Arautegia
Inprimatu1623/2022 EBAZPENA, urriaren 11koa, Osakidetza-Euskal osasun zerbitzuko zuzendari nagusiarena, zeinaren bidez irailaren 12ko 1531/2022 Ebazpenaren hutsak zuzentzen diren. Ebazpen horren bidez Osakidetza-Euskal osasun zerbitzuko zerbitzu-erakundeetako profesionalen lanbide-garapeneko maila aitortzeko eskaerak ebatzi ziren eta behin betiko esleipena argitaratzeko agindu zen, Osakidetza-Euskal osasun zerbitzuko zuzendari nagusiaren ekainaren 2ko 1208/2022 Ebazpenaren bidez argitaratutako lanbide-garapeneko ezohiko deialdiaren esparruan.
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Osakidetza-Euskal Osasun Zerbitzua
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 204
- Hurrenkera-zk.: 4585
- Xedapen-zk.: 1623
- Xedapen-data: 2022/10/11
- Argitaratze-data: 2022/10/25
Gaikako eremua
- Gaia: Administrazioaren antolamendua
- Azpigaia: Gobernua eta herri administrazioa; Funtzio publikoa
Testu legala
Osakidetza-Euskal osasun zerbitzuko Giza Baliabideen zuzendariaren abuztuaren 12ko 693/2022 Ebazpenaren bidez, Osakidetza-Euskal osasun zerbitzuko zerbitzu-erakundeetako profesionalen lanbide-garapeneko mailaren behin-behineko esleipena argitaratzeko agindu zen, Osakidetza-Euskal osasun zerbitzuko zuzendari nagusiaren ekainaren 2ko 1208/2022 Ebazpenaren bidez argitaratutako lanbide-garapeneko ezohiko deialdiaren esparruan.
Garapeneko eta Prestakuntzako zuzendariordearen ordezko gisa, Osakidetza-Euskal osasun zerbitzuko Giza Baliabideen zuzendaria ez zegoelako 2022ko abuztuaren 22ko 704/2022 Ebazpenaren bidez, Osakidetza-Euskal osasun zerbitzuko Giza Baliabideen zuzendariaren abuztuaren 12ko 693/2022 Ebazpenean ezarritako epea luzatu zen, 702/2022 Ebazpenaren bidez zuzendu zena oker material baten ondorioz.
Osakidetza-Euskal osasun zerbitzuko zuzendari nagusiaren 1208/2022 Ebazpenaren 5. artikuluan ezarritakoaren arabera, ezohiko deialdian bertan ezarritako epean egindako erreklamazioak ebatzi ondoren, eta 1208/2022 Ebazpenaren 2.2 artikuluan ezarritako ofiziozko eskaerak egin ondoren, lanbide-garapeneko mailen behin betiko esleipena onartu zen. Ebazpen hori 2022ko irailaren 30eko 188. EHAAn argitaratu zen.
Euskal Herriko Agintaritzaren Aldizkaria arautzen duen 217/2008 Dekretuko 18.2.c) artikuluak hauxe dio: testuan dauden hutsak edo omisioak maila bereko xedapen baten bitartez zuzenduko dira, baldin eta nabarmenak ez badira, eta horiek zuzentzearen ondorioz, dokumentuaren edukia edo esanahia benetan edo itxuraz aldatzen bada.
Era horretako hutsak antzeman dira irailaren 12ko 1531/2022 Ebazpenean, zeinaren bidez Osakidetza-Euskal osasun zerbitzuko zerbitzu-erakundeetako profesionalen lanbide-garapeneko maila aitortzeko eskaerak ebatzi ziren eta behin betiko esleipena argitaratzeko agindu zen, Osakidetza-Euskal osasun zerbitzuko zuzendari nagusiaren ekainaren 2ko 1208/2022 Ebazpenaren bidez argitaratutako lanbide-garapeneko ezohiko deialdiaren esparruan (2022ko irailaren 30eko EHAA 188. zk.). Horrenbestez, huts horiek zuzendu egin dira.
Aurreko guztiagatik, eta emandako ahalmenez baliatuz, hau
Lehenengoa. Honako hauek sartzea hemen:
(Ikus .PDF)
(Ikus .PDF)
(Ikus .PDF)
Bigarrena. Honako hauek kentzea hemendik, maila okerra esleitu zaielako:
(Ikus .PDF)
(Ikus .PDF)
Hirugarrena. Honako hauek sartzea tarteko maila aitortzeari dagokion eranskinean, behin betiko aitorpena eragotzi gabe:
(Ikus .PDF)
(Ikus .PDF)
(Ikus .PDF)
Laugarrena. Aitortutako maila bakoitzaren ordainsari-ondorioen data kasu bakoitzari dagokiona izango da, Osakidetza-Euskal osasun zerbitzuko zuzendari nagusiaren ekainaren 2ko 1208/2022 Ebazpenaren 6. artikuluan ezarritakoaren arabera.
Bosgarrena. Ebazpen hau Euskal Herriko Agintaritzaren Aldizkarian argitaratzeko agintzea.
Seigarrena. Ebazpen honen aurka gora jotzeko errekurtsoa aurkeztu ahal izango zaio Osakidetza-Euskal osasun zerbitzuko Administrazio Kontseiluari. Horretarako, hilabeteko epea izango da, Ebazpena Euskal Herriko Agintaritzaren Aldizkarian argitaratu eta hurrengo egunetik aurrera.
Vitoria-Gasteizen, 2022 urriaren 11n.
Osakidetza-Euskal osasun zerbitzuko zuzendari nagusia,
MARÍA ROSA PÉREZ ESQUERDO.
