Liburutegi Zerbitzua

Lege honen xedea Euskal Autonomia Erkidegoko Administrazio orokorreko eta honen erakunde autonomiadunetako kidegoak eta eskalak antolatzea eta arrazionalizatzea da.

Lege hau Euskal Autonomia Erkidegoko Administrazio orokorreko eta honen erakunde autonomiadunetako funtzionarioei aplikatuko zaie.

1. ¿ Euskal Autonomia Erkidegoko Administrazio orokorreko eta honen erakunde autonomiadunetako kidegoak, bertan sartzeko exijitutako titulazio-mailari jarraiki, Euskal Funtzio Publikoari buruzko uztailaren 6ko 6/1989 Legearen 43. artikuluan ezarritako taldeetan biltzen dira.

2. ¿ Kidegoak, bete beharreko funtzioen izaera homogeneoari jarraiki, kidego orokor eta kidego berezietan sailkatuta daude.

3. ¿ Kidegoen barruan eskalak edo aukerak egon daitezke.

4. ¿ Euskal Autonomia Erkidegoko Administrazio orokorreko eta honen erakunde autonomiadunetako funtzionario izateak parte hartu deneko deialdian zehazturiko kidegoan eta, hala badagokio, eskalan edo aukeran sartzea ekarriko du.

Kidego berezien barruan eskalak egon daitezke funtzioek lanbide-kualifikazio bat eskatu eta hura betetzea titulazio akademiko bakarrarekin bat ez datorrenean, baizik eta hainbat titulazio akademikorekin bete daitezkeen edukiak biltzen dituenean.

Kidego berezien barruan aukerak egon daitezke; lege honen ondorioetarako, haietako plazak eskuratzeko eskaturiko titulazio ofizialarekin bat datoz, betiere prestakuntza akademiko bakar eta jakin bateko ezagutza propio eta berariazkoak eskatzen badituzte.

Lanpostu jakinen eduki tekniko eta zehaztuak hura betetzeko baldintza gisa kidegoen eta eskalen funtzioen espezializazio handiagoa eskatzen duenean, espezialitateak sortu ahal izango dira.

1. ¿ Espezialitateak Jaurlaritzaren Kontseiluaren dekretuz sortu, aldatu, bateratu edo kenduko dira, ondokoak ezarrita:

   1. Espezialitateen izena.

   2. Espezialitateak akreditatzeko eta, hala badagokio, galtzeko prozedurak eta exijitutako baldintzak.

   3. Espezialitateen funtzioak.

2. ¿ Halaber, espezialitateari atxikitako lanpostuak betetzen egoteko gutxieneko denboraldi bat ezarri ahal izango da espezialitateari atxiki gabeko lanpostuak betetzeko. Denboraldi hori, prestakuntza-mailaren arabera, gutxienez bi urtekoa eta gehienez zortzi urtekoa izango da.

3. ¿ Espezialitateak honako prozeduren arabera akreditatu ahal izango dira:

   1. Euskal Autonomia Erkidegoko Administrazio orokorreko eta honen erakunde autonomiadunetako funtzionarioen kidegoan sartzeko hautaprobetan; gainditu egin beharko dira horretarako egingo diren berariazko probak eta parte hartu deneko kidegoari eta, hala badagokio, eskalari edo aukerari dagozkienak.

   2. Integrazioz:

      1. Euskal Autonomia Erkidegoko Administrazio orokorreko eta honen erakunde autonomiadunetako funtzionarioentzat, dagoeneko espezialitateren bat akreditatuta baldin badaukate espezialitateak sortu, aldatu, bateratu edo kentzearen ondorioz.

      2. Antzerako funtzioak betetzen dituzten kidego, eskala edo espezialitateetako beste administrazio publikoetako funtzionarioentzat; hala badagokio, hauei, gainera, egokitzapen-ikastaro bat gainditzea eskatu ahal izango zaie.

