Euskal Herriko Agintaritzaren Aldizkaria

160. zk., 2024ko abuztuaren 19a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

ELIKADURA, LANDA GARAPEN, NEKAZARITZA ETA ARRANTZA SAILA

3986

AGINDUA, 2024ko uztailaren 9koa, Elikadura, Landa Garapen, Nekazaritza eta Arrantzako sailburuarena, zeinaren bidez onartzen baitira Euskal Autonomia Erkidegoko elikakatea eta zuraren katea digitalizatzeko laguntzen 2024rako deialdiaren oinarriak.

Eusko Jaurlaritzak Europako estrategiaren testuinguruan zehaztu du Euskadiko Eraldaketa Digitalerako Estrategia 2025.

Eraldaketa digitaleko testuinguru batean gaude gizartearen esparru guztietan, eta horrek eragina du nola ekonomian hala gizartean. Jasangarritasun-helburuei jarraikiz, Europako Batzordeak, Europako Parlamentuaren eta Europako Kontseiluaren erregelamendu-proposamen baten bidez, Europa Digitala 2021-2027 programa ezarri du. Programaren helburu orokorra EBren, estatu kideen eta industriaren inbertsioak sustatzea da, Europako ekonomiaren, industriaren eta gizartearen eraldaketa digitala bultzatzeko eta, horrela, lehiakortasuna hobetzeko, eten digitala murrizte eta EBren autonomia estrategikoa indartze aldera.

Zientzia, Teknologia eta Berrikuntzako Euskadi 2030 Plan berriak (ZTBP Euskadi 2030) islatzen duen bezala, gure autonomia-erkidegoak hiru esparrutako eraldaketa bati egin behar dio aurre: teknologiko-digitala, energetiko-klimatikoa eta sozial-sanitarioa. Iraultza teknologiko-digitalak ekonomiaren sektore guztiei eragingo die. Sektore horiek trantsizio-prozesu batean daude, antolamendu-metodo tradizionalen eta digitalizazioan oinarritutako antolaketaren artean. Horretarako, prozesuen automatizazioan eta hobekuntzan aurrera egiten ari dira, baita soluzio malguak eta robotizazio, fabrikazio gehigarri edo konektibitateko teknologiak txertatzen ere makinen eta ekipamenduen artean, horixe baita adimen artifizialeko eta Big Data teknologiak aplikatzeko funtsa.

Digitalizazioa, ikerketa, garapen teknologikoa eta berrikuntza herrialdeen garapen ekonomikoaren adierazleak dira, baita produktibitaterako, lehiakortasunerako eta hazkunde jasangarrirako faktore erabakigarriak ere. EAE, azken hamarkadotan, ahalegin publiko eta pribatu bateratua egiten ari da espezializazio adimendunaren eta ezagutza-gizartearen sustapenean funtsatuta, EAE Europako berrikuntza-gune bihurtzea dela lehentasunezko helburua.

Europar Batasunaren ingurunean, EAE egoera aurreratuan dago bere ekonomia eta gizartea digitalizatzeari dagokionez, Ekonomia eta Gizarte Digitalen Europako Indizearen arabera (DESI 2023, Orkestra, Lehiakortasunerako Euskal Institutuak argitaratua). Ekonomia eta Gizarte Digitalen Europako Indizea (DESI) izenekoan egindako konparazio bati jarraiki, EAE zazpigarren dago garapen digitalean Europako herrialdeen batezbestekoarekin alderatuta. Indize horrek bost alderdi neurtzen ditu: konektagarritasuna; giza kapitala; Interneteko zerbitzuen erabilera; teknologia digitalak enpresetan txertatzea, eta zerbitzu publiko digitalak. EAE bost alderdi horietatik lautan dago lehen zortzi herrialdeen artean; Interneteko zerbitzuen erabilera da salbuespen bakarra.

Beste sektore batzuetan eraldaketa digitalerako bidea onartuta eta hasita badago ere, elikagaien sektorea moteldu egiten da bere kasuistika espezifikoa dela medio. Elikagaiak heterogeneoak dira eta iraungi egiten dira; horregatik, elikagaiak manipulatzea eta eraldatzea ohi baino konplexuagoa da.

Kontuan izan behar da, gainera, elikagaien eta zuraren balio-kateko enpresen ezaugarri komun bat tamaina dela, neurri handi batean enpresa txiki eta ertainek eta mikroenpresek osatzen baitute. Bestalde, badakigu sektore hori tradizionala dela, eta, orokorrean, industrializazio-maila handiagoa duten beste sektore batzuetan baino motelago sartzen direla teknologia eta prozesu berriak.

Elikaduraren balio-katea EAEko BPGd-aren % 10,6 da, eta 31.000 bat enpresa izanik, guztira 95.000 enplegu baino gehiago sortzen ditu. Zuraren balio-katea, berriz, BPGd-aren % 1,54 da, eta 18.000 lanpostu sortzen ditu. Digitalizazioak eta teknologia digitalen erabilera adimendunak zeregin erabakigarria dute enpresen berrikuntza, lehiakortasuna eta hazkundea arrakastatsua izan daitezen, eta horiek merkatuan kokapen sendoagoa izateko aukerak eskaintzen dituzte. Digitalizazioak berrikuntza ugari eskaini ditzake prozesuetan, eta, beraz, entitateei aukera ematen die lehiakideengandik bereizteko; esate baterako, fabrikazio-enpresei eta enpresa txikizkariei aukera ematen die ekoizpenaren efizientzia hobetzeko, fabrikazio-prozesuak eta hornidura-katea automatiza baititzakete.

Agindu honen xedea da laguntzen deialdia egitea gastu eta inbertsioak egiteko digitalizazio-proiektuetan eta 4.0 teknologia txertatzeko proiektuetan, EAEko elikakateko eta zuraren kateko lehiakortasuna hobetzeko eta baliabideak optimizatzeko.

Gainera, deialdi honetan egokitzat jo da teknologia berriak txertatzeko laguntza ematea behi-, ahuntz,- ardi- eta zaldi-aziendak kudeatzeko, desagertzen ari den figura tradizional baten aurrean ofizio bat mantentzeaz gain, hainbat jatorritako baliabide naturalen larratzea optimizatu ahal izateko (haraneko belardiak udaberrian eta udazkenean; mendiko herri-belardiak udan; uztondoak udan zereala bildu ondoren; erabilera publikoko mendia udazkenean eta neguan, basoko larratzearen bidez, etab.), urtean zehar hainbat unetan erabilera egokituz, ingurumena hobetzeko bokazioarekin oso lotuta.

Larratze-lan horrek natura-ingurunea ahalik eta ondoen kudeatzen laguntzen du, eta ingurumen- eta gizarte-onurak dakartza. Ingurumenarentzat dakartzan onurak, besteak beste: suteen aurkako larratzea, lugorriak garatzea, goi-tentsioko lineak eta suebakiak zaintzea, natura-igarobideak mantentzea, ekosistema-zerbitzuak sustatzea, mendian sastrakak mekanikoki kentzea eta gehiegizko larratzea.

Agindu honen bidez iragarritako laguntzak jasota daude Ekonomiaren Garapen, Jasangarritasun eta Ingurumeneko Sailaren 2024, 2025 eta 2026. urteetarako Dirulaguntzen Plan Estrategikoan. Plan estrategiko hori Ekonomiaren Garapen, Jasangarritasun eta Ingurumeneko sailburuaren 2023ko abenduaren 28ko Aginduaren bidez onartu zen (Ekonomiaren Garapen, Jasangarritasun eta Ingurumen Sailaren 2024, 2025 eta 2026. urteetarako Dirulaguntzen Plan Estrategikoa onartzen duena). Plan horren bertsio eguneratua Eusko Jaurlaritzaren web-orrian dago argitaratuta, «euskadi.eus», sailari eskainitako gunean eta «Planak eta proiektuak» atalean.

Laguntzak, lehen bi lerroetan, de minimis laguntzen esparruaren arabera emango dira, eta honako hauek aplikatu beharko dira: Europako Batzordearen 2023/2831 (EB) Erregelamendua, abenduaren 13koa, Europar Batasunaren Funtzionamenduari buruzko Tratatuaren 107. eta 108. artikuluak de minimis laguntzei aplikatzeari buruzkoa; Europako Batzordearen 1408/2013 (EB) Erregelamendua, 2013ko abenduaren 18koa, Europar Batasunaren Funtzionamenduari buruzko Tratatuaren 107. eta 108. artikuluak nekazaritza-sektoreko de minimis laguntzei aplikatzeari buruzkoa; Europako Batzordearen 717/2014 (EB) Erregelamendua, 2014ko ekainaren 27koa, Europar Batasunaren Funtzionamenduari buruzko Tratatuaren 107. eta 108. artikuluak arrantza- eta akuikultura-sektoreko de minimis laguntzei aplikatzeari buruzkoa, eta aplikagarriak izan daitezkeen Estatuko nahiz Europar Batasuneko zuzenbideko gainerako xedapenak.

Hirugarren lerrorako, Europako Batzordearen 2022ko abenduaren 14ko 2022/2472 (EB) Erregelamenduan xedatutakoa aplikatuko da. Erregelamendu horren bidez, nekazaritza- eta basogintza-sektoreetan eta landa-eremuetan barne-merkatuarekin bateragarriak diren zenbait laguntza-kategoria deklaratzen dira Europar Batasunaren Funtzionamenduari buruzko Tratatuaren 107. eta 108. artikuluak aplikatuz.

Erregelamendu horietan jasotzen diren laguntzak merkatu erkidearekin bateragarriak direla ulertzen da, eta, beraz, ez dute Europar Batasunaren baimenik behar, baldin eta estatu kideek erregelamendu horietan ezarritakoa errespetatu eta betetzen badute laguntzak arautu eta esleitzean. Erregelamendu horietan xedatutakoaren barruan sartzen dira agindu honetako laguntzak.

Xedapen hauetan ezarritakoari jarraikiz ebatziko da laguntza-emakida: 38/2003 Lege Orokorra, azaroaren 17koa, Dirulaguntzei buruzkoa; 887/2006 Errege Dekretua, uztailaren 21ekoa, Dirulaguntzei buruzko Lege Orokorraren Erregelamendua onartzen duena, eta 20/2023 Legea, abenduaren 21ekoa, Dirulaguntzen Araubidea Erregulatzekoa (EAEko Administrazio Publikoaren dirulaguntzak arautzen dira bertan).

Aurrekontu-zuzkidura nahikoa dago Euskal Autonomia Erkidegoko 2024. urteko Aurrekontu Orokorrak onartzen dituen abenduaren 22ko 21/2023 Legeak baimendutako kredituen arabera, eta, Euskal Autonomia Erkidegoko aurrekontu-araubideari dagokionez indarrean dauden lege-xedapenen testu bategina onartzen duen maiatzaren 24ko 1/2011 Legegintzako Dekretuan ezarrita dagoenari jarraikiz, laguntza-deialdi honek aurrekontu-estaldura nahikoa du.

Eta, Jaurlaritzari buruzko ekainaren 30eko 7/1981 Legeari jarraikiz (lege horren 26.4 artikuluaren arabera, Jaurlaritzako kide gisa dagozkien eskumenak alde batera utzi gabe, sailburuek beren sailari dagozkion gaietan administrazio-xedapen orokorrak eta ebazpenak emateko eskudantzia izango dute), honako hau

EBAZTEN DUT:

Artikulu bakarra.– Deialdia.

Onartzea Euskal Autonomia Erkidegoko elikakatea eta zuraren katea digitalizatzeko laguntzen 2024rako deialdiaren oinarriak, agindu honen eranskinean jasota daudenak.

AZKEN XEDAPENETAKO LEHENENGOA.– Errekurtsoak.

Agindu honen aurka, berraztertzeko errekurtsoa jarri ahal izango zaio Elikadura, Landa Garapen, Nekazaritza eta Arrantzako sailburuari, hilabeteko epean, agindua argitaratu eta hurrengo egunetik aurrera. Bestela, administrazioarekiko auzi-errekurtsoa jar daiteke Euskal Autonomia Erkidegoko Justizia Auzitegi Nagusiko Administrazioarekiko Auzien Salan, bi hilabeteko epean, agindua argitaratu eta hurrengo egunetik aurrera.

AZKEN XEDAPENETAKO BIGARRENA.– Ondorioak.

Agindu honek Euskal Herriko Agintaritzaren Aldizkarian argitaratu eta hurrengo egunetik aurrera izango ditu ondorioak.

Vitoria-Gasteiz, 2024ko uztailaren 9a.

Elikadura, Landa Garapen, Nekazaritza eta Arrantzako sailburua,

AMAYA BARREDO MARTÍN.

I. ERANSKINA

1. oinarria.– Xedea eta helburua.

1.– Agindu honen xedea da Euskal Autonomia Erkidegoko elikakatean eta zuraren katean digitalizazioa txertatzeko eta sustatzeko laguntzen deialdia egitea, lehiakortasuna hobetze aldera.

2.– Agindu honetan araututako laguntzek hiru helburu dituzte: batetik, enpresei laguntzea digitalizazio-prozesua hasten, sistema digitalak txerta ditzaten; bestetik, digitalizazio-fase aurreratuan dauden enpresei laguntzea, 4.0 teknologia txerta dezaten, Euskal Autonomia Erkidegoko elikakatean eta zuraren katean eragina duten digitalizazio-proiektu estrategikoak sustatuz, eta, azkenik, digitalizazio-teknologia berriak zabaltzea aziendaren kudeaketan.

2. oinarria.– Laguntzen izaera.

Dirulaguntza-programa honetan, publizitatearen, gardentasunaren, lehiaren, objektibotasunaren, berdintasunaren eta diskriminaziorik ezaren printzipioak bete behar dira.

Agindu honetan aurreikusitako laguntzak lehiaketa bidezko norgehiagokaren bidez esleituko dira, Dirulaguntzen Araubidea Erregulatzeko abenduaren 21eko 20/2023 Legearen 19.1 artikuluan ezarritakoaren arabera.

Programa honen esparruan emandako laguntzak itzuli beharrik gabeko dirulaguntzak izango dira.

3. oinarrian aipatu diren 3.a eta 3.b lerroetan emango diren laguntzak Estatuaren laguntzak izango dira, eta, beraz, hauek aplikatuko zaizkie:

– Europako Batzordearen 2023/2831 (EB) Erregelamendua, abenduaren 13koa, Europar Batasunaren Funtzionamenduari buruzko Tratatuaren 107. eta 108. artikuluak de minimis laguntzei aplikatzeari buruzkoa: 300.000 euro onuradun bakoitzeko.

