Euskal Herriko Agintaritzaren Aldizkaria

247. zk., 2022ko abenduaren 28a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Pribatuen iragarkiak

OSATEK A.B.

5717

IRAGARKIA, Osatek SAko zuzendari-gerentearen xedapenari buruzkoa. Xedapen horren bidez onartzen dira Osatekeko zentroetan destinoa duten Erradiologiako mediku espezialisten kategorian lan-kontratuko langile finko izateko oposizio-lehiaketa bidezko hautaketa-prozesua arautuko duten oinarri espezifikoak.

Osatekeko zuzendari-gerentearen 2022ko azaroaren 28ko Xedapenaren bidez, Osatek, S.A-n lan-kontratu finkoko langile izateko hautaketa-prozesuak arautuko dituzten oinarri orokorrak onartu dira. Hautaketa-prozesu horiek 2022ko eskaintza publikoan deitu ziren.

Hautaketa-prozesu bakoitza gauzatzeko, kategoria bakoitzeko destinoen deialdia arautuko duten oinarri espezifikoak argitaratu behar dira.

Horregatik, Enplegatu Publikoaren Oinarrizko Estatutuaren Legearen testu bategina onartzen duen urriaren 30eko 5/2015 Legegintzako Errege Dekretuan, Osatek, S.A-ren Estatutu Sozialak ezartzen dituen ekainaren 9ko 159/1992 Dekretuan eta aplikatzekoak diren gainerako xedapenetan ezarritakoarekin bat etorriz, zuzendari kudeatzaileak honako hau

XEDATZEN DU:

Lehenengoa.– Oinarri hauen xede diren hautaprobetarako deia egitea.

Bigarrena.– Osatek, S.A-ko zentroetan destinoa duten Erradiologiako mediku espezialisten kategorian lan-kontratuko langile finko izateko hautaketa-prozesua arautuko duten oinarri espezifikoak onartzea, I. eranskinean agertzen direnak.

Hirugarrena.– Eskainitako lanpostuen zerrenda onartzea. Xedapen honen II. eranskinean agertzen da zerrenda hori.

Laugarrena.– Xedapen honen III. eranskinean agertzen den merezimenduen baremoa onartzea.

Bosgarrena.– Deialdi honetan parte hartzeko eskaera aurkezteko epea ezartzea, 2023ko irailaren 4tik 2023ko irailaren 12ko 24:00ak arte, oinarri orokorrak onartzen dituen zuzendari kudeatzailearen 2022ko azaroaren 28ko xedapenaren 8. oinarrian aurreikusitakoaren arabera.

Seigarrena.– Administrazio Publikoen Administrazio Prozedura Erkidearen urriaren 1eko 39/2015 Legean ezarritakoaren arabera, xedapen honen aurka gora jotzeko errekurtsoa aurkeztu ahal izango zaio Osatek, S.A-ren Administrazio Kontseiluari, hilabeteko epean, ebazpena argitaratu eta hurrengo egunetik aurrera.

Bilbao, 2022ko azaroaren 30a.

Zuzendari-gerentea,

JOSU XABIER LLANO HERNAIZ.

I. ERANSKINA

OINARRI ESPEZIFIKOAK, OSATEK, S.A-KO ERRADIOLOGIAKO MEDIKU ESPEZIALISTAREN KATEGORIAN LAN-KONTRATUKO LANGILE FINKO IZATEKO HAUTAKETA-PROZESUA ARAUTZEN DUTENAK, OPOSIZIO-LEHIAKETA BIDEZ.

1.– DEIALDIKO DESTINOAK.

Deialdi honen xede izango dira Osatek, S.A-ko zentroetan destinoa duten erradiologoen kategoriako destinoak, II. eranskinean bildutakoak.

2.– IZANGAIEK BETE BEHARREKO BALDINTZAK.

Hemen arautzen den prozesuan parte hartzeko, izangaiek honako baldintza hauek bete beharko dituzte eskabideak aurkezteko epearen azken egunean, oinarri orokorretan aurreikusten diren salbuespenetan izan ezik, eta baldintza horiek betetzen jarraitu beharko dute hautatutako destinoan kontratua formalizatu arte, baldin eta, hala badagokio, oinarri orokorretan eskatutako betekizunez gain, honako hauek betetzen badira:

a) Hezkuntza eta Zientzia Ministerioak emandako Erradiodiagnostikoko Mediku Espezialista titulua izatea, oinarri orokorretako 5.c) atalean xedatutakoaren arabera.

