Otsailaren 18ko 41/2003 Dekretuaren bitartez Euskal Autonomia Erkidegoko barruko uretan txitxardinaren arrantza arautu zen, bai eta, besteak beste, lizentziak ematea, lizentzia-motak, indarraldia edo baimendutako arrantza-tresnak.

Halaber, aipatutako 41/2003 Dekretuaren 6. artikuluan ezarritakoaren arabera, orohar, txitxardinaren arrantzaldia urriaren 15ean hasi eta hurrengo urteko martxoaren 15ean amaitzen da. Aldi horretatik kanpo debekatuta dago txitxardina harrapatzea.

Artikulu horretan xedatutakoa gorabehera, eta kontuan hartuta Prestige petrolio-ontziak isuritako fuel-olio emultsionatua euskal kostaldera etengabe datorrela, komenigarria da zuhurtziaz eta aldi baterako, Euskal Autonomia Erkidegoko barruko uretan txitxardinaren arrantza debekatzea.

Debeku horren oinarria egun eskura ditugun datu tekniko eta zientifikoetan datza. Nolanahi ere, neurri hori aldi baterako hartu da, eta, txosten zientifikoek horretarako bide ematen duten unean berriz ere irekiko da txitxardin-arrantzaldia.

Adierazitakoaren arabera, eta Itsas arrantzari buruzko martxoaren 13ko 6/1998 Legean eta ezargarri diren gainerako arauetan zehaztutakoarekin bat etorriz, honako hau