RSS
191. zk., 2024ko urriaren 1a, asteartea
- Bestelako formatuak:
- PDF (140 KB - 2 orri.)
- EPUB (148 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
EUSKAL HERRIKO UNIBERTSITATEA
4518
EBAZPENA, 2024ko irailaren 11koa, Universidad del País Vasco / Euskal Herriko Unibertsitateko idazkari nagusiarena, Prozesu eta Produktuen Berrikuntzaren Ingeniaritzako graduaren ikasketa planaren aldaketa argitaratzeko agindua emateko dena.
Unibertsitateko irakaskuntzen antolamendua eta haien kalitatea bermatzeko prozedura ezartzen dituen irailaren 28ko 822/2021 Dekretuan xedatutakoarekin bat etorrita, Prozesu eta Produktuen Berrikuntzaren Ingeniaritzako graduaren titulu ofiziala lortzera zuzendutako ikasketa planaren aldaketa behin ebatzita (2013ko otsailaren 8ko Estatuko Buletin Ofizialean argitaratuta), eta Gradu eta Masterreko titulazio ofizialak egiaztatzeko-baimentzeko, jarraipena egiteko, aldatzeko eta akreditatzeko Gidako 3. atalean adierazitako prozedurari jarraiki (Unibasq-Euskal Unibertsitate Sistemaren Kalitate Agentziaren Aholku Batzordeak 2023ko ekainaren 14an onartua), honako hau
UPV/EHUren Estatutuetako 187.1.d) artikuluak idazkari nagusiari esleitzen dio UPV/EHUko erabaki guztien publizitatea bermatzeko eginkizuna. Bestalde, 39/2015 Legeko 131. artikuluak xedatzen du arautegi eta xedapen administratiboak kasuan kasuko aldizkari ofizialean argitaratu beharko direla, indarrean jarri eta ondorio juridikoak izan ditzaten, bat etorrita Euskal Unibertsitate Sistemari buruzko otsailaren 25eko 3/2004 Legeak dioenarekin 10. artikuluan.
EBATZI DUT:
Agindua ematea argitara dadin Universidad del País Vasco / Euskal Herriko Unibertsitateko Prozesu eta Produktuen Berrikuntzaren Ingeniaritzako graduaren ikasketa planaren aldaketa, ebazpen honen eranskinean jasota dagoen moduan. Ebazpen honen bidez aldatzen den ikasketa plana 2013ko martxoaren 13ko Estatuko Buletin Ofizialean eta 2013ko martxoaren 20ko Euskal Herriko Agintaritzaren Aldizkarian argitaratu zen Euskal Herriko Unibertsitateko errektorearen 2013ko otsailaren 18ko Ebazpenaren bidez.
Ikasketa planaren aldaketak ondorioak izango ditu 2024-2025 ikasturtetik aurrera.
Leioa, 2024ko irailaren 11.
Idazkari nagusia,
AITOR ZURIMENDI ISLA.
