituz. 2.- Epailearen behin-betiko erabakiz edo aurreko atalean araututako batze prozesu baten ondorioz gertatzen den ezabatzea izan ezik, bestela, edozein fundazio iraungitzeko hasiarazten den espedientean, honako hauek sartu behar dira nahitaez: a) Gobernu organoaren akordioa, izandako zergati ebazlearen arrazoiak azalduz. b) Fundazioaren balantzea. c) Kitatzaileak izendatzeko proposamena, likidazioan iharduteko egitaraua eta fundazioa likidatu ondoren gelditutako emaitza banatzeko egitasmoa. Legearen 35. atala kontuan hartuta egin beharko da azken puntu hori. d) Babeslaritzaren sendespena, eskumenak dituen sailak aurrez irizpentxostena eginda. 3.- Gobernu organoak akordiorik lortzen ez badu, Babeslaritzak eska liezaieke epaileei fundazioa ezabatzea, legearen 34.3. atalean xedatutakoaz bat etorriz. Horretarako, arautegi honetako 62.2. atalean ezarritakoaren arabera, epaileen erabakiz fundazioak aldatu eta batzeko kasuetarako ohartemandako izapide berdinak bete beharko dira aurrez. 4.- Gobernu organoaren akordioari Babeslaritzak onespenik ematen ez badio, epaileei egin diezaieke eskea organo horrek, fundazioa iraungi egiten dela aldarrikatuz sententzia eman dezaten; hala ere, horrek ez du eragotziko bestelako errekurtsoak aurkezterik. 5.- Iraungipena edonola egindakoa bada ere, Fundazioen Erregistroan inskribatuko da. 6.- Fundazioaren ondasunak zertarako izango diren ohartemanda utzi badute sortzaileak berak edo estatutuek, espedientean zehaztuko da zelan beteko den fundazioaren sortzailearen nahia. Babeslaritzaren eskumenak,bada, horixe eskatzeko eta erregistroan inskripzioa egiteko xedapenak emateko baino ez dira izango. 65. atala.- Likidazio garaian fundazioak izango duen nortasun juridikoa. Likidazio prozesuak dirauen artean bere nortasun juridikoari eutsiko dio likidazio aldian dagoen fundazioak; hala ere «likidazioan» esaldia erantsi beharko dio bere izenari. 66. atala.- Likidazioa. 1.- Fundazioa iraungitzen denean, bere ohiko iharduerak ere amaitu egingo dira eta likidazio eragiketak hasiko dira. 2.- Gobernu organoko eta zuzendaritzako kideek kargua utziko dute, likidatzaile ez badira. 3.- Fundazioak gobernu organorik ez duela eta, 64. ataleko 2 c) idazatian ohartemandakoa bete ezin denean, Babeslaritzak ofizioz izenda ditzake likidatzaileak. 4.- Fundazioaren likidazio aldian likidatzaileek izango dituzten erantzukizunak fundazioaren gobernu organoko kideen berberak izango dira. Eta aktiboa gauzatzeko edo pasiboa likidatzeko eragiketa guztien berri emango diote Babeslaritzari. Are gehiago, ondasun likidoa hartu behar duten instituzio edo erakundeei hori eman izana egiaztatzen duten ziurtagiriekin egingo da likidazioaren bukaerako kontua eta Fundazioen Erregistroan utziko da gordailuan. IV. ATALBURUA.- XEDAPEN OROKORRAK 67. atala.- Ihardunbidea. Herri Administrazioen Lege Jaurbideari eta Guztientzako Ihardunbideari buruzko azaroaren 26ko 30/1992 Legearen xedapenei lotuta egingo dira fundazioen espedienteen izapideak. Baina, ezingo dira alde batera utzi legean eta arautegi honetan finkatutako egokitzapenak eta zehaztasunak. 68. atala.- Kontsultak. 1.- Fundazioen gobernu organoek kontsultak egin ahal dizkiote idatziz Babeslaritzari, azken horren eskumenekoak diren gaiei buruz. 2.- Emango diren erantzunak, bada, informaziorako izango dira soil-soilik. Ondorioz, ez diote sortuko ez eskubiderik, ez eskubideigurikapenik, ez eskatzaileei, ez eta beste inori ere. Ez dute loturarik sortuko gerora sor daitezkeen beste inolako ihardunbideekin eta ezingo zaio inolako errekurtsorik aurkeztu; hala ere, hori ez da eragozpen izango erregistroko kalifikazioaren aurka errekurtsoak aurkezteko. 