Liburutegi Zerbitzua

Jaurlaritzaren Legeko 8garren Atalak, a) zatian, Lehendakariari, Jaurlaritzako Lehendakari denez, honako ahalmen hau ematen dio: "Jaurlaritza-Sailak sortzea edo ezabatzea dakartzaten Dekretoak ematea, herri-xahupideak gehitzea ekarri ez dezatenaren baldintzapean, eta bai Sailen izenen edo aginte-eremuen banaketaren ezein aldaketari buruzkoak ere". Autonomia-Elkartearen erakundetze-bideak, Autonomia -Estatutoaren 3garren Atala eta honi datxezkion besteak egiteratuz, eta Jaurlaritzari dagozkion egitekoen erazko birrantolapenak, komenigarri egiten dute honako hau: Kultura eta Hezkuntza-Sailei, hurrenez-hurren, zegozkien agitrtepideak birbanatzea, herri-arazoen behar bezalako eraentza bermatzeko. Hori dela eta, honako hau ERABAKITZEN DUT: Lehenengo Atala.-Eusko Jaurlaritzako Kultura-Saila eta Hezkuntzakoa ezabatu egiten dira. 2garrera Atala.- Hezkuntza eta Kultura-Saila sortarazten da, Pedro Migel Etxenike Landiribar Jaun Txit Gorena dela bertako Sailburu. Ezabatu diren Hezkuntza eta Kultura-Sailek ordurarte zituzten agintepideak Sail berriari atxikita geldituko dira, hurrengo atalean esaten denaren kaltetan gabe. 3garren Atala.-Gizarte-Adierazpideei buruz Kultura-Sailak zituen agintepideak Lehendakaritzako Idazkaritza-Sailari atxikita geldituko dira, Sail honek bere izenari eutsiz. Azken Erabakietako Lehenengoa.-Dekreto honetan agintzen dena betetzeko beharrezko ezeztapen eta eskuraketak egingo ditu Ekonomia eta Herriogasun-Sailak. Azken Erabakietako Bigarrena.-Dekreto hau Euskal Herriko Agintaritzaren Aldizkarian argitara dadin egunean bertan jarriko da indarrean. Gasteizen, mila bederatzirehun eta larogeita hirugarreneko Martxoak hogeita bederatzi. Lehendakaria, CARLOS GARAIKOETXEA URRIZA.