   3. Euskal Autonomia Erkidegoko Administrazio orokorreko eta honen autonomiadun erakundeetako funtzionarioentzat horretarako deituko diren berariazko proben bidez. Gainditu beharreko probak ariketa teoriko-praktikoen bidez edo ikastaro selektibo baten bidez egin ahal izango dira; proba horietan ez dira sartuko funtzio publikoan sartzerakoan gainditutako gaiak. Hala badagokio, hautaprobak egiteko, hainbat kasutan, aurretiazko esperientzia akreditatu beharko da.

   4. Arauei jarraiki zehazten diren prozedura objektiboen bidez, baldin eta, merezimendu eta gaitasun printzipioei jarraiki, akreditatu nahi den espezialitateak eskatzen dituen lanpostuak betetzeko nahikoa gaitasun funtzional eta profesional egiaztatzen bada.

1. ¿ Lege honetan arautzen diren kidegoen eta eskalen berezko funtzioek ez dute ezein kasutan lanpostu jakin batzuk kidego eta eskala horietarako erreserbatzea ekarriko.

2. ¿ Lanpostuak, beren ezaugarrien arabera, kidego eta, hala badagokio, eskala edo aukera bati edo gehiagori atxikita egon daitezke. Atxikipena, nolanahi ere, dagokion lanpostu-zerrendaren bitartez egingo da.

Euskal Autonomia Erkidegoko Administrazio orokorreko eta honen erakunde autonomiadunetako kidegoak ondoko eran sailkatuta daude:

1. Kidego orokorrak, funtsean administrazio-jarduerari lotuta dauden funtzioak betetzen dituztenean (kudeaketa, ikuskapen, aholkularitza, kontrol eta betearazpen funtzioak eta antzekoak barne).

2. Kidego bereziak, funtsean lanbide edo titulazio akademiko bati dagozkion funtzioak betetzen dituztenean.

Euskal Autonomia Erkidegoko Administrazio orokorreko eta honen erakunde autonomiadunetako kidego orokorrak ondokoak dira:

1. A Taldearen barruan, Administrazioko Goi Mailako Kidegoa edo A-1.

2. B Taldearen barruan, Administrazio Kudeaketako Kidegoa edo B-1.

3. C Taldearen barruan, Administrarien Kidegoa edo C-1.

4. D Taldearen barruan, Administrari Laguntzaileen Kidegoa edo D-1.

5. E Taldearen barruan, Mendekoen Kidegoa edo E-1.

Euskal Autonomia Erkidegoko Administrazio orokorreko eta honen erakunde autonomiadunetako kidego bereziak ondokoak dira:

1. A Taldearen barruan, Goi Mailako Teknikarien Kidegoa edo A-2.

2. B Taldearen barruan, Erdi Mailako Teknikarien Kidegoa edo B-2.

3. C Taldearen barruan, Laguntzaile Teknikoen Kidegoa edo C-2.

Kidegoei dagozkien oinarrizko funtzioak ondokoak dira:

1. Administrazioko Goi Mailako Kidegoari, programazio, kudeaketa, betearazpen, ikuskapen edo kontrol arloetan administrazio-jardueran komunak diren goi-mailako azterketa, ordezkaritza, administrazioa, aholkularitza, koordinazioa eta proposamen eta txostenak egitea.

2. Administrazio Kudeaketako Kidegoari, goi-mailakoekiko lankidetza teknikoa; araudia aplikatzea; espediente normalizatuak ebazteko proposamenak, eta goi-mailako zereginei ez dagozkien azterketa eta txostenak egitea.

3. Administrarien Kidegoari, goi-mailakoak prestatzeko edo horien ondoriozko lankidetza; dokumentazioa egiaztatu, kudeatu, eguneratu eta bideratzea eta bere konplexutasunagatik goi-mailako kidegoei ez dagokiena prestatzea; datuak landu eta administratzea; ondasunen eta materialen inbentarioa egitea; jarduerak ikuskatzea; zeregin ofimatikoak, eskuzkoak zein zenbakizko kalkulukoak, eta jendearentzako informazioa eta arreta ematea.

