Enpresa eta inbertsio-proiektuak sortu Eta martxan jartzeko diru-laguntzak. Balmasea 2018

a) Eskatzailea pertsona fisikoa bada, Nortasun Agiri Nazionalaren jatorrizkoa edo konpultsatutako kopia. b) Eskatzailea pertsona juridikoa bada: Informazio Fiskalaren Txartelaren jatorrizkoa edo konpultsatutako kopia, eskatzailearen Nortasun Agiri Nazionalarekin eta ordezkaritza-ahalmenaren egiaztagiriarekin batera. Eta enpresaren edo erakundearen eraketa-eskrituraren jatorrizkoa edo kopia eta geroko aldaketa guztiak, dagozkion erregistroetan inskribatuta dagoela egiaztatuta. Berezko nortasun juridikorik ez daukaten sozietate zibilei dagokienez, Foru Ogasunak zigilatutako kontratu pribatua ere aurkeztu beharko da. c) Jatorrizko zinpeko aitorpena (eskabide-eredu normalizatua). Aitorpen bakar horrek ondokoak barne hartzen ditu: Eskatzaileak honako laguntza-deialdi honen oinarriak ezagutzen eta onartzen dituelako adierazpena. Bizkaiko Foru Ogasunaren aurrean, udalak ekonomia jardueren gaineko zergan emandako altei eta bajei buruzko datuak eska ditzan enpresa eratzen denetik hiru urteko epearen barruan, Balmasedako Udalari baimena ematen dion adierazpena. Diru-laguntza publikoak direla eta, eskatzailea itzultzeko edo zehatzeko prozeduraren baten eraginpean ez dagoelako jatorrizko zinpeko aitorpena. Erakunde eskatzailea diru-laguntza edo laguntza publikoak ezin jasotzea ekarri dion zigor- edo administrazio-zehapenen baten eraginpean ez dagoelako jatorrizko zinpeko aitorpena; era berean, diru-laguntzak jasotzeko legezko debekurik ezarrita ez duelako zinpeko aitorpena, Emakume eta Gizonen Berdintasunerako otsailaren 18ko 4/2005 Legeak ezarritakoari jarraiki, sexu-bereizkeriagatik jasandako debekuak ere aintzat hartuta. De minimis araua beteko delako jatorrizko zinpeko aitorpena, Europako Batzordearen 2006ko abenduaren 15eko 1998/2006 (EB) Araudiak ezarritakoari jarraiki. Aipatutako araudia, De Minimis Laguntzen Itunaren gainekoa, 2006ko abenduaren 28ko Europako Batzordearen Aldizkari Ofizialean argitaratu zen eta 69/2001 araudia (EB) eta ondoko berrikuspenak ordeztu zituen. Jarduera berberaren xedea betetzeko, beste erakunde publiko edo pribatu batzuei eskatu edo erakunde horietatik jasotako laguntzei buruzko jatorrizko zinpeko aitorpena. d) Lanbide-Euskal Enplegu Zerbitzuko inskripzio-aldien txostena; horren bidez egiaztatu beharko da sustatzaile eskatzailea enplegua eskatzeko inskribatuta egon dela, jarduera hasi baino lehenago. e) Lan-bizitzaren ziurtagiria, jarduera hasi aurretik langabezian egon dela egiaztatzen duena. f) Enpresak edo erakundeak Gizarte Segurantzan alta eman duelako kopia. g) Bazkide guztiak Gizarte Segurantzaren Araudian alta emanda daudela egiaztatzen duen kopia. h) Gizarte Segurantzaren Diruzaintza Orokorrarekiko betebeharrak egunean daudela egiaztatzen duten ziurtagiri eguneratuak, enpresaren eta bertako bazkideen izenean. i) Ekonomia-jardueren gaineko zergaren altaren kopia. j) Bizkaiko Foru Ogasunarekiko zerga betebeharrak egunean daudela egiaztatzen duten ziurtagiri eguneratuak, enpresaren eta bertako bazkideen izenean. k) Bizkaiko Foru Ogasunaren ekonomia-jardueren gaineko zergan emandako alten eta bajen epeei buruzko ziurtagiriak, enpresari eta bertako bazkideei dagozkienak. l) Eskualdeko Behargintzaren, eskualdeko prestakuntza-zentroen, Lanbideren enplegu zerbitzuen edo erakunde publiko batek edo Lanbidek sustatutako edo homologatutako beste edozein erakunderen tutorepeko bideragarritasun plana.