Arreta Soziosanitarioa

Berariazko oinarriak lanpostu hauek betetzeko lehiaketarako: «Hezkuntza eta zientzia» jakintza-arloko I-A, I-B, II-A, II-B, II-C eta III-A berariazko osagarri-mailetako lanpostuak, Euskal Autonomia Erkidegoko Administrazio Orokorreko eta haren erakunde autonomoetako karrerako funtzionarioentzat gordeak.

1. Xedea.

   Hauxe da oinarrion xedea: balorazio-batzordea, eskabidea, proba-mota eta lanpostuak zehaztea lehiaketa bidez betetzeko «Hezkuntza eta zientzia» jakintza-arloko Euskal Autonomia Erkidegoko Administrazio Orokorreko eta erakunde autonomoetako lanpostuak, I-A, I-B, II-A, II-B, II-C eta III-A berariazko osagarri-mailetakoak (II. eranskinean datoz zehazturik lanpostu horiek).

2. Eskabideak aurkeztea eta onartzea.

1. Lehiaketa honetan parte hartzeko eskabideak aurkezteko, 15 egun balioduneko epea dago, berariazko oinarriak Euskal Herriko Agintaritzaren Aldizkarian argitaratu eta hurrengo egunetik aurrera.

   Parte hartu nahi dutenek intranet bidez egin beharko dute eskabidea, lehiaketen atalean dagoen eredua betez. Eskabidea jaso izanaren agiri bat emango zaie eskabideak era horretan aurkezten dituztenei.

2. Salbuespenez, deialdi honetako IV. eranskin modura datorren eredua aurkezteko aukera egongo da. Halakoetan, Funtzio Publikoko zuzendariari egin beharko zaio eskabidea. Lehiatzailea zerbitzu berezietan baldin badago edo seme-alabak zaintzeko lan-utzialdian baldin badago, lanpostua non duen gordeta, lanpostu horri dagokion sail, erakunde autonomo edo zuzenbide pribatuko erakunde publikoaren erregistroan aurkeztu beharko du eskabidea; borondatezko lan-uztaldian badago, berriz, azken lanpostua izan duen sail, erakunde autonomo edo zuzenbide pribatuko erakunde publikoaren erregistroan aurkeztu beharko du.

3. Eskabide baldintzadunak.

   Baliteke, lehiaketa honetan parte hartzeko baldintzak betetzen dituzten bi pertsonak, familia-elkarbizitza dutela-eta, herri berean eta hurbileko herrietan lortu nahi izatea lanpostua, lehiaketa honetan. Halakoetan, lanpostua biek ala biek lortu beharra adieraz dezakete eskabideetan, baldintza modura; hala, baldintza hori betetzen ez bada, indarrik gabe geratuko dira dena delako herriko lanpostuetarako egindako eskabide biak.

4. Eskabideak aurkezteko epea amaitutakoan, ez da aldaketarik onartuko eskabideetan. Alabaina, lehiatzaileek, hala nahi badute, lehiaketan atzera egiteko eta ez parte hartzeko aukera ere izango dute, esleipenen behin-behineko zerrendaren aurka erreklamazioak egiteko epearen barruan.

5. Lanerako baldintzak betez gero, iragarritako lanpostu hutsetatik nahi diren guztiak eska daitezke, lehentasunak zehaztuta betiere.

6. Lehiaketa batean baino gehiagotan eskainitako edo kidego bateko baino gehiagoko lanpostuetara aurkeztu nahi izanez gero, lehentasunen arabera zehaztu beharko dituzte lanpostu horiek. Horretarako, iragarritako berariazko lehiaketa guztietako II. faseko behin betiko emaitzak argitaratutakoan, Funtzio Publikoko sailburuordearen ebazpenaren bidez, 5 egun balioduneko epea irekiko da, lehiakide horiek beren lehentasunen arabera erregistra ditzaten lanpostu horiek, bai berariazko lehiaketan bai lehiaketa orokorrean, eta ezin izango da aldaketarik egin lehiaketa bakoitzaren barruan zehaztutako lanpostuen ordenan.

7. Bai lanpostuaren baldintzak betetzen direla egiaztatzeko agiriak, bai merezimenduak egiaztatzekoak, eskabidearekin batera aurkeztu behar dira, oinarri orokorretako 8. oinarrian zehazturik datorren moduan, eta, eskabide elektronikoa egiten bada, eskabideak aurkezteko epe beraren barruan egiaztatu beharko dira merezimenduak edo baldintzak.

   Epe barruan aurkezten ez badira, egiaztatu gabetzat joko dira.

3. Merezimenduen balorazioa (II. fasea).

   Fase honetan, lanpostu bakoitzaren ezagutza- eta trebetasun-garrantzitsuenen arabera baloratuko dira merezimenduak, oinarri orokorretako 6. oinarrian ezarritako irizpideen arabera.

   Honako lanpostu hauetako bat lortu nahi dutenek lanpostuak berezkoak dituen atazei buruzko proba praktiko bat egin beharko dute.

   510812: Hezkuntza berriztatzeko programen ard. (koord.).

   510821: Ikastetxeen plangintzaren arduraduna.

   Honako lanpostu hauetako bat lortu nahi dutenek lanpostuak berezkoak dituen atazei buruzko proiektu bat egin beharko dute.

   510811: Hezkuntza berriztatzeko programen arduraduna.

   510831: Ikerketa-programen arduraduna.

   510832: Ikerketa programen arloko arduraduna.

   510842: Unibertsitateko arlo-arduraduna.

   511371: Lanbide-heziketaren arduraduna.

4. Balorazio-batzordea.

   Hauek izango dira batzordekideak:

   Batzordeburua:

   Titularra: Gema González de Txabarri Miranda.

   Ordezkoa: Blanca María Guerrero Ocejo.

   Kideak:

   Titularra: Jose María Heras Martín.

   Ordezkoa: Juan Luis Aizpiri Echeverria.

   Kideak:

   Titularra: Jose Miguel Aguirregabiria Aguirre.

   Ordezkoa: Josu Mirena Zubero Olaechea.

   Kideak:

   Titularra: M.Ş Eugenia Santos Urdiain.

   Ordezkoa: Ana Isabel Ferri Basualdo.

   Idazkaria:

   Titularra: Nekane Bolinaga Alcelai.

   Ordezkoa: Jaione Juaristi Sánchez.

   (Ikus .PDF)

   (Ikus .PDF)

   (Ikus .PDF)