Euskal Herriko Agintaritzaren Aldizkaria

Egoitza elektronikoa

Kontsulta

Kontsulta erraza

Zerbitzuak

Azken aldizkaria RSS

Euskal Herriko Agintaritzaren Aldizkaria

67. zk., 2022ko apirilaren 4a, astelehena

Laburpenera joan

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Oposaketak eta lehiaketak

OSAKIDETZA-EUSKAL OSASUN ZERBITZUA

1478

855/2022 EBAZPENA, martxoaren 10ekoa, Osakidetza-Euskal osasun zerbitzuko zuzendari nagusiarena, zeinaren bidez onartzen diren estatutupeko lotura finkoa lortzeko hautaketa-probak arautuko dituzten oinarri espezifikoak Fakultatibo Medikoak eta Teknikoak lanbide-taldeko Medikua kategorian (hainbat lanpostu funtzional), Osakidetza-Euskal osasun zerbitzuko zerbitzu sanitarioetako erakundeetako destinoetan.

Osakidetza-Euskal osasun zerbitzuko zuzendari nagusiaren azaroaren 25eko 1473/2021 Ebazpenaren bidez, onartu egin dira Osakidetza-Euskal osasun zerbitzuan estatutupeko lotura finkoa lortzeko 2018 eta 2019an iragarritako hautaketa-prozesuak arautuko dituzten oinarri orokorrak.

Hautaketa-prozesu bakoitza gauzatzeko, beharrezkoa da kategoria bakoitzeko destinoen deialdia arautuko duten oinarri espezifikoak argitaratzea.

Horregatik, kontuan izanda Euskadiko Antolamendu Sanitarioaren ekainaren 26ko 8/1997 Legea, Osasun-zerbitzuetako estatutupeko langileen esparru-estatutuaren abenduaren 16ko 55/2003 Legea, Enplegatu Publikoaren Oinarrizko Estatutuaren testu bategina onartzen duen urriaren 30eko 5/2015 Legegintzako Errege Dekretua, Osakidetza-Euskal osasun zerbitzua Ente Publikoaren lanpostu funtzionalak arautzen dituen uztailaren 19ko 186/2005 Dekretua, Osakidetza-Euskal osasun zerbitzua Ente Publikoaren Estatutu Sozialak ezartzen dituen azaroaren 11ko 255/1997 Dekretua, eta indarrean dauden eta aplikagarriak diren gainerako xedapenak, honako hau

EBAZTEN DUT:

Lehenengoa.– Oinarri hauen xede diren hautaketa-probetarako deia egitea.

Bigarrena.– Osakidetza-Euskal osasun zerbitzuan estatutupeko lotura finkoa lortzeko hautaketa-probak arautuko dituzten oinarri espezifikoak onartzea (I. eranskina) Fakultatibo Medikoak eta Teknikoak lanbide-taldeko Medikua kategorian (hainbat lanpostu funtzional), Osakidetza-Euskal osasun zerbitzuko zerbitzu sanitarioetako erakundeetako destinoetan:

– Nefrologiako FEM.

– Pneumologiako FEM.

– Neurologiako FEM.

– Obstetriziako eta Ginekologiako FEM.

– Oftalmologiako FEM.

– Onkologia Medikoko FEM.

– Otorrinolaringologiako FEM.

– Psikiatriako FEM.

– Haur Psikiatriako FEM.

– Erradiodiagnostikoko FEM.

– Erreumatologiako FEM.

Hirugarrena.– Ebazpen honen II. eranskinaren bidez eskainitako destinoen zerrenda onartzea.

Laugarrena.– Ebazpen honen III. eranskinean agertzen den merezimenduen baremoa onartzea.

Bosgarrena.– Ebazpen honen IV. eranskinean dagoen gai-zerrenda onartzea.

Seigarrena.– Deialdi honetan parte hartzeko eskaera aurkezteko epea 2022ko maiatzaren 3tik 2022ko ekainaren 2ko 14:00ak arte ezartzea, oinarri orokorrak onartzen dituen Osakidetza-Euskal osasun zerbitzuko zuzendari nagusiaren azaroaren 25eko 1473/2021 Ebazpenaren 9.3 oinarrian ezarritakoaren arabera.

Zazpigarrena.– Ebazpen honen aurka gora jotzeko errekurtsoa jarri ahal izango zaio Osakidetzako Administrazio Kontseiluari; horretarako, hilabeteko epea egongo da, Ebazpena EHAAn argitaratzen den egunaren hurrengo egunetik hasita, Administrazio Publikoen Administrazio Prozedura Erkidearen urriaren 1eko 39/2015 Legean, Euskadiko Antolamendu Sanitarioari buruzko ekainaren 26ko 8/1997 Legean eta Osakidetzaren estatutu sozialak ezartzeko azaroaren 11ko 255/1997 Dekretuan ezarritakoaren arabera.

Vitoria-Gasteiz, 2022ko martxoaren 10a.

Osakidetza-Euskal osasun zerbitzuko zuzendari nagusia,

MARÍA ROSA PÉREZ ESQUERDO.

I. ERANSKINA

ESTATUTUPEKO LOTURA FINKOA LORTZEKO HAUTAKETA-PROBAK ARAUTUKO DITUZTEN OINARRI ESPEZIFIKOAK FAKULTATIBO MEDIKOAK ETA TEKNIKOAK LANBIDE-TALDEKO MEDIKUA KATEGORIAN (HAINBAT LANPOSTU FUNTZIONAL), OSAKIDETZA-EUSKAL OSASUN ZERBITZUKO ZERBITZU SANITARIOETAKO ERAKUNDEETAKO DESTINOETAN

1.– Deialdiaren xede diren destinoak.

1.1.– Deialdi honen xede izango dira Fakultatibo Medikoak eta Teknikoak lanbide-taldeko Medikua kategoriako (hainbat lanpostu funtzional) Osakidetza-Euskal osasun zerbitzuko zerbitzu sanitarioetako erakundeetako destinoak, II. eranskinean jasota daudenak alegia.

1.2.– Deialdian sartutako destinoen % 7 desgaitasunen bat duten langileek betetzeko gordeko dira, II. eranskinean jasotako oinarri orokorretako 1.3 oinarrian ezarritako banaketaren arabera.

2.– Izangaien betekizunak.

Honen bidez araututako prozesuan parte hartzeko, izangaiek, oinarri orokorretan ezarritako salbuespenak kenduta, aurkezteko epearen azken egunean bete beharreko eskakizunez gain, oinarri orokorretan jasota daudenak ere bete beharko dituzte, eta horiek kasuan kasu esleitzen den destinoa jabetzan hartu arte bete beharko dira:

a) Oinarri orokorretako 6.2.c) apartatuan xedatutakoarekin bat, Medikuntzako edo Kirurgiako Lizentziadun titulua edo baliokidea izatea eta lortu nahi den lanpostu funtzionalean aritzeko eskatzen den espezialitateko titulua izatea, Osakidetza-Euskal osasun zerbitzua Ente Publikoaren lanpostu funtzionalak arautzen dituen uztailaren 19ko 186/2005 Dekretuaren I. eranskinean zehaztutakoa betez.

b) Edonola ere, lortu nahi den lanpostuaren baldintzak betetzea, Osakidetza-Euskal osasun zerbitzua Ente Publikoaren lanpostu funtzionalak arautzen dituen uztailaren 19ko 186/2005 Dekretuak xedatutakoaren arabera, bai eta indarrean dagoen araudiak eskatzen duen beste edozein eskakizun betetzea ere.

c) Eskabideak aurkezteko epearen barruan, izena emateko eskubideengatik dagokion tasa ordaindu izana, eskainitako destinoen lanbide-taldearen arabera:

A1 taldea (A talde zaharra): 25 euro.

3.– Lehiaketaldiaren garapena.

3.1.– Oposizioaldia.

Epaimahai kalifikatzaileari dagokio proben edukia eta kalifikazioa zehaztea, eta, horretarako, hautaketa-prozesua behar bezala garatzeko beharrezkotzat jotzen dituen neurriak hartuko ditu, eta prozesuaren gardentasuna eta objektibotasuna bermatuko du.

