Lurralde Plangintza eta Hiri Agenda

atala.– Xedea.

Instituto Vasco de la Mujer / Emakumearen Euskal Erakundearen Aholku-Batzordea sortzea da dekretu honen helburua. Batzordea Emakunderi atxikita egongo da eta, bere egitekoei, kideei eta jardute-erregimenari dagokienetan, dekretu honetan xedatzen direnak bete beharko dira.

atala.– Egitekoak.

Honako egiteko hauek dagozkio aholku-batzorde horri:

1. Emakunderen helburuak betetzeko beharrezkotzat jo daitezen neurriak hartzeko proposamena Instituto Vasco de la Mujer / Emakumearen Euskal Erakundeari egitea.

2. Jardute plana, ebaluazio txostena eta botere publikoen ihardute memoria ezagutzea. Emakundek landuko ditu eta aholku-batzordeak horiei buruzko txostena emango du, baina ez da loteslea izango.

3. Emakunderen kudeaketa, jardute-moduari buruzko memoria eta erakunde horren aurrekontuen aurreproiektua ezagutzea. Horiei buruzko txostena emango du, baina ez da loteslea izango.

4. Giza-emakumeen arteko berdintasuna eta emakumezkoek, politika-, kultura-, ekonomi- eta gizarte-bizitzan izan behar duten partaidetza indartzeko eta sustatzeko komenigarritzat jotako neurriak Instituto Vasco de la Mujer / Emakumearen Euskal Erakundeari proposatzea.

5. Emakundek eman diezaiokeen beste edozein egiteko.

atala.– Partaidetza.

– Honako hauek parte hartu ahal izango dute Instituto Vasco de la Mujer / Emakumearen Euskal Erakundearen Aholku-Batzordean: Euskal Autonomia Erkidegokoak izan eta eskabidea aurkeztu dezaten emakumezkoen elkarte eta fundazioek. Emakumezkoen defentsa eta sustapena egitea izan behar dute helburu bakarra eta Instituto Vasco de la Mujer / Emakumearen Euskal Erakundearen onarpena izan.

– Horretarako sortzen diren lau arloetako bati atxiki beharko zaizkio elkarteak eta fundazioak, hala nahi baldin badute:

1. Arlo sozio-kulturala.

2. Hezkuntza arloa.

3. Asistentzia-sanitate arloa.

4. Feminismoari buruzko azterketa arloa.

   4. atala.– Kideak eta ihardute-modua.

   1. – Aholku-Batzordearen ihardute-modua, pleno eta azpibatzorde sektorialen bidezkoa izango da.

   2. – Honako hauek osatuko dute plenoa:

      1. Lehendakaria: Emakunde / Instituto Vasco de la Mujer erakundeko zuzendaria.

      2. Lehendakariordea: Emakunde / Instituto Vasco de la Mujer erakundeko idazkari orokorra. Honek, hala behar bada, haren ordezkotza egin ahal izango du.

      3. Bokalak: 12 bokal, Aholku-Batzordean parte hartzen duten elkarte eta fundazioen ordezkotza eginez, hau da, 3.2 atalean aipatzen diren ihardute-arlo bakoitzeko bat lurralde historiko bakoitzean. Azpibatzorde sektorial bakoitzeko lehendakariak izango dira kide.

         • Ikerketa, Planifikazio eta Agirien arduraduna eta Instituto Vasco de la Mujer / Emakumearen Euskal Erakundeko Hezkuntza-arduraduna.

      4. Idazkaria: Emakundeko Informazio eta Elkarteen arduraduna, hitz egiteko eta botoa emateko eskubidea izango duela.

   3. – Aholku-Batzordeko kide diren elkarte eta fundazioek osatuko dituzten azpibatzorde sektorialak 12 izango dira, ihardute-arlo bakoitzeko bat lurralde historiko bakoitzean. Lehendakari bat eta idazkari bat aukeratu beharko dituzte bertako kideen artetik. Lehendakaria, azpibatzordeak plenoan duen ordezkari-bokala izango da.

   5. atala.– Batzarren erregimena.

   1. – Plenoa, urte bakoitzeko, hiru aldiz bilduko da gutxienez, alegia, batzar bat lauhilabetetik lauhilabatera. Lehendakariak egingo du deialdia eta beronetan finkatu dira leku eta ordua. Eguneko gaizerrendan aipatzen diren gaiak aztertzea izango da, noski, helburua.

   2. – Azpibatzordeak hiru hilabetetik hiru hilabatera bilduko dira gutxienez. Plenoa egin baino lehen beti, plenorako gaizerrendan jasotzen diren arazoak aztertu ahal izateko.

   3. – Horiek horrela izan arren, bai batzordearen plenoa eta bai azpibatzorde sektorialak ere bildu ahal izango dira lehendakariak ontzat eman dezanean eta ezohiko izakeraz, nahiz beren iniziatibaz, nahiz beroiek osatzen dituzten heren baten proposamenez.

   6. atala.– Bokal-karguen iraupena eta aukeraketa.

   1. – Bi urtekoa izango da bokalen karguen iraupena. Erdiak berriztu egin beharko dira urtean-urtean, alegia, azpibatzordeek egin dezaten urteko lehenengo batzarrean.

   2. – Bokalen berriztapen-hautaketa, urtean urtekoa noski, Batzordean parte hartzen duten elkarteek, hain zuzen ere, azpibatzorde sektorialek egingo dute bokalen berriztapen-hautaketa, urtean urtekoa noski; horretarako, arlo eta lurralde historikoak hartu beharko dira kontuan.

   3. – Izendapena eskuratu eta bokaltzarako izendatua izan den ordezkariren batek ukoa aurkeztea gertatuz gero, ordezkari izateko izendatua izan dena karguan geldituko da denbora bete arte, hau da, ordezkatua izan denari legokiokeen epealdia amaitu arte hain zuzen.

   7. atala.– Erabakiak hartzea.

      Erabakiak, bai batzordearenak eta bai azpibatzordeenak ere, gehiengo soilez hartuko dira. Batzarrean daudenen arteko boto-berdinketa ematea gertatzen bada, lehendakariaren edo, hau egon ezean, lehendakariordearen edo idazkariaren kalitatezko botoz emango zaio ebazpena berdinketari.

   8. atala.– Harahonakoak ordaintzea.

   1. – Plenoetan eta azpibatzorde sektorialetan parte hartu behar izanaren eraginez egin beharreko harahonakoen gastuak ordaindu dakienaren eskubidea dute Aholku-Batzordeko bokalek. Gai horri dagokionetan, aplikagarriak izango dira otsailaren 2ko 16/1993 Dekretuan, osagarriak eta garapenerako diren gainontzeko xedapenetan ezartzen direnak.

   2. – Emakunde / Instituto Vasco de la Mujer erakundeko zuzendariak onartuko ditu ordaindu beharreko diruak eta bai zenbatekoak zehazki finkatu ere.

      GEHIGARRIZKO XEDAPENA

      Dekretu hau indarrean jarri eta hamar eguneko epearen barruan azpibatzorde sektorial bakoitzeko lehendakariak izendatu beharko dira. Lehendakari horiek izango dira bokal ordezkariak Aholku-Batzordeko plenoan.