2021 Enpleguaren IV. Kongresua

Euskadi ez dago sistema ekonomikoaren eraldaketa global sakonetik kanpo, energia eta ingurumen trantsizioek, eta trantsizio demografiko zein soziosanitarioek eta digitalek zeharkatzen baitute sistema hori, eta ondorio zuzenak izaten ari dira dagoeneko enpleguan eta, batez ere, sortzen ari den eta etorkizun hurbilean sortuko den enplegu-motan.

Testuinguru horretan eta COVID-19ak sortu duen krisi sakonetik irteteak bidezkoa izan behar duela sinetsita -ez geunden lekura itzultzeko, baizik eta Euskadi hobea eta kohesionatuagoa egiteko-, Eusko Jaurlaritzako Lan eta Enplegu Sailean Enplegu Zerbitzu Publikoa hobetzeko prozesuari ekin genion 2020an, bai eta Euskal Enplegu Sistema berritzaile, efiziente eta inklusibo bat eraikitzeari ere. Hori guztia lan-merkatuaren eskakizun berriei eta langileek (landunek eta langabetuek) enpleguari eusteko edo enplegua lortzeko dituzten beharrei erantzuteko helburuarekin. 2030erako Enpleguaren Euskal Estrategiaren arabera, kalitatearen eta gizarteratzearen ikuspegitik planteatzen da, Nazio Batuen 2030erako Agendarekin eta Europako Enplegu Estrategiak ezartzen duen Europako Gizarte zutabearekin bat etorriz.

Gure inguruko esperientziei buruz hausnartu, eztabaidatu eta ikasi ahal izateko, Enpleguaren IV. Kongresua egingo dugu azaroaren 15ean eta 16an. Bertan, praktika profesionaletik, politika publikotik eta akademikotik datozen adituak izango ditugu, enpleguaren, ekintzailetzaren, politika publikoen berrikuntzaren, ekonomiaren eta gizarteratzearen arloko erreferenteak.

Kongresuan parte hartzera eta Enplegu Sistema inklusiboa, berdintasunezkoa eta kalitatezkoa eraikitzea ahalbidetuko duen kontratu sozialean laguntzera gonbidatzen zaitut.

Idoia Mendia - Eusko Jaurlaritzaren Bigarren lehendakariordea eta Lan eta Enplegu sailburua

2030erako Enpleguaren Euskal Estrategiaren ikuspegitik, Enpleguaren IV. Kongresuak esparru honetan kokatuko ditu bere helburuak: “Enplegu inklusiboa eta kalitatezkoa, kontratu sozial berri baterako”. Gogoeta, ezagutza, eztabaida eta kontrasterako bi jardunalditan egituratuko da kongresua, eta enpleguan, ekintzailetzan, enplegu politikako berrikuntzan, ekonomian, gizarteratzean eta antzeko arloetan erreferentzia diren pertsonak jardungo dira bertan, erronka/arlo tematiko hauen inguruan:

Enplegu inklusiboa eta kalitatezkoa egungo ekonomia lehiakor eta globalizatuan.
Pandemia osteko susperraldi sozioekonomikoa.
Eraldaketa eta trantsizio digital-teknologikoa, ekologikoa eta demografikoa: enpleguaren balantze garbia eta enplegu politika aktiboen beharra.
Enplegu politikako berrikuntzak: enplegurako eta ekintzailetzarako estrategiak, metodologiak eta tresnak.
Euskal enplegu sistemaren lege proiektua: euskal enplegu sistemaren gobernantza, efikazia eta efizientziarantz.
Enplegua 2050. urtean.

Leku eta aldi berean, LANBIDE-Euskal Enplegu Zerbitzuak Merkalan enplegu azoka egingo du, bi ekitaldien arteko sinergiak bultzatzeko asmoz.

https://www.merkalan.eus/

Enpleguari buruzko 2020ko III. Kongresuak "ERAIKITZEN" gako-hitza zuen ardatz; aurten, berriz "BIDEA, IBILBIDEA EDO ESTRATEGIA" bezalako terminoak izango ditu ardatz. Aurreko edizioan, euskal enplegu-sistema inklusiboa, parte-hartzailea eta pertsonengan zentratua eraikitzeko ibilbide-orriaren oinarriak jarri ziren; orain, ezarritako helburuetan aurrera egiteko estrategiak, tresnak eta baliabideak jarriko ditugu abian.

Gure “iparrorratza”, 2030erako Enpleguaren Euskal Estrategia. "Ibilbidea", epe laburrean, 2021-2024 Enplegu Plan Estrategikoa. Gure "tresna", Lanbide Hobetzen. "Joko-zelaia" da Euskal Enplegu Sistemaren etorkizuneko Legea, sistemaren gobernantza, efizientzia eta efikazia adierazteko. Hori guztia Espainiako eta Europako aktibaziorako eta kalitatezko enplegurako estrategien esparruan.