Epaimahaiak Osakidetza-Euskal osasun zerbitzuari eskatu ahal izango dio aholkulariek parte har dezatela hautaketa-prozesuaren fase guztietan, bai probak prestatzean, bai lehiaketaldian. Epaimahaikideei eskatzen zaien titulu-eskakizuna bete beharko dute pertsona horiek.

Epaimahaiak Osakidetza-Euskal osasun zerbitzuari kanpoko aholkularitza-erakundeetara jotzea eskatu ahal izango dio ere bai, probak prestatzeko eta oposizioaldian probekin zerikusia duten gai guztietarako. Horretarako, Osakidetza-Euskal osasun zerbitzuak behar diren neurriak jarriko ditu kanpo-erakunde aholkularien parte-hartzea gauzatzeko.

Oposizioaldian ariketa hauek egin beharko dituzte:

a) Lehenengo ariketa: Probari idatziz erantzun beharko zaio, ematen den gehieneko denboraren barruan, eta galderak IV. eranskinean jasotako gaiei buruzkoak izango dira.

Halaber, proba prestatzeko bibliografia ere eranskin horretan jasoko da.

b) Bigarren ariketa: epaimahaiak proposatutako ariketa praktikoak egin beharko dituzte, galdetegiei erantzunez zein beste modalitateen bidez.

Ariketak destinoen funtzio espezifikoekin lotuta egongo dira eta haien helburua izangaiek destino horietan aritzeko dituzten gaitasunak, abileziak, ezagutzak eta ahalmen profesionala baloratzea izango da.

Deitzen diren Mediku Fakultatibo Espezialisten lanpostu funtzional ezberdinetako Mediku kategoriarako, oposizioaldian bi ariketa egingo dira proba berean; ariketa teoriko bat eta praktiko bat, biak eskainitako destino ezberdinetako funtzio espezifikoekin lotuta. Probaren azken emaitza bi ariketen batez besteko haztatua izango da, % 65 proba teorikoarena eta % 35 ariketa praktikoarena. Aurretik aipatutakoa ez zaie Mediku Fakultatibo Espezialisten hautatze-prozesuei aplikatuko, dagokien oinarri espezifikoen arabera, oposizioaldia ariketa bakarraz osatuta badago. Horretarako, batez besteko haztatua formula honen arabera lortuko da:

(Ikus .PDF)

Oposizioaldia gainditutzat emateko, bi ariketen batez besteko haztatua gutxienez 100 puntutik 50 puntukoa izan beharko da.

3.2.– Oinarri orokorretako 14. apartatuan zehaztutako puntuazio-hurrenkeraren araberako izangaien behin-behineko zerrenda argitaratu ondoren, I. eranskinean agertzen diren proposatutako izangaiek honako dokumentu hauen fotokopia konpultsatua aurkeztu beharko dute, 14.2. oinarrian zerrendatzen den dokumentazioaz gain:

– Medikuntzako edo Kirurgiako Lizentziako tituluaren edo baliokidearen eta lortu nahi den lanpostu funtzionalean aritzeko eskatzen den espezialitatearen tituluaren fotokopia konpultsatua edo notarioaren testigantza, Osakidetza-Euskal osasun zerbitzua Ente Publikoaren lanpostu funtzionalak arautzen dituen uztailaren 19ko 186/2005 Dekretuaren I. eranskinean zehaztutakoa betez.

3.3.– Lehiaketaldia.

Egiaztatutako merezimenduak III. eranskineko merezimenduen baremoaren arabera balioztatuko dira, oinarri orokorretan ezarritako irizpideen arabera.

3.4.– Lanpostuaz jabetzea.

Oinarri orokorretako 17. apartatuan aipatutako dokumentazioaz gain, deialdi honetako destinoren bat jabetzan hartzen dutenek honako agiri hauek aurkeztu beharko dituzte lanpostuaz jabetzeko ekitaldian:

– Elkargokide-ziurtagiria.

II. ERANSKINA

DESTINOEN ZERRENDA KATEGORIA HONETAN: MEDIKUA, LANPOSTU FUNTZIONALA: NEFROLOGIAKO FEM

Osakidetza-Euskal osasun zerbitzuko zuzendari nagusiaren 1473/2021 Ebazpenaren bidez onartutako oinarri orokorretako 1. oinarrian xedatutakoaren arabera, destino hauek betetzeko deialdia egiten da:

a) Barne-sustapeneko txandako deialdia: 1 destino.

Sarbide orokorra: 1.

Erreserba-kupoa desgaitasunen bat duten pertsonentzat: 0.

– Adimen-desgaitasuna duten pertsonentzako kupoa: 0.

– Bestelako desgaitasunak dituzten pertsonentzako kupoa: 0.

b) Txanda askeko deialdia: 10 destino.

Sarbide orokorra: 9.

Erreserba-kupoa desgaitasunen bat duten pertsonentzat: 1.

– Adimen-desgaitasuna duten pertsonentzako kupoa: 0.

– Bestelako desgaitasunak dituzten pertsonentzako kupoa: 1.

Adimen-desgaitasuna duten langileentzako destinoak (adimen-desgaitasuna duten pertsonentzako kupoa) ez badira betetzen ez dagoelako hautaketa-prozesua gainditzen duen izangai nahikorik, destino horiek desgaitasunen bat duten langileentzako erreserba-kupoan gehituko dira (bestelako desgaitasunak dituzten pertsonentzako kupoa).

Desgaitasunen bat duten langileentzako destinoak ez badira betetzen ez dagoelako hautaketa-prozesua gainditzen duen izangai nahikorik, destino horiek dagokion txandako sarbide orokorreko lanpostuetan gehituko dira; hots, barne-sustapenean edo txanda irekian.

2. oinarrian ezarritakoaren arabera, deialdi honen xede diren zerbitzu sanitarioetako erakundeetako destinoak, barne-sustapeneko txandarako, eskabideak aurkezteko epea hasi baino lehen ezarriko dira, Osakidetza-Euskal osasun zerbitzuko zuzendari nagusiaren ebazpen bidez. Ebazpen hori Osakidetza-Euskal osasun zerbitzuaren webgunean argitaratuko da. Txanda askearen kasuan, destinoak ezarriko dira Euskal Herriko Agintaritzaren Aldizkarian deialdiaren xede den kategoriaren Osakidetza-Euskal osasun zerbitzuko Lekualdatze-lehiaketa ireki eta iraunkorreko indarreko zikloko destinoen behin betiko esleipenaren ebazpena argitaratu ondoren, Osakidetza-Euskal osasun zerbitzuko zuzendari nagusiaren ebazpenaren bidez. Ebazpen hori ere Osakidetza-Euskal osasun zerbitzuaren webgunean argitaratuko da.

II. ERANSKINA

DESTINOEN ZERRENDA KATEGORIA HONETAN: MEDIKUA, LANPOSTU FUNTZIONALA: PNEUMOLOGIAKO FEM

Osakidetza-Euskal osasun zerbitzuko zuzendari nagusiaren 1473/2021 Ebazpenaren bidez onartutako oinarri orokorretako 1. oinarrian xedatutakoaren arabera, destino hauek betetzeko deialdia egiten da:

Txanda askeko deialdia: 15 destino.

Sarbide orokorra: 14.

Erreserba-kupoa desgaitasunen bat duten pertsonentzat: 1.

– Adimen-desgaitasuna duten pertsonentzako kupoa: 0.

– Bestelako desgaitasunak dituzten pertsonentzako kupoa: 1.

II. ERANSKINA

DESTINOEN ZERRENDA KATEGORIA HONETAN: MEDIKUA, LANPOSTU FUNTZIONALA: NEUROLOGIAKO FEM

Osakidetza-Euskal osasun zerbitzuko zuzendari nagusiaren 1473/2021 Ebazpenaren bidez onartutako oinarri orokorretako 1. oinarrian xedatutakoaren arabera, destino hauek betetzeko deialdia egiten da:

Txanda askeko deialdia: 17 destino.

Sarbide orokorra: 16.

Erreserba-kupoa desgaitasunen bat duten pertsonentzat: 1.

