Arautegia
InprimatuERABAKIA, 2003ko martxoaren 28koa, Osakidetza-Euskal Osasun Zerbitzuaren Administrazioko Kontseiluarena, Osakidetza-Euskal Osasun Zerbitzuaren datuak babesteko Segurtasun Batzordea sortu eta haren zereginak ezartzekoa.
Identifikazioa
- Lurralde-eremua: Autonomiko
- Arau-maila: Akordioa
- Organo arau-emailea: Osasun Saila; Osakidetza
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 118
- Hurrenkera-zk.: 3490
- Xedapen-zk.: ---
- Xedapen-data: 2003/03/28
- Argitaratze-data: 2003/06/17
Gaikako eremua
- Gaia: Administrazioaren antolamendua; Ekonomi Jarduerak
- Azpigaia: Gobernua eta herri administrazioa; Sailak; Informazio etak komunikazioak
Testu legala
Osakidetza-Euskal Osasun Zerbitzuaren estatutuak jasotzen dituen azaroaren 11ko 255/1997 Dekretua, eta haren edukia jarduketa zehatzen bidez garatzeak duen garratzia ikusita, egokitzat jo da "Osakidetza-Euskal Osasun Zerbitzuaren datuak babesteko Segurtasun Batzordea» sortzea eta haren zereginak ezartzea. Horretaz aparte, kontuan hartzen badugu ekainaren 1eko 994/1999 Errege Dekretua, datu pertsonalak dituzten fitxategi automatizatuen segurtasun neurriak arautzen dituena, eta erakunde publikoaren fitxategietarako prestatu den Segurtasun Agirian xedatutakoa, ezinbestekoa da batzorde hori osatzea, gai horren ingurukoak bildu eta koordinatu ditzan.
Erakunde zentralaren administrazio eta kudeaketa korporatiboaren zuzendari nagusiaren proposamena da batzordea osatzea, sortuko den batzordeari zein zeregin ezarriko zaizkien kontuan hartua, baita 12.3 artikuluak agindutakoa ere; aipatu artikuluak dioenaren arabera, erankunde zentralari baitagokio "aholkularitza eta laguntza teknikoko zerbitzu amankomunak eskaintzea, besteak beste, zerbitzu sanitarioetako erakunde bakoitzaren programa eta aurrekontuak prestatzearekin, antolakuntza eta giza baliabideekin, hirugarrenekiko kanpo harrremanekin, informazio eta komunikazio sistemekin, aholkularitza juridikoarekin, finantza kudeaketarekin, baliabide material eta zerbitzu osagarriekin, zerbitzuen jarraipen, kontrol eta ikuskapenarekin, interes orokorreko helburuen estatistikarekin, eta argitalpenekin zerikusia dutenak».
Proposamena aztertuta, jarduketa zehatz hau aipatu estatutuen 4.1 artikuluak jasotzen duen ente publikoaren ahalmenen barruan sartzen da, izan ere, artikulu horrek dioenaren arabera, Osakidetza-Euskal Osasun Zerbitzuak "nortasun juridiko publiko bereizia du, baita haren helburuak betetzeko eginbeharrekoak gauzatzeko ahalmen osoa ere»; horretaz aparte, batzordearekin lortu nahi da 3.b) artikuluan aurreikusten dena betetzea, hau da, "informazio maila eten gabe hobetzea» bereziki sustatzeko zeregina duten jarduketak burutzea.
Beraz, aurreko guztiarekin bat eginda, Administrazioko Kontseiluak adierazitakoa betetzeko eta aipatu estatutuetako 8.5 artikuluan aitortzen zaizkion eskumenen arabera, honakoa
Zuzendaritza Nagusiari eta Erakunde Zentralaren Zuzendaritzen Zuzendaritzei segurtasun informatiko eta osasun datuen babesaren inguruko aholkularitza ematea.
Zerbitzuen erakunde guztien kontsultoretza, bai arreta espezializatukoetan bai lehen-mailakoetan, segurtasun informatiko eta osasun datuen babesaren inguruan, eta gai horren inguruko jarduketak koordinatzea.
Segurtasun informatiko eta osasun datuen babesaren inguruan baita gai horiekin zerikusia duten bestelako aspektuen inguruan ere etorkizuneko ildo estrategikoak ezartzean parte hartzea.
Prestatzen diren Segurtasun Agiriak onartzea, aldian-aldian segurtasun gaiaren inguruan egiten diren kontu-ikuskaritza txostenak gainbegiratzea, baita Segurtasun Agirian xedatutakoa behar bezala betetzen dela egiaztatzekoak ere.
Informazio Sistemetan eragin larria duten gertakizunen inguruko txosten esplikatzaileen analisia, baita definitzen diren bestelako Segurtasun Planen jarraipena ere.
Jerarkia eta zereginei dagokienez, Osakidetza-Euskal Osasun Zerbitzuaren Zuzendaritza nagusiaren menpe egongo da batzordea. Espreski, haren zereginak arinagoak izan daitezen, egoki ikusten diren lantaldeak osatu ahalko dira haren barruan, eta lantalde horien ondorioek batzordearen onespena beharko dute.
Osakidetza-Euskal Osasun Zerbitzuaren zuzendari nagusiak izendatuko ditu sortu berri den batzordeko kideak zein haien ordezkoak. Batzordeburu eta idazkaria batzordekieen artean aukeratuko ditu zuzendari nagusiak.
(Ikus .PDF)
Erabaki hau indarrean sartuko da onartzen den egunean; dena den, Euskal Herriko Agintaritzaren Aldizkarian argitaratuko da eta batzordekideei banan-banako jakinarazpena egingo zaie.
Vitoria–Gasteiz, 2003ko martxoaren 28a.
Administrazioko Kontseiluburua,
GABRIEL M.ª INCLÁN IRIBAR.
Gaiarekin lotutako edukiak
Arauaren historia
- Aldatutakoa: ERABAKIA, 2009ko urriaren 6koa, Osakidetza-Euskal Osasun Zerbitzuaren Administrazio Kontseiluarena, Osakidetza-Euskal Osasun Zerbitzuaren datuak babesteko Segurtasun Batzordearen egitura aldatzen duena.
- Aldatutakoa: ERABAKIA, 2007ko urtarrilaren 24koa, Osakidetza-Euskal Osasun Zerbitzuaren Administrazio Kontseiluarena, Osakidetza-Euskal Osasun Zerbitzuaren datuak babesteko Segurtasun Batzordearen egitura aldatzen duena.
- Ikus: ERABAKIA, 2016ko uztailaren 18koa, Osakidetza-Euskal osasun zerbitzuaren Administrazio Kontseiluarena, Osakidetza-Euskal osasun zerbitzuaren Datuak Babesteko Segurtasun Batzordea kendu eta Informazioaren Segurtasunerako eta Datu Pertsonalak Babesteko Batz