4. Administrari Laguntzaileen Kidegoari, administrazio-jardueraren arloetan laguntzea; ofimatika eta korrespondentzia; kalkulu sinpleak; dokumentuen transkripzioa eta izapideak; artxibatzea, sailkapena eta erregistroa; fitxategiak, jendearentzako arreta eta antzekoak.

5. Mendekoen Kidegoari, ondasun publikoak zaindu eta gordetzea; bulego edo zentro publikoetan sartzen diren pertsonen kontrola; lokalen kokapenari buruzko informazioa; materiala, altzariak eta instalazioak zaindu, kontrolatu, mantendu eta ikuskatzea; korrespondentzia sailkatu eta banatzea; makina erreproduzitzaileak erabiltzea; dokumentuak, altzariak, materiala eta pertsonak lekualdatzea; jakinarazpenak ematea, eta, oro har, zaintzaile edo atezainen berezkoak.

6. Goi Mailako Teknikarien Kidegoari, kidegoan sartzeko exijitutako titulazioari dagokion lanbidearen berezko azterketa, ordezkaritza, administrazioa, aholkularitza, koordinazioa eta proposamena eta txostenak egitea, bai eta prestakuntza akademiko zehatz baten berezko eta berariazko ezagutzak eskatzen dituzten eginkizunak ere.

7. Erdi Mailako Teknikarien Kidegoari, goi-mailakoekiko lankidetza teknikoa; araudia aplikatzea; espediente normalizatuak ebazteko proposamenak egitea; azterketak eta txostenak egitea ¿dena ere kidegoan sartzeko exijitutako titulazioari dagokion lanbideko berezko funtzioak direnean¿, eta prestakuntza akademiko zehatz baten berezko eta berariazko ezagutzak eskatzen dituzten eginkizunak betetzea.

8. Laguntzaile Teknikoen Kidegoari, goi-mailakoak prestatzeko edo horien ondoriozko lankidetza; informazioa kudeatzea; proiektuak lantzea; jarduerak ikuskatzea; dokumentazioa eguneratu eta bideratzea; datuak landu eta administratzea; ekipoen eta aplikazioen inbentarioa egitea eta mantentzea ¿dena ere kidegoan sartzeko exijitutako titulazioari dagokion lanbideko berezko funtzioak direnean¿, eta prestakuntza akademiko zehatz baten berezko eta berariazko ezagutzak eskatzen dituzten eginkizunak betetzea.

Goi Mailako eta Erdi Mailako Teknikarien kidegoetan eta Laguntzaile Teknikoen Kidegoan, indarrean dauden titulazio ofizial adina aukera egon daitezke.

Kidego berezien barruan ondoko eskalak sortzen dira:

1. Goi Mailako Teknikarien Kidegoa:

   1. Artxibo, Liburutegi eta Dokumentazio Eskala.

   2. Epidemiologia Eskala.

   3. Estatistika Eskala.

   4. Informazioaren Sistema eta Teknologietako Eskala.

   5. Laborategi Eskala.

   6. Hizkuntza Normalizazioko Eskala.

   7. Osasun Publikoko Eskala.

   8. Itzulpen Eskala.

2. Erdi Mailako Teknikarien Kidegoa:

   1. Artxibo, Liburutegi eta Dokumentazio Eskala.

   2. Estatistika Eskala.

   3. Informazioaren Sistema eta Teknologietako Eskala.

   4. Hizkuntza Normalizazioko Eskala.

   5. Itzulpen Eskala.

3. Laguntzaile Teknikoen Kidegoa:

   1. Laborategi Eskala.

   2. Itzulpen Eskala.

1. ¿ Euskal Autonomia Erkidegoko Administrazio orokorreko eta honen erakunde autonomiadunetako kidegoetan sartzeko, ezinbesteko baldintza izango da ondoko titulazioren bat izatea:

   1. Administrazioko Goi Mailako Kidegoan, A Talderako gaitzen duen edozein titulazio.

   2. Goi Mailako Teknikarien Kidegoan, A Talderako gaitzen duen eta sartzean exijitu den titulazioa, aukera bakoitzari jarraiki.