– Adimen-desgaitasuna duten pertsonentzako kupoa: 0.

– Bestelako desgaitasunak dituzten pertsonentzako kupoa: 1.

II. ERANSKINA

DESTINOEN ZERRENDA KATEGORIA HONETAN: MEDIKUA, LANPOSTU FUNTZIONALA: OBSTETRIZIAKO ETA GINEKOLOGIAKO FEM

Osakidetza-Euskal osasun zerbitzuko zuzendari nagusiaren 1473/2021 Ebazpenaren bidez onartutako oinarri orokorretako 1. oinarrian xedatutakoaren arabera, destino hauek betetzeko deialdia egiten da:

Txanda askeko deialdia: 18 destino.

Sarbide orokorra: 17.

Erreserba-kupoa desgaitasunen bat duten pertsonentzat: 1.

– Adimen-desgaitasuna duten pertsonentzako kupoa: 0.

– Bestelako desgaitasunak dituzten pertsonentzako kupoa: 1.

II. ERANSKINA

DESTINOEN ZERRENDA KATEGORIA HONETAN: MEDIKUA, LANPOSTU FUNTZIONALA: OFTALMOLOGIAKO FEM

Osakidetza-Euskal osasun zerbitzuko zuzendari nagusiaren 1473/2021 Ebazpenaren bidez onartutako oinarri orokorretako 1. oinarrian xedatutakoaren arabera, destino hauek betetzeko deialdia egiten da:

Txanda askeko deialdia: 26 destino.

Sarbide orokorra: 24.

Erreserba-kupoa desgaitasunen bat duten pertsonentzat: 2.

– Adimen-desgaitasuna duten pertsonentzako kupoa: 0.

– Bestelako desgaitasunak dituzten pertsonentzako kupoa: 2.

II. ERANSKINA

DESTINOEN ZERRENDA KATEGORIA HONETAN: MEDIKUA, LANPOSTU FUNTZIONALA: ONKOLOGIA MEDIKOKO FEM

Osakidetza-Euskal osasun zerbitzuko zuzendari nagusiaren 1473/2021 Ebazpenaren bidez onartutako oinarri orokorretako 1. oinarrian xedatutakoaren arabera, destino hauek betetzeko deialdia egiten da:

Txanda askeko deialdia: 8 destino.

Sarbide orokorra: 7.

Erreserba-kupoa desgaitasunen bat duten pertsonentzat: 1.

– Adimen-desgaitasuna duten pertsonentzako kupoa: 0.

– Bestelako desgaitasunak dituzten pertsonentzako kupoa: 1.

II. ERANSKINA

DESTINOEN ZERRENDA KATEGORIA HONETAN: MEDIKUA, LANPOSTU FUNTZIONALA: OTORRINOLARINGOLOGIAKO FEM

Osakidetza-Euskal osasun zerbitzuko zuzendari nagusiaren 1473/2021 Ebazpenaren bidez onartutako oinarri orokorretako 1. oinarrian xedatutakoaren arabera, destino hauek betetzeko deialdia egiten da:

Txanda askeko deialdia: 15 destino.

Sarbide orokorra: 14.

Erreserba-kupoa desgaitasunen bat duten pertsonentzat: 1.

– Adimen-desgaitasuna duten pertsonentzako kupoa: 0.

– Bestelako desgaitasunak dituzten pertsonentzako kupoa: 1.

II. ERANSKINA

DESTINOEN ZERRENDA KATEGORIA HONETAN: MEDIKUA, LANPOSTU FUNTZIONALA: PSIKIATRIAKO FEM

Osakidetza-Euskal osasun zerbitzuko zuzendari nagusiaren 1473/2021 Ebazpenaren bidez onartutako oinarri orokorretako 1. oinarrian xedatutakoaren arabera, destino hauek betetzeko deialdia egiten da:

a) Barne-sustapeneko txandako deialdia: 1 destino.

Sarbide orokorra: 1.

Erreserba-kupoa desgaitasunen bat duten pertsonentzat: 0.

– Adimen-desgaitasuna duten pertsonentzako kupoa: 0.

– Bestelako desgaitasunak dituzten pertsonentzako kupoa: 0.

b) Txanda askeko deialdia: 27 destino.

Sarbide orokorra: 25.

Erreserba-kupoa desgaitasunen bat duten pertsonentzat: 2.

– Adimen-desgaitasuna duten pertsonentzako kupoa: 0.

– Bestelako desgaitasunak dituzten pertsonentzako kupoa: 2.

II. ERANSKINA

DESTINOEN ZERRENDA KATEGORIA HONETAN: MEDIKUA, LANPOSTU FUNTZIONALA: HAUR PSIKIATRIAKO FEM

Osakidetza-Euskal osasun zerbitzuko zuzendari nagusiaren 1473/2021 Ebazpenaren bidez onartutako oinarri orokorretako 1. oinarrian xedatutakoaren arabera, destino hauek betetzeko deialdia egiten da:

Txanda askeko deialdia: 5 destino.

Sarbide orokorra: 5.

Erreserba-kupoa desgaitasunen bat duten pertsonentzat: 0.

– Adimen-desgaitasuna duten pertsonentzako kupoa: 0.

– Bestelako desgaitasunak dituzten pertsonentzako kupoa: 0.

II. ERANSKINA

DESTINOEN ZERRENDA KATEGORIA HONETAN: MEDIKUA, LANPOSTU FUNTZIONALA: ERRADIODIAGNOSTIKOKO FEM

Osakidetza-Euskal osasun zerbitzuko zuzendari nagusiaren 1473/2021 Ebazpenaren bidez onartutako oinarri orokorretako 1. oinarrian xedatutakoaren arabera, destino hauek betetzeko deialdia egiten da:

a) Barne-sustapeneko txandako deialdia: 1 destino.

Sarbide orokorra: 1.

Erreserba-kupoa desgaitasunen bat duten pertsonentzat: 0.

– Adimen-desgaitasuna duten pertsonentzako kupoa: 0.

– Bestelako desgaitasunak dituzten pertsonentzako kupoa: 0.

b) Txanda askeko deialdia: 31 destino.

Sarbide orokorra: 29.

Erreserba-kupoa desgaitasunen bat duten pertsonentzat: 2.

– Adimen-desgaitasuna duten pertsonentzako kupoa: 0.

– Bestelako desgaitasunak dituzten pertsonentzako kupoa: 2.

II. ERANSKINA

DESTINOEN ZERRENDA KATEGORIA HONETAN: MEDIKUA, LANPOSTU FUNTZIONALA: ERREUMATOLOGIAKO FEM

Osakidetza-Euskal osasun zerbitzuko zuzendari nagusiaren 1473/2021 Ebazpenaren bidez onartutako oinarri orokorretako 1. oinarrian xedatutakoaren arabera, destino hauek betetzeko deialdia egiten da:

Txanda askeko deialdia: 6 destino.

Sarbide orokorra: 5.

Erreserba-kupoa desgaitasunen bat duten pertsonentzat: 1.

– Adimen-desgaitasuna duten pertsonentzako kupoa: 0.

– Bestelako desgaitasunak dituzten pertsonentzako kupoa: 1.

III. ERANSKINA

MEREZIMENDUEN BAREMOA FAKULTATIBO MEDIKOAK ETA TEKNIKOAK LANBIDE-TALDEKO MEDIKUA KATEGORIAN (HAINBAT LANPOSTU FUNTZIONAL), OSAKIDETZA-EUSKAL OSASUN ZERBITZUKO ZERBITZU SANITARIOETAKO ERAKUNDEETAKO DESTINOETAN

1) Lan-esperientzia (gehienez, 60 puntu).

Eskabideak aurkezteko azken egunera arte izangaiek aitortuta duten zerbitzu-denbora zenbatuko da.

Dagokion espezialitateko etengabeko arretako behin-behineko izendapen batean egindako zerbitzuen puntuazioari zerbitzu horiengatik normalean ematen den puntuazioaren % 50 aplikatuko zaio.

Zenbaketa osoa lan egindako egun naturaletan oinarrituko da, eta baztertu egingo dira hilabetetik beherako soberakinak. Horretarako, 30 egun naturaleko multzoa hartuko da hilabetetzat.

