Egiaztatzen dugu ea elikagaiak seguruak diren ala ez

Programa honen helburua da pertsonen osasunerako arriskuak gutxitzea eta kalteak eragoztea, oinarri hartuta, batetik, eskura ditugun erreferentzia-mailak, eta, bestetik, elikagaietako substantzia kimikoei buruz estatuan eta Europan aplikatzen den araudia.

Elikagaien segurtasun kimikoari buruzko programan, helburu hauek lortzeko ekintzak sartzen dira nagusiki:

• Ebaluatzea arrisku nutrizional eta ez-nutrizionalak, dietan osasunarentzat potentzialki kaltegarriak diren konposatuak egotearen ondoriozkoak.
• Kontrol ofiziala egitea elikadura horietako konposatuen edukiaren gainean, ziurtatzeko ez direla gainditzen Europar Batasunean legez ezarritako muga maximoa edo erreferentziako beste muga edo balio toxikologikorik.

Zer jarduera egiten ditugu?

• Dieta osoaren azterketa egiten dugu: horren bidez, kalkulatzen da intereseko zer substantzia hartzen diren dieta osoaren bidez, eta gero konprobatzen da ea segurtasun-balioen barruan dauden.
• Hondakinen Ikerketarako Plan Nazionala (HIPN): Kontrolatzen dugu zer eduki dituzten animalia-jatorriko elikagaietan dauden albaitari-sendagaien hondakinek, laginak hartuz eta aztertuz.
• Kontrol selektiboak egiten ditugu: Elikagaiak egiteko eta merkaturatzeko fasean, laginak hartu eta aztertzen ditugu.

Dokumentuak eta argitalpenak

Animalietan eta haien produktuetan dauden hondakinak ikertzeko EAEko Planaren 2020ko Ebaluazioa (PDF, 2 MB)

Animalien eta haien produktuetan dauden hondakinak ikertzeko EAEko Planaren 2016ko Ebaluazioa (PDF, 1 MB)

Dieta osoaren azterketa , Gasteleraz, (PDF, 139 KB)

Animalietan eta haien produktuetan egon daitezkeen hondakinak ikertzeko EAEko Planaren Ebaluazioa (EAE, 2013-2014) (PDF, 2 MB)

8-12 urteko neska-mutilen elikagai-kontsumoari eta pestizida- eta mantenugai-ahorakinari buruzko azterketa (PDF, 325 KB)

Araudia

1333/2008/EE Erregelamendua, Europako Parlamentuarena eta Kontseiluarena, 2008ko abenduaren 16koa, elikagai-gehigarriei buruzkoa.

1334/2008/EE Erregelamendua, Europako Parlamentuarena eta Kontseiluarena, 2008ko abenduaren 16koa, elikagaietan erabilitako aroma eta propietate aromatizatzailedun osagarri batzuei buruzkoa, zeinaren bidez aldatzen baitira 1601/91/EEE Erregelamendua, Kontseiluarena, 2232/96/EE eta 110/2008/EE Erregelamenduak eta 2000/13/EE zuzentaraua.

37/2010/EE Erregelamendua, Batzordearena, 2009ko abenduaren 22koa, farmakologiaren aldetik aktiboak diren substantziei eta substantzia horien sailkapenari buruzkoa animalia-jatorriko elikagaietan gehieneko hondakin-mugei dagokienez. Kontsultatu azken aldaketak.

396/2005 Erregelamendua,Europako Parlamentuarena eta Kontseiluarena, 2005eko otsailaren 23koa, animalia- eta landare-jatorriko elikagaietako eta pentsuetako pestizida-hondakinen muga maximoei buruzkoa, zeinaren bidez aldatzen baita 91/414/EEE zuzentaraua, Kontseiluarena.

1881/2006 Erregelamendua, Batzordearena, abenduaren 19koa, zeinaren bidez finkatzen baita elikagaietan dauden zenbait kutsatzaileren muga maximoa (2007ko martxoaren 1etik aurrera aplikatzekoa)

10/2011/EE Erregelamendua, Kontseiluarena, 2011ko urtarrilaren 14koa, elikagaiekin kontaktuan egoteko diren material eta objektuei buruzkoa.

1749/1998 Errege Dekretua, uztailaren 31koa, animalia bizietan eta animalia horien produktuetan zenbait substantziei eta substantzia horien hondakinei aplikatu beharreko kontrolak ezartzen dituena.