3.– OPOSIZIO LEHIAKETAREN GARAPENA.

3.1.– Oposizio-fasea.

Epaimahai kalifikatzaileari dagokio probaren edukia zehaztea eta kalifikatzea, eta hautaketa-prozesua behar bezala garatzeko beharrezkotzat jotzen dituen neurri guztiak hartuko ditu, prozesuaren gardentasuna eta objektibotasuna bermatuz.

Epaimahaiak kanpoko aholkularitza-pertsona edo -erakundeek parte hartzea eskatu ahal izango du, hautaketa-prozesuaren fase guztietan, bai proba egiten, bai lehiaketa-fasean. Epaimahaikideei eskatzen zaien titulazio-baldintza bete beharko dute pertsona horiek.

Proban, idatziz erantzun beharko da, ezartzen den gehieneko epean, test motako galdera-sorta bat, IV. eranskinean jasotako programako gaiei buruzkoa.

Era berean, aipatutako eranskinean sartuz, proba prestatzeko bibliografia emango da.

3.2.– Lehiaketa-fasea.

Egiaztatutako merezimenduak III. eranskineko merezimenduen baremoaren arabera baloratuko dira, oinarri orokorretan ezarritako irizpideen arabera.

II. ERANSKINA

(Ikus .PDF)

III. ERANSKINA

ERRADIOLOGIAKO MEDIKU ESPEZIALISTA KATEGORIAKO MEREZIMENDUEN BAREMOA.

LAN-ESPERIENTZIA: gehienez 80 puntu.

a) Espezifikoa erakunde deitzailean: gehienez 72 puntu.

Izangaiek lortu nahi duten kategorian (Osatek, EM) onartuta duten zerbitzu-denbora zenbatuko da, eskabideak aurkezteko epearen azken egunera arte, kotizatutako egunen arabera: 0,6 puntu lan egindako hilabete bakoitzeko. Baztertu egingo dira hilabetetik beherako hondakinak. Ondorio horietarako, hilabetetzat hartuko da 30 egun naturaleko multzoa.

Kotizatutako eguntzat hartuko dira Langileen Estatutuaren 46.3 artikuluan jasotako eszedentzia-egunak.

b) Orokorra administrazio publikoan: gehienez 8 puntu.

Hautagaiek lortu nahi duten kategorian aitortuta duten zerbitzu-denbora zenbatuko da, eskabideak aurkezteko epearen azken egunera arte, lan egindako hilabete bakoitzeko 0,1 puntu kotizatutako egunen arabera. Baztertu egingo dira hilabetetik beherako hondakinak. Ondorio horietarako, hilabetetzat hartuko da 30 egun naturaleko multzoa. Kotizatutako eguntzat hartuko dira Langileen Estatutuaren 46.3 artikuluan jasotako eszedentzia-egunak.

Emandako zerbitzu-ziurtagiriek oinarri orokorren 9. puntuan ezarritako betekizunak jaso beharko dituzte.

Zenbaketa osoa egiteko, esperientzia-mota bakoitzerako (Osatek eta administrazio publikoa) eskatzen diren baldintzak betetzen dituzten lan-aldiak batuko dira.

EUSKARA: gehienez 10 puntu.

Euskararen ezagutza baremo honen arabera baloratuko da, derrigortasun-data igarota ez izateagatik:

(Ikus .PDF)

PRESTAKUNTZA ETA BESTE HIZKUNTZA BATZUK: 5 puntu, gehienez.

Ikastaroak: eskatutako destinoarekin zerikusia duten ikastaroetara joatea, baldin eta eskabideak aurkezteko epearen azken egunera arte egin badira. Ikastaroaren iraupena adierazten ez duten ikastaroei gutxieneko puntuazioa emango zaie (0,1). Ordu-kopurua agertu beharrean egun-kopurua agertzen den ikastaroetan, eguneko sei ordu zenbatuko dira.