   3. Administrazio Kudeaketako Kidegoan, B Talderako gaitzen duen edozein titulazio.

   4. Erdi Mailako Teknikarien Kidegoan, B Talderako gaitzen duen eta sartzean exijitu den titulazioa, aukera bakoitzari jarraiki

   5. Administrarien Kidegoan, C Talderako gaitzen duen edozein titulazio.

   6. Laguntzaile Teknikoen Kidegoan, C Talderako gaitzen duen eta sartzean exijitu den titulazioa, aukera bakoitzari jarraiki.

   7. Administrari Laguntzaileen Kidegoan, D Talderako gaitzen duen edozein titulazio.

   8. Mendekoen Kidegoan, E Talderako gaitzen duen edozein titulazio.

2. ¿ Euskal Autonomia Erkidegoko Administrazio orokorreko eta honen erakunde autonomiadunetako eskaletan sartzeko, ezinbesteko baldintza izango da ondoko titulazioren bat izatea:

   1. Goi Mailako Teknikarien Kidegoko Artxibo, Liburutegi eta Dokumentazio Eskalan, A Talderako gaitzen duen edozein titulazio.

   2. Goi Mailako Teknikarien Kidegoko Epidemiologia Eskalan, Biologiako lizentziadunari, Soziologiako lizentziadunari, Farmaziako lizentziadunari, Medikuntzako lizentziadunari edo Albaitaritzako lizentziadunari dagokion titulazioa edo horiekin ofizialki homologatutako titulazioak.

   3. Goi Mailako Teknikarien Kidegoko Estatistika Eskalan, A Talderako gaitzen duen edozein titulazio.

   4. Goi Mailako Teknikarien Kidegoko Informazioaren Sistema eta Teknologietako Eskalan, A Talderako gaitzen duen edozein titulazio.

   5. Goi Mailako Teknikarien Kidegoko Laborategi Eskalan, Biologiako lizentziadunari, Kimikako lizentziadunari, Biokimikako lizentziadunari, Elikagaien Zientzia eta Teknologiako lizentziadunari, Farmaziako lizentziadunari, Medikuntzako lizentziadunari edo Albaitaritzako lizentziadunari dagokion titulazioa edo horiekin ofizialki homologatutako titulazioak.

   6. Goi Mailako Teknikarien Kidegoko Hizkuntza Normalizazioko Eskalan, A Talderako gaitzen duen edozein titulazio.

   7. Goi Mailako Teknikarien Kidegoko Osasun Publikoko Eskalan, Biologiako lizentziadunari, Elikagaien Zientzia eta Teknologiako lizentziadunari, Farmaziako lizentziadunari, Medikuntzako lizentziadunari, Kimikako lizentziadunari, Albaitaritzako lizentziadunari edo Biokimikako lizentziadunari dagokion titulazioa edo horiekin ofizialki homologatutako titulazioak.

   8. Goi Mailako Teknikarien Kidegoko Itzulpen Eskalan, A Talderako gaitzen duen edozein titulazio.

   9. Erdi Mailako Teknikarien Kidegoko Artxibo, Liburutegi eta Dokumentazio Eskalan, B Talderako gaitzen duen edozein titulazio.

   10. Erdi Mailako Teknikarien Kidegoko Estatistika Eskalan, B Talderako gaitzen duen edozein titulazio.

   11. Erdi Mailako Teknikarien Kidegoko Informazioaren Sistema eta Teknologietako Eskalan, B Talderako gaitzen duen edozein titulazio.

