Dirulaguntzak ematea honako proiektu komunitario hauetarako: askatasunaz gabetzeko zigorra duten eta EAEko espetxeen mende dauden pertsonak birgizartekotzeko eta haiei gizarte-arreta emateko proiektuak, eta zigortutako pertsonei espetxean, eta araubide irekian eta komunitarioan, zigor-betearazpenerako eta tratamendurako laguntza emateko proiektuak.

• Instrukzioa (PDF, 1005 KB)

1. Esleitzeko modua:

• Norgehiagoka-prozedura.
• Balorazio-irizpideak: deialdi-aginduaren 18. artikuluan adierazitakoak.

2. Dotazioa banatzeko modua: deialdi-aginduaren 17. artikuluan adierazitakoaren arabera: 60 puntu gainditu beharra.

3. Proiektu bati, banaka hartuta, eman dakiokeen dirulaguntzaren gehieneko zenbatekoa honako hau izango da, diruz lagun daitekeen proiektu mota bakoitzaren arabera:

4. Gainera, deialdi honen esparruan erakunde onuradun bakar bati eman beharreko gehieneko zenbatekoa (hau da, aurkeztu dituen eskabide guztiak kontuan hartuta, diruz lagundu daitekeen proiektua edozein dela ere) BOSTEHUN MILA EUROKOA (500.000 €) izango da.

1. Diruz lagundutako proiektua 2024. urtean soilik gauzatzekoa bada:

1. Dirulaguntzaren zenbatekoaren ehuneko hirurogeita hamabost (% 75) aurretiaz ordainduko da, dirulaguntza emateko ebazpena jakinarazita eta onartzeko epea igaro ondoren.
2. Gainerako ehuneko hogeita bosta (% 25) 2025eko urtarrilaren 15a baino lehen ordainduko da, Aginduaren 24. artikuluan aipatutako dokumentuak Justizia Zuzendaritzan aurkeztu ondoren.

2. Diruz lagundutako proiektua 2024. eta 2025. urteetan gauzatzekoa bada:
2024. urteari dagokionez:

1. 2024. urteari dagokion dirulaguntzaren zenbatekoaren ehuneko hirurogeita hamabost (% 75) aurretiaz ordainduko da, dirulaguntza emateko ebazpena jakinarazi eta onartzeko epea igaro ondoren.
2. 2024. urteari dagokion dirulaguntzaren gainerako ehuneko hogeita bosta (% 25) 2025eko urtarrilaren 15a baino lehen ordainduko da, Aginduaren 24. artikuluan aipatutako dokumentuak Justizia Zuzendaritzan aurkeztu ondoren.

2025. urteari dagokionez:

1. 2025. urteari dagokion dirulaguntzaren zenbatekoaren ehuneko hirurogeita hamabost (% 75) aurretiaz ordainduko da, 2024an egindakoaren justifikazio teknikoa eta ekonomikoa onartu ondoren. Justifikazio hori 2025eko urtarrilaren 15a baino lehen aurkeztu beharko da.
2. 2025. urteari dagokion dirulaguntzaren gainerako ehuneko hogeita bosta (% 25) 2026ko urtarrilaren 15a baino lehen ordainduko da, Aginduaren 24. artikuluan aipatutako dokumentuak Justizia Zuzendaritzan aurkeztu ondoren.

Diruz lagundutako proiektu motak

1. Esku hartzeko proiektuak, espetxe-eremuan nahiz araubide irekian askatasunaz gabetuta dauden eta mendekotasun-arazoak (substantzia psikoaktiboekin edo gabe) dituzten pertsonek mendekotasuna gainditzeko, haiek tratatzeko, haien jarraipena egiteko eta haiek gizarteratzeko, eredu biopsikosoziala erabiliz.
2. Psikoterapian, psikologia- eta hezkuntza-arloetan eta gizarte- eta hezkuntza-arloetan esku hartzeko proiektuak, askatasunaz gabetuta dauden pertsonei arreta, tratamendu eta laguntza indibiduala eta/edo taldekoa emateko, bai espetxean bai araubide irekian; baita tratamendu-programa espezializatuak ere, bai tratamendu hori jasoko duen eta bereziki kaltebera den kolektiboa dela eta, bai jorratzen dituen delitu mota dela eta: genero-indarkeria, sexu-indarkeria, familia-indarkeria, indarkeriazko delituak, delitu ekonomikoak, diskriminazio-delituak eta gorroto-delituak, bidesegurtasunaren aurkako delituak, ingurumenaren aurkako delituak, animalien aurkako delituak, besteak beste.
3. Espetxean nahiz araubide irekian askatasunaz gabetuta dauden pertsonak gizarteratzeko eta laneratzeko prozesuak bultzatzeko proiektuak: orientazio-programak, prestakuntza-programak, enplegua sustatzeko programak, lanerako programak, bitartekaritza-programak, gizarteratzeko eta laneratzeko ibilbideetan gizarte-laguntza emateko programak, etab., laguntza, aholkularitza edo prestazioen kudeaketarekin, Lanbideren eta Aukeraken eskaintza modu integralean osatu dezaten.
4. Aisialdi hezigarriko jarduera soziokulturalen proiektuak, trebetasun pertsonalen eta sozialen garapena eta kulturarako sarbidea bultzatu eta zentroetan emandako denborari balioa eta erabilgarritasuna emango diotenak, eta haien gizartekotzea eta aldaketa pertsonaleko prozesua sustatuko dutenak. Esate baterako, ikusizko arteekin, arte plastikoekin eta eszenikoekin, eta ikusentzunezkoekin lotutako ekimenak; lehiaketak, erakusketak, erakustaldiak eta azokak antolatzea; ariketa fisikoa eta kirola egitea; irteera kulturalak eta naturan zeharreko ibilaldiak; aisialdiko hezkuntza eta abar.
5. Prozesu errestauratiboen testuinguruan, erantzukizuna bere gain hartzen laguntzeko programak. Biktimei eragindako kalteaz eta galeraz jabetzen, bere gain hartzen eta konpontzen lagunduko duten ekimenak.
6. Askatasunaz gabetzeko zigorren ordezko zigorrak eta neurriak betearazten eta horien jarraipena egiten laguntzeko programak: segurtasun-neurriak, zigorrak eta gizartearentzako lanak egitea. 

Proiektuen betekizunak

1. Proiektu modalitateren batekoak izatea (hau da, A, B, C, D, E edo F).
2. Espetxeetan hasten diren proiektuek aldez aurretik Euskal Autonomia Erkidegoko Espetxe Administrazioaren baimena izatea edo, bestela, deialdi hau ebatzi aurretik lortzea. Horretarako, proiektua dagokion espetxean gauzatzeko baimena eskatu beharko dute erakundeek, Justiziako zuzendariaren 3/2021 Instrukzioarekin bat etorriz, betiere Agindu honetan araututako eskaera-aldia amaitu baino lehen. Justiziako zuzendariaren 3/2021 Instrukzio hori web honetan dago eskuragarri.
3. Laguntza integraleko metodologia erabiltzea.
4. 2024ko eta 2025eko ekitaldien artean gauzatzea. Proiektua 2024an hasi beharko da eta 2024an bakarrik gauzatu, edo 2024. eta 2025. urteetan gauzatu ahal izango da. 2025ean hasten diren proiektuak ez dira diruz lagunduko.