Zerga, administrazio eta gizarte neurriei eta ordena sozialari buruzko abenduaren 23ko 62/2003 Legean xedatutakoaren arabera eta deialdiak ezarri bezala, titulua irailaren 24ko 1497/1999 Errege Dekretuaren babesean eskuratu dutenek espezialista gisa daukaten antzinatasuna interesdunak espezialitatearen berezko eta berariazko eremuaren baitan gauzatutako lan profesional eraginkor osoaren arabera baloratuko da. Jardute horretatik kenduko da, hasierako aldian, Espainian espezialitate horretarako ezarritako prestakuntza aldiaren % 170. Kenketa hori ez zaie aplikatuko espezialista-titulua 1497/1999 Errege Dekretuaren hirugarren xedapen gehigarriaren arabera lortu dutenei.

1.– Osakidetza-Euskal osasun zerbitzuko zerbitzu sanitarioetako erakundeetan, Gizarte Segurantzakoetan edo autonomia-erkidegoetako osasun-zerbitzuetan edo edozein administrazio publikotan edo Europar Batasuneko gainerako kideen sare publikoko zerbitzu sanitarioetan kategoria eta espezialitate berean edo arlo medikoko kudeaketako lanpostuetan emandako zerbitzuen hilabete bakoitzeko: 0,30 puntu.

2.– Osakidetza-Euskal osasun zerbitzuko zerbitzu sanitarioetako erakundeetan, Gizarte Segurantzakoetan edo autonomia-erkidegoetako osasun-zerbitzuetan edo edozein administrazio publikotan edo Europar Batasuneko gainerako kideen sare publikoko zerbitzu sanitarioetan dagokion espezialitatean Kupodun edo Eremuko Mediku gisa emandako zerbitzuen hilabete bakoitzeko: 0,12 puntu.

3.– Osakidetza-Euskal osasun zerbitzuko edo edozein administrazio publikotako zerbitzu sanitarioetako erakundeetan, edo Osasun Sistema Nazionalari atxikitako ikerketara-zentro ofizialetan edo bestelako erakundetan edo Europar Batasuneko gainerako kideen sare publikoko zerbitzu sanitarioetan Mediku Orokor edo beste espezialitateetako Mediku edo Ikertzaile gisa emandako zerbitzuen hilabete bakoitzeko: 0,055 puntu.

4.– Erakunde Sanitario Publikoetan kudeaketa eta zerbitzu orokorren arloan goi-mailako kudeaketa lanpostuetan emandako zerbitzuen hilabete bakoitzeko: 0,05 puntu.

Barne-sustapeneko txandaren bidez sartzen diren langileei ondoren zehazten den moduan zenbatuko zaizkie aldez aurreko zerbitzuak:

a) E taldean eskainitako zerbitzuak: 0,02 puntu hilabete bakoitzeko.

b) D taldean eskainitako zerbitzuak: 0,03 puntu hilabete bakoitzeko.

c) C taldean eskainitako zerbitzuak: 0,04 puntu hilabete bakoitzeko.

d) B taldean eskainitako zerbitzuak: 0,05 puntu hilabete bakoitzeko.

e) D taldean eskainitako zerbitzuak: 0,12 puntu hilabete bakoitzeko.

f) Lehiatzen den lanpostu berean emandako zerbitzuak: 0,30 puntu hilabete bakoitzeko.

Zerbitzu-eginkizunetan edo goragoko kategoriako eginkizunetan emandako zerbitzuak benetan betetako lanpostuan zenbatuko dira.

Halaber, jatorrizko lanpostuan zenbatuko dira zerbitzu berezietan emandako zerbitzuak.

2) Prestakuntza, irakaskuntza eta ikerketa (gehienez, 20 puntu).

Apartatu honetan, honako hauen arabera egiaztatzen den prestakuntza baloratuko da:

a) Graduaurreko prestakuntza:

Espediente akademikoaren balorazioa honela egingo da:

(Ikus .PDF)

Ez dira ebaluatuko, eta, horregatik, ez dira zatitzailean sartuko, ez ofizialki baliozkotu diren ikasgaiak, ez erlijioko, prestakuntza politikoko, gorputz-hezkuntzako eta hizkuntzetako ikasgaien kalifikazioak, ez Medikuntzako eta Kirurgiako Lizentziako ikasketen edo baliokideren berezko edukiarekin funtsezko loturarik ez duten beste ikasgai batzuen kalifikazioak.

b) Graduondoko prestakuntza:

– Cum laude doktore-titulua: 10 puntu.

– Doktore-titulua: 9 puntu.

– Graduondoko masterra: 6 puntu.

– Unibertsitateko Aditu edo Espezialista titulua: 5 puntu.

– Ikertzeko nahikotasuna edo Diploma ikasketa aurreratuetan: 4 puntu.

– Lizentzia-gradua (bikaina edo ohorezko matrikula): 3 puntu.

– Doktoretza-ikastaroa, ikastaro bakoitzeko (gehienez, 10 ikastaro): 0,25 puntu.

– Lotutako bestelako unibertsitate-tituluak: 2,5 puntu.

Cum laude doktore gisa puntuazioa emanez gero, ez da punturik emango Doktore gisa. Cum laude doktorea edo Ikertzeko nahikotasuna edo Ikasketa aurreratuen diploma lortzeko balio duten programetako doktoretza-ikastaroek ez dute punturik emango.

c) Prestakuntza espezializatua:

1.– Kategorian sartzeko eskatutakoak ez diren legez aitortutako espezialitate bateko edo batzuetako tituluak dituzten izangaiak, betiere titulu horiek ofizialki onartutako fakultatiboen prestakuntza espezializatuko programa egoiliar gisa bete ondoren lortu badituzte: 2 puntu.

2.– Kategorian sartzeko eskatutakoa ez den espezialista-tituluak dituzten izangaiak (BAME bidezkoak ez direnak): puntu 1.

d) Etengabeko prestakuntza:

Eskatutako destinoaren kategoriarekin zerikusia duten ikastaroetara joateagatik:

– 9 ordura arte: 0,25 puntu.

– 10 eta 19 ordu bitartean: 0,75 puntu.

– 20 eta 29 ordu bitartean: 1,25 puntu.

– 30 eta 49 ordu bitartean: 2 puntu.

– 50 eta 99 ordu bitartean: 3 puntu.

– 100 eta 249 ordu bitartean: 4 puntu.

– 250 eta 599 ordu bitartean: 5 puntu.

– 600 ordu edo gehiago: 6 puntu.

Ikastaroen egiaztagirian kreditu kopurua bakarrik jasota dagoenean, puntuazioa emateko baliokidetasun hau egingo da:

– Kredituen Europako Sistemaren (ECTS) 1 kreditu: 25 ordu.

– Etengabeko Prestakuntza Batzordeko 1 kreditu: 10 ordu.

Ikastaroaren ordu kopurua eta kreditu kopurua adierazten ez duten egiaztagirien kasuan, edo kredituak izan bai baina horiek aurreko paragrafoan zehaztutakoak ez direnean edo kredituen beste ordu-baliokidetasun bat ezartzen denean, epaimahaiak, aurkeztutako egiaztagiriak eta ikastaroaren edukia ikusita, dagokion puntuazioa emango du, eta kasu horretan ez du inolaz ere 0,25 puntu baino gutxiago emango.

Erakunde ofizialek, unibertsitateek, erakunde sanitarioek eta, hala badagokio, elkargo profesionalek eta elkarte zientifikoek egiaztatutako/akreditatutako ikastaroak balioztatuko dira, baita edozein administrazio publikok hitzartutako etengabeko prestakuntzako akordioen arabera egiaztatutako/akreditatutako ikastaroak ere, betiere titulu ofizial bat lortzeko ikasketa-plan baten barrukoak ez badira.

e) Irakaskuntza-jarduerak:

– Fakultateko/Unibertsitate Eskolako katedraduna (urteko): 1 puntu.

– Unibertsitateko fakultateko/eskolako irakasle titularra edo elkartua (urteko): 0,50 puntu.