– Europako Batzordearen 1408/2013 (EB) Erregelamendua, abenduaren 18koa, Europar Batasunaren Funtzionamenduari buruzko Tratatuaren 107. eta 108. artikuluak nekazaritza-sektoreko de minimis laguntzei aplikatzeari buruzkoa: 25.000 euro onuradun bakoitzeko.

– Europako Batzordearen 717/2014 (EB) Erregelamendua, ekainaren 27koa, Europar Batasunaren Funtzionamenduari buruzko Tratatuaren 107. eta 108. artikuluak arrantza- eta akuikultura-sektoreko de minimis laguntzei aplikatzeari buruzkoa: 40.000 euro onuradun bakoitzeko.

Erregelamendu horiek aplikatzekoak dira, hargatik eragotzi gabe aplikagarriak izan daitezkeen Estatuko nahiz Europar Batasuneko zuzenbideko gainerako xedapenak.

Hirugarren lerrorako, 3.c, Europako Batzordearen 2022ko abenduaren 14ko 2022/2472 (EB) Erregelamenduan xedatutakoa aplikatuko da. Erregelamendu horren bidez, nekazaritza- eta basogintza-sektoreetan eta landa-eremuetan barne-merkatuarekin bateragarriak diren zenbait laguntza-kategoria deklaratzen dira Europar Batasunaren Funtzionamenduari buruzko Tratatuaren 107. eta 108. artikuluak aplikatuz.

3. oinarria.– Laguntza-lerroak eta diruz lagundu daitezkeen jarduketak.

Agindu honen 1. oinarriko xedea lortzeko, laguntza hauek emango dira:

3.a.– Enpresei digitalizatzen hasten laguntzeko laguntzak. Aurrerapauso bat egin eta sistema digitalak txertatu nahi dituzten enpresak dira helburua. Zerbitzuak finantzatzeko aukera izango dute, hala nola digitalizazio integraleko planak ezartzeko edo tresna digitalak txertatzeko enpresaren jarduera-eremu guztietan –esate baterako, elikakateari lotutako produktuen kudeaketan, ekoizpenean edo merkaturatzean–. Diruz lagundu ahalko dira, besteak beste, honako jarduera hauekin lotutako jarduketak:

– Diagnostikoak garatzea soluzio digitalak ezartzeko.

– Enpresan kudeaketa aurreratuko sistemak ezartzea, hala nola ERP (Enterprise Resource Planning edo enpresa-baliabideak planifikatzeko sistemak), Business Intelligence deritzona (negozio-adimena), etengabe hobetzeko zerbitzua, mantentze-lan prebentiboa, hornidura-katearen kudeaketa logistikoa, etab.

– Produktuaren bizi-zikloaren kudeaketa; horrelako aplikazioak ezartzea: CAM (ordenagailuz lagundutako fabrikazioa), EAE (ordenagailuz lagundutako ingeniaritza), PDM (produktuaren datuen kudeaketa), DMF (manufaktura digitala) eta antzekoak.

– Merkataritza elektronikoa ezartzea: erosketa elektronikoak, salmenta elektronikoak, B2B (Business to Business) proiektuak, B2C (Business-to-Consumer) proiektuak eta abar.

– Telelana txertatzeko edo hobetzeko sistemak sustatzea, duten izaeragatik EAEko elikakatearen eta zuraren katearen sektoreak berezkoa duen aldiberekotasunik gabe –ez fisikorik ez denborazkorik– egiteko aukera ematen duten zereginak gauzatzean.

– Eskuratutako tresnak abian jartzeko beharrezkoak diren prestakuntza-jarduketak programatzea eta eskaintzea.

3.b.– Digitalizazio-fase aurreratuan dauden eta elikagaien eta zuraren balio-kateko produktuak egiteko 4.0 teknologia txertatu nahi duten enpresentzako laguntzak. Diruz lagundu ahalko dira, besteak beste, honako jarduera hauekin lotutako jarduketak:

– Enpresen digitalizazio-egoeraren diagnostikoa, askotariko 4.0 teknologien ezarpen-maila baloratzeko.

– Mota hauetako azpiegiturak garatzea:

• Plataforma txertatuak, biltegiratzeko, kontrolerako, alertak sortzeko, negozio-analitikako eta txostenak sortzeko oinarrizko funtzionalitateekin.

• Datuak, kudeaketa-sistema korporatiboak eta enpresarako edo balio-katerako garrantzitsuak diren kanpo-datuak biltegiratzeko plataforma digitalekin osatzea.

• Makina eta sistema industrial guztiak plataforma digitaletan txertatzen amaitzea.

• Prozesu industrial guztietan zibersegurtasun-soluzio oso bat ezartzea: segurtasun-soluzioak gaitzea, gorabeherak eta arrotzak antzemateko eta horiei denbora errealean erantzuteko.

– Digitalizazioa ekoizpen-prozesuan eta produktuen kontrolean:

• Ikuskapen-sistemak eta sentsorika aurreratua eratzea.

• Soluzio automatizatuak eta sistema robotikoak planifikatzea eta diseinatzea.

• Prozesuko datu garrantzitsuak lortu eta txertatzea historikoen ekoizpena eta sorkuntza kudeatzeko plataforman.

• Prozesuak optimizatzea, datuak tratatzeko teknikak aplikatuz (machine learning deritzona, etab.).

• Prozesuen eta produktuen datuak digitalizatzea eta plataforman edo hodeian ostatatzea.

• Erabiltzailearen interfazea (HMI Human Machine Interface) hobetzeko plan bat egitea eta abian jartzea, soluzio digitalen bidez (adib. sentsoreak, tableta, etab.), langileen gaitasunak, prestakuntza (adib. langile berriak), osasuna eta laneko segurtasuna hobetzeko, besteak beste.

– Elikakatearen, zuraren katearen eta horien industriaren negozio-datuak analizatzea:

• Datuak analizatzeko ereduak garatzea ikaste automatikoko tekniken eta antzekoen bidez.

• Ekoizpen-prozesua optimizatzeko eta produktuaren kalitatea, segurtasuna eta osotasuna ziurtatzeko aurreikuspen- eta agindu-ereduak garatzea: bai enpresaren barruko prozesuaren mailan (adib. prozesuaren efizientzia hobetzea), bai balio-katearen mailan (prozesuen artean).

• Enpresatik edo balio-katetik kanpoko datuak txertatzea, merkatuari, bezeroari, sare sozialei, klimari, inguruneari eta abarri buruzko datuak barne.

– Katearen ekosistema / konektagarritasuna / negozio-adimena ezartzea:

• Ekosistemako eragile guztiekin datuak partekatzeko eta ondoriozko IPR (jabetza intelektuala eta industriala) kudeatzeko plana definitzea.

• Merkatuaren eta kontsumitzaileen eskariaren zaintza eta prospektiba, denbora errealean.

• Hornitzaileekin, bezeroekin eta azken erabiltzaileekin –adibidez, kontsumitzaileekin– lehen harreman digitalak garatzea (esaterako, eskariaren araberako eskaeren automatizazioa...).

• Kudeaketa indibidualizatu eta proaktiboa duen eta bezero edo azken erabiltzailearengana (adibidez, kontsumitzailea) bideratuta dagoen arreta-sistema bat ezartzea.

• Katearen gainerako mailekin, hornitzaile nagusien, bezeroen eta kateko beste eragile batzuen informazio-sistemekin osatzea.

• Informazio partekatuaren trazabilitaterako, kalitate-kontrolerako eta subiranotasunerako sistema bat ezartzea.

• Negozio-eredu berriak sortzea, datu adimendunen kudeaketan eta tratamenduan funtsatuta.

• Elkarlaneko berrikuntzara, gardentasunera, komunikaziora eta abarretara bideratutako Open Data plataformak garatzea.

– Eskuratutako tresnak abian jartzeko beharrezkoak diren prestakuntza-jarduketak.

Euskal Autonomia Erkidegoko elikakatean eta zuraren katean eragina duten eta digitalizazio-fase aurreratuan dauden enpresen proiektuak bakarrik jo ahal izango dira digitalizazio-proiektu estrategikotzat.

3.c.– Abeltzaintza-ustiategientzako laguntzak, behi-, ardi-, ahuntz- eta zaldi-azienda geolokalizatzeko lepokoak eta itxitura digitalak eskuratzeko.

Lepokoek, gutxienez, honako zehaztapen hauek izan beharko dituzte:

– Animaliaren posizionamendua kontrolatzea denbora errealean – mugikorrerako edo webgunerako aplikazioaren bidez bistaratzea.

– Hesi birtualak sortzeko eta aziendaren baztertze-eremuak zehazteko aukera, mugikorrerako edo webgunerako aplikazioaren bidez.

– Ekipoek animaliekin elkarreragiteko aukera izan behar dute, animaliek errespeta ditzaten mugikorrerako edo webgunerako aplikazioaren bidez definitutako hesi birtualak.

– Bateriak kudeatzeko sistema bat, autosufizientzia eta etorkizuneko birjarpena bermatzeko.

4. oinarria.– Onuradunak.

1.– 3. oinarriko 3.a eta 3.b lerroetan adierazitako proiektuetarako laguntzen onuraduna hemen zerrendatutako edozein izan daiteke, baldin eta EAEko elikakatekoa edo zuraren katekoa bada. Enpresak, edozein forma juridiko dutela ere. Hona sailkapena:

a) Enpresa txiki eta ertainak (ETEak). Mota horren barnean honako hauek bereizten ditugu:

– Mikroenpresa: 10 langile baino gutxiago izanik urteko negozio-bolumenean edota urteko balantze orokorrean 2 milioi euroko zenbatekoa gainditzen ez duena.

– Enpresa txikia: 50 langile baino gutxiago izanik urteko negozio-bolumenean edota urteko balantze orokorrean 10 milioi euroko zenbatekoa gainditzen ez duena.

– Enpresa ertaina: gutxienez 50 pertsonari baina 250 pertsonari baino gutxiagori lana ematen dien eta, gehienez ere, 50 milioi euroko urteko negozio-bolumena edo, gehienez ere, 43 milioi euroko urteko balantze orokorra duten enpresak.

b) Enpresa handiak, alegia, enpresa txiki eta ertainen definiziotik kanpo geratzen direnak.

c) Elkarteak.

d) Enpresa-elkarteak.

e) Nortasun juridikorik gabeko pertsona fisiko edo juridiko pribatuen elkarteak eta ondasun-erkidegoak. Horietan parte hartzen duten enpresa guztiak joko dira onuraduntzat, eta guztiek bete beharko dituzte agindu honetan ezarritako betekizun eta baldintzak. Elkarteen eskabideek berariaz adierazi behar dituzte elkarteko kide bakoitzak proiektua gauzatzeko hartzen dituen konpromisoak eta bakoitzari aplikatu beharreko zenbatekoa, horiek ere onuradun gisa hartuko baitira. Dena den, elkartearen ordezkari edo ahaldun bakar bat izendatu beharko dute, zeinak nahikoa botere izango baitu, onuradun gisa, elkarteari dagozkion egitekoak betetzeko, eta kide bat izendatu beharko dute funtsen hartzaile izateko, zeinak banatuko baitizkie funtsok elkarteko gainerako kideei. Ezin izango da elkartea desegin Euskadiko Ogasun Nagusiaren eskubideen preskripzio-epe legez aurreikusitakoa igaro arte.

2.– 3. oinarriko 3.a eta 3.b lerroetan adierazitako proiektuen laguntzetarako, onuradunek nahitaez egon beharko dute alta emanda ekonomia-jardueren gaineko zergan, III. eranskinean zerrendatu diren Ekonomia Jardueren Sailkapen Nazionalaren (EJSN) epigrafeetan.

3.– 3. oinarriko 3.c lerroan adierazitako proiektuen laguntzetarako, onuradunak behi-, ardi-, ahuntz- edo zaldi-azienden abeltzaintza-ustiategien titular izan beharko du, baldin eta, lehenik, haren ustiategia Nekazaritza Ekoizpenaren Erregistro Orokorrean inskribatuta egoteko betekizuna betetzen badu (urtarrilaren 16ko 9/2015 Errege Dekretuaren bidez sortua, nekazaritzako lehen mailako ekoizpenean higiene-arloko erkidegoko araudia aplikatzeko baldintzak arautzen dituena), edo, hala badagokio, Euskal Autonomia Erkidegoko Nekazaritza Ustiategien Erregistroan inskribatuta egoteko betekizuna (Euskal Autonomia Erkidegoko Nekazaritza Ustiategien Erregistro Orokorrari buruzko irailaren 27ko 203/2011 Dekretuaren bidez sortua); eta, bigarrenik, betekizun hauetakoren bat betetzen badu:

a) Esnetarako behi-azienda duen abeltzaintzako ustiategi baten titularra izatea, baldin eta 1048/2022 Errege Dekretuan aurreikusitako eskaera bakarra aurkeztu badu 2024. urtean, eta bertan gutxienez 30 animalia zehaztu bazaizkio esnetarako behi-aziendaren ustiategiei lotutako laguntza ordaintzeko (1048/2022 Errege Dekretua, abenduaren 27koa, 2023tik aurrera zuzeneko ordainketa moduan egindako esku-hartzeak aplikatzeari eta Nekazaritza Politika Bateratuaren Plan Estrategikoaren esparruan baldintza komunak ezartzeari buruzkoa, eta kudeaketa eta kontrol sistema integratuaren eskaera bakarra erregulatzeari buruzkoa).

b) Haragitarako behi-azienda duen abeltzaintzako ustiategi baten titularra izatea, baldin eta 1048/2022 Errege Dekretuan aurreikusitako eskaera bakarra aurkeztu badu 2024. urtean, eta bertan gutxienez 15 animalia zehaztu bazaizkio behi ume-hazleak mantentzeko laguntza ordaintzeko (1048/2022 Errege Dekretua, abenduaren 27koa, 2023tik aurrera zuzeneko ordainketa moduan egindako esku-hartzeak aplikatzeari eta Nekazaritza Politika Bateratuaren Plan Estrategikoaren esparruan baldintza komunak ezartzeari buruzkoa, eta kudeaketa eta kontrol sistema integratuaren eskaera bakarra erregulatzeari buruzkoa).

c) Ardi-azienda duen abeltzaintzako ustiategi baten titularra izatea, baldin eta 1048/2022 Errege Dekretuan aurreikusitako eskaera bakarra aurkeztu badu 2024. urtean, eta bertan gutxienez 200 animalia zehaztu bazaizkio (1048/2022 Errege Dekretua, abenduaren 27koa, 2023tik aurrera zuzeneko ordainketa moduan egindako esku-hartzeak aplikatzeari eta Nekazaritza Politika Bateratuaren Plan Estrategikoaren esparruan baldintza komunak ezartzeari buruzkoa, eta kudeaketa eta kontrol sistema integratuaren eskaera bakarra erregulatzeari buruzkoa).

d) Zaldi-azienda duen abeltzaintzako ustiategi baten titularra izatea, baldin eta nahitaezko urteko aitorpena aurkeztu badu 2024. urtean.

e) Ahuntz-azienda duen abeltzaintzako ustiategi baten titularra izatea, baldin eta nahitaezko urteko aitorpena aurkeztu badu 2024. urtean.

