Arautegia
Inprimatu216/1993 DEKRETUA, uztailaren 27koa, «Eusko Jaurlaritzaren Informatika Elkartea, S.A. (EJIE, S.A.)» baltzu publikoaren akzio berriak harpidetzeko eta ordaintzeko baimena Euskal Autonomi Elkarteko Administrazioari eman eta horren Estatutuak aldatzen dituena.
Identifikazioa
- Lurralde-eremua: Autonomiko
- Arau-maila: Dekretua
- Organo arau-emailea: Ekonomia eta Ogasuna; Lehendakaritza, Lege Araubide eta Autonomi Garapena
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 155
- Hurrenkera-zk.: 2716
- Xedapen-zk.: 216
- Xedapen-data: 1993/07/27
- Argitaratze-data: 1993/08/17
Gaikako eremua
- Gaia: Ogasun eta Ekonomía; Administrazioaren antolamendua
- Azpigaia: Ogasun; Sailak; Ekonomia
Testu legala
«EUSKO JAURLARITZAREN INFORMATIKA ELKARTEA, S.A. (EJIE, S.A.)» baltzu publikoaren batzar nagusiak, 1993ko uztailaren 27an egindako bileran, baltzuaren egungo kapitala, hots, lau mila berrehun eta hirurogeita hamar milioi hirurehun eta hamasei mila (4.270.316.000 PTA) pezetakoa, bederatziehun milioi (900.000.000 PTA) pezetatan gehitzea erabaki du. Mila (1.000 PTA) pezetako bederatziehun mila (900.000) akzio kaleratu beharko dira, serie bakarrean, eta 4.270.317tik 5.170.317rarte hurrenez hurren zenbakituak,bi zenbakiok barne; parean emandakoak izango dira eta ez dute inolako jaulkipen-gasturik ez eta jaulkipen-zergarik ere izango. Euskal Autonomi Elkartearen Ondareari buruzko uztailaren 27ko 14/1983 Legearen 44. atalean ezartzen denez, Euskal Autonomi Elkarteko Administrazioak baltzu publikoetako partaidetzak bereganatu ahal izateko, derrigorrezkoa izango da, Eusko Jaurlaritzaren dekretuz horretarako baimena ematea, Ekonomi eta Ogasun Sailburuak eta baltzuaren administrazioa horren menpe dagoeneko sailburuak emandako proposamenaren ondoren. Ondorioz, Lehendakaritza, Lege Araubide eta Autonomi Garapenerako Sailburuaren eta Ekonomi eta Ogasun Sailburuaren proposamenez, Jaurlaritzaren Kontseiluak 1993ko uztailaren 27an egindako bileran eztabaidatu ondoren, hauxeXEDATU DUT: 1. atala.- Mila pezetako (1.000,- PTA) 900.000 akzio harpidetzeko baimena ematea Euskal Autonomi Elkarteko Administrazioari, bazkide bakarra denaren eskubideaz baliatuz; akziook, «Eusko Jaurlaritzaren Informatika Elkartea, S.A. (EJIE, S.A.)» baltzu publikoak emandakoak dira, eta 4.270.317tik 5.170.317rarte hurrenez hurren zenbakituak daude, bi zenbakiok barne. Halaber, zenbateko guztiaren %50a ordaintzeko ere ematen da baimena, baltzu horretako akziodunen batzar nagusiak hartutako akordioaren arabera. 2. atala.- Baltzu Estatutuetako 5. atala aldatzen da, honela gelditzen delarik: «Bosgarren atala: Baltzuaren kapitala. Bost mila ehun eta hirurogeita hamar milioi hirurehun eta hamazazpi mila (5.170.317.000 PTA) pezetakoa da baltzuaren kapitala, mila pezetako 5.170.317 izendun akziotan ordezkatua; batetik bost milioi ehun eta hiurogeita hamar mila hirurehun eta hamazazpirarte, hurrenez hurren, zenbakituak daude, bi zenbakiok barne. Administrazio Kontseiluak izenda ditzan titulu eta agiritan gauzaturik daude. Laurehun eta berrogeita hamar milioi (450.000.000 PTA) pezeta ordaintzeke gelditzen dira, izendun mila pezetako 450.000 akziotan ordezkatuak, eta 4.270.317tik 5.170.317rarte hurrenez hurren zenbakituak daude, bi zenbakiok barne. Ordainketa bakoitza 1998ko abenduaren 1a baino lehen egingo da, dirukopuru hori dirutan sartuz baltzuaren kutxan.» Vitoria-Gasteiz, 1993ko uztailak 27. Lehendakaria, JOSE ANTONIO ARDANZA GARRO. Lehendakaritza, Lege Araubide eta Autonomi Garapenerako Sailburua, JOSEBA M. DE ZUBIA Y ATXAERANDIO. Ekonomi eta Ogasun Sailburua, JOSE LUIS LARREA JIMENEZ DE VICUÑA.