– Egoiliarren irakaskuntzarako tutore akreditatua, dagokion espezialitatean (urte bakoitzeko): 0,750 puntu.

– Irakaskuntza, etengabeko prestakuntzako programa ofizialetan (orduko): 0,050 puntu.

f) Jarduera zientifikoa eta ezagutzaren hedapena:

Eskatutako destinoko lanpostu funtzionalarekin zerikusia duten lan zientifikoak argitaratzearren, txostenak aurkeztearren, komunikazioak aurkeztearren, hitzaldiak ematearren edo mahai-inguruetan parte hartzearren:

– Eskualdeko txosten bakoitzeko: 0,50 puntu.

– Estatuko txosten bakoitzeko: 2 puntu.

– Nazioarteko txosten bakoitzeko: 3 puntu.

– Eskualdeko ahozko komunikazio / poster bakoitzeko: 0,30 puntu.

– Estatuko ahozko komunikazio / poster bakoitzeko: 1,20 puntu.

– Nazioarteko ahozko komunikazio / poster bakoitzeko: 2 puntu.

– Eskualdeko mahai-inguru bakoitzeko: 0,40 puntu.

– Estatuko mahai-inguru bakoitzeko: 1,50 puntu.

– Nazioarteko mahai-inguru bakoitzeko: 2,50 puntu.

– Argitalpen bakoitzeko (lehenengo egilea): 2 puntu.

– Argitalpen bakoitzeko (beste egile batzuk): 1 puntu.

– Liburu bakoitzeko (lehenengo egilea): 4 puntu.

– Liburu bakoitzeko (beste egile batzuk): 2 puntu.

– Kapitulu bakoitzeko (lehenengo egilea): 2 puntu.

– Kapitulu bakoitzeko (beste egile batzuk): 1 puntu.

– Tesina bakoitzeko: 3 puntu.

Ez da baloratuko apartatu honetan zehaztu ez den merezimendurik.

g) Hizkuntzak (gehienez, 3 puntu):

– Ingelesa: gehienez, 1,5 puntu.

– Frantsesa: gehienez, 1,5 puntu.

– Alemana: gehienez, 1,5 puntu.

h) Informatikako ezagutzak (gehienez, 2 puntu).

3) Euskara:

– 2. HE: 18 puntu.

– 1. HE: 9 puntu.

IV. ERANSKINA

NEFROLOGIAKO FEM

I.– GAI-ZERRENDA OROKORRA

1.– Giltzurrun normala: garapena, egitura eta funtzioak. Enbriologia. Anatomia eta histologia.

2.– Giltzurrun normala: giltzurrun-fisiologiaren oinarrizko kontzeptuak.

3.– Giltzurruneko gaixotasun kronikoaren definizioa eta sailkapena. Giltzurrun-argitzearen kontzeptua. Iragazketa glomerularra kalkulatzeko formulak.

4.– Giltzurruneko patologia duen gaixoaren gaineko ikuspegia eta balorazio klinikoa. Giltzurruneko biopsia: indikazioak, biopsia egitea eta interpretazioa.

5.– Laborategiko diagnostikoko prozedurak eta proba osagarriak (MAPA). Irudi bidezko teknikak. Norberaren giltzurrunen eta giltzurruneko transplanteen ekografia.

6.– Uraren eta likido organikoen osmolaritatearen nahasmenduak.

7.– Sodioaren alterazioak.

8.– Potasioaren alterazioak.

9.– Azido-base orekaren nahasmenduak.

10.– Kaltzioaren eta fosforoaren metabolismoa eta horren alterazioak.

11.– Gernubideko infekzioa.

12.– Errefluxuagatiko nefropatia. Uropatia buxatzailea.

13.– Giltzurruneko litiasia.

14.– Tonu baskularreko erregulazio orokorra. Giltzurruna eta presio arterialaren erregulazioa.

15.– Hipertentsio arterialaren epidemiologia, etiologia eta patogenia.

16.– Adierazpen klinikoak, prozedura diagnostikoak eta hipertentsio arterialaren tratamendua.

17.– Nefroangioeklerosia.

18.– Nefropatia iskemikoa eta gaixotasun ateroenbolikoa.

19.– Mikroangiopatia tronbotikoa: purpura tronbotiko tronbozitopenikoa eta sindrome uremiko hemolitikoa.

20.– Nefropatia glomerularrak: etiopatogenia, genetika eta oinarri morfologikoak.

21.– Gaixotasun glomerularren sailkapena.

22.– Sindrome nefrotikoa: fisiopatologia eta tratamendu orokorra.

23.– Aldaketa minimoak dituen nefropatia. Glomeruloesklerosi fokala eta segmentarioa.

24.– Nefropatia menbranosoa. Nefropatia mesangial IgA.

25.– Glomerulonefritis endokapilar akutua. Glomerulonefritis estrakapilarrak.

26.– Glomerulonefritis mesangiokapilarra.

27.– Glomerulonefritisaren tratamendu orokorra eta espezifikoa.

28.– Nefropatia diabetikoa: historia naturala, klinika, patogenia eta tratamendua.

29.– GGKaren jarraipen egokia eta tratamendua gaixo diabetikoen kasuan.

30.– Hezueri-nefropatia. Berunak sortutako nefropatia. Giltzurruna nahasmendu hidroelektolitikoetan: hiperkaltzemia eta hipokalemia.

31.– Baskulitisa eta giltzurruna.

32.– Nefropatia lupikoa.

33.– Giltzurruna artritis erreumatoidean eta Sjögren-en sindromean. Esklerodermiaren nefropatia. Krioglobulinemiaren nefropatia.

34.– Biriasiaren eta beste gaixotasun infekzioso batzuen giltzurruneko gaixotasunak. Giltzurruna hartutako immunoeskasiaren birusak sortutako infekzioan.

35.– Giltzurruneko amiloidosia.

36.– Giltzurruna mieloman eta kate arin eta astunen gaixotasunetan.

37.– Giltzurrun-patologia batzuk tratatzeko teknika bereziak: plasmaferesia eta immunoadsortzioa.

38.– Nefropatia interstizial ez-infekziosoak.

39.– Giltzurrunaren eta gernubideen sortzetiko anomaliak. Giltzurruneko gaixotasun kistikoak. Nefronoptisia.

40.– Gaixotasun polikistikoa. Sailkapena, etiopatogenia, diagnostikoa eta jarrera terapeutikoak.

41.– Alport-en sindromea. Fabry-ren gaixotasuna eta giltzurrun-afektazioa duten nahasmendu metaboliko hereditarioak sortutako beste gaixotasun batzuk.

42.– Tubulopatiak.

43.– Giltzurruna eta haurduntza.

44.– Giltzurrunaren rola aszitisean eta edemak gibeleko gaixoen kasuan. Gibeleko eta giltzurruneko sindromea.

45.– Bihotzeko eta giltzurruneko sindromea.

46.– Giltzurruneko eta gernubideetako tumoreak.

47.– Giltzurruneko hutsegite akutua (GHA): kontzeptua eta epidemiologia. Fisiopatologia.

48.– Giltzurruneko hutsegite akutuaren diagnostikoa, pronostikoa eta tratamendua.

49.– GHAren tratamenduaren alderdi teknikoak (ohiko dialisia, etengabeko edo denboran luzatutako teknikak, hemofiltrazioa, hemodiafiltrazioa, aferesia eta abar). Intoxikazioetan arazketa-tekniken rola.

50.– Giltzurruneko gaixotasun kronikoa (GGK): definizioa eta sailkapena. Etiologia. Alderdi epidemiologikoak, etikoak, sozialak eta kudeaketa sanitariokoak.

51.– GGKren progresioaren arazoak eta mekanismoak. Progresioaren prebentzioa eta kontrola. GGK duen gaixoaren ebaluazio globala eta maneiua.

52.– GGKren manifestazio klinikoak eta biokimikoak: Nahasmendu biokimikoak eta erantzun immunearenak. Anemia. Koagulazioaren asaldurak.

53.– GGKren nahasmendu gastrointestinalak. Uremiaren nahasmendu endokrionologikoak. Larruazaleko asaldurak. Asaldura neurologikoak.