5. oinarria.– Diruz lagundu daitezkeen kostuak.

1.– 3.a eta 3.b lerroetarako, diruz lagundu daitezkeen kostutzat hartuko dira 3. oinarrian deskribatutako jarduerei lotutako aholkularitza, ingeniaritza, hardware eta softwareko kostuak, eta SaaS soluzioen eta cloud ereduen gisako zerbitzu lagungarriak, baldin eta honako betekizun hauek betetzen badituzte:

– 2024ko urtarrilaren 1etik 2024ko abenduaren 31ra sortutako edo fakturatutako kostuak, urteko proiektuen kasuan; edo 2025eko abenduaren 31ra artekoak, urte anitzeko proiektuen kasuan.

– Dirulaguntzen Araubidea Erregulatzeko abenduaren 21eko 20/2023 Legearen 30.3 artikuluan ezarritakoa betez, baldin eta diruz lagundu daitekeen zenbatekoak gainditu egiten baditu Sektore Publikoko Kontratuei buruzko azaroaren 8ko 9/2017 Legean kontratu txikietarako ezarritako kopuruak (9/2017 Legea, azaroaren 8koa, Sektore Publikoko Kontratuena, Europako Parlamentuaren eta Kontseiluaren 2014ko otsailaren 26ko 2014/23/EB eta 2014/24/EB zuzentarauen transposizioa egiten duena Espainiako ordenamendu juridikora), onuradunak hornitzaile desberdinen hiru eskaintza eskatu beharko ditu, gutxienez, obra egiteko, zerbitzua emateko edo ondasuna entregatzeko konpromisoa kontratatu aurretik, salbu eta obra, zerbitzu edo ondasun horien ezaugarri bereziengatik merkatuan ez badago halakorik egin, eman edo hornitzeko entitate nahikorik edota dirulaguntza eman aurretik egiten bada gastua. Hirugarrenekin kontratatzea eragiten duenetan aplikatuko da artikulu hori.

– Aurkeztutako eskaintzen arteko hautapena (justifikazioan aurkeztuko dituzte eskaintzok) efizientzia- eta ekonomia-irizpideei jarraikiz egingo da, eta memoria batean berariaz justifikatu beharko dute proposamen ekonomikoki abantailatsuena hautatzen ez dutenean.

Aurreko paragrafoetan ezarritakoarekin bat etorriz nahitaezkoa bada eskaintza batzuk eskatzea, eta ez badira horiek aurkezten, edo eskaintza ekonomikoena ez den bat aukeratzen bada aukeraketa hori behar bezala justifikatu gabe, ondasun edo zerbitzuaren peritu-tasazio bat eskatu ahal izango du organo emaileak, eta onuradunak ordaindu beharko ditu horrek eragiten dituen gastuak. Halako kasuetan, bi balio hauetatik txikiena kontuan hartuz kalkulatuko da dirulaguntza: onuradunak adierazitako balioa edo tasazioaren ondoriozkoa.

– Honako hauek ez dira diruz lagundu daitezkeen kostuak izango: eskatzaileak berak edo taldeko enpresaren batek egindako lanak, aholkulariaren joan-etorriak, material didaktikoak sortzea, aretoak alokatzea, dietak eta antzekoak. Gastu horiek bereizita agertu beharko dira fakturen kontzeptuan.

2.– Funtzionamendu- eta mantentze-gastuetan lagundu ahal izango da proiektua martxan jartzen den bitartean, gehienez 2025eko abenduaren 31ra arte.

3.– 3.c lerrorako, 3.c oinarrian deskribatutako lepokoak erosteko kostua baino ez da diruz lagunduko. Konexio- eta mantentze-zerbitzuen kostuak ez dira diruz lagunduko. Diruz laguntzeko modukoak izango dira 2024ko urtarrilaren 1etik 2024ko abenduaren 31ra arte sortutako edo fakturatutako gastuak, urteko proiektuen kasuan, edo 2025eko abenduaren 31ra artekoak, urte anitzeko proiektuen kasuan, Batzordearen 2022ko abenduaren 14ko 2022/2472 (EB) Erregelamenduaren 6. artikuluko 5.i) apartatuaren arabera.

4.– Dirulaguntzen Araubidea Erregulatzeko abenduaren 21eko 20/2023 Legearen 30.3 artikuluan ezarritako betez, baldin eta diruz lagundu daitekeen zenbatekoak gainditu egiten baditu Sektore Publikoko Kontratuei buruzko azaroaren 8ko 9/2017 Legean kontratu txikietarako ezarritako kopuruak (9/2017 Legea, azaroaren 8koa, Sektore Publikoko Kontratuena, Europako Parlamentuaren eta Kontseiluaren 2014ko otsailaren 26ko 2014/23/EB eta 2014/24/EB zuzentarauen transposizioa egiten duena Espainiako ordenamendu juridikora) eta betiere horrek hirugarrenekin kontratatzea eragiten badu, onuradunak hornitzaile desberdinen hiru eskaintza eskatu beharko ditu, gutxienez, obra egiteko, zerbitzua emateko edo ondasuna entregatzeko konpromisoa kontratatu aurretik, salbu eta obra, zerbitzu edo ondasun horien ezaugarri bereziengatik merkatuan ez badago halakorik egin, eman edo hornitzeko entitate nahikorik edota dirulaguntza eman aurretik egiten bada gastua. Hirugarrenekin kontratatzea eragiten duenetan aplikatuko da artikulu hori.

Azken kasu horretan, onuradunak jakinarazi eta egiaztatu beharko du hiru aurrekontuak lortzea ezinezkoa dela, merkatuan ez dagoelako horiek egiten, ematen edo hornitzen dituen entitate nahikorik.

Aurkeztutako eskaintzen arteko hautapena (justifikazioan aurkeztuko dituzte eskaintzok) efizientzia- eta ekonomia-irizpideei jarraikiz egingo da, eta memoria batean berariaz justifikatu beharko dute proposamen ekonomikoki abantailatsuena hautatzen ez dutenean.

Aurreko paragrafoetan ezarritakoarekin bat etorriz nahitaezkoa bada eskaintza batzuk eskatzea, eta ez badira horiek aurkezten, edo eskaintza ekonomikoena ez den bat aukeratzen bada aukeraketa hori behar bezala justifikatu gabe, ondasun edo zerbitzuaren peritu-tasazio bat eskatu ahal izango du organo emaileak, eta onuradunak ordaindu beharko ditu horrek eragiten dituen gastuak. Halako kasuetan, bi balio hauetatik txikiena kontuan hartuz kalkulatuko da dirulaguntza: onuradunak adierazitako balioa edo tasazioaren ondoriozkoa.

5.– Merkataritzako eragiketetan berankortasunaren aurka borrokatzeko neurriak ezartzen dituen abenduaren 29ko 3/2004 Legea betez, ez dira diruz lagunduko salgaiak jaso edo zerbitzuak eman direnetik 60 egun naturalera edo gehiagora ordaintzen diren gastuak, ez eta faktura edo ordainketa baliokidearen eskabidea aldez aurretik jasotakoak ere. Horretarako, garraio-agiri edo antzeko dokumentu baten bidez, zerbitzua jaso edo eman den unea egiaztatu beharko da.

6.– Nolanahi ere, diruz lagundu daitezkeen gastuei dagokienez, Dirulaguntzen Araubidea Erregulatzeko abenduaren 21eko 20/2023 Legearen 30. artikuluan ezarritakoa aplikatuko da.

6. oinarria.– Finantzaketa.

1.– Agindu honetan ezarritako laguntzak finantzatzeko, 2024ko eta 2025eko ekitaldietarako, 2.500.000 euro bideratuko dira. Kopuru hori Euskal Autonomia Erkidegoko aurrekontu orokorren kontura finantzatuko da –Euskal Autonomia Erkidegoko 2024. urteko Aurrekontu Orokorrak onartzen dituen abenduaren 22ko 21/2023 Legea–; horietatik 500.000 euro 2024rako ordainketa-kredituari dagozkio, eta 2.000.000 milioi euro, berriz, 2025erako konpromiso-kredituari. Honela banatuko da, lerroka eta ekitaldika:

a) 450.000 euro digitalizazio-prozesua hasten ari diren enpresen proiektuei esleituko zaizkie; zehazki, 150.000 euro 2024rako ordainketa-kredituari dagozkio, eta gainerako 300.000 euroak, berriz, 2025erako konpromiso-kredituari.

b) 900.000 euro digitalizazio-fase aurreratuan dauden eta 4.0 teknologia txertatu nahi duten enpresen proiektuei esleituko zaizkie; zehazki, 200.000 euro 2024rako ordainketa-kredituari dagozkio, eta gainerako 700.000 euroak, berriz, 2025erako konpromiso-kredituari.

c) 1.150.000 euro abeltzaintza-ustiategien titularrek lepokoak erosteko; horietatik, 150.000 euro 2024rako ordainketa-kredituari dagozkio, eta 1.000.000 milioi euro 2025erako konpromiso-kredituari.

Jarduketa baterako aurreikusitako funtsak estaltzen ez badira, funts gehiago behar dituen beste jarduketa batera transferitu ahal izango dira, 13. oinarrian ezarritako ebaluazio-prozedurari jarraituz. Soberazko zenbatekoak beste lerro bati egotzi ahal izango zaizkio, erabat agortu arte, ordena honetan: 3.a, 3.b eta 3.c.

Azkenik, aukera dago deialdiaren guztizko zenbatekoari gehienez beste % 30 gehitzeko eta, hala egiten bada, horren berri emango da Euskal Herriko Agintaritzaren Aldizkarian, gaian eskumena duen sailburuordearen ebazpen baten bidez.

7. oinarria.– Betekizun orokorrak.

1.– Agindu honetan iragarritako edozein laguntzaren onuradun izateko, eskatzaileek oinarri honetan ezarritako betekizunak bete behar dituzte, eta, gainera, ez dute izan behar Dirulaguntzen Araubidea Erregulatzeko abenduaren 21eko 20/2023 Legearen 13. artikuluko debekurik. Hauek dira:

a) Diruz lagundu daitezkeen jarduerak Euskal Autonomia Erkidegoaren lurralde-eremuan egitea, eta beste laguntza-esparru batek ez finantzatu izana, 22. oinarrian aurreikusitakoa salbu.

b) Zerga-betebeharrak eta Gizarte Segurantzarekikoak egunean izatea, baita itzultzeko betebeharrak ere, hemen ezarritakoaren arabera: Agindua, 2023ko otsailaren 13koa, Ekonomia eta Ogasuneko sailburuarena, Euskal Autonomia Erkidegoko aurrekontu orokorren kontura ematen diren laguntzen eta dirulaguntzen esparruan bai zerga-betebeharrak eta Gizarte Segurantzarekikoak bai dirulaguntzak itzultzeari buruzkoak betetzen direla egiaztatzeari buruzkoa. Betekizun hori bete beharko da hala onuradun izateko nola izaera horri eusteko dirulaguntzaren likidazioa egin arte. Beraz, alde horretatik, egiaztapenak egingo dira, bai dirulaguntza ematen denean, bai ordainketak egiten direnean.

Betekizun hori bete beharko da hala onuradun izateko nola izaera horri eusteko dirulaguntzaren likidazioa egin arte. Beraz, alde horretatik, egiaztapenak egingo dira, bai dirulaguntza ematen denean, bai ordainketak egiten direnean.

c) Dirulaguntzaren onuradun den pertsona fisiko edo juridiko pribatua ez izatea krisian den enpresa, estatuek krisialdian dauden enpresa ez-finantzarioak salbatzeko eta berregituratzeko ematen dituzten laguntzei buruzko zuzentarauen arabera (2014/C 249/01).

d) Inbertsioak ingurumenaren arloko eta arlo higieniko-sanitarioko arauak bete ditzala Euskal Autonomia Erkidegoan aplikatzekoa den berariazko araudiarekin bat (21/2013 Legea, abenduaren 9koa, Ingurumen-ebaluazioari buruzkoa, eta 10/2021 Legea, abenduaren 9koa, Euskadiko Ingurumen Administrazioarena).

e) Ebazpen irmo bidez dirulaguntzak eskuratzeko aukera galtzeko zehapena jaso ez izana lege honen edo hala ezartzen duten beste lege batzuen arabera. Zehazki, ezingo dira dirulaguntzen onuradun edo entitate laguntzaile izan sexuan oinarrituta diskriminatzeagatik edo emakumeen eta gizonen berdintasunaren arloko araudia ez betetzeagatik administrazio- edo zigor-zehapenen bat ezarri zaien pertsona fisikoak eta juridikoak, dagokion zehapenean ezarritako denbora-tarte osoan. Halaber, laguntza eta dirulaguntzetatik kanpo geratuko dira estatu-araudiaren arabera berdintasun-plan bat indarrean izan behar duten arren halakorik ez duten enpresak, eta estatu-legediak emakumeen eta gizonen berdintasunaren esparruan finkatzen duen moduan sexu-jazarpena edo sexuan oinarritutako jazarpena prebenitzeko neurriak ezarri dituztela egiaztatzen ez duten 50 langiletik gorako enpresak.

f) Euskadiko Ingurumen Administrazioaren abenduaren 9ko 10/2021 Legean eta Hondakinak eta Lurzoru Kutsatuak arautu eta Ekonomia Zirkularra bultzatzeko apirilaren 8ko 7/2022 Legean finkatutako arau-hauste astunengatik eta oso astunengatik bide administratiboko ebazpen irmoaren bidez zigortutako pertsona fisiko edo juridiko publiko zein pribatuek ezin izango dute ez kontratatu, ez Euskal Autonomia Erkidegoaren lurralde-eremuko sektore publikoko dirulaguntzak eskuratu, dagozkien neurri zuzentzaileak egikaritu arte eta dagokien isuna ordaindu arte.