   12. Erdi Mailako Teknikarien Kidegoko Hizkuntza Normalizazioko Eskalan, B Talderako gaitzen duen edozein titulazio.

   13. Erdi Mailako Teknikarien Kidegoko Itzulpen Eskalan, B Talderako gaitzen duen edozein titulazio.

   14. Laguntzaile Teknikoen Kidegoko Laborategi Eskalan, Bigarren Mailako Lanbide Heziketaren Kimika Adarreko teknikari espezialistari dagokion titulazioa, edo Bigarren Mailako Lanbide Heziketaren Osasun Adarreko teknikari espezialistari dagokioa, Laborategiko edo Ingurumen Osasuneko espezialitateetakoa, edota ondorio akademiko eta profesionaletarako aurrekoen baliokideak diren titulazioak.

   15. Laguntzaile Teknikoen Kidegoko Itzulpen Eskalan, C Talderako gaitzen duen edozein titulazio.

Eskalei dagozkien oinarrizko funtzioak ondokoak dira:

1. Goi Mailako Teknikarien Kidegoko Artxibo, Liburutegi eta Dokumentazio Eskalari, bibliotekonomiaren eta artxibistikaren esparruko zerbitzuak eta baliabideak planifikatu, kudeatu eta koordinatzea, informazioa berreskuratzeko tresnak sortzea, arau teknikoen aplikazioa zaintzea, teknologia berriak martxan jartzea eta arlo hauetan irizpideak ezartzea.

2. Goi Mailako Teknikarien Kidegoko Epidemiologia Eskalari, azterketa, txosten, koordinazio, aholkularitza, plangintza, zaintza eta analisi epidemiologikoak eta gaixotasunen prebentzioa (txertaketa-programen plangintza eta kudeaketa barne), bai eta estatistika-informazioa landu, kudeatu eta tratatzea ere.

3. Goi Mailako Teknikarien Kidegoko Laborategi Eskalari, osasun publikoko arazoei edo eraginari lotutako lagin guztien analisia egitea eta hori egin ahal izateko beharrezkoak diren teknika analitikoak garatzea.

4. Goi Mailako Teknikarien Kidegoko Estatistika Eskalari, estatistika-lanen zuzendaritza (prestaketa, ikuskapena eta banaketa barne), estatistikako proiektu eta sistemak landu eta diseinatzea, estatistika-lanetan erabilitako metodologiaren azterketa eta analisia egitea, estatistika-emaitzen analisi eta interpretazioa egitea eta estatistika-informazioko beharrak identifikatzea.

5. Goi Mailako Teknikarien Kidegoko Informazioaren Sistema eta Teknologietako Eskalari, informazio-sistemetan aholkatzea eta irizpideak ezartzea; informatika-sistemen plangintza, analisi, programazio eta eragiketa egitea; komunikazio eta telekomunikazio sistema orokorrak planifikatu, instalatu, mantendu eta ustiatzea; aplikazioak diseinatzea, eta informazio-sistemen segurtasuna eta inbentarioa kudeatzea.

6. Goi Mailako Teknikarien Kidegoko Hizkuntza Normalizazioko Eskalari, hizkuntza-plangintza egitea; euskara-planak kudeatu, landu eta sustatzea eta horretarako irizpideak ezartzea eta aholkatzea; hizkuntza-normalizazioaren esparruan ezagutzak ebaluatzea, jarduerak kudeatzea eta prestakuntza-diseinuak, kontrola eta ikuskapena egitea.

7. Goi Mailako Teknikarien Kidegoko Osasun Publikoko Eskalari, aztertu eta ikertzea, planak eta programak lantzea, metodoak diseinatzea eta kudeatze, burutze, proposatze eta ikuskatzea, goi-mailako teknikarien funtzio diren heinean, osasun publikoaren sustapen eta babesari dagokionez (elikadurari lotutako segurtasuna eta higienea, ingurumen-osasuna eta osasunerako hezkuntza barne hartuta).

8. Goi Mailako Teknikarien Kidegoko Itzulpen Eskalari, euskarazko itzulpen, interpretazio eta terminologia funtzioak betetzea eta esparru horietan prestakuntza ematea, azterketak egitea, irizpideak ezartzea eta ikuskapena egitea ere.