54.– GGKren konplikazio baskularrak eta kardiakoak.

55.– GGKrekin lotutako hezur-gaixotasuna eta gaixotasun metabolikoa.

56.– GGK duen pazientearen maneiu kontserbatzailea. Farmakoak eta giltzurruna. Medikamentuak nola erabili giltzurruneko gaixoekin.

57.– Ordezko tratamenduko modalitateak, hemodialisia (HD), peritoneo-dialisia (PD), transplante aurreratua: indikazioak. Teknika hautatzea. Pazientea tratamendurako prestatzea. Ordezko tratamenduaren alderdi etikoak eta sozialak.

58.– Peritoneo-dialisiaren alderdi teknikoak. Osagaiak, printzipio fisikoak eta peritone-garraioa. Tratamendu modalitateak: motak eta indikazioak.

59.– Hemodialisiaren alderdi teknikoak. Osagaiak, printzipio fisikoak eta tratamendu modalitateak: hemofiltrazioa, hemodiafiltrazioa, AFB, etab. Indikazioak.

60.– Dialisi egokiaren kontzeptua hemodialisian eta peritoneo-dialisian.

61.– Hemodialisiko tratamendutik sortutako konplikazio mediko akutuak eta kronikoak.

62.– Peritoneo-dialisiko tratamendutik sortutako konplikazio mediko akutuak eta kronikoak.

63.– Hemodialisirako sarbide baskularrak: motak eta lotutako konplikazioak.

64.– Peritoneoko kateterrak: motak, ezarpen-moduak eta zainketak.

65.– Gaixoaren nutrizio-alderdiak ordezko tratamenduan. Elikadura giltzurruneko gaixotasun kronikoan. Alterazioak eta alterazioen maneiua. Higadura proteiko energetikoaren sindromea.

66.– Giltzurruneko transplantearen immunologia eta tratamendu immunoezabatzailearen oinarriak.

67.– Organoak lortzea eta giltzurruneko transplantearen koordinazioa. Giltzurruneko transplantearen itxarote-zerrenda. Emailea-hartzailea bikotea hautatzea.

68.– Giltzurruneko transplanteren emailea eta hartzailea ebaluatzea. Arrisku kardiobaskularreko faktoreak.

69.– Transplante ondoko berehalako epealdiko maneiu klinikoa. Nekrosi tubular akutua. Giltzurrun-mentua errefusatzea. Infekzioak.

70.– Terapeutika immunoezabatzailea. Immunologia kliniko praktikoa giltzurruneko transplantean: hemaglutininak eta HLA antigorputzak.

71.– Giltzurruneko transplantearen konplikazioak epe luzera. Arrisku kardiobaskularra, neoplasia, infekzioa.

72.– Giltzurruneko eta pankreako transplante konbinatua. Gibeleko eta giltzurruneko transplante konbinatua.

73.– Giltzurruneko transplantea, emailea bizirik dagoela. Emailearentzako arriskuak eta azterketa. Emate gurutzatua. Giltzurruneko transplantearen emaitzak. ABO transplante bateraezina.

74.– Prozesu Asistentzial Integratua. Giltzurruneko gutxiegitasun kronikoaren ordezko tratamendua: dialisia eta transplantea.

GAI-ZERRENDA OROKORRAREN BIBLIOGRAFIA

1.– Alan S. L. Yu, Glenn M. Chertow, Philip A. Marsden, Valerie Luyckx, Maarten W. Taal, Karl Skorecki, Brenner and Rector's The Kidney. 11th edition. 2019. Editorial Elsevier.

2.– Oxford Textbook of Clinical Nephrology. Volume 1-3. 4th edition. Editorial Oxford University Press. 2015. ISBN: 0199592543.

3.– L. Hernando Avendaño. Nefrología Clínica. 4. edizioa. 2013/10/10. Editorial Panamericana. ISBN: 9788498357103.

4.– Schrier R W, Diseases of the kidney and urinary tract (3. lib.). 8. edizioa. 2006.

5.– Rose BD and Post TW. Trastornos de los electrolitos y del equilibrio ácido base. 5. edizioa. Editorial Marban. 2002. ISBN: 84-7101-352-5.

6.– Jesus Montenegro, Ricardo Correa, Miguel Carlos. Tratado de Diálisis Peritoneal. 3. edizioa. Montenegro. Elsevier. 2021.

7.– D. Negoi, K.D. Nolph (egileak), Ramesh Khanna, Raymond T. Krediet (ed.). Nolph and Gokal's Textbook of Peritoneal Dialysis. 3rd edition. Editorial Springer. 2016.

8.– John t. Daugirdas. Manual de diálisis. 4. edizioa. 2015. Editoriala: Lippincott Williams & Wilkins. Wolters Kluwer Health. ISBN: 9788416004928.

9.– John T. Daugirdas MD, Peter G. Blake MB FRCPC FRCPI, Todd S. Ing MB FRCP. Lippincott Williams and Wilkins handbook. Handbook of dialysis. 5th edition. Wolters Kluwer Health. 2015.

10.– Tratado de hemodiálisis. 2. edizioa. Editorial JIMS. 2006. ISBN: 84-95062-36-4.

11.– Gainza de los Ríos, Francisco Javier. 2008. Manual de técnicas continuas de reemplazo renal. Ergon.

12.– Poch E, Liaño F, Gainza FJ. Manejo de la disfunción aguda del riñón. Editorial Ergon. 2011. IBSN: 84-8473-894-7.

13.– Gabriel M. Danovitch. Handbook of Kidney Transplantation. Lippincott Williams and Wilkins Handbook Series. 5th edition. Lippincott Williams & Wilkins. Philadelphia. 2009.

ESPAINIAKO NEFROLOGIA ELKARTEAREN GIDAK

14.– Izenburua: Guía clínica española del acceso vascular para hemodiálisis.

Koordinatzailea: José Ibeas dk. eta Ramón Roca-Tey dk.

Azken bertsioa: 2017-10-01.

15.– Izenburua: Gestión de calidad del líquido de diálisis (2. edizioa).

Koordinatzailea: Rafael Pérez García dk.

Azken bertsioa: 2016-03-15.

16.– Izenburua: Vuelta a diálisis del paciente trasplantado.

Koordinatzailea: Gema Fernández Fresnedo dk.

Azken bertsioa: 2009-01-08.

17.– Izenburua: Calidad en diálisis.

Koordinatzailea: María Auxiliadora Bajo eta Rafael Selgas doktoreak.

Azken bertsioa: 2007-08-02.

18.– Izenburua: Centros de hemodiálisis.

Koordinatzailea: Francisco Maduell dk.

Azken bertsioa: 2006-02-28.

19.– Izenburua: Práctica clínica en DPCA.

Koordinatzailea: Francisco Coronel dk.

20.– Izenburua: Poliquistosis renal autosómica dominante.

Koordinatzailea: Roser Torra dk.

Azken bertsioa: 2017-11-16.

21.– Izenburua: Recomendaciones de la Sociedad Española de Nefrología para el manejo de las alteraciones del metabolismo óseo-mineral en los pacientes con enfermedad renal crónica (S.E.N.– MM).

Koordinatzailea: José Vicente Torregrosa.

Azken bertsioa: 2011-09-14.

22.– Izenburua: ERC avanzada.

Koordinatzailea: Alfonso Otero dk.

23.– Izenburua: ERBP – Guía de práctica clínica sobre el manejo de los pacientes con diabetes y ERC E3B-5.

Koordinatzailea: Juan F. Navarro González.

24.– Izenburua: Fracaso renal agudo.

Koordinatzailea: Francisco Javier Gainza eta Fernando Liaño dk.

25.– Izenburua: ERBP – Itzulpena – Guía de práctica clínica para el cuidado peri y postoperatorio de la fístula y el injerto arteriovenoso para hemodiálisis en adultos.

Koordinatzailea: Jose Ibeas (ed.), Mariano Rodriguez (itzul.).

Azken bertsioa: 2020-06-30.