“Enplegu inklusiboa eta kalitatezkoa, kontratu sozial berri baterako” da Biltzar honen leloa. Izan ere, gure ustez, erronka nagusia ez da soilik enplegu gehiago sortzea, baizik eta enplegu hori pertsona guztiak erabat gizarteratzeko moduko baldintzetan izatea. Helburua ekonomia lehiakor eta globalizatu batean posible izan dadin beharrezkoak diren orekak aurkitzea da helburua. Helburua ekonomia lehiakor eta globalizatu batean posible izan dadin beharrezkoak diren orekak aurkitzea da xedea.

Ezinbestekoa izango da horretarako irtenbideak eta adostasunak bilatzea, kontratu soziala eguneratzeko eta berritzeko.

Premisa horiekin, gai hauei helduko diete hitzaldiek eta eztabaida-mahaiek:

1. Kalitatezko enplegu inklusiborako adostasunak eta bideak ekonomia lehiakor eta globalizatuan.

Enpleguaren kalitatea, bizi kalitatearen faktore gisa, versus behin-behinekotasuna, azpienplegua, ezegonkortasuna edo kontziliazio falta. Enpleguaren kalitatea hobetzea eta horrek ekonomian eta erronka demografikoan duen eragin positiboa.

Kalitatezko enpleguak enpresen lehiakortasunean eta hazkunde ekonomikoan duen eragina. Enpleguaren kalitatearen adierazleen inpaktua eta bideragarritasun sozioekonomikoa, eragina enpleguaren sorreran…

2. Pandemia osteko susperraldi sozioekonomikoa.

Enpleguaren diagnostikoa eta aukerak, gaur egungo eta aurrera begirako azterketa batetik, epe laburreko (2-3 urte) susperraldi egoera batean. Posible da pandemia aurreko egoerara itzultzea? Zer epetan? Nola? Jarduera ildo arruntak eta neurri berritzaileak.

3. Eraldaketa eta trantsizio digital-teknologikoa, ekologikoa eta demografikoa: enpleguaren balantze garbia eta enplegu politika aktiboen beharra.

Gure enpresa-errealitatean ezartzeko epeak, aukerak eta benetako eragina lan merkatuan. Eraldaketek egungo enpleguan duten eraginaren balantzea: enplegu gehiago ala gutxiago? Zer enplegu mota? Lanbide profil berriak eta prestakuntza, aktibazio eta laneratze premia berriak.

4. Enplegurako eta ekintzailetzarako estrategiak, metodologiak eta tresnak.

Laneratzeko orientazio, prestakuntza eta akonpainamendu prozesuetako berrikuntza integratzaileak identifikatzea, estrategiak, metodologiak eta tresnak definitzeko. Kolektiboen araberako ikuspegitik (generoa, adina, DSBE…) haragoko jarduketa baterantz, kasuen berezitasunetan eta pertsonen eta lan merkatuaren arteko distantzian oinarrituta esku hartzeko.

Ekintzailetzari laguntzeko politikak baloratzea, eta arrakasta izan duten jarduera eskalagarriak identifikatzea.

5. Euskal enplegu sistemaren lege proiektua: euskal enplegu sistemaren gobernantza, efikazia eta efizientziarantz.

2022an garatuko den etorkizuneko enplegu-legearen arau-esparruaren oinarri izango diren oinarrietarako dokumentazio, gogoeta eta parte-hartzearen aurretiazko emaitzak aurkeztea.

6. Enplegua 2050. urtean.

EEE2030etik haragoko ikuspegia. Enpleguaren azterketa prospektiboa, Espainiako Gobernuko Presidentetzaren Prospektiba eta Estrategiaren Bulego Nazionalaren azterlanetatik abiatuta.

Ezagutzari, hausnarketari eta parte-hartzeari buruzko bi jardunaldiak edukien programari buruzko ondorio partekatuen mahai inguru batekin amaituko dira. Tarte hori Biltzarreko Batzorde Zientifikoa osatzen duten pertsonek egingo dute. Aditu talde hori lankidetzan aritu da Enplegu eta Gizarteratze Sailburuordetzarekin ekitaldia sortzen, garatzen eta antolatzen.

Egitaraua (PDF, 716 KB)

Azaroaren 15a, astelehena

9.30 • 10.00. Ongietorri instituzionala eta Kongresuaren aurkezpena.

Gorka Urtaran Agirre. Vitoria-Gasteizko alkatea.

Cristina González Calvar. Arabako Foru Aldundiaren Bigarren diputatu nagusiordea eta Enplegu, Merkataritza eta Turismo Sustapenaren eta Foru Administrazioaren Saileko diputatua.

Idoia Mendia Cueva. Eusko Jaurlaritzaren Bigarren lehendakariordea eta Lan eta Enplegu sailburua.

Azaroaren 15a, astelehena

Azaroaren 16a, asteartea