Karpeta horretan sartzean, irekita dauden deialdi guztien zerrenda agertuko da. Parte hartu nahi duzun deialdiko "Izena eman" ikonoan klik egin beharko duzu.

Erabiliko duzun identifikazio-bitartekoa aukeratu beharko duzu proposatzen zaizkizuenen artean (aldi baterako pasahitza/ BAK / BAKQ/ Ziurtagiri digitalak).

Deialdi honetan sartzeko modua aukeratu beharko duzu: txanda irekia edo desgaitasuna dutenentzako txanda librea (baldin eta deialdiak modu hori jasota duten).

Eskatzen zaizkizun datu pertsonalak bete beharko dituzu (abizenak, jaioteguna...), edo pantailan erakusten bazaizkizu, horiek berretsi. Ez ahaztu nahitaezko eremuak ere hautatzea.

Aurkezten duzun lanpostuan sartzeko baldintzei buruzko datuak bete beharko dituzu:

- Titulazioa

             - Esperientzia (lanpostuaren betekizuna bada)

- Beste betekizun batzuk (arte martzialetako gerriko beltza...lanpostuak beste betekizun espezifiko batzuk baditu) 

Ez ahaztu erakusten zaizkizun fitxa guztietan aukeraren bat markatu behar duzula.

             Dagokion titulazioa erraz aurkitzeko sartzeko baldintzen menuetan laguntza gisa agertzen den bilatzailea erabili ahal izango duzu.

Eskatzen zaizkizun harremanetarako datuak berretsi beharko dituzu.

Hautaketa prozesuaren jarraipenaren berri SMS edo e-mail bidez ematea nahi baduzu, aukera hori markatuz adierazi beharko duzu.

Euskararekin lotutako datuak sartu beharko dituzu.

Aurkezten den lanpostuak gidabaimenen bat behar badu, baimen hori duela adierazi beharko du.

Pantaila honetan agertzen diren lehenengo bi atalak (azterketak eta egokitzapenak) ez dira bete behar.

Hirugarren atalean, "Administrazio publikoetan emandako zerbitzuak" izenekoan, zure zerbitzuak zer Administrazio Publikotan eman dituzun adierazi beharko duzu, zerbitzu horiek egiaztatzeko lana errazteko.

Pantaila honetan, ordura arte sartutako datuak berrikusi beharko dituzu, zuzenak direla egiaztatzeko. Era berean, pantailan agertzen diren nahitaezko eremuak (erantzukizunpeko adierazpenak) hautatu beharko dituzu.

Azkenik, inskripzioa bidali beharko duzu.

Pantaila honetan, adierazten zaizun dokumentazioa aurkeztu beharko duzu (PDF formatuan), deialdiaren xede den lanpostuaren eskakizunen arabera, eta honako hauei dagozkien ataletan erantsiko duzu:

- Egiaztagiriak: Titulazioa 

- Egiaztagiriak: Esperientzia

- Egiaztagiriak: Beste baldintza espezifiko batzuk  

- Egiaztagiriak: Baimenik ez ematearen egiaztagiria 

Nahi izanez gero, inskripzioaren egiaztagiria deskargatu ahal izango duzu.

Gogoratu inskripzioa ez dela baliozkoa izango tasak ordaindu arte.

Onartutako ziurtagiri elektronikoekin identifikatu ez bazara, aldi baterako pasahitz bat sortu ahal izango duzu, "Sortu aldi baterako pasahitza" aurkera hautatuta.