Orduen eta puntuen arteko baliokidetasun-taula honako hau izango da:

(Ikus .PDF)

Ikastaroen ziurtagirietan kreditu-kopurua bakarrik agertzen denean, puntuazioa esleitzeko, baliokidetasun hau aplikatuko da:

– Kredituen Europako Sistemako (ECTS) kreditu 1: 25 ordu.

– Etengabeko Prestakuntzako Batzordearen kreditu 1: 10 ordu.

Ikastaroak kreditu-kopuru jakin bat ezartzen badu, Europako kreditu-sistemaren kreditu bakoitzeko 0,4 puntu emango dira, eta kreditua Etengabeko Prestakuntzako Batzordearena bada, 0,2 puntu. Ziurtagirian bai ordu-kopurua bai kreditu-kopurua agertzen badira, kreditu-kopurua gailenduko da.

Ikastaroak zenbat ordu irauten duen eta krediturik esleitzen ez den ziurtagirietan, kredituak aurreko paragrafoan zehaztutakoak ez bezalakoak direnean, edo kredituen ordukako beste baliokidetza bat ezartzen denean, epaimahaiak, aurkeztutako ziurtagiria eta ikastaroaren edukia kontuan hartuta, dagokion puntuazioa emango du, baina ezin izango du 0,50 puntutik beherako puntuaziorik eman.

Eduki bera duten ikastaroen aurkezpenean, ordu- edo kreditu-kopuru handiena zehazten duena bakarrik puntuatuko da.

Hizkuntzak: merezimendu gisa baloratuko da aurreikusitako epearen barruan behar bezala egiaztatutako hizkuntza-eskakizuna, Europako araudiaren arabera, honako puntuazio honekin:

(Ikus .PDF)

Erakunde ofizialek, unibertsitateek, erakunde sanitarioek eta, hala badagokio, elkargo profesionalek eta elkarte zientifikoek emandako eta egiaztatutako ikastaroak baloratuko dira, bai eta edozein administrazio publikok sinatutako etengabeko prestakuntzako akordioen arabera eman eta egiaztatutako ikastaroak ere, betiere titulazio ofiziala lortzeko ikasketa-plan baten parte ez badira.

Ez dira baloratuko atal honetan zehaztu ez diren beste merezimendu batzuk.

EZAGUTZAREN HEDAPENA ETA IKERKETA: gehienez 5 puntu.

Eskatutako destino-kategoriarekin zerikusia duten komunikazioak, hitzaldiak eta abarrak argitaratzeagatik, jarraian adierazten den moduan:

Irakasle gonbidatu nazionala: puntu 1.

Nazioarteko irakasle gonbidatua: 2 puntu.

Komunikazioa edo posterra kongresu nazionalean (1. egilea): 0,5 puntu.

Komunikazioa edo posterra nazioarteko biltzarrean (1. egilea): puntu 1.

Argitalpen nazionala (1. egilea): 1,5 puntu.

Nazioarteko argitalpena (1. egilea): 3 puntu.

Argitalpen nazionala (beste egile batzuk): puntu 1.

Nazioarteko argitalpena (beste egile batzuk): 2 puntu.

Ikertzeko nahikotasuna: puntu 1.

Doktorego-tesia: 2 puntu.

Saiakuntza klinikoak: 2 puntu.

Ikerketa-proiektuak: 2 puntu.

IV. ERANSKINA

GAI-ZERRENDA.

1.– Osasun-arloko lanbideak antolatzeko arau orokorrak. Osasun-arloko lanbideetan jardutea. Profesionalen parte-hartzea.

2.– Estatuko Osasun Sistemaren kohesioari eta kalitateari buruzko xedapen orokorrak. Prestazioak. Kalitatea. Parte-hartze soziala.

3.– Espainiako Konstituzioa. Politika sozial eta ekonomikoaren printzipio gidariak.

4.– Autonomia Estatutua. Atariko titulua. Estatuko oinarrizko legeria lege bidez garatzeko eta betearazteko eskumenak.

5.– Euskadiko Antolamendu Sanitarioaren Legea. Euskadiko osasun-sistemaren konfigurazioa. Printzipio informatzaileak eta printzipio programatikoak, antolaketa eta funtzionamendua. Herritarren eskubideak eta betebeharrak.