g) Hartzekodunen konkurtso boluntariorik ez duela eskatu, edozein prozeduratan kaudimengabetzat jota ez dagoela, hartzekodunen konkurtsoan deklaratuta ez dagoela –konkurtso horretan hitzarmen bat indarrean jarri bada salbu–, epailearen esku-hartzearen mende ez dagoela edo desgaitua ez dagoela Konkurtsoari buruzko uztailaren 9ko 22/2003 Legearen arabera, hartzekodunen konkurtsoaren kalifikazio-epaian ezarritako desgaitze-aldia amaitu gabe dagoelarik.

h) Dirulaguntzak lortzeko aukera galduta ez izatea ebazpen irmo baten bidez ezarritako zehapena dela-eta, edo honako delitu hauetakoren bat egin izana leporatuta: prebarikazioa, funtzionario-eroskeria, ondasun publikoak bidegabe erabiltzea, eragimen-trafikoa, iruzurrak eta legearen aurkako ordainarazpenak edo hirigintza-delituak.

i) Kausaren batean errudun deklaratua izateagatik, Administrazioarekin egindako edozein kontraturen amaiera irmoa ebatzita ez izatea.

j) Pertsona fisikoa, merkataritza-sozietateen administratzaileak edo beste pertsona juridiko batzuen legezko ordezkaritza dutenak ez egotea Kargu publikodunen jokabide-kodea eta haien interes-gatazkak arautzen dituen ekainaren 26ko 1/2014 Legean ezarritako kasuren batean, edo ez izatea Hauteskunde Araubide Orokorraren ekainaren 19ko 5/1985 Lege Organikoan araututako hautapen bidezko karguren bat, lege horretan ezarritako baldintzetan. Horrez gain, ez egotea hauetan aurreikusitako kasuren batean: Estatuko Administrazio Orokorreko goi-kargudunen jarduna arautzen duen martxoaren 30eko 3/2015 Legea eta Administrazio publikoen zerbitzura dauden langileen bateraezintasunen abenduaren 26ko 53/1984 Legea.

k) Egoitza fiskala ez izatea paradisu fiskaltzat hartutako herrialde edo lurralde batean.

l) Ez egotea berreskuratze-agindu baten mende, Europako Batzordeak aurretiaz erabaki badu laguntza bat legez kanpokoa eta barne-merkatuarekin bateraezina dela.

m) Desgaitasuna duten pertsonentzat legez ezarritako erreserba-kuota ez betetzea, hori betetzeko neurri alternatiboak abian jarri direla egiaztatu gabe.

Azkenik, eskatzaileak adierazi beharko du bete egiten dituela oinarri arautzaileetan eskatzen diren betekizun guztiak.

2.– Ezingo dute dirulaguntzarik jaso, halaber, enpresa hauek: haien buru dauden pertsonak edo beste egoera batzuk kontuan hartuta, aurretik debekua jaso duten enpresen jarraipen izan daitezkeela pentsatzeko bidea ematen dutenek edo enpresa haien aldaketa, bat-egite edo ondorengo izan daitezkeela pentsatzeko bidea ematen dutenek.

3.– Elkarteen kasuan, Elkartzeko eskubidea arautzeko martxoaren 22ko 1/2002 Lege Organikoaren 4. artikuluko 5. eta 6. apartatuetan aurreikusitako debekuen kausetan nahasita ez egotea. Eta inskribatzeko administrazio-prozedura ez etetea ez-zilegitasun penalaren zentzuzko zantzuak egoteagatik, 1/2002 Lege Organikoaren 30.4 artikuluan xedatutakoari jarraikiz, harik eta ebazpen judizial irmoa eman, eta, horren bitartez, inskripzioa dagokion erregistroan egin ahal izan arte. Gainera, gizonen eta emakumeen presentzia orekatua izan beharko dute Zuzendaritza Batzordean, hots, sexuetako batek ere ez du izan behar Zuzendaritza Batzordeko kideen % 40 baino gutxiagoko ordezkaritza.

4.– Dirulaguntzei buruzko azaroaren 17ko 38/2003 Lege Orokorraren 13.3 bis artikuluan ezarritakoarekin bat etorriz, 30.000 eurotik gorako dirulaguntzetarako, Merkataritzako eragiketetan berandutzaren aurka borrokatzeko neurriak ezartzen dituen abenduaren 29ko 3/2004 Legea aplikatzen zaien pertsona fisikoek eta juridikoek (zuzenbide publikoko entitateak ez beste guztiek), irabazteko asmoa duten heinean, egiaztatu beharko dute, apartatu honetan xedatzen den bezala egiaztatu ere, ordainketa-epealdiak betetzen dituztela, lege horretan ezartzen direnak onuraduna edo entitate laguntzailea izateko. Apartatu hau betetzeko, enpresa hornitzaileari aurretiaz kobratzeko modua ematen dioten finantzaketa guztiak baliozkotzat joko dira baldin eta kostua bezeroaren kontura bada eta ordaindu ezean hornitzailearen aurka jotzerik ez badago.

Dirulaguntzei buruzko azaroaren 17ko 38/2003 Lege Orokorraren 13.3 artikuluan adierazi bezala egiaztatuko da inguruabar hori.

5.– 3.a eta 3.b lerroen kasuan, de minimis laguntzei buruzko edozein erregelamendutan ezarritako de minimis araubideari lotutako laguntzaren bat jaso duten eskatzaileek ezin izango dute gainditu gehieneko laguntzaren zenbatekoa horietako bakoitzeko, eta aplikatu beharreko erregelamendu bakoitzean adierazitakoaren arabera zenbatuko dira, jarraian zehazten den moduan. Era berean, zerga-ekitaldia amaitu aurretik edozein unetan de minimis araubideari lotutako beste edozein dirulaguntza jasotzen bada, hori ere jakinarazi beharko da.

Erregelamendu bakoitzak, gehienez ere, honako zenbateko hauek baimentzen ditu:

– Europako Batzordearen 2023/2831 (EB) Erregelamendua, abenduaren 13koa, Europar Batasunaren Funtzionamenduari buruzko Tratatuaren 107. eta 108. artikuluak de minimis laguntzei aplikatzeari buruzkoa: 300.000 euro onuradun bakoitzeko.

Erregelamendu hori aplikatu behar den kasuetan, laguntzaren gehieneko zenbatekoa kalkulatzeko, laguntza eman aurreko hiru urteetan jasotako de minimis laguntzak hartuko dira kontuan.

– Europako Batzordearen 1408/2013 (EB) Erregelamendua, abenduaren 18koa, Europar Batasunaren Funtzionamenduari buruzko Tratatuaren 107. eta 108. artikuluak nekazaritza-sektoreko de minimis laguntzei aplikatzeari buruzkoa: 25.000 euro onuradun bakoitzeko.

– Europako Batzordearen 717/2014 (EB) Erregelamendua, ekainaren 27koa, Europar Batasunaren Funtzionamenduari buruzko Tratatuaren 107. eta 108. artikuluak arrantza- eta akuikultura-sektoreko de minimis laguntzei aplikatzeari buruzkoa: 40.000 euro onuradun bakoitzeko.

1408/2013 (EB) eta 717/2014 (EB) Erregelamenduen kasuan, laguntzen atalase ekonomiko hauek ezarri dira hiru urte fiskaletarako (uneko ekitaldi fiskala eta aurreko bi ekitaldi fiskalak).

8. oinarria.– Eskabideak aurkezteko epea eta modua.

1.– Eskabideak aurkezteko epea hilabetekoa izango da, agindu hau Euskal Herriko Agintaritzaren Aldizkarian argitaratu eta hurrengo egunetik aurrera. Eskabidearekin batera, oinarri honen 8. paragrafoan eskatzen diren agiriak aurkeztu beharko dira.

2.– 91/2023 Dekretuaren 15.1.a) artikuluan xedatutakoa betez (91/2023 Dekretua, ekainaren 20koa, herritarrei arreta integral eta multikanala ematekoa eta zerbitzu publikoak bitarteko elektronikoz irispidean izatekoa), honako hauek behartuta egongo dira bitarteko elektronikoak erabiltzera Euskal Autonomia Erkidegoko sektore publikoarekin harremanetan jartzeko: urriaren 1eko 39/2015 Legearen 14.2 artikuluan aipatzen diren subjektuak eta enpresaburu indibidualak edo autonomoak, lanbide-jardueran egiten dituzten izapide eta jarduketetarako. Beraz, bitarteko elektronikoen bidez aurkeztuko dira eskabide guztiak, Euskal Autonomia Erkidegoko Administrazio Publikoaren egoitza elektronikoan sartuta: https://www.euskadi.eus/zerbitzuak/1207204

3.– Eskabideak aurkezteko, eredu normalizatua erabili beharko da, Euskal Autonomia Erkidegoko Administrazio Publikoaren egoitza elektronikoan eskuragarri dagoena: https://www.euskadi.eus/zerbitzuak/1207204

4.– Eskabidearen ondorengo izapideak elektronikoki egiteko, Euskal Autonomia Erkidegoko Administrazio Publikoaren egoitza elektronikoan sartu beharko da, «Nire karpeta» atalean: https://www.euskadi.eus/nirekarpeta

5.– Eskabideak, erantzukizunpeko adierazpenak, justifikazioak eta gainerako ereduak izapidetzeko moduari buruzko zehaztasunak Euskal Autonomia Erkidegoko Administrazio Publikoaren egoitza elektronikoan daude eskuragarri: https://www.euskadi.eus/zerbitzuak/1207204

6.– Eskabidea ordezkari baten bitartez egiten bada, Administrazio Publikoen Administrazio Prozedura Erkidearen urriaren 1eko 39/2015 Legearen 5. eta 6. artikuluetan xedatutakoaren arabera egiaztatu beharko da ordezkaritza, ahalordeen erregistro elektronikoaren bitartez: https://www.euskadi.eus/ordezkariak

7.– Laguntza-eskabidearen ereduaren oinarrizko edukia oinarri hauen eranskin gisa argitaratu da.

8.– Eskabidearekin batera, agiri hauek ere aurkeztu behar dira:

a) Pertsona juridikoek, entitatea eratzeko eskrituraren eta estatutuen kopia, dagokion erregistroan sartu dela adierazten duen zigilua jarrita.

b) Honako hauek biltzen dituen memoria:

i) Beharren azterketa eta irtenbide teknologikoaren egokitasuna.

ii) Esperotako emaitzak eta adierazleak.

iii) Aurrekontu xehatua.

iv) Alternatibaren hautaketa.

v) Egin beharreko ekintzen deskribapena eta gauzatzeko epea.

vi) Laguntza emanez gero, enpresan zenbateko hobekuntza ekarriko duen.

vii) Hobekuntzak sustatzea ingurumenean, produktibitatean eta jasangarritasun ekonomikoan.

viii) Entitate sustatzaileko plantillaren banaketa, sexuaren arabera.

c) Nortasun juridikorik gabeko pertsona fisiko edo juridiko pribatuen elkarteei eta ondasun-erkidegoei dagokienez, kide guztiek sinatutako agiri bat, non izendatzen baita, batetik, ordezkari edo ahaldun bakarra, elkartearen onuradun den aldetik dagozkion betebeharrak betetzeko ahalorde nahiko dituena, eta, bestetik, funtsen hartzaile izango den kide bat, elkarteko gainerako kideen artean funtsok banatuko dituena.

d) Entitateek 30.000,00 euro baino gehiago ematea nahi badute, Dirulaguntzei buruzko azaroaren 17ko 38/2003 Lege Orokorraren 13.3 bis artikuluan adierazitakoa betetzen dela egiaztatzeko, honako bitarteko hauek erabiliko dira:

i) Kontabilitateko araudiaren arabera galeren eta irabazien kontu laburtua aurkez dezaketen pertsona fisikoek eta pertsona juridikoek abenduaren 29ko 3/2004 Legean ezarritako ordainketa-epealdien betetze-mailara iritsi direla adierazten duen ziurtagiria aurkez dezakete, ordezkaritza-ahal nahikoa daukan pertsona fisikoak sinatuta, edo, pertsona juridikoen kasuan, administrazio-organoak edo haren baliokideak sinatuta. Horrez gainera, b) letran ezartzen diren frogabideak ere erabil ditzakete hori egiaztatzeko, beren araudiari jarraituz.

ii) Kontabilitateko araudiaren arabera galeren eta irabazien kontu laburtua aurkeztu ezin duten pertsona juridikoek honako agiri hauetako bat aurkeztu ahal izango dute:

1.– Kontu Auditoreen Erregistro Ofizialean inskribatuta dagoen auditore batek sinatutako ziurtagiria, zeinean banakatuta agertzen baita ikuskatutako azken urteko kontuen memorian azaltzen diren ordainketei buruzko informazioa, baldin eta kontu horien arabera abenduaren 29ko 3/2004 Legean ezarritako ordainketa-epealdien betetze-mailara (apartatu honetan ezartzen denera) iristen bada, uztailaren 5eko 15/2010 Legeak, abenduaren 29ko 3/2004 Legea aldatzen duenak, hirugarren xedapen gehigarrian eskatzen den informazioari kasu eginez. Ziurtagiri hori hurrengo ekitaldiko urteko kontuak ikuskatu arte izango da baliozkoa.

2.– Aurreko zenbakian aipatzen den ziurtagiria ezin bada egin, Kontu Auditoreen Erregistro Ofizialean inskribatuta dagoen auditore batek egindako «Adostutako prozedurei buruzko txostena», zeinaren bidez, erreferentziazko data batean sozietatearen hornitzaileei ordaindu gabe dauden fakturen lagin adierazgarria berrikusita, ondorioztatzen baita abenduaren 29ko 3/2004 Legean ezarritako ordainketa-epealdiak bete direla, inolako salbuespenik gabe, edo, salbuespenak antzemanez gero, apartatu honen azken paragrafoan eskatzen den betetze-mailara iristea eragozten ez dutela.

Eskatzen den betetze-maila erdietsitzat joko da baldin eta abenduaren 29ko 3/2004 Legean ezarritako ordainketa-epealdien betetze-maila Enpresen sorkuntzari eta hazkundeari buruzko irailaren 28ko 18/2022 Legearen azken xedapenetako seigarrenaren d) letraren bigarren apartatuan ezartzen den ehunekoaren berdina edo handiagoa bada.