Estekak:

– ERBP - Itzulpena - Guía de práctica clínica para el cuidado peri y postoperatorio de la fístula y el injerto arteriovenoso para hemodiálisis en adultos.

https://www.senefro.org/readcontents.php?file=guias/5efaf0304d0bb.pdf

– Clinical practice guideline on peri- and postoperative care of arteriovenous fistulas and grafts for haemodialysis in adults.

https://academic.oup.com/ndt/article/34/Supplement_2/ii1/5514502

26.– Izenburua: Actualización de la 2.ª edición de la Guía de gestión de calidad del líquido de hemodiálisis (GGCLD) 2021.

Koordinatzailea: Rafael Pérez García.

Azken bertsioa: 2021-05-05.

Esteka:

https://senefro.org/contents/webstructure/Actual_GuiaCalidadLiquidoHD.pdf

27.– Izenburua: Poliquistosis renal autosómica dominante.

Koordinatzailea: Roser Torra dk..

Azken bertsioa: 2020-07-02.

Esteka:

https://senefro.org/contents/webstructure/APKD/Guias_Sociedad_Otsuka_V03.pdf

INTERES ZIENTIFIKOKO DOKUMENTUAK (SEN)

28.– Trasplante renal de donante vivo en España. Análisis de situación y hoja de ruta. 2020.

https://www.senefro.org/contents/webstructure/SITUACIO_N_Y_RECOMENDACIONES_TX_.pdf

29.– Propuesta de la Sociedad Española de Nefrología (S.E.N.) y la Sociedad Española de Anatomía Patológica (SEAP) para optimizar el diagnóstico histológico de la enfermedad renal. 2018.

https://www.senefro.org/contents/webstructure/CONSENSO_DEFINITIVO._SEN._SEAP.%20biopsias%20renales[2].pdf

30.– Anemia en la enfermedad renal crónica: protocolo de estudio, manejo y derivación a Nefrología. 2017.

31.– Consenso sobre la vacunación anti-neumocócica en el adulto por riesgo de edad y patología de base. 2017an eguneratua.

32.– Documento marco sobre enfermedad renal crónica (ERC) dentro de la estrategia de abordaje a la cronicidad en el SNS. 2015.

33.– Documento de consenso para la detección y manejo de la enfermedad renal crónica. 2014.

34.– Documento de la S.E.N. sobre las guías KDIGO para la evaluación y el tratamiento de la enfermedad renal crónica. 2014.

35.– Documento de consenso sobre el tratamiento de la diabetes tipo 2 en el paciente con enfermedad renal crónica. 2014.

36.– Resumen ejecutivo del documento de consenso sobre el manejo de la patología renal en pacientes con infección por VIH. 2014.

37.– Documento de consenso. Recomendaciones sobre la valoración de la proteinuria en el diagnóstico y seguimiento de la ERC. 2011.

38.– Documento de consenso SEN-semFYC sobre la enfermedad renal crónica. 2008.

39.– Documento de consenso sobre automedida de la presión arterial. 2007.

40.– Recomendaciones para la detección y tratamiento del anciano con hipertensión arterial. 2007.

41.– Consenso SEN-SEQC sobre fórmulas para estimar el filtrado glomerular. 2006.

42.– Diagnóstico y tratamiento de la nefritis lúpica. Documento de consenso del grupo de enfermedades autoinmunes sistémicas (GEAS) de la Sociedad Española de Medicina Interna (SEMI) y de la Sociedad Española de Nefrología (SEN). 2012.

KDIGO GIDAK (Kidney Disease: Improving Global Outcomes).

https://kdigo.org/guidelines/

– Acute Kidney Injury (AKI).

– Anemia in CKD.

– Autosomal Dominant Polycystic Kidney Disease (ADPKD).

– Blood Pressure in CKD.

– CKD Evaluation and Management.

– CKD-Mineral and Bone Disorder (CKD-MBD).

– Diabetes in CKD.

– Glomerular Diseases (GD).

– Hepatitis C in CKD.

– Lipids in CKD.

– Living Kidney Donor.

– Transplant Candidate.

– Transplant Recipient.

43.– KDIGO Clinical Practice Guideline on the Evaluation and Care of Living Kidney Donors. Transplantation. August 2017. Volume 101. Number 8S-1.

44.– KDIGO clinical practice guideline for the care of kidney transplant recipients. Am J Transplant. 2009. Nov; 9 Suppl 3:S1-155. doi: 10.1111/j.1600-6143.2009.02834.x.

NEFROLOGÍA AL DÍA: NEFROLOGÍA DIGITAL

Nefrologiako Espainiako Elkartearen organo ofiziala.

Gai-zerrenda:

– Nefrología clínica.

– Nefropatías congénitas y hereditarias.

– Glomerulonefritis.

– Afectación renal en las enfermedades sistémicas.

– Trastornos electrolíticos y ácido-base.

– Hipertensión arterial.

– Insuficiencia renal aguda.

– Enfermedad renal crónica.

– Diabetes y enfermedad renal crónica.

– Hemodiálisis.

– Diálisis peritoneal.

– Diálisis pediátrica.

– Síndrome cardiorrenal.

– Trasplante renal.

– Complicaciones de la enfermedad renal crónica.

– Hígado y riñón.

– Fármacos.

– Nutrición e hidratación.

– Métodos de estudio e imagen en Nefrología.

– Temas relacionados.

– Guías clínicas y documentos de consenso.

II.– GAI-ZERRENDA KOMUNA

1.– Lanbide sanitarioen antolamendurako arau orokorrak. Lanbide sanitarioetan aritzea. Profesionalen parte-hartzea.

2.– Osasun Sistema Nazionalaren kohesioko eta kalitateko xedapen orokorrak. Prestazioak. Kalitatea. Parte-hartze soziala.

3.– Osasun-zerbitzuetako estatutupeko langileen esparru-estatutuaren arau orokorrak. Eskubideak eta betebeharrak. Estatutupeko langile finkoaren izaera eskuratzea eta galtzea. Ordainsariak. Lanaldia, baimenak, lizentziak. Bateraezintasunak.

4.– Euskadiko Antolamendu Sanitarioaren Legearen Xedapen Orokorrak. Euskadiko osasun-sistema: antolamendua eta herritarren eskubideak eta betebeharrak. Kontratu-programa. Osakidetza-Euskal osasun zerbitzua Ente Publikoaren konfigurazioa. Zuzendaritza-antolakuntza. Kudeaketa-araubidea.

5.– Osakidetza-Euskal osasun zerbitzua Ente Publikoaren definizioa. Xedeak. Antolaketa gidaria: zerrendatzea. Zuzendaritza Nagusia: sormena. Zerbitzu-erakundeak: lege-aitorpena.

6.– Pertsonen eskubideak eta betebeharrak Euskadiko osasun-sisteman.

7.– Pazientearen autonomiaren gaineko printzipio orokorrak, eta eskubideak eta betebeharrak informazio eta dokumentazio klinikoko gaietan. Informazio sanitariorako eskubidea. Intimitaterako eskubidea. Pazientearen autonomiaren errespetua. Historia klinikoa. Alta-txostena eta bestelako dokumentazio klinikoa.

8.– Osasunaren arloko aurretiazko borondateak.

9.– 3/2018 Lege Organikoa, abenduaren 5ekoa, Datu Pertsonalak Babestekoa eta Eskubide Digitalak Bermatzekoa. Xedapen orokorrak: legearen xedea eta hildako pertsonen datuak. Datuak babestearen printzipioak. Pertsonen eskubideak.

10.– Emakumeen eta Gizonen Berdintasunerako Legearen xedea. Printzipio orokorrak. Jazarpen sexista.

11.– Marko Estrategikoa. Osasun Saila. 2021-2024.

12.– Osasun Plana. Euskadiko Osasun Politikak 2013-2020.

13.– Pazientearen Segurtasun Estrategia Osakidetzan 20 20.

14.– Euskadiko Arreta Soziosanitarioko Estrategia (2021-2024).

15.– Osakidetzan Euskararen Erabilera Normalizatzeko III. Plana 2022-2028: Erakundearen irudia eta komunikazioa. Paziente eta erabiltzaileekiko harremanak. Kanpoko entitateekiko harremanak.