6.– Osatek, S.A. Sortzea. Atxikipena. Aplikatu beharreko araudia. Xedea. Eginkizunak. Kapital soziala.

7.– Osakidetza-Euskal osasun zerbitzuko zerbitzu-erakundeak: lege-aitorpena. Ahalmenak. Araubide organikoa eta funtzionala. Zerbitzu sanitarioetako erakundeen zerrenda.

8.– Historia klinikoa eta osasun-arloko paziente eta profesionalek dokumentazio klinikoaren arloan dituzten eskubide eta betebeharrak. Xedea. Aplikazio-eremua. Printzipio eta arau orokorrak. Sartzeko prozedura. Baimen informatua. Pazienteen betebeharrak.

9.– Osateken hitzarmen kolektiboa. Lanaldia. Ordainsaria.

10.– Pertsonen eskubideak eta betebeharrak Euskadiko osasun-sisteman. Xedea. Eremua. Printzipioak. Laguntza-harremanetako eskubideak. Pertsonen betebeharrak Euskadiko osasun-sistemaren antolaketari eta kudeaketari dagokienez. Pertsonen betebeharrak Euskadiko osasun-sistemako asistentzia-harremanetan.

11.– Datu pertsonalen babesa eta eskubide digitalen bermea: datuen zehaztasuna. Konfidentzialtasun-betebeharra. Ukituaren adostasunean oinarritutako tratamendua. Adingabeen baimena.

12.– Laneko segurtasuna eta osasuna. Xedea. Enpresaburuen eta langileen parte-hartzea. Lan-arriskuen aurrean babesa izateko eskubidea. Langileen betebeharrak arriskuen prebentzioaren arloan.

13.– Emakumeen eta Gizonen Berdintasunerako Legearen xedea. Printzipio orokorrak.

14.– Osakidetzako pazientearen segurtasun-estrategia 2020. Helburu orokorra eta espezifikoak. Linea korporatiboak. L1: Segurtasun-intzidenteak, helburua eta ekintzak kudeatzea. L2: Pazienteak zalantzarik gabe identifikatzea. Helburua eta ekintzak.

15.– Osateken Euskara Plana. Printzipioak. Helburua. Helburu nagusia. Urteko Kudeaketa Plana. Plan honetan parte hartzen duten langileak. Errekurtsoak.

16.– Erresonantzia magnetikoaren oinarri fisikoak eta oinarriak.

17.– Segurtasuna EMn. EMk nola funtzionatzen duen. EMko arriskuak. Zuzeneko arriskuak. Zeharkako arriskuak. EMko segurtasun-eremuak. Zeharkako arriskuei buruzko oinarrizko kontzeptuak. Quench-a.

18.– RM KARDIAKOA:

– Sortzetiko bihotzeko gaixotasuna.

– Hartutako gaixotasun kardiobaskularra.

– Tumore kardiakoak eta patologia perikardikoa.

19.– NEUROERRADIOLOGIA, BURUA ETA LEPOA:

– Nerbio-sistema zentralaren sortzetiko lesioak.

– Substantzia zuriaren gaixotasuna.

– Infekzioa, hantura eta gaixotasun desmielinizatzailea.

– Garuneko hodietako gaixotasuna.

– Garezur barneko neoplasiak eta masak.

– Patologia hipofisarioa.

– Traumatismo kranioentzefalikoa.

– Bizkarrezurra: patologia traumatikoa, infekziosoa, endekapenezkoa eta neoplasikoa. Ornoarteko diskoaren patologia.

– Muina: neoplasia eta prozesu konpresiboak eta desmielinizatzaileak.

– Entzumena eta aldi baterako hezurra.

– Orbita.

– Sinu paranasalak, sudur-barrunbea eta beheko masailezurra. Aho-barrunbearen patologia.

– Laringea, faringea, listu-guruinak eta masak lepoan.

20.– SABELALDEA:

– Hesteetako gaixotasun inflamatorioa.

– Uzki-ondesteko balorazioa: hantura-patologia, tumorea, sortzetikoa.

– Gibelaren eta behazun-bidearen eta pankrearen EM.

– Giltzurruna: infekzioa, traumatismoa, masak.

– Ureterraren, maskuriaren eta uretraren azterketa (infekzioa, tumoreak).