Eskabidearekin batera aurkeztu beharko dira agiriok.

e) 50 langile baino gehiago dituzten enpresek Euskadiko Hitzarmenen, Lan Akordio Kolektiboen eta Berdintasun Planen Erregistroan eta Gordailuan inskribatuta daudela egiaztatzen duen agiria aurkeztu beharko dute.

f) 3.a eta 3.b lerroen eskatzaileek EJZn alta eman izanaren egiaztagiria aurkeztu beharko dute, III. eranskinean jasotako EJSNetako bati dagokionez.

g) Eta laguntza kuantifikatzeko entitate eskatzaileak aurkeztu nahi duen agiri osagarri oro.

h) Erantzukizunpeko adierazpena, non ziurtatzen baita eskatzaileak agindu honetako betekizun guztiak betetzen dituela, hori egiaztatzen duen dokumentazioa duela, eta Administrazioak eskatzen duenean haren esku jarriko duela.

Dirulaguntzei buruzko Lege Orokorraren 13.3 bis artikulua betetzen dela egiaztatzeari dagokionez, eskabidearekin batera aurkeztu beharko dira eskatutako agiriak.

9.– Elikagaien Kalitate eta Industriako Zuzendaritzak automatikoki egiaztatuko du NAN, IFZ eta zerga-betebeharrak eta Gizarte Segurantzarekiko ordainketak egunean dituela, bat etorriz Ekonomia eta Ogasuneko sailburuaren 2023ko otsailaren 13ko Aginduarekin (Agindua, 2023ko otsailaren 13koa, Ekonomia eta Ogasuneko sailburuarena, Euskal Autonomia Erkidegoko aurrekontu orokorren kontura ematen diren laguntzen eta dirulaguntzen esparruan bai zerga-betebeharrak eta Gizarte Segurantzarekikoak bai dirulaguntzak itzultzeari buruzkoak betetzen direla egiaztatzeari buruzkoa). Pertsona edo entitate interesdunak uko egin ahal izango dio organo kudeatzaileak inguruabar horiek zuzenean egiaztatzeari. Uko eginez gero, pertsona edo entitate interesdunak bere kabuz aurkeztu beharko ditu dagozkion ziurtagiriak. Era berean, behi-, ardi-, ahuntz- eta zaldi-aziendako ustiategi-titularrei lepokoak eskuratzen laguntzeko, ofizioz egiaztatuko ditu erregistroko datuak eta 2023ko eskabide bakarrean zenbatzen diren animaliak.

Urriaren 1eko 39/2015 Legearen 28. artikuluarekin bat etorriz, interesdunak ez daude behartuta jada administrazio jardulearen esku dauden dokumentuak edo beste administrazioren batek eginak direnak ekartzera. Administrazio jarduleak dokumentu horiek kontsultatzeko edo eskuratzeko aukera izango du, interesdunak aurka egin ezean. Ondorio horietarako, interesdunak adierazi beharko du noiz eta zer administrazio-organoren aurrean aurkeztu zituen dokumentu horiek, eta administrazio publikoek elektronikoki atera beharko dituzte beren sare korporatiboen bidez edo datu-bitartekaritzarako plataformetan edo hartarako prestatutako gainerako sistema elektronikoen bidez kontsulta eginez, non eta prozeduran ez den interesdunaren kontrakotasun espresua jasotzen edo aplikatzekoa den lege bereziak ez duen eskatzen adostasun espresua ematea. Salbuespenezko moduan, administrazio publikoek ezin badituzte aipatutako dokumentuak eskuratu, berriz ere eskatu ahal izango diote interesdunari ekar ditzala.

10.– Nahi den hizkuntza ofizialean aurkeztu ahal izango dira laguntza-eskabidea eta eskatutako agiriak. Ildo horretatik, pertsona edo entitate eskatzaile bakoitzak hautatutako hizkuntza erabiliko da eskabidea aurkeztu ondoko jardueretan, prozedurak irauten duen bitartean, Euskararen Erabilera Normalizatzeko 1982ko azaroaren 24ko 10/1982 Oinarrizko Legeari jarraikiz.

11.– Eskabideak oinarri honetan eskatutako dokumentazioa ez badauka, osorik ez badago edo akastuna bada, interesdunari jakinaraziko zaio hamar egun balioduneko epea duela hutsa zuzentzeko edo beharrezko diren agiriak eransteko. Halaber, adieraziko zaio horrela egin ezean atzera egin duela ulertuko dela, Nekazaritzako, Arrantzako eta Elikagai Politikako sailburuordeak ebazpena eman ondoren. Zuzenketa egin den eguna hartuko da aurkezpen-datatzat.

12.– Enpresa txiki eta ertainek (ETE) izaera hori egiaztatu beharko dute, agiri hauek aurkeztuta:

a) Pertsona fisikoentzat: pertsona fisikoen errentaren gaineko zergaren kopia, ekonomia-jardueren eranskinarekin batera, eskabidea aurkeztu aurreko ekitaldikoa.

b) Pertsona juridikoentzat: sozietateen gaineko zergaren kopia bat, eskabidea aurkeztu aurreko ekitaldikoa.

Agiriekin batera, dokumentazioan jasotako egoera aldatu ez dela dioen adierazpena.

13.– Edonola ere, Elikagaien Kalitate eta Industriako Zuzendaritzak, eskabidean adierazitakoa egoki ulertzeko, ebaluatzeko eta eskabidea izapidetzeko, beharrezkotzat jotzen dituen bestelako argibide edo agiri osagarriak eskatu ahal izango dizkio eskatzaileari.

Agindu honen 4. oinarriaren d) apartatuan zehaztutako onuradunen kasuan, proiektuan parte hartzen duten enpresa edo entitate guzti-guztiei buruzkoak izango dira oinarri honen 8. apartatuan adierazitako agiriak.

14.– Helbide honetan ikus daiteke identifikaziorako eta sinadura elektronikorako zein bitarteko onartzen diren Euskal Autonomia Erkidegoko Administrazio publikoaren egoitza elektronikoan:

https://www.euskadi.eus/ziurtagiri-elektronikoak

9. oinarria.– Dirulaguntza jaso duten jarduerak kontratatzea onuradunek.

1.– Onuradunak hirugarrenei kontratatu ahalko die, oso-osorik edo zati batean, diruz lagundutako jarduera. Jarduera gauzatzeko kontratua diruz lagunduko den jardueraren % 100ekoa izan daiteke.

2.– Baldin eta hirugarrenekin hitzartutako jardueraren zenbatekoa dirulaguntzaren zenbatekoaren % 20 baino handiagoa bada eta dirulaguntza 60.000 eurotik gorakoa bada, idatzizko kontratua egin beharko da, zeina Elikagaien Kalitate eta Industriako Zuzendaritzak baimendu beharko baitu kontratua formalizatu aurretik eta eskabidea aurkeztu ondoren.

Kontratua formalizatzeko baimenaren eskabidea laguntza-eskabidearekin batera aurkeztuko da, eta baimentzeko edo ukatzeko ebazpena gehienez ere bi hilabeteko epean eman eta jakinaraziko da, aurkezten den egunetik aurrera. Epe hori igaro eta berariazko ebazpenik ematen ez bada, eskabidea ezetsitzat jo ahal izango da, Administrazio Publikoen Administrazio Prozedura Erkidearen urriaren 1eko 39/2015 Legearen 25. artikuluan xedatutakoari jarraituz.

3.– Kontratua ezin izango da zatikatu kontratuaren zenbatekoa murriztu eta 2. paragrafoko betekizunak bete beharrik ez izateko helburuz.

4.– Kontratistek onuradunaren aurrean baino ez dute betebeharrik izango, eta onuradunari dagokio diruz lagundutako jarduera ondo gauzatzeko erantzukizun osoa Elikadura, Landa Garapen, Nekazaritza eta Arrantza Sailaren aurrean.

5.– Aurreko apartatuan jasotakoa betetzeko, onuradunen erantzukizuna da diruz lagunduko den jarduera hitzartua gauzatzean agindu honetan ezarritako mugak errespetatzen direla zaintzea, diruz lagundutako gastuen izaera eta zenbatekoari dagokionez; kontratistek, aldiz, agindu honen 15. oinarriaren 7. paragrafoan adierazitako lankidetza-betebeharra bete behar dute, eta muga horiek benetan errespetatzen dituzten ala ez behar bezala egiaztatzeko aukera eman.

6.– Onuradunek inola ere ezin izango dute honako hauekin hitzarmenik egin diruz lagundutako jarduera osoa edo haren zati bat gauzatzeko:

a) 7. oinarrian ezarritako betekizunak betetzen ez dituzten pertsona fisiko edo juridikoekin.

b) Kontratuaren xede den jarduera egiteko beste dirulaguntza batzuk jaso dituzten pertsona fisiko edo juridikoekin.

c) Bitartekari edo aholkulariekin, horiei ordaindu beharrekoak eragiketaren kostu totalaren ehuneko jakin gisa zehazten badira, non eta ordainketa hori ez dagoen justifikatuta egindako lanak edo emandako zerbitzuak merkatuan daukan balioaren erreferentziaren arabera.

d) Onuradunarekin loturaren bat duten pertsona fisiko edo juridikoekin, hauek gertatzen direnean izan ezik:

1) Aldez aurretik organo emailearen berariazko baimena eskuratzea ebazpen arrazoitu baten bidez.

2) Dirulaguntzaren zenbatekoa ez izatea atxikitako entitateak egindako kostuarena baino handiagoa. Kostua egiaztatzeko, onuradunaren gastuak egiaztatzeko ezarrita dauden baldintza berberak justifikatu beharko dira.

Pertsona fisiko edo juridikoekin edo nortasunik gabeko elkarteekin lotura dagoela joko da Dirulaguntzen Araubidea Erregulatzeko abenduaren 21eko 20/2023 Legearen 31. artikuluko 8. apartatuan adierazten diren inguruabarretakoren bat betetzen bada.

e) Deialdi eta programa honetan laguntza eskatu duten baina betekizunak betetzen ez dituztelako edo balorazio nahikoa lortu ez dutelako laguntzarik gabe geratu diren pertsona fisiko edo juridikoekin.

10. oinarria.– Balorazio-irizpide orokorrak.

1.– 3.a eta 3.b lerroetako proiektuak baloratzeko, bi alderdi hauek hartuko dira kontuan:

a) «Proiektu estrategikotzat» jotzea. Hemen adierazitako irizpideetan gutxienez 40 puntu lortzen dituzten proiektuak joko dira estrategikotzat. Honako irizpide hauek izango dira kontuan:

i) Zenbat kate-maila bereizi dauden proiektuan parte hartzen gutxienez enpresa batekin: gehienez 20 puntu. Maila bat, 0 puntu dira. 10 puntu emango dira parte hartzen duen maila bakoitzeko: gehienez 20 puntu.

ii) Proiektuak balio-katean gora egiteko duen maila: gehienez 10 puntu.

iii) Proiektuak 4.0 teknologia barne hartzea: gehienez 20 puntu; honela:

a) Adimen artifiziala / Ikaste automatikoa / Ikuspen artifiziala: 5 puntu.

b) Blockchain: 5 puntu.

c) Big Data / Business Intelligence: 5 puntu.

d) Sentsorika / Gauzen Internet (IoT): 5 puntu.

e) Zibersegurtasuna: 5 puntu.

f) Robotika: 5 puntu.

g) Posizionamendu globalari buruzko informazioa / Droneen teknologia: 5 puntu.

iv) Teknologiaren Euskal Sareko agente/zentroen parte-hartzea: gehienez 10 puntu. Gehienez 5 puntu emango dira parte hartzen duen zentro bakoitzeko; gehienez 10 puntu.

b) Jarduketa-planaren balorazioa. Irizpide hauek hartuko dira kontuan:

1) Aurkeztutako memoria teknikoaren kalitatea; memoria horretan argi eta garbi azalduko dira helburuak, esperotako emaitzak, egutegia, egin beharreko zereginak, erantzukizunen banaketa, aurrekontua hainbanatzeko metodoak eta abar: gehienez 50 puntu.

(Ikus .PDF)

2) ETEtzat hartzea. Entitate edo pertsona onuraduna ETEtzat jo izana, Mikroenpresen eta enpresa txiki eta ertainen definizioari buruzko Europako Batzordearen ekainaren 17ko 651/2014 (EB) Erregelamenduaren I. eranskinaren arabera: 5 puntu.

3) Kooperatiba edo elkartetzat hartzea: 5 puntu.

4) Proiektuak 4.0 teknologia barne hartzea: gehienez 20 puntu; honela:

– Adimen artifiziala / Ikaste automatikoa / Ikuspen artifiziala: 5 puntu.

– Blockchain: 5 puntu.

– Big Data / Business Intelligence: 5 puntu.

– Sentsorika / Gauzen Internet (IoT): 5 puntu.

– Zibersegurtasuna: 5 puntu.

– Robotika: 5 puntu.

– Posizionamendu globalari buruzko informazioa / Droneen teknologia: 5 puntu.

5) Proiektuaren kokapena, gehienez 10 puntu; honela:

– 1. mailako kalteberatasun-maila duten Arreta Bereziko Eremuak (ABE), indarrean dagoen landa-zonakatzearen dibertsifikazio ekonomikoaren maparen arabera: 10 puntu.

– 2. mailako kalteberatasun-maila duten eremuak, indarrean dagoen landa-zonakatzearen dibertsifikazio ekonomikoaren maparen arabera, edo Lehentasunezko Jarduketa Eremuak (LJE): 5 puntu.

6) Diruz lagundu daitekeen jarduketa-proiektuaren aurrekontuaren % 50 baino gehiago hardwarea edo softwarea erosteko erabiltzea: 10 puntu.

2.– Laguntza eskuratu ahal izateko, gutxienez 30 puntu lortu beharko dira memoria teknikoaren kalitateari buruzko apartatuan, eta 40 puntu, guztira, jarduketa-planaren balorazio orokorrean.

3.– Aurkeztu diren eta gutxieneko puntuazioa lortu duten proiektuen ordena zehazteko, estrategikotzat jotako espedienteak hartuko dira kontuan lehenengo, aurreko puntuko a) apartatuan zehaztutakoaren arabera; horien ondoren, proiektu ez-estrategikoak hartuko dira kontuan. Gero, jarduketa-planaren balorazioan lortutako puntuazioaren arabera ezarriko da ordena, handienetik txikienera.

4.– 3.c lerroari dagozkion laguntzetarako, honako alderdi hauek baloratuko dira:

1) Ustiategien titularrak emakumeak izatea, haiek bakarrik edo partekatuta; ustiategien titularrak pertsona juridikoak badira, emakumeek gutxienez % 50eko partaidetza izatea sozietatea bi kidek osatzen duten kasuetan, edo, behintzat, partaidetza orekatua izatea gainerako kasuetan: 12 puntu.

