Euskal Herriko Agintaritzaren Aldizkaria

251. zk., 2024ko abenduaren 27a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Oposaketak eta lehiaketak

HERRI KONTUEN EUSKAL EPAITEGIA

5957

73/2024 EBAZPENA, 2024ko abenduaren 16koa, Herri Kontuen Euskal Epaitegiaren lehendakariarena, 2024rako ohiko lan-eskaintza publikoa onartzen duen epaitegi honetako Osoko Bilkuraren erabakia argitara ematen duena.

Euskal Enplegu Publikoari buruzko abenduaren 1eko 11/2022 Legearen artikuluan ezarritakoari jarraikiz, zeina Herri Kontuen Euskal Epaitegiari aplikatu beharrekoa baita 11/2022 Legeak berak ezartzen duen osagarritasunaren arabera.

HKEEren Osoko Bilkura da HKEEren lan-eskaintza publikoa onartzeko organo eskuduna. Behin lan-eskaintza onartuta, Lehendakaritzak EHAAra bidaliko du, argitaratzeko eta dagozkion ondorioak izateko, Herri Kontuen Euskal Epaitegiaren 1/1988 Legearen III. tituluko II. kapituluan eta Herri Kontuen Euskal Epaitegiaren Barne Araubideko Araudian, 5.5 artikuluko i) letran, ezarritakoaren arabera.

Horrenbestez, Osoko Bilkurak aho batez erabakitzen du:

Lehenengoa.– Onartzea Herri Kontuen Euskal Epaitegiaren 2024rako ohiko lan-eskaintza publikoa; eskaintza eranskin modura atxiki zaio erabaki honi.

Bigarrena.– Erabaki hau Euskal Herriko Agintaritzaren Aldizkarian argitaratzea. Erabakia behin betikoa da administrazio-bidean, eta, beronen aurka, administrazioarekiko auzi-errekurtsoa aurkeztu ahal izango da Euskal Autonomia Erkidegoko Auzitegi Nagusiko Administrazioarekiko Auzien Salan, bi hilabeteko epean, erabakia argitaratu eta hurrengo egunetik aurrera. Hala ere, nahi izanez gero, eta aipatutako administrazioarekiko auzi-errekurtsoa jarri aurretik, berraztertzeko errekurtsoa aurkeztu ahal izango zaio Osoko Bilkurari, hilabeteko epean, agindua argitaratu eta hurrengo egunetik hasita.

Vitoria-Gasteiz, 2024ko abenduaren 17a.

HKEEren lehendakaria,

ANA HELGUERA LÍBANO.

HKEEren idazkari nagusia,

JULIO ARTETXE BARKIN.

ERANSKINA

ESKAINITAKO PLAZAK

Funtzionarioak.

Txanda librea.

Auditore urgazlea, A taldea, A2 azpitaldea, 3. hizkuntza eskakizuna (derrigortasun-data: 2027-06-30): 5 plaza.

Azterketa dokumentala