3.- Kontsulkaeskabidea egiten denetik bi hilabeteko epean emango dira erantzunak. Baina, ahalmenak dituen organoak Aholku Batzordearen irizpentxostenik eskatzen badu, beste bi hilabete luzatuko da epea. 69. atala.- Agiriak aurkezteko tokia eta modua. 1.- Zuzentza Sailaren Kabinete Teknikoko Zuzendaritzan aurkez daitezke zuzenean agiriak, edo bestela, lurraldeetako bulegoetan edo guztientzako administrazio ihardunbideari buruzko legearen xedapenetan horretarako gaitutako bulegoetan. 2.- Agiriak aurkeztera norbera joan ezkero, eskabidearen kopia soilari zigulua jarriko dio bulegoak hala eskatzen badio aurkezten doanak. 70. atala.- Kautotasuna. 1.- Fundazioek aurkeztutako agiriak, bada, estatutuen arabera horiek egiteko baimena duten pertsonek egindakoak izan behar dira. 2.- Aurkeztutako agirietako izenpeak, bestalde, legeztatuak izan behar dira, legeek hori eskatzen badute edo kautotasuna bermatzeko beharrezko irizten badio Babeslaritzak. 71. atala.- Betebehar fiskalak. Kasu guztietan zuritu beharko da arau fiskaletan ezarritakoa bertan agindutako moduan bete dela, baldin eta agirietan edo Babeslaritzari eta/edo Fundazioen Erregistroari aurkeztutako agirietan jasotako egintzetan eraginik badute. 72. atala.- Eredu argigarriak. Legearen 36.2 a) atalean xedatutakoaren indarrez, arautegi honetan aipatutako ihardunbide guztiei buruzko azalpenak dakartzaten foiletoak eman ditzake Babeslaritzak. Administrazioko izapideak egiteko ere, fundazioek aurkeztu behar dituzten agiriak betetzeko eredu argigarriak ere berak eman ditzake. 73. atala.- Iharduerak egiaztatzea. 1.- Legearen 36. 2 c) eta d) atalean xedatutakoaz bat etorriz, fundazioaren helburuak eta legezko betebeharrak betetzen direla eta ondareko ondasunen administrazioa zuzen egiten dela egiaztatzeko lanak Babeslaritzak betetzen dituenean, ahalmenak izango ditu ikuskaritza ikustaldiak egiteko edo gobernu organoetako kideak edo agiriak aurkezteko eskabideak egiteko; eta, hala, legean eta arautegi honetan agindutako epeetan agiriak aurkeztea beharretsi dezake, aurkeztu behar dituenaren borondatez egiten ez bada. 2.- Fundazioaren gobernu organoari egingo zaizkion ikustaldiak, 15 egun lehenago iragarri beharko zaizkio. 74. atala.- Ofiziozko espedienteak. Babeslaritzak ofizioz hasten badu espediente bat, fundazioaren gobernu organoari emango dio horren berri berehala, erabakitzeko beharrezko datu guztiak aurkez ditzan eta bidezkotzat hartutako guztia alega dezan. Hori ez da eragozpen izango, guztientzako administrazio ihardunbidean finkatutakoaren arabera, bere garaian dagokion erabakia hartu aurretik entzunaldiko izapideei hasiera emateko. 75. atala.- Errekurtsoak. Babeslaritzaren akordioak eta erabakiak azalpen arrazoiekin eman beharko dira legeak agintzen duenean,eta arautegi honetan eta indarrean dagoen legemendean ezarritako moduan gaitsezgarriak izango dira. 76. atala.Tasak. Ekainaren 17ko 12/1994 Legearen azken xedapenetatik lehenengoan araututako tasaz zamatutako Fundazioen Erregistroaren administrazio iharduerak ordaindu egin behar dira, zerbitzua betetzen denean edo, bestela, eskabidea egiten denean, dagozkion tarifak ordainduta.

Gaiarekin lotutako edukiak


Arauaren historia (9)

Arauaren historia →

Eskumenak eta transferentziak

Ez dago lotutako edukirik.

Garrantzi juridikoko dokumentazioa

Ez dago lotutako edukirik.

Tag-ak