2) Ustiategiek kalitate-bereizgarri baten bidez ziurtatuta izatea ekoizpena (ekoizpen ekologikoa, jatorri-deitura, adierazpen geografiko babestua edo Eusko label): gehienez 23 puntu.

3) Aurkeztutako memoriaren balorazioa: gehienez 15 puntu.

4) Proiektuaren kokapena, gehienez 20 puntu; honela:

– 1. mailako kalteberatasun-maila duten Arreta Bereziko Eremuak (ABE), indarrean dagoen landa-zonakatzearen dibertsifikazio ekonomikoaren maparen arabera: 20 puntu.

– 2. mailako kalteberatasun-maila duten eremuak, indarrean dagoen landa-zonakatzearen dibertsifikazio ekonomikoaren maparen arabera, edo Lehentasunezko Jarduketa Eremuak (LJE):(ez da bateragarria izango aurreko puntuazioarekin): 10 puntu.

5) Ustiategien titularrak gazteak izatea (41 urtetik beherakoak): 10 puntu.

Laguntza jaso ahal izateko, gutxienez 30 puntu lortu beharko dira, eta proiektuak puntuazio handienetik txikienera ordenatuko dira, dirulaguntzaren lehentasunaren ondorioetarako.

11. oinarria.– Laguntzaren intentsitatea eta zenbatekoa.

1.– Laguntzaren gehieneko zenbatekoa kalkulatzeko, aurkeztutako eskabideak baloratuko dira, eta aurretik aipatutako oinarrietan jasotako irizpideak aplikatuko zaizkie.

– 3. oinarriko 3.a apartatuan ezarritako motako proiektuak (enpresak digitalizatzen hasteko laguntzak): laguntza 50.000 eurokoa izango da gehienez.

– 3. oinarriko 3.b apartatuan ezarritako motako proiektuak (digitalizazio-fase aurreratuan dauden enpresei 4.0 teknologiak txertatzen laguntzeko laguntzak): laguntza 200.000 eurokoa izango da, gehienez, estrategikotzat jotzen diren proiektuetan, eta 100.000 eurokoa gainerakoetan.

– 3. oinarriko 3.c apartatuan ezarritako motako proiektuak (abeltzaintza-ustiategien titularrek lepokoak erosteko laguntzak): laguntza ustiategiko 60.000 eurokoa izango da, gehienez, ustiategi guztientzat. Gainera, ardi-aziendarentzako lepokoak eskatzen dituzten ustiategiek lepoko bakar bat eskatu ahal izango dute 20 animaliako.

2.– 3. oinarriko 3.a apartatuan (enpresak digitalizatzen hasteko laguntzak) ezarritako motako proiektu guztietan laguntzaren intentsitatea edo diruz lagundu daitezkeen kostuen laguntzaren ehunekoa zehazteko, kontuan hartuko dira, batetik, enpresa mota eta, bestetik, jarduketa-planaren balorazioan lortutako puntuazioa (10. oinarriko 1. apartatuko b puntuan ezarritakoaren arabera). Bestalde, 3. oinarriko 3.b apartatuan (digitalizazio-fase aurreratuan dauden enpresei 4.0 teknologiak txertatzen laguntzeko laguntzak) ezarritako motako proiektu ez-estrategikoen kasuan, kontuan hartuko dira, batetik, enpresa mota eta, bestetik, jarduketa-planaren balorazioan lortutako puntuazioa (10. oinarriko 1. apartatuko b puntuan ezarritakoaren arabera).

a) Elkarteak, enpresa-elkarteak, mikroenpresak, enpresa ertainak eta enpresa txikiak:

– Diruz lagundu daitezkeen kostuen % 60 emango zaie 80-100 puntu lortzen dituzten jarduketa-planei.

– Diruz lagundu daitezkeen kostuen % 55 emango zaie 70-79 puntu lortzen dituzten jarduketa-planei.

– Diruz lagundu daitezkeen kostuen % 50 emango zaie 60-69 puntu lortzen dituzten jarduketa-planei.

– Diruz lagundu daitezkeen kostuen % 45 emango zaie 50-59 puntu lortzen dituzten jarduketa-planei.

– Diruz lagundu daitezkeen kostuen % 40 emango zaie 40-49 puntu lortzen dituzten jarduketa-planei.

b) Gainerako enpresak:

– Diruz lagundu daitezkeen kostuen % 30 emango zaie 80-100 puntu lortzen dituzten jarduketa-planei.

– Diruz lagundu daitezkeen kostuen % 27,5 emango zaie 70-79 puntu lortzen dituzten jarduketa-planei.

– Diruz lagundu daitezkeen kostuen % 25 emango zaie 60-69 puntu lortzen dituzten jarduketa-planei.

– Diruz lagundu daitezkeen kostuen % 22,5 emango zaie 50-59 puntu lortzen dituzten jarduketa-planei.

– Diruz lagundu daitezkeen kostuen % 20 emango zaie 40-49 puntu lortzen dituzten jarduketa-planei.

3.– 3. oinarriko 3.b apartatuan (digitalizazio-fase aurreratuan dauden enpresei 4.0 teknologiak txertatzen laguntzeko laguntzak) ezarritako motako proiektu estrategikotzat jotzen diren proiektuen kasuan, laguntzaren intentsitatea edo diruz lagundu daitezkeen kostuen laguntzaren ehunekoa zehazteko, kontuan hartuko dira, batetik, enpresa mota eta, bestetik, jarduketa-planaren balorazioan lortutako puntuazioa (10. oinarriko 1. apartatuko b puntuan ezarritakoaren arabera).

a) Elkarteak, enpresa-elkarteak, mikroenpresak, enpresa ertainak eta enpresa txikiak:

– Diruz lagundu daitezkeen kostuen % 70 emango zaie 80-100 puntu lortzen dituzten jarduketa-planei.

– Diruz lagundu daitezkeen kostuen % 65 emango zaie 70-79 puntu lortzen dituzten jarduketa-planei.

– Diruz lagundu daitezkeen kostuen % 60 emango zaie 60-69 puntu lortzen dituzten jarduketa-planei.

– Diruz lagundu daitezkeen kostuen % 55 emango zaie 50-59 puntu lortzen dituzten jarduketa-planei.

– Diruz lagundu daitezkeen kostuen % 50 emango zaie 40-49 puntu lortzen dituzten jarduketa-planei.

b) Gainerako enpresak:

– Diruz lagundu daitezkeen kostuen % 45 emango zaie 80-100 puntu lortzen dituzten jarduketa-planei.

– Diruz lagundu daitezkeen kostuen % 42,5 emango zaie 70-79 puntu lortzen dituzten jarduketa-planei.

– Diruz lagundu daitezkeen kostuen % 40 emango zaie 60-69 puntu lortzen dituzten jarduketa-planei.

– Diruz lagundu daitezkeen kostuen % 37,5 emango zaie 50-59 puntu lortzen dituzten jarduketa-planei.

– Diruz lagundu daitezkeen kostuen % 35 emango zaie 40-49 puntu lortzen dituzten jarduketa-planei.

4.– 3.c motako proiektu guztietan laguntzaren intentsitatea edo diruz lagundu daitezkeen kostuen laguntzaren ehunekoa zehazteko, kontuan hartuko da espedienteak 10.4 oinarrian xedatutakoaren arabera lortutako puntuazioa:

– Diruz lagundu daitezkeen kostuen % 85 emango zaie 80-100 puntu lortzen dituzten jarduketa-planei.

– Diruz lagundu daitezkeen kostuen % 75 emango zaie 60-79 puntu lortzen dituzten jarduketa-planei.

– Diruz lagundu daitezkeen kostuen % 65 emango zaie 40-59 puntu lortzen dituzten jarduketa-planei.

12. oinarria.– Dirulaguntzak emateko prozedura.

Agindu honetan araututako laguntzak lehiaketa bidezko norgehiagokaren bidez esleituko dira, Dirulaguntzen Araubidea Erregulatzeko abenduaren 21eko 20/2023 Legearen 19.1 artikuluan ezarritakoaren arabera.

13. oinarria.– Organo kudeatzailea eta balorazio-batzordea.

1.– Elikagaien Kalitate eta Industriako zuzendariak izango du agindu honetan araututako laguntzak kudeatzeko eskumena.

2.– Elikagaien Kalitate eta Industriako Zuzendaritzako zerbitzu teknikoek eskabide bakoitzean egiaztatuko dute betekizunak betetzen diren, eta berariaz jasota utziko dute hori.

3.– Proiektuak ebaluatu eta baloratzeko, eta balorazio-irizpide objektiboak aplikatzeko eta haiek haztatzeko, balorazio-batzorde bat sortuko da. Elikadura, Landa Garapen, Nekazaritza eta Arrantza Saileko Elikagaien Kalitate eta Industriako Zuzendaritzaren Ikerketa Programen arduraduna izango da Balorazio Batzordeko burua. Elikagaien Kalitate eta Industriako Zuzendaritzako teknikari bat eta HAZI fundazioko ordezkari bat izango dira batzordekideak, eta lehenengoak idazkari-lanak egingo ditu. Balorazio Batzordearen osaeran, bi sexuen presentzia orekatua bermatuko da, gaikuntza, konpetentzia eta prestakuntza egokia duten kideekin, eta Euskal Autonomia Erkidegoko bi hizkuntza ofizialen ezagutza nahikoa izan beharko dute kideek.

4.– Batzordeak, bere eginkizunak betetzeko, arloko aditu diren pertsonei eskatu ahal izango die hala bileretan parte hartzeko nola aholkularitza emateko, beharrezko irizten dionean.

5.– Balorazio Batzordearen osaera Euskal Herriko Agintaritzaren Aldizkarian argitaratuko da, eskumena duen sailburuordeak emandako ebazpen baten bidez, ebaluazio-jarduketa hasi aurretik.

6.– Balorazio Batzordearen egitekoak honako hauek izango dira:

a) Aurkeztu diren eskabideak aztertu eta ebaluatzea; identifikatu egingo dute zeintzuek betetzen duten aplikatu beharreko araudia eta zeintzuek ez, eta baloratu egingo dituzte bai proiektua, bai ezarritako irizpide objektiboen betetze-maila.

b) Baloratzeko eta kuantifikatzeko finkatzen dituen irizpide objektiboetan oinarrituz, onuradun bakoitzari zenbateko laguntza eman proposatzea.

7.– Balorazio Batzordeak bere barne funtzionamendu-arau propioak izango ditu. Arau horiek aurreikusten ez dituzten gaietan, Sektore Publikoaren Araubide Juridikoaren urriaren 1eko 40/2015 Legearen 15. artikuluan eta hurrengoetan xedatutakoa aplikatuko da.

8.– Balorazio Batzordean parte hartzeko eta beste zeregin batzuetarako, HAZI fundazioak entitate lankide gisa jardungo du, Dirulaguntzen Araubidea Erregulatzeko abenduaren 21eko 20/2023 Legearen 12. artikuluan ezarritakoaren arabera.

9.– Elikadura, Landa Garapen, Nekazaritza eta Arrantza Sailak hitzarmen bat egingo du HAZI fundazioarekin, haren helburu sozialarekin zerikusia duten lanak, zerbitzuak eta edozein jarduera egiteko, betiere horrek ez badakar administrazio-ahalak baliatzea.

10.– HAZI fundazioak honako eginkizun hau egingo du:

«Ezarritako ebaluazio-organoari laguntza ematea eskabideak aztertzeko eta ebaluatzeko lan materialetan, arlo horretan euskarri tekniko aditua emanez».

11.– Balorazio Batzordeak txosten bat egingo du organo kudeatzailearentzat, eta, bertan, egindako ebaluazioaren emaitza zehaztuko da.

Organo kudeatzaileak, kide anitzeko organoaren txostena eta espedientea ikusi ondoren, behin-behineko ebazpen-proposamena egingo du, behar bezala arrazoituta.

Behin-behineko ebazpena soilik jakinaraziko da baldin eta interesdunek aurkeztutakoez bestelako egitateak edo alegazioak eta frogak agertzen badira prozeduran. Horrelakoetan, interesdunei jakinarazi beharko zaie, eta 10 eguneko epea emango da alegazioak aurkezteko.

Ondoren, behin betiko ebazpen-proposamena egingo da, eta datu hauek eman beharko dira bertan: dirulaguntza zein eskatzaileri edo eskatzaileei ematea proposatzen den, dirulaguntzaren zenbatekoa eta, hala badagokio, ebaluazioa eta ebaluazioa egiteko erabili diren irizpideak.

Baldin eta ez bada beharrezkoa behin-behineko ebazpen-proposamena interesdunei jakinaraztea, behin betikoa izango da, Dirulaguntzen Araubidea Erregulatzeko abenduaren 21eko 20/2023 Legearen 21.3 artikuluaren arabera.

14. oinarria.– Ebazpena, ebazteko eta jakinarazteko epeak, jakinarazteko modua eta errekurtsoak.

1.– Behin betiko ebazpen-proposamena onesten denean, organo eskudunak, gaian eskumena duen sailburuordeak, prozedura ebatziko du.

Hartuko den ebazpenak honako informazio hau izan beharko du gutxienez:

a) Onartu diren eskabideei dagokienez:

1.– Onuradunen izena edo sozietate-izena, eta IFK edo NAN.

2.– Euskal Autonomia Erkidegoko aurrekontuen bidez finantzatutako zenbatekoa eta xedea, eta ordaintzeko modua eta epeak.

3.– Diruz lagundu daitezkeen jarduketak eta kostuak, kasuan kasuko laguntzaren zenbatekoa adierazita.

4.– Proiektua gauzatzeko epea eta proiektuak gauzatzeko epearen amaiera-data.

5.– Justifikatzeko modua.

6.– Laguntza nortasun juridikorik gabeko elkarte bati emanez gero, elkarteko kide bakoitzak proiektua gauzatzeko hartzen dituen konpromisoak eta bakoitzari aplikatu beharreko zenbatekoa islatu beharko dira.

7.– Laguntzaren de minimis izaera, Europako erregelamendu aplikagarriaren arabera.

b) Onartu ez diren eskabideei dagokienez:

1.– Eskatzaileen izena edo sozietate-izena, IFK edo NAN.

2.– Laguntza ukatzeko arrazoiak.

2.– Lehiaketa bidezko norgehiagokaren prozeduraren ebazpena Euskal Herriko Agintaritzaren Aldizkarian argitaratuko da, Administrazio Publikoen Administrazio Prozedura Erkidearen urriaren 1eko 39/2015 Legearen 45.1.b) artikuluari jarraikiz. Argitalpen horrek jakinarazpen-ondorioak izango ditu.

