Eusko Jaurlaritzak ekoitzi eta mantentzen ditu urtero, honako oinarrizko kartografia produktu hauek:

- Urteroko ortofotoa, 25 cm-koa:

2004tik aurrera, etengabe egiten da urteroko hegaldi fotogrametrikoa. Hegaldi horren ondorioz, dagokion ortofotoa egiten da. Horrek kalitate-kontrola betetzen du, zehaztasun geometriko eta erradiometrikoa dituela bermatzeko. Eskari handiko produktua da, eta hainbat lanetan eta diziplinatan erabiltzen da (nekazaritza, planeamendua, ingurumena, herri lanak, etab.). Gainera, 2008. eta 2009. urteetako (7 cm-ko bereizmena)  Hiri Ortoargazkiak egin dira. Bestalde, 2017. urtekoa  (10 cm-ko bereizmena)  ere egin da EAE osorako. Hirigintzarako, katastrorako, ingeniaritzarako,  udal kudeaketarako, eta abarretarako erabilgarritasun handiko produktua da.

- Eusko Jaurlaritzako Oinarri Topografiko Bateratua (1:5.000). OTB5.

Erreferentziazko kartografia bektoriala da eta honako gai hauek hartzen ditu bere gain: eraikuntzak, garraioak, hidrografia, zerbitzu eta instalazioak, erliebea, izen geografikoak eta erreferentziazko puntuak.

Horren lehen bertsioa (2010) honako hauetan oinarritu zen:

• Arabako, Bizkaiko eta Gipuzkoako foru aldundiek 2006 eta 2008. urteen artean egindako kartografia bektoriala (1:5000), eraikuntza eta garraio-sareen gaietarako.
• 2008,2012 eta 2017ko hegaldien LIDAR datuak, erliebe- eta hidrologia-gaietarako, 2 puntu/m2-ko dentsitatearekin pto/m2-ko dentsitatedunak 
• Eusko Jaurlaritzako Hizkuntza Politikarako Sailburuordetzaren izendegia, izen geografikoetarako.
• Eusko Jaurlaritzako hainbat datu-base, gai ezberdinetarako.

Urteroko eguneratzeak hegaldi fotogrametrikoak, LIDAR eta bestelako iturri batzuk kontuan hartuta egin dira. Azken eguneratzea 2019ko abenduan izan zen.

Hainbat erakunde sartzen ari dira horren mantentze-lanean, eguneratuta egongo dela bermatzeko, baita horren kalitatea eta ofizialtasuna ziurtatzeko ere.

Gainera, kartografia orokorra sortzen da, honako eskala hauetan: 1:100.000 (OTB100), 1:200.000 (OTB200), 1:400.000 (OTB400) eta 1:1.000.000 (OTB1000).

- LIDAR elebazioen eredu digitala, 1mx1m-koa. (LED, GED, HEED)

Lurralde osoko bi LIDAR hegaldi osorik egin dira, 2008, 2012 eta 2017ko erreferentzia-datekin..

Eskainitako produktuak honako hauek dira:

• LED: Lurzoruaren eredu digitala. Lurraldea baino ez du irudikatzen, hau da, ez da eraikin, zubi edota landarerik agertzen.
• GED: Gainazalaren eredu digitala. Punturik altuenak irudikatzen ditu, eraikinak eta landareak barne, besteak beste.
• HEED: Hidrologiarako elebazioen eredu digitala. Lurraldea irudikatzen du, eraikuntzak barne, zubiak izan ezik.
• Sailkatutako puntu-hodeia, LAS formatuan.

Urtero, aldaketa-eremuak eguneratzen dira, hegaldi fotogrametrikoetan oinarrituta.

Honako bi produktu eratorri hauek daude:5 m-ra eta 25 m-ra aldatutako LEDak.

Modu koordinatuan egiten dira eta, kasu puntual batzuetan, beste administrazio batzuekin batera finantzatzen dira.

Ikusi eta deskargatzeko prest honako esteka honetan: http://www.geo.euskadi.net/s69-15375/eu

Produktu hauek guztiek honako lizentzia hau dute: Creative Commons Reconocimiento 3.0 (kontrakoa adierazten denean izan ezik)

Lizentzia mota honek erabilera irekia ahalbidetzen du, baita merkataritza-helburua betetzea ere; baina, horretarako, iturria aipatu beharko da: Eusko Jaurlaritza – Gobierno Vasco