GAI-ZERRENDA KOMUNAREN BIBLIOGRAFIA

1.– 44/2003 Legea, azaroaren 21ekoa, Lanbide Sanitarioen Antolamenduari buruzkoa.

2.– 16/2003 Legea, maiatzaren 28koa, Osasun Sistema Nazionalaren kohesioari eta kalitateari buruzkoa.

3.– 55/2003 Legea, abenduaren 16koa, Osasun-zerbitzuetako estatutupeko langileen esparru-estatutuarena.

4.– 8/1997 Legea, ekainaren 26koa, Euskadiko Antolamendu Sanitarioarena.

5.– 255/1997 Dekretua, azaroaren 11koa, Osakidetza-Euskal osasun zerbitzua Ente Publikoaren Estatutu Sozialak ezartzen dituena.

6.– 147/2015 Dekretua, uztailaren 21ekoa, Euskadiko osasun-sisteman pertsonen Eskubideei eta Betebeharrei buruzko Adierazpena onartzen duena.

7.– 41/2002 Oinarrizko Legea, azaroaren 14koa, pazientearen autonomiari eta informazio eta dokumentazio klinikoaren arloko eskubide eta betebeharrei dagokiena.

8.– 7/2002 Legea, abenduaren 12koa, osasun arloko aurretiazko borondateena.

9.– 3/2018 Lege Organikoa, abenduaren 5ekoa, Datu Pertsonalak Babestekoa eta Eskubide Digitalak Bermatzekoa.

10.– 4/2005 Legea, otsailaren 18koa, Emakumeen eta Gizonen Berdintasunerakoa.

11.– Marko Estrategikoa. Osasun Saila. 2021-2024.

https://www.euskadi.eus/contenidos/informacion/marco_estrategico_2021_2024/eu_def/adjuntos/Marco-Estrategikoa-Osasun-Saila-2021-2024.pdf

12.– Osasun Plana. Euskadiko Osasun Politikak 2013-2020.

https://www.euskadi.eus/libro/euskadiko-osasun-politikak-2013-2020-politicas-de-salud-para-euskadi-2013-2020/web01-a2ingkli/eu/

13.– Pazientearen Segurtasun Estrategia Osakidetzan 20 20.

https://www.euskadi.eus/contenidos/informacion/cinfo_estrategia_seg_paciente/eu_def/adjuntos/ESTRATEGIA2020_eu.pdf

14.– Euskadiko Arreta Soziosanitarioko Estrategia (2021-2024).

https://www.euskadi.eus/contenidos/documentacion/doc_sosa_soziosanitario_estrat/eu_def/adjuntos/estrategia_sociosanitara_187x280_eu_web.pdf

15.– Osakidetzan Euskararen Erabilera Normalizatzeko III. Plana 2022-2028.

https://www.osakidetza.euskadi.eus/contenidos/informacion/osk_ii_euskara_plana/eu_def/adjuntos/Osakidetzan-Euskararen-Erabilera-Normalizatzeko-III-Plana.pdf

IV. ERANSKINA

PNEUMOLOGIAKO FEM

I.– GAI-ZERRENDA OROKORRA

1.– Birikaren anatomia. Arnas aparatuaren hazkundea eta garapena.

2.– Arnasketako fisiologia: aireztapena eta gas-trukatzea. Biriketako zirkulazioa eta balantze fluidoa.

3.– Arnasketa altitude handietan eta sakontasunetan.

4.– Biriken defentsako mekanismoak. Mukiaren ekoizpena, sekrezioa eta argitzea. Biriketako surfaktantea. Monozitoak, makrofagoak eta zelula dendritikoak.

5.– Beheko arnasbideko infekzioen diagnostiko mikrobiologikoa.

6.– Bronkoskopia, torakoskopia eta beste teknika inbaditzaile batzuk.

7.– Irudi-teknikak arnasketako patologian.

8.– Biriketako funtzioaren probak. Ebakuntza-aurreko ebaluazioa. Arnasketako desgaitasunaren balorazioa.

9.– Hemoptisia.

10.– Arnasketako infekzio birikoak.

11.– Komunitatean hartutako pneumonia.

12.– Pneumonia nosokomiala.

13.– Birikako abzesua eta enpiema.

14.– Tuberkulosia eta beste gaixotasun mikobakteriano batzuk.

15.– Arnas aparatuko gaixotasun fungikoak eta parasitarioak.

16.– Paziente immunodeprimituaren arnasketako infekzioak.

17.– Aireztapen-kontrolaren asaldurak.

18.– Loaren apnearen-hipopnearen sindromea.

19.– Biriketako gaixotasun buxatzaile kronikoa.

20.– Bronkioetako asma.

21.– Bronkiektasiak. Fribrosi kistikoa.

22.– Goiko arnasbidearen asaldurak.

23.– Kartzinoma bronkogenikoa: diagnostikoa, estadifikazioa eta terapeutikoki nola aurre egin. Ebakuntza aurreko balorazioa.

24.– Biriketako beste neoplasia batzuk.

25.– Biriketako tronboenbolia. Gaixotasun tronboenbolikoa.

26.– Biriketako hipertentsioa. Cor pulmonale.

27.– Birika bihotz-gutxiegitasunean.

28.– Biriketako edema. Biriketako lesio akutua.

29.– Biriketako fistula arteriobenosoak, eta beste biriketako anomalia baskularrak.

30.– Gibeleko eta biriketako sindromea. Biriketako patologia hesteko hanturazko gaixotasunetan.

31.– Birika gaixotasun sistemikoetan. Biriketako baskulitisa eta odoljarioak.

32.– Pneumonia interstizial idiopatikoak.

33.– Sarkoidosi torazikoa.

34.– Biriketako eosinofiliak.

35.– Linfangiolehiomiomatosia, proteinosi albeolarra eta beste infiltrazio-gaixotasun batzuk.

36.– Hipersentikortasun pneumonitisa.

37.– Bronkiolitisa.

38.– Pneumokoniosia.

39.– Toxikoen eta farmakoek sortutako biriketako lesio sekundarioak.

40.– Pneumonitis erradioterapikoa.

41.– Traumatismo torazikoak. Saihets-hausturak. Biriketako kontusioa.

42.– Pleurako isuria.

43.– Pneumotoraxa.

44.– Pleurako tumore primarioak eta metastasikoak.

45.– Pneumomediastinoa, mediastinitisa eta tumore mediastinikoak.

46.– Diafragmaren nahasmenduak.

47.– Gaixotasun neuromuskularrak edo kutxa torazikoko gaixotasunak dituzten pazienteen birikak.

48.– Aireztapen mekanikoa.

49.– Aireztapen hutsegite akutua.

50.– Arnas gutxiegitasun hipoxemikoa. Helduaren arnasketaren distresaren sindromea.

51.– Arnasketako errehabilitazioa.

52.– Biriketako transplantea.

53.– Tabakoa erretzeari uztea.

GAI-ZERRENDA OROKORRAREN BIBLIOGRAFIA

1.– Broaddus, V. C., Ernst, J. D., King, T. E., Lazarus, S. C., Sarmiento, K. F., Schnapp, L. M., Stapleton, R. D., & Gotway, M. B: Murray & Nadel's textbook of Respiratory Medicine. 6th edition. Elsevier. 2021.

2.– Fraser, R. S.: Fundamentos de las enfermedades del tórax. Masson.2006.

3.– Light, R. W. & Gary, L. Y. C.: Textbook of pleural diseases. CRC Press. Taylor & Francis Group. 2016.

4.– Grippi: Fishman's pulmonary diseases and disorders. 5th edition. McGraw-Hill. 2015.

5.– West JB: Fisiología respiratoria. 5. edizioa. Editorial Panamericana. Buenos Aires. 1996.

6.– Martin Escribano PM, Ramos Seisdedos G, Sanchis Aldas J: Medicina respiratoria. 2. edizioa. SEPAR. Aula Médica Ediciones. Madril. 2005.

7.– Jimenez Ruiz CA, Fagerström KO. Tratado de tabaquismo. Aula Médica Ediciones. Madril. 2005.

8.– UpToDate informazio mediko klinikoko baliabidea.