Hala ere, kontuan hartuta diruz lagundutako proiektu bakoitzak bere berezitasunak dituela eta interesdun bakoitzari betearazteko baldintza espezifikoak helarazten zaizkiola, horrez gain, eta modu osagarrian, dirulaguntza emateko ebazpena argitaratu ondoren, ebazpena eta baldintza horiei buruzko banakako edukia jakinaraziko zaizkie interesdunei, urriaren 1eko 39/2015 Legearen 46. artikuluan ezarritakoaren arabera. Informazioa modu elektronikoan helaraziko da, EAEko Administrazio Publikoaren egoitza elektronikoko «Nire karpeta» zerbitzuaren bidez.

3.– Prozedura ebazteko eta ebazpena jakinarazteko gehieneko epea sei hilabetekoa izango da, deialdia EHAAn argitaratu eta hurrengo egunetik aurrera. Epea amaitu eta berariazko ebazpenik eman eta jakinarazten ez bada, interesdunek ezetsitzat jo beharko dute beren eskabidea, hala jartzen baitu Dirulaguntzen Araubidea Erregulatzeko abenduaren 21eko 20/2023 Legearen 22.5 artikuluan.

4.– Prozeduraren ebazpenak ez dio amaiera ematen administrazio-bideari, eta, haren aurka, gora jotzeko errekurtsoa aurkeztu ahal izango zaio organoari berari nahiz Elikadura, Landa Garapen, Nekazaritza eta Arrantzako sailburuari, hilabeteko epean, ebazpena Euskal Herriko Agintaritzaren Aldizkarian argitaratu eta hurrengo egunetik aurrera, Administrazio Publikoen Administrazio Prozedura Erkidearen urriaren 1eko 39/2015 Legearen 121. eta 122. artikuluekin bat etorriz. Egintza espresua ez balitz, eskatzaileak eta balizko interesdunek gora jotzeko errekurtsoa aurkeztu ahal izango dute edonoiz, administrazio-isiltasunaren ondoreak indarrean jarri eta hurrengo egunetik aurrera.

15. oinarria.– Onuradunen betebeharrak.

Agindu honetan araututako laguntzen onuradunek oinarri honetan ezarritako betebeharrak bete behar dituzte, Dirulaguntzen Araubidea Erregulatzeko abenduaren 21eko 20/2023 Legearen 14. eta 42. artikuluetan eta Europako erregelamendu aplikagarrietan jasotakoak barne. Honako hauek dira:

1.– Laguntza emateko ebazpenak eta, hala badagokio, laguntza luzatzeko ebazpenak xedatzen duen epean egitea diruz laguntzen den jarduera; deialdiaren urtean hasi behar da inbertsioa edo gastua.

2.– Eman den helburu zehatzerako erabiltzea laguntza.

3.– Emandako dirulaguntza onartzea. Alde horretatik, hamabost eguneko epean, dirulaguntza eman zaiola jakinarazi eta hurrengo egunetik aurrera, dirulaguntzaren onuradunak dirulaguntzari berariaz uko egin ezean, dirulaguntza onartu duela ulertuko da.

4.– Emandako laguntzaren zenbatekoarekin ondasun inbentariagarriak eskuratu, eraiki, birgaitu eta hobetzen badira, dirulaguntza eman den helbururako bideratu beharko dira ondasunak, gutxienez horiek gauzatu eta hurrengo 5 urteetan –erregistro publiko batean inskribatu beharreko ondasunen kasuan– edo hurrengo 2 urteetan gainerako ondasunen kasuan, betiere Dirulaguntzen Araubidea Erregulatzeko abenduaren 21eko 20/2023 Legearen 30.4 artikuluan adierazitakoa kontuan hartuta.

5.– Elikagaien Kalitate eta Industriako Zuzendaritzari jakinaraztea jarduera edo proiektua partez edo osorik gauzatu dela, eta haren esku jartzea hala egin dela egiaztatzeko beharrezkoak diren agiri guztiak.

6.– Elikadura, Landa Garapen, Nekazaritza eta Arrantza Sailari, Ogasun eta Ekonomia Saileko Kontrol Ekonomikoko Bulegoari eta Herri Kontuen Euskal Epaitegiari, jasotako laguntzak nola erabili diren eta haien helburuak bete ote diren fiskalizatzeko eskatzen duten informazio guztia eman beharko zaie.

7.– Baldin eta beste administrazio batek edo ente publiko zein pribaturen batek helburu bererako ematen duen beste dirulaguntza edo laguntzarik eskatu eta, hala badagokio, lortzen bada, horren berri ematea, idatziz, Elikagaien Kalitate eta Industriako Zuzendaritzari, inguruabar horren berri izan eta hurrengo hamabost eguneko epean eta, nolanahi ere, jasotako funtsei eman zaien erabilera justifikatu aurretik.

Gainera, de minimis araubideari lotutako laguntzen kasuan, eta Europar Batasunaren Funtzionamenduari buruzko Tratatuaren 107. eta 108. artikuluak de minimis laguntzei aplikatzeari buruzko Europako Batzordearen abenduaren 13ko 2023/2831 (EB) Erregelamendua aplikatu behar bada, laguntzaren gehieneko zenbatekoa zenbatzeko, aurreko hiru urteetan eskatu eta jasotako de minimis laguntza guztiak jakinarazi beharko dira eskabidearekin batera, baldin eta laguntza horiek de minimis erregelamenduren baten mende badaude. Era berean, urtea amaitu aurretik edozein unetan de minimis araubideari lotutako beste edozein dirulaguntza jasotzen bada, hori ere apartatu honetan adierazitako moduan jakinarazi beharko da.

Gainera, 1408/2013 (EB) eta 717/2014 (EB) erregelamenduak aplikatu behar badira, dagokion zerga-ekitaldian eta aurreko bi ekitaldietan eskatu eta jasotako de minimis laguntza guztiak jakinarazi beharko dira eskabidearekin batera, baldin eta laguntza horiek de minimis erregelamenduren baten mende badaude. Era berean, zerga-ekitaldia amaitu aurretik edozein unetan de minimis araubideari lotutako beste edozein dirulaguntza jasotzen bada, hori ere apartatu honetan adierazitako moduan jakinarazi beharko da.

8.– Dirulaguntza emateko kontuan hartzen den egoera subjektibo edo objektiboren bat aldatzen bada, aldaketaren berri emango zaio, idatziz, Elikagaien Kalitate eta Industriako Zuzendaritzari, 19.2 oinarrian ezarritakoaren arabera. Jakinarazpen hori inguruabar horren berri izan eta hamabost egun naturaleko epean egin beharko da, eta, nolanahi ere, jasotako funtsei eman zaien erabilera justifikatu aurretik.

9.– Gastuei eta diruz lagundutako jarduerei buruz ematen den informazio edo publizitate guztian, ikusteko eta ulertzeko moduan jasotzea Eusko Jaurlaritzaren funtsekin finantzatu direla jarduerok, Eusko Jaurlaritzaren erakunde-nortasunaren eskuliburua arautzen duen abuztuaren 31ko 318/1999 Dekretuan xedatuarekin bat.

10.– Merkataritza-legeriak eskatutako terminoetan ikuskatutako kontabilitate-liburuak, erregistro izapidetuak eta gainerako dokumentu guztiak izatea, eta kontabilitate-kode egoki bat edo kontabilitate-sistema bereizi bat mantentzea deialdi bakoitzean finantzatutako inbertsioarekin lotutako inbertsio eta gastu guztietarako, araudiak finkatzen dituen kontrolak egin ahal izateko.

11.– Jasotako funtsak zertarako erabili diren frogatzen duten agiriak gordetzea, bai eta elektronikoak ere, egiaztatu eta kontrolatzeko eskatu ahal izango baitira.

12.– Organo emaileari berreskuratzea jasotako funtsak, edo garatu behar den jarduera edo jarduketarako diruz lagundutako kostuaren gainean jasotako soberakina, Dirulaguntzen Araubidea Erregulatzeko abenduaren 21eko 20/2023 Lege Orokorraren 36. artikuluan aurreikusitako kasuetan.

13.– Ikuspegi intersekzionala eta, bereziki, sexuari eta generoari dagokion alderdia errespetatzen dituen hizkera eta irudiak erabiltzea dirulaguntza jaso duen jarduera edo proiektuak behar dituen agiri eta material guztietan.

14.– Herritarren hizkuntza-eskubideak eta, bereziki, euskararen erabilera bermatzea diruz lagundutako jarduerarekin zerikusia duten argitalpenetan, iragarkietan eta publizitatean.

15.– Dirulaguntzen Araubidea Erregulatzeko abenduaren 21eko 20/2023 Legearen 9.4.p) artikuluan adierazitakoarekin bat etorriz, onuradunak konpromisoa hartu behar du enpresa-deslokalizaziorik ez egiteko aipatutako legearen 49. artikuluan ezarritakoaren arabera.

16.– Dirulaguntzen Araubidea Erregulatzeko abenduaren 21eko 20/2023 Legearen 9.4.h) artikuluan adierazitakoarekin bat etorriz, onuradunak konpromisoa hartu behar du gehiegizko finantzaketarik ez jasotzeko.

16. oinarria.– Gauzatzeko gehieneko epeak.

1.– Inbertsioak edo gastuak urtebetean edo urte anitzetan gauzatu ahal izango dira. 2024ko aurrekontu-ekitaldian hasi behar dira gauzatzen diruz lagundutako ekintzak.

2.– Urteko proiektuak gauzatzeko epea 2024ko abenduaren 31n amaituko da.

3.– Urte anitzeko proiektuak gauzatzeko epea 2025eko abenduaren 31n amaituko da.

17. oinarria.– Gastua justifikatzea.

1.– Dirulaguntzen Araubidea Erregulatzeko abenduaren 21eko 20/2023 Legearen 32. artikulua betez, dirulaguntza jaso duen inbertsio- edo gastu-proiektua gauzatu dela eta onuradun izateko eskatutako betekizunak eta baldintzak betetzen direla justifikatzeko, agiri hauek aurkeztu beharko zaizkio Elikagaien Kalitate eta Industriako Zuzendaritzari:

a) Egindako jarduketen justifikazio-memoria bat, informazioa emanez jarduketa-plana betetzeari eta jardueren betetze-mailari buruz, bai eta laguntza emateko kontuan hartu diren betekizun eta baldintzak bete izanari buruz ere.

b) Faktura originalak eta froga-balio baliokidea duten bestelako agiriak, merkataritzako trafiko juridikoan baliozkoak direnak edo administrazio-eraginkortasuna dutenak, faktura jaulkitzeko beharrik ez dagoen kasuetan, Fakturazio-betebeharrak arautzeko erregelamendua onartzen duen azaroaren 30eko 1619/2012 Errege Dekretuaren 3. artikuluan ezarritakoaren arabera, eta dagokien ordainketa-frogagiria.

c) Adierazpen bat, zehazten duena fakturak eta ordainketak justifikatzeko gainerako egiaztagiriak ez direla aurkeztu diruz lagundu daitezkeen beste programa batzuk justifikatzeko edo, hartarako aurkeztu badira, zehazten duena zer programa justifikatzeko aurkeztu diren eta faktura edo egiaztagiri bakoitzaren zer ehuneko lagundu den diruz.

2.– Elikagaien Kalitate eta Industriako Zuzendaritzak automatikoki eta ofizioz egiaztatuko du zerga-betebeharrak eta Gizarte Segurantzarekikoak egunean ordainduta dauden. Hala ere, eskatzaileak berariaz egin ahal izango dio uko baimen inplizitu horri, eta, hala egiten badu, dagokion agiri edo ziurtagiria aurkeztu beharko du, bat etorriz Ekonomia eta Ogasuneko sailburuaren 2023ko otsailaren 13ko Aginduarekin (Agindua, 2023ko otsailaren 13koa, Ekonomia eta Ogasuneko sailburuarena, Euskal Autonomia Erkidegoko aurrekontuen kontura ematen diren laguntzen eta dirulaguntzen esparruan bai zerga-betebeharrak eta Gizarte Segurantzarekikoak bai dirulaguntzak itzultzeari buruzkoak betetzen direla egiaztatzeari buruzkoa).

3.– Elikagaien Kalitate eta Industriako zuzendariak dokumentu gehiago eskatu ahal izango ditu, egoki baderitzo. Eskabide hori arrazoitu egin beharko da.

4.– Aurreko paragrafoetan aipatutako agiriak aurkeztu ondoren, proiektuaren azken ebaluazioa egingo dute Elikagaien Kalitate eta Industriako Zuzendaritzako langileek, eta proiektuak berarekin soilik inbertsioa edo soilik gastua badakar, edo inbertsioa eta gastua elkarrekin, proiektua gauzatu dela adierazten duen azken ziurtagiria egingo dute.

5.– Laguntzak behar bezala kudeatu eta ordainduko direla bermatzeko, garaiz aurkeztu beharko dira egindako gastuaren justifikazio-agiriak: urteko proiektuen kasuan, 2025eko urtarrilaren 31 izango da agiriak aurkezteko azken eguna, eta urte anitzeko proiektuen kasuan, 2026ko urtarrilaren 31, betiere gastua 2024ko abenduaren 31 baino lehen egin bada urteko proiektuetan, eta 2025eko abenduaren 31 baino lehen urte anitzeko proiektuetan.

18. oinarria.– Dirulaguntzen ordainketa.

Entitate onuradunak Eusko Jaurlaritzako Hirugarrenen Erregistroan jasota egon beharko du. Alta emateko edo hirugarren interesdunaren datuak aldatzeko, Eusko Jaurlaritzak emandako hirugarrenentzako erregistro telematikora jo beharko da, honako helbide honetan:

https://www.euskadi.eus/hirugarrenak

1.– Honela egingo dira ordainketak 3.a, 3.b eta 3.c lerroetarako:

a) Ebazpenaren jakinarazpenarekin batera, aurretiko lehen ordainketa bat egingo da, zeina emandako laguntzaren % 20 izango baita. Alde horretatik, baldin eta dirulaguntza eman izanaren jakinarazpena jaso eta hamabost egunean onuradunek ez badiote berariaz uko egiten dirulaguntzari, onartu egiten dutela ulertuko da.

b) Urte bakoitzean, ordainketak kontura egin daitezke, proiektuak gauzatzeko erritmoaren arabera. Horretarako, interesdunek eskabidea egin behar dute aurretik. Gehienez ere, konturako ordainketa bat egingo da urte bakoitzeko. Konturako ordainketa egiteko eskabidearekin batera, 17. oinarriaren 1. paragrafoan aipatzen diren agiriak aurkeztuko dira. Ezin izango da konturako ordainketarik eskatu ordainketa aurreratua justifikatu gabe.

