IV. Inklusio Jardunaldia

Stephen Sinclair

Stephen Sinclair Gizarte Politikako katedraduna eta Eskoziako Pobreziari eta Desberdinkeriari buruzko Ikerketa Unitateko zuzendarikidea da Glasgow Caledonian University (GCU) unibertsitatean, eta irakasle bisitaria ere bada Parmako Unibertsitatean. Strathclyde, Oxford eta Kenteko unibertsitateetan egin zituen ikasketak, eta 2006an GCUn sartu aurretik, Anglia Ruskin Unibertsitatean, Heriot-Watt Unibertsitatean eta Eskoziako Gobernuan lan egin zuen.

Gizarte-politikaren hainbat alderdiri buruzko liburuak eta lan akademiko nahiz bestelakoak idatzi ditu eta kolaborazioak egin ditu, bereziki, haurren pobreziari dagokionez. Bere azken argitalpena (2024ko martxoan argitaratua) International Handbook of Social Innovation and Social Policy/Berrikuntza Sozialaren eta Gizarte Politikaren Nazioarteko Eskuliburua da (Simone Baglioni-rekin batera argitaratua).

Erresuma Batuko Politika Batzordeko Haur Pobreziaren aurkako Ekintza Taldeko kide da, baita Eskoziako Aholku Batzordekoa ere. Journal of Poverty & Social Justice aldizkariko Argitalpen Kontseiluaren lehendakaria da, Goi-mailako Hezkuntzako Akademiako kide seniorra, eta ESRC kontseiluko Peer Review College-ko kidea.