9. Erdi Mailako Teknikarien Kidegoko Artxibo, Liburutegi eta Dokumentazio Eskalari, deskribapen artxibistiko eta bibliografikoko funtzio teknikoak betetzea, datu-baseak kudeatzea eta bilduma dokumental eta bibliografikoak garatzea, bai eta zerbitzu hauek zabaltzea eta erabiltzaileei arreta eskaintzea ere.

10. Erdi Mailako Teknikarien Kidegoko Estatistika Eskalari, estatistika-lanak egin, prestatu, ikuskatu eta banatzeko funtzio teknikoak, estatistika proiektu eta sistemak landu eta diseinatzekoak, estatistika-lanetan erabilitako metodologiaren azterketa eta analisia egitekoak, estatistika-emaitzen analisi eta interpretazioa egitekoak eta estatistika-informazioko beharrak identifikatzekoak.

11. Erdi Mailako Teknikarien Kidegoko Informazioaren Sistema eta Teknologietako Eskalari, sistema informatikoen plangintza, analisi, programazio eta eragiketa egitea eta aholkatzea; komunikazio eta telekomunikazio sistema orokorrak planifikatu, instalatu, mantendu eta ustiatzea; aplikazioak diseinatzea, eta informazio-sistemen segurtasuna eta inbentarioa kudeatzea.

12. Erdi Mailako Teknikarien Kidegoko Hizkuntza Normalizazioko Eskalari, euskara-planak kudeatu, landu eta sustatzeko eta aholkatzeko funtzio teknikoak betetzea; hizkuntza-normalizazioaren esparruan ezagutzak ebaluatzea, jarduerak kudeatzea eta prestakuntza-diseinuak, kontrola eta ikuskapena egitea, eta hizkuntza-plangintza egitea.

13. Erdi Mailako Teknikarien Kidegoko Itzulpen Eskalari, euskarazko itzulpen, interpretazio eta terminologiako funtzio teknikoak betetzea eta esparru horietan prestakuntza ematea, azterketak egitea eta ikuskapena egitea.

14. Laguntzaile Teknikoen Kidegoko Laborategi Eskalari, osasun publikoko arazoei edo eraginari lotutako lagin guztien analitika egiteko lankidetza-funtzioak betetzea eta hori egin ahal izateko beharrezkoak diren teknikak garatzea.

15. Laguntzaile Teknikoen Kidegoko Itzulpen Eskalari, prestaketa eta lankidetza funtzioak betetzea euskarazko itzulpen, interpretazio eta terminologian, bai eta esparru horietan prestakuntza ematen, azterlanak egiten eta ikuskapena egiten ere.

1. ¿ Integrazio edo deialdi publiko bidez dena delako kidegoetan plazak eskuratu zituzten eta jarraian zehaztuko diren baldintzak betetzen dituzten funtzionarioak ondoko eskaletan integratu ahal izango dira, hala nahi izanez gero:

   1. Goi Mailako Teknikarien Kidegoko Epidemiologia Eskalan integratu ahal izango dira Goi Mailako Teknikarien Kidegoko Biologiako, Soziologiako, Farmaziako, Medikuntzako edo Albaitaritzako lizentziatu-plazak edo lizentziatura horiekin ofizialki homologaturiko titulazioko plazak integrazio edo deialdi publiko bidez eskuratu zituzten eta lege hau indarrean sartu aurreko bi urteetan euren behin betiko destinoa aipatutako eskalari atxikiriko lanpostuetan izan duten funtzionarioak.

   2. Goi Mailako Teknikarien Kidegoko Laborategi Eskalan integratu ahal izango dira Goi Mailako Teknikarien Kidegoko Biologiako Elikagaien Zientzia eta Teknologiako, Kimikako, Farmaziako, Albaitaritzako edo Medikuntzako lizentziatu-plazak edo lizentziatura horiekin ofizialki homologaturiko titulazioko plazak integrazio edo deialdi publiko bidez eskuratu zituzten eta lege hau indarrean sartu aurreko bi urteetan euren behin betiko destinoa aipatutako eskalari atxikiriko lanpostuetan izan duten funtzionarioak.