2.– Inbertsioak ez badira egiten gehieneko epeen barruan, edo inbertsioa egin izana egiaztatzeko agiriak ez badira aurkezten epe barruan, onuradunek dirulaguntza hartzeko eskubidea galduko dute, eta, hala badagokio, agindu honen 21. oinarriko berreskuratze-prozedura jarriko da abian.

3.– Nortasun juridikorik gabeko pertsona fisiko edo juridiko pribatuen elkarteei eta ondasun-erkidegoei dagokienez, funtsen hartzaile izateko izendatu den kideari egingo zaio ordainketa, eta hark banatuko ditu funtsak elkarteko gainerako kideen artean.

19. oinarria.– Dirulaguntzaren baldintzak aldatzea.

1.– Dirulaguntza emateko kontuan hartutako baldintzaren bat aldatuz gero edo beste entitate publiko nahiz pribatu batek emandako beste laguntza edo dirulaguntzaren bat jasoz gero, idatziz jakinarazi eta justifikatu beharko zaio Elikagaien Kalitate eta Industriako Zuzendaritzari, eta baliteke, horren ondorioz, dirulaguntza emateko ebazpena aldatzea, baldin eta Dirulaguntzen Araubidea Erregulatzeko abenduaren 21eko 20/2023 Legearen 25. artikuluan ezarritako eta agindu honetan adierazitako betekizunak eta laguntza ematea eragin zuen helburua betetzen badira. Horretarako, ebazteko eskumena duen organoak dagokion aldaketa-ebazpena emango du, hala egokituz gero emandako dirulaguntzaren zenbatekoak oinarri berriaren arabera doitzeko. Hala bada, Dirulaguntzen Araubidea Erregulatzeko abenduaren 21eko 20/2023 Legearen 40. artikuluan jasotako organo emaileari berreskuratzeko prozedura hasiko da.

2.– Bat etorriz Dirulaguntzen Araubidea Erregulatzeko abenduaren 21eko 20/2023 Legearen 25. artikuluarekin, dirulaguntza ematen duen organoak aukera izango du emandako dirulaguntza edo haren baldintzak aldatzeko, ofizioz edo interesdunak hala eskatuta, betekizun hauek betetzen direnean:

a) Dirulaguntza aldatzea interesdunak eskatuz gero, Dirulaguntzen Araubidea Erregulatzeko abenduaren 21eko 20/2023 Legearen 14.e) artikuluan adierazitako betebeharra betez jakinaraztea onuradunak, jakin bezain laster eta, nolanahi ere, jasotako funtsen aplikazioa justifikatu baino lehen.

b) Zenbatekoa gehitu behar ez izatea.

c) Oinarri erregulatzaileen xedeen artean egotea gauzatu den edo gauzatzekoa den jarduera edo jokabidea.

d) Aldaketa justifikatzen duten baldintzak onuradunaren borondatearen araberakoak ez izatea.

e) Aldaketa dakarten elementu eta inguruabar berriak, hasierako dirulaguntza emateko unean gertatu izanez gero, dirulaguntza ez emateko arrazoi ez izatea, eta aldaketak ez eragitea hasieran onetsitako proiektua nabarmen aldatzea.

f) Hirugarrenen eskubideei kalterik ez egitea.

3.– Dirulaguntzaren zenbateko osoa edo zati bat jaso badu onuradunak eta aldaketaren ondorioz dirulaguntzaren zenbatekoa murriztu behar bada, Dirulaguntzen Araubidea Erregulatzeko abenduaren 21eko 20/2023 Legearen 40. artikuluan aurreikusitakoari jarraituko zaio.

20. oinarria.– Atzera egitea eta uko egitea.

1.– Eskatzaileak atzera egin ahal izango du, betiere laguntzak emateko prozeduraren ebazpena jakinarazi aurretik. Horretarako, atzera egiteko eskabide bat helarazi beharko dio Nekazaritzako, Arrantzako eta Elikagai Politikako sailburuordeari, idatziz, eta hark, ebazpen baten bidez, bete-betean onartuko du eskabidea, eta amaitutzat emango du hari dagokion prozedura.

2.– Laguntzaren onuradunak 15 eguneko epea izango du emandako laguntzari uko egiteko, dirulaguntza eman izanaren jakinarazpena jaso eta hurrengo egunetik aurrera, 15. oinarriko 3. apartatuan jasotakoari jarraikiz. Uko egitea idatziz aurkeztuko zaio Nekazaritzako, Arrantzako eta Elikagai Politikako sailburuordeari, eta horrek, ebazpen bidez, bete-betean onartuko du uko-egite hori, eta amaitutzat emango du hari dagokion prozedura.

Ukoa onartuta, onuradunak automatikoki galduko du ebazpen bidez onartutako eskubidea, bai eta emandako laguntza kobratzeko eskubidea ere.

Halaber, aipatu bezala, 15 egunen ostean ere uko egin dakioke, baina horrek jasotakoa itzuli beharra ekarriko du, dagozkion berandutze-interesak gehituta.

21. oinarria.– Ez-betetzeak.

1.– Dirulaguntzen Araubidea Erregulatzeko abenduaren 21eko 20/2023 Legearen 36. artikuluarekin bat etorriz, honako kasu hauetan berreskuratu behar zaizkio organo emaileari jasotako kopuruak, eta exijitu berandutze-interesak, dirulaguntza ordaindu zenetik organo emaileari berreskuratu behar zaiola erabakitzen den egunera arte sortutakoak, edo zordunak organo emaileari dirulaguntza berreskuratzen dion egunera arte sortutakoak data hori dirulaguntza organo emaileari berreskuratu behar zaiola erabakitzen den eguna baino lehenagokoa bada:

a) Justifikatzeko betebeharra betetzen ez denean edo Dirulaguntzen Araubidea Erregulatzeko abenduaren 21eko 20/2023 Legean eta, hala badagokio, dirulaguntzaren oinarri erregulatzaileetan ezarritako moduan justifikatzen ez denean.

b) Dirulaguntza baldintzak bete gabe edo baldintzak faltsutuz eskuratzen denean edo hura eskuratzea galaraziko luketen baldintzak ezkutatuz eskuratzen denean.

c) Dirulaguntzaren helburua, jarduera edo proiektua betetzen ez denean edo dirulaguntzaren bidez hartu behar den jokabidea hartzen ez denean.

d) Dirulaguntza emateagatik ezarritako baldintzak betetzen ez direnean.

e) Dirulaguntzen Araubidea Erregulatzeko abenduaren 21eko 20/2023 Legearen 12.5.d, 14.c eta 42. artikuluek ezartzen dituzten kontrol-jarduketei erresistentzia, aitzakiak edo oztopoak jartzen zaizkienean edo kontrol horiei uko egiten zaienean.

f) Dirulaguntzen Araubidea Erregulatzeko abenduaren 21eko 20/2023 Legearen 27. artikuluan biltzen diren publikotasunerako neurriak betetzen ez direnean.

g) Enpresa-deslokalizazioaren deklarazioa, Dirulaguntzen Araubidea Erregulatzeko abenduaren 21eko 20/2023 Legearen 51. artikuluan xedatutakoa aplikatuz.

Era berean, Dirulaguntzen Araubidea Erregulatzeko abenduaren 21eko 20/2023 Legearen 16.3 artikuluan adierazitako kasuan, organo emaileari berreskuratu beharko zaio diruz lagundutako jardueraren kostuaren gainetik lortutako soberakina, bai eta berandutze-interesak ere.

2.– Onuradunaren betetze-maila erabateko betetze-mailara nabarmen hurbiltzen denean eta onuradun edo entitate laguntzaile horrek egiaztatzen duenean bere jarduna konpromisoak betetzera bideratuta dagoela zalantzarik gabe, dirulaguntzaren zati bat ordainduko da, edo, hala badagokio, zati bat berreskuratu beharko dio organo emaileari, eta egindako jarduera osoaren aldean dagoen proportzioan zehaztuko da haren kalkulua.

3.– Aurreko apartatuan adierazitako ez-betetzeren bat egingo balu onuradunak, dirulaguntza organo emaileari berreskuratzeko prozedura abiaraziko da, Dirulaguntzen Araubidea Erregulatzeko abenduaren 21eko 20/2023 Legearen 40. artikuluan eta 698/1991 Dekretuan araututakoa betez (698/1991 Dekretua, abenduaren 17koa, Euskal Autonomi Elkartearen Aurrekontu Orokorren pentzudan ematen diren dirulaguntzen bermeei eta horiek itzultzeari buruzkoa), hargatik eragotzi gabe bidezkoak izan daitezkeen gainerako ekintzak. Ez-betetzea inbertsioei eusteko epeari badagokio, pro rata temporis egingo da dirulaguntza organo emaileari berreskuratzeko prozedura.

Aipatutako diru kopuruak diru-sarrera publikotzat hartuko dira lege-ondorio guztietarako.

4.– Arau-hauste administratibotzat har daitezkeen gertakarien ondorioz hasten bada dirulaguntza organo emaileari berreskuratzeko prozedura, organo eskudunari jakinaraziko zaizkio gertakariok, dagokion zehapen-prozedura has dezan.

22. oinarria.– Bateragarritasunak.

1.– Agindu honetan aurreikusitako dirulaguntzak bateragarriak dira beste edozein entitate publiko zein pribatuk xede bererako emandako beste edozeinekin, betiere dirulaguntza guztien baturak ez baditu gainditzen agindu honek egoera bakoitzerako ezartzen dituen gehieneko ehunekoak. Muga hori gaindituko balitz, gaindikinari dagokion zenbatekoa kenduko zaio laguntzari, Nekazaritzako, Arrantzako eta Elikagai Politikako sailburuordearen ebazpen baten bidez, entitate onuradunari entzun ondoren.

2.– Aurreko paragrafoan xedatutakoa gorabehera, baldin eta laguntzen mugak desberdinak badira, entitate onuradunarentzat onuragarriena den muga hartuko da kontuan gaindikina kalkulatzeko.

3.– Era berean, de minimis araubideari lotutako dirulaguntzen kasuan, beste edozein administrazio publikok edo ente publiko zein pribatuk emandako beste de minimis laguntza batzuekin metatu ahal izango dira laguntza hauek, baldin eta guztien artean ez bada gainditzen aplikatu beharreko erregelamendu bakoitzean onuradun bakoitzarentzat ezarritako gehieneko zenbatekoa. Kasu horretan, gehieneneko atalase horretara egokitu arte gutxituko dira agindu hau betez eman beharreko zenbatekoak.

7. oinarriko 1.p) apartatuan dago zehaztuta enpresa bakar batek estatu kide bakoitzean zenbateko laguntzak jaso ditzakeen, gehienez, hiru urteko edozein alditan.

23. oinarria.– Datuen babesari buruzko oinarrizko informazioa.

Datu pertsonalak tratatu egingo dira, eta izen hau duen tratamendu-jardueran sartuko dira: Dirulaguntzak Elikagaien kalitatearen eta industriaren arloan.

– Arduraduna: Elikagaien Kalitate eta Industriako zuzendaria, Elikadura, Landa Garapen, Nekazaritza eta Arrantza Saila.

– Helburua: Elikagaien Kalitate eta Industriako Zuzendaritzaren laguntzen, beken eta I+Garen jarraipena, kontrola eta kudeaketa.

– Legitimazioa:

• Tratamendua beharrezkoa da interes publikoaren izenean misio bat egiteko edo tratamenduaren arduradunari aitortzen zaizkion ahalorde publikoak egikaritzeko.

– Hartzaileak:

• Euskal Autonomia Erkidegoko beste organo batzuk.

• Nekazaritza eta Arrantzako Estatistika Ofizialen Zerbitzua (SEAS). Entitate ordaintzailea.

– Eskubideak: eskubidea duzu datuak irispidean izateko, datuak zuzentzeko eta ezerezteko, bai eta informazio gehigarrian adierazitako beste eskubide batzuk ere.

– Informazio gehigarria: datuen babesari buruzko informazio gehigarri eta xehea duzu gure web-orrian:

https://www.euskadi.eus/clausulas-informativas/web01-sedepd/es/transparencia/001600capa2-es.shtml

– Araudia:

• Datuak Babesteko Erregelamendu Orokorra (https://eur-lex.europa.eu/legal-content/ES/TXT/PDF/?uri=CELEX:32016R0679&from=ES).

• 3/2018 Lege Organikoa, abenduaren 5ekoa, Datu Pertsonalak Babestekoa eta Eskubide Digitalak Bermatzekoa (https://www.boe.es/boe_euskera/dias/2018/12/06/pdfs/BOE-A-2018-16673-E.pdf).

II. ERANSKINA

ESKABIDE-INPRIMAKIAREN EDUKIA

Laguntzaren eskabide-inprimakia webgune honetan dago eskuragarri: https://www.euskadi.eus/zerbitzuak/1207204

Funtsezko eduki hau du:

ERREFERENTZIAKO PERTSONAREN IDENTIFIKAZIO-DATUAK AURKEZPENAREKIN ETA JUSTIFIKAZIOAREKIN LOTUTA SOLASKIDE-LANAK EGITEKO

Izen-abizenak:

Lanpostua edo kargua:

Telefono finkoa / Mugikorra:

Helbide elektronikoa:

Identifikazio-agiriaren mota (NAN/AIZ). Zenbakia:

ESKATZAILEAREN IDENTIFIKAZIO-DATUAK

Entitatearen izena (pertsona juridikoek soilik).

Pertsona fisikoaren izen-abizenak:

Identifikazio-agiriaren mota (IFK/NAN/AIZ). Telefono finkoa.

Telefono mugikorra. Helbide elektronikoa.

Lurralde historikoa.

Sexua (pertsona fisikoek soilik). Jakinarazpen eta komunikazioetarako kanala. Abisuak jasotzeko helbide elektronikoa. Jakinarazpenen hizkuntza.

1.– Informazio orokorra.

1.1.– Inbertsio-proiektuaren edo gastuaren titulua:

1.2.– Jarduketa-proiektuaren deskribapen laburra (gehienez 200 hitz):

1.3.– Jarduketa-proiektuaren lurralde-eremua (kokapen zehatza: proiektua gauzatuko den eremuak, hiriak, auzoak edo udalerriak): _______________.

1.4.– Jarduketa-proiektuaren iraupena:

(Ikus .PDF)

1.5.– Jarduketa-proiektuaren finantzaketa:

