Arautegia
InprimatuEBAZPENA, 2023ko maiatzaren 30ekoa, Nekazaritza eta Abeltzaintzako zuzendariarena, zeinaren bidez onesten baita Euskal Autonomia Erkidegoan ehizan jarduteko gaitasuna egiaztatzeko 2023ko apirileko deialdian azterketa gainditu duten izangaien behin betiko zerrenda berretsi eta argitara ematen duena.
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Ekonomiaren Garapen, Jasangarritasun eta Ingurumen Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 108
- Hurrenkera-zk.: 2716
- Xedapen-zk.: ---
- Xedapen-data: 2023/05/30
- Argitaratze-data: 2023/06/08
Gaikako eremua
- Gaia: Administrazioaren antolamendua; Ingurune naturala eta etxebizitza
- Azpigaia: Gobernua eta herri administrazioa; Nekazaritza eta arrantza
Testu legala
Nekazaritza eta Abeltzaintzako zuzendariaren 2023ko otsailaren 1eko Ebazpenaren bidez, ehizan jarduteko gaitasuna egiaztatzeko azterketarako 2023ko deialdia egin zen (2023ko otsailaren 10eko EHAA, 29. zk.). Ebazpen horren zortzigarren puntuan xedatutakoa betez, eta Epaimahai Kalifikatzaileak proposatuta, honako hau
Lehenengoa. Euskal Autonomia Erkidegoan ehizatzeko gaitasuna egiaztatzeko proben Epaimahai Kalifikatzaileak 2023ko apirilaren 22an Nekazaritza eta Abeltzaintzako zuzendariaren 2023ko otsailaren 1eko Ebazpenaren bidez egindako deialdian onartutako izangaien zerrenda berrestea. Zerrenda hori ebazpen honen eranskinean dago, eta Bizkaiko (www.bizkaia.eus), Arabako (www.araba.eus) eta Gipuzkoako (www.gipuzkoa.eus) aldundien eta Eusko Jaurlaritzako Ekonomiaren Garapen, Jasangarritasun eta Ingurumen Sailaren (http://www.euskadi.eus/eusko-jaurlaritza/nekazaritza-abeltzaintza-basogintza/hasiera/) web-orrietan argitaratuko da.
Bigarrena. Ebazpen honek ez dio amaiera ematen administrazio-bideari, eta, beraren aurka, interesdunak gora jotzeko errekurtsoa aurkeztu ahal izango dio Nekazaritzako, Arrantzako eta Elikagai Politikako sailburuordeari, hilabeteko epean, ebazpena Euskal Herriko Agintaritzaren Aldizkarian argitaratu eta hurrengo egunetik aurrera, Administrazio Publikoen Administrazio Prozedura Erkidearen urriaren 1eko 39/2015 Legearen 121. eta 122. artikuluen arabera.
Vitoria-Gasteiz, 2023ko maiatzaren 30a.
Nekazaritza eta Abeltzaintzako zuzendaria,
JORGE GARBISU BUESA.
(Ikus .PDF)