– Gizonezkoaren ugaltze-aparatuaren EM. Anatomia eta patologia.

– Giltzurrun gaineko eta peritoneo-atzeko patologiaren EM.

– Emakumezkoen pelbisaren EM.

21.– Bularra:

– Erresonantzia magnetikoa. Bular-masen ebaluazioa eta algoritmoa.

22.– MUSKULUESKELETIKOA:

– EM sorbalda, ukondoa, aldaka, sakroiliakoak, esku-hatzak, orkatila, belauna, orkatila-oina.

– Infekzio eta gaixotasun metabolikoak.

– Hezurretako eta zati bigunetako tumore eta lesio seudotumoralak.

– Artikulazioetako hantura-patologia.

– Hezurretako eta atal bigunetako traumatismoak.

– Muskulu-lesioen EM.

– Kirurgia-ondoko irudia eta protesiak baloratzea sistema muskuloeskeletikoan.

BIBLIOGRAFIA.

1.– 44/2003 Legea, azaroaren 21ekoa, Lanbide Sanitarioen Antolamenduari buruzkoa.

2.– 16/2003 Legea, maiatzaren 28koa, Osasun Sistema Nazionalaren kohesio eta kalitateari buruzkoa.

3.– Espainiako Konstituzioa. (1978ko abenduaren 29ko BOE, 311. zk.). 43. artikulua.

4.– Euskal Herriko Autonomia Estatutua. 3/1979 Lege Organikoa, abenduaren 18koa. (BOE, 306. zk., 1979ko abenduaren 22koa). 6. eta 18. artikuluak.

5.– Euskadiko Antolamendu Sanitarioaren Legea. Ekainaren 26ko 8/1997 Legea (1997ko uztailaren 21eko EHAA, 138. zk.). 5., 6., 8., 10. eta 11. artikuluak.

6.– Ekainaren 9ko 159/1992 Dekretua (1992ko ekainaren 16ko EHAA, 114 zk.), Goi Mailako Osasun Teknologia SA sozietatea sortzea. 1., 2., 3., 4., 5., 6. eta 7. Artikuluak.

7.– Azaroaren 11ko 255/1997 Dekretua (1997ko azaroaren 14ko EHAA, 219. zk.), uztailaren 3ko 100/2018 Dekretuaren 13., 14. eta 15. artikuluak eta eranskina (2018ko uztailaren 11ko EHAA, 133. zk.).

8.– 38/2012 Dekretua, martxoaren 13koa, historia klinikoari eta osasun-arloko paziente eta profesionalen eskubide eta obligazioei buruzkoa (2012ko martxoaren 29ko EHAA, 65. zk.). 1., 2., 11., 13., 25. eta 28. artikuluak.

9.– Osateken 2007-2009ko hitzarmen kolektiboa (2008ko abuztuaren 12ko EHAA, 152. zk.). 6. eta 8. artikuluak.

10.– Uztailaren 21eko 147/2015 Dekretuaren 1-21 artikuluak. (2015eko abuztuaren 4ko EHAA, 146. zk.).

11.– 3/2018 Lege Organikoa, abenduaren 5ekoa, Datu Pertsonalak Babestekoa eta Eskubide Digitalak Bermatzekoa (2018ko abenduaren 6ko BOE, 294. zk.). 4., 5., 6. eta 7. artikuluak.

12.– 31/1995 Legea, azaroaren 8koa, lan-arriskuen prebentzioari buruzkoa (azaroaren 10eko BOE, 269. zk.). 2., 12. eta 29. artikuluak.

13.– 1/2022 Legea, martxoaren 3koa, Emakumeen eta Gizonen Berdintasunerako Legearen bigarren aldaketarena (martxoaren 28ko BOE, 74. zk.). 1., 3. eta 43. artikuluak.

14.– Pazientearen Segurtasunerako Estrategia Osakidetzan 20 20. https://www.euskadi.eus/contenidos/informacion/cinfo_estrategia_seg_paciente/es_def/adjuntos/ESTRATEGIA2020_es.pdf.

15.– Osatek, S.A-ren Euskararen Erabilera Normalizatzeko I. Plana, 2018-2022. Administrazio Kontseiluaren 2018ko abenduaren 3ko Erabakia.

