Arreta Soziosanitarioa

Hezkuntzako sailburuaren 2024ko ekainaren 13ko Aginduaren bidez, argitara eman zen Euskal Autonomia Erkidegoko Hezkuntza Sailaren menpeko Bigarren Hezkuntzako katedradun eta irakasleen, Lanbide Heziketako irakasle teknikoen, Hizkuntza Eskola Ofizialetako irakasleen, Musika eta Arte Eszenikoetako irakasleen, Arte Plastiko eta Diseinuko irakasleen eta Lanbide Heziketako sektore berezietako irakasle espezialisten kidegoetako irakasle funtzionarioen arteko lekualdatze-lehiaketako destinoen behin betiko esleipena.

Pablo Calzada Martínezek lekualdatze-lehiaketa horretan parte hartu zuen, Teknologia espezialitatean, espezialitate horrengatik hautatua izan baitzen, eta behin betiko destinoa lortu zuen Zaraobe BHIn (2. hizkuntza-eskakizuna, D hizkuntza).

Bestalde, Hezkuntzako sailburuaren agindu bidez, partzialki baiesten da Pablo Calzada Martinez jaunak 2023ko ekainaren 21eko Aginduaren aurka jarritako berraztertzeko errekurtsoa. Agindu horren bidez, iraupen luzeko aldi baterako enplegua egonkortzeko salbuespenezko prozesuan hautatutako izangaien behin betiko zerrendak argitaratu ziren, honako zentzu honetan: «matematikako espezialitaterako duten esperientzia baloratzea, eta puntuazioa handitzea I.1 azpiatalari eta, ondorioz, I.2 azpiatalari dagokienez. Horrela, Pablo Calzada Martínez matematikako espezialitatean hautatua izan behar zen teknologiakoan baino, 7.5 oinarritik eratorritako lehentasunezko aukeraz baliatu baitzen».

Era berean, Pablo Calzada Martínezek berraztertzeko errekurtsoa jarri du 2023-2024 lekualdatze-lehiaketan destinoak behin betiko esleitzeari buruzko Hezkuntzako sailburuaren 2024ko ekainaren 13ko Aginduaren aurka.

Azkenik, Hezkuntzako sailburuaren 2024ko ekainaren 28ko Aginduaren bidez, hirugarren aldiz aldatzen da Hezkuntzako sailburuaren 2023ko ekainaren 21eko Agindua, eta aldatu egiten da sailburu beraren 2023ko uztailaren 26ko Agindua, Hezkuntzako sailburuaren irailaren 22ko eta 2022ko azaroaren 30eko Aginduen bidez deitutako iraupen luzeko aldi baterako enplegua egonkortzeko salbuespenezko prozesuan hautatutako izangaien zerrenda osagarria eta behin betiko zerrendak argitaratzen dituena, hurrenez hurren. Agindu horren bidez (2024ko ekainaren 28koa, Euskal Herriko Agintaritzaren Aldizkarian argitaratua), honako hau ebatzi zen hirugarren artikuluan: «Pablo Calzada Martínez jauna Matematikako espezialitatean sartzea, txanda irekian, Bigarren Hezkuntzako irakasleen kidegoko 2. hizkuntza-eskakizunean, 2022ko irailaren 22ko Aginduaren bidez deitutako salbuespenezko prozesuaren deialdia arautzen duten oinarrien 7.5 eta 4.3 oinarriak aplikatuz. Ondorioz, indarrik gabe uztea kidego bereko teknologiako espezialitatean hautatutako pertsonen zerrenda osagarrian sartzea, hori guztia errekurtsoa gauzatuz».

Teknologiaren espezialitatean hautatuta egoteari utzi dionez, bidezko da indarrik gabe uztea lekualdatze-lehiaketan Amurrioko Zaraobe BHIn Pablo Calzada Martínezi esleitutako destinoa (Teknologia espezialitatea, 2. hizkuntza-eskakizuna, D hizkuntza).

Horregatik guztiagatik, eta eman zaizkidan eskumenez baliatuz, hau