   3. Goi Mailako Teknikarien Kidegoko Hizkuntza Normalizazioko Eskalan integratu ahal izango dira Goi Mailako Teknikarien Kidegoko Euskal Filologiako lizentziatu-plazak integrazio edo deialdi publiko bidez eskuratu zituzten funtzionarioak.

   4. Goi Mailako Teknikarien Kidegoko Osasun Publikoko Eskalan integratu ahal izango dira Goi Mailako Teknikarien Kidegoko Biologiako, Elikagaien Zientzia eta Teknologiako, Farmaziako, Medikuntzako, Kimikako edo Albaitaritzako lizentziatu-plazak edo lizentziatura horiekin ofizialki homologaturiko titulazioko plazak integrazio edo deialdi publiko bidez eskuratu zituzten eta lege hau indarrean sartu aurreko bi urteetan euren behin betiko destinoa aipatutako eskalari atxikiriko lanpostuetan izan duten funtzionarioak.

   5. Laguntzaile Teknikoen Kidegoko Laborategi Eskalan integratu ahal izango dira Laguntzaile Teknikoen Kidegoko Bigarren Mailako Lanbide Heziketaren Kimika Adarreko teknikari espezialistako eta Bigarren Mailako Lanbide Heziketaren Osasun Adarreko Laborategiko edo Ingurumen Osasuneko teknikari espezialistako plazak, edo ondorio akademiko eta profesionaletarako horien titulazio baliokideko plazak, integrazio edo deialdi publiko bidez eskuratu zituzten eta lege hau indarrean sartu aurreko bi urteetan euren behin betiko destinoa aipatutako eskalari atxikiriko lanpostuetan izan duten funtzionarioak.

2. ¿ Eskala bakoitzean integratzeko aukera lanpostu-zerrenda lege honetara egokitu izana argitaratzen denetik sei hilabeteko epean gauzatuko da.

3. ¿ Borondatez integratzeko aukera erabiltzen ez dutenek ordura arteko baldintza beretan eutsiko diete euren lanpostuei, eta lege honen lehen xedapen gehigarrian xedaturikoa aplikatuko zaie integrazioari dagokionez.

Lanpostu-zerrenden bidez esleituko dira espezialitateak, lanpostuen ezaugarriak kontuan hartuta, lege honetan adierazitakoaren arabera arautzen dituen dekretuan zehaztutakoarekin bat etorriz.

Kidego berezietako aukeren zehaztapena dagozkien lanpostu-zerrendetan egingo da, lanpostuen ezaugarriak kontuan hartuta.

Funtzio publikoaren arloan eskumena duen saileko titularrari ahalmena ematen zaio lege hau indarrean sartu eta sei hilabeteko epean lanpostu-zerrendak arau honetan aurreikusitakoari egokitzeko agindu bat eman dezan.

Legeak sorturiko zenbait eskalari dagozkien funtzioakbetetzeko titulazio ofizial berriak onesten badira, Eusko Jaurlaritzak, dekretu bidez, eskala haietan sartzeko gaitzen duten titulazioen artean jarri ahalko ditu titulazio berri horiek.

Eusko Jaurlaritzari ahalmena ematen zaio lege hau garatu eta betearazteko beharrezkoak diren xedapen guztiak eman ditzan.

Lege hau Euskal Herriko Agintaritzaren Aldizkarian argitaratu eta hurrengo egunean sartuko da indarrean.

Beraz, Lege honi men egiteko eta men eginarazteko agintzen diet, norbanako zein agintari direla, Euskadiko herritar guztiei.

Vitoria-Gasteiz, 2004ko otsailaren 26a.

Lehendakaria,