16.– SERAM Sociedad Española de Radiología Médica, Jose Luis del Cura Rodriguez, Ángel Gayete Cara, Alex Rovira Cañellas, Salvador Pedraza Gutierrez (2019). Oinarrizko erradiologia (2 liburuki), 2. edizioa. Madril: Editorial Medica Panamericana. ISBN 9788491103493.

17.– SERAM: Valdés Solís, Pablo. Segurtasuna EMn: ikus-gida bat. Erresonantzia magnetikoko segurtasunari buruzko sarrera. SERAMek argitaratua, 2012ko abendua. Hemen eskuragarri: SERAM dokumentuak (URL: https://seram.es/documentos-de-seram/).

18.– Zufiria. L.O, & Martínez, J.L (Arg.) (2007). Erresonantzia magnetikoaren oinarriak ikasten. Médico Panamericana argitaletxea. ISBN: 84-79-03-899-3.

19.– Osborn, Salzman, Barkovich. Irudi bidezko diagnostikoa: garuna. 2. edizioa. Marban arg.; 2011. ISBN: 9788471017208

20.– Harnsberger HR, irudi bidezko diagnostikoa: burua eta lepoa. 2. edizioa. Marban arg. 2012. ISBN: 9788471017581

21.– Sonin A. Irudi bidezko diagnostikoa: Muskuloeskeletikoa 1: Lesio Traumatikoak. Marban arg. 2011. ISBN: 9788471017529

22.– Manaster BJ. Irudi bidezko diagnostikoa: Muskulu-eskeletikoa 2: Gaixotasun ez-traumatikoak. Marban arg. 2012. ISBN: 9788471017543

23.– Federle MP. Irudi bidezko diagnostikoa: abdomena. 2. edizioa. Marban arg., 2011. ISBN: 9788471017291

24.– Shaaban, A.M., Blodgett, T.M. (2012). Irudi bidezko diagnostikoa: Onkologia. Marban argitaletxea. ISBN: 9788471017567.

25.– Ross, J., Moore, K. (2012) Irudi bidezko diagnostikoa: zutabea. Marbán argitaletxea. ISBN 9788471017604.

26.– Brady, T.J (2006). 100 DIAGNOSTIKO NAGUSIAK KARDIOLOGIAN. Elsevier argitaletxea – Airsys. ISBN 9788481749281

27.– Bradley, W.G. (2004). 100 DIABNOSTIKO NAGUSIAK SISTEMA BASKULARREAN. Elsevier argitaletxea.– Airsys. ISBA: 788481747577

28.– Osborn, A.G. (2004) GARUNEKO 100 DIAGNOSTIKO NAGUSIAK. Elsevier argitaletxea.– Airsys. ISBn: 978848174751.

29.– Bridwell, R.L. (2006) 100 DIAGNOSTIKO NAGUSIAK TITIETAN. Elsevier argitaletxea.– Airsys. ISBn: 9788481749335.

30.– Gurney, J.W. (2004). 100 DIAGNOSTIKO NAGUSIAK TORAXEAN. Elsevier argitaletxea.– Airsys. ISBn: 9788481747552.

31.– Stoller, D.W. (2004). 100 DIAGNOSTIKO NAGUSIAK SISTEMA MUSKOLOESKELETIKOAN. Elsevier argitaletxea.– Airsys. ISBn: 9788481747553

32.– Brant-Zawadzki, M. (2004). 100 DIAGNOSTIKO NAGUSIAK BIZKARREZURREAN. Elsevier argitaletxea – Airsys. ISBN 9788481747560.

33.– Harnsberger, H.R. (2004). 100 DIAGNOSTIKO NAGUSIAK BURUAN ETA LEPOAN. Elsevier argitaletxea – Airsys. ISBN 9788481747539

34.– Federle, M.P. (2004). 100 DIAGNOSTIKO NAGUSIAK ABDOMENEAN. Elsevier argitaletxea – Airsys. ISBN 9788481747508.

35.– Woodward, P.J., Sohaey, R. (2012). Irudi bidezko diagnostikoa: «Obstetrizia». Marbán argitaletxea. ISBN 9788471018595

(Ikus .PDF)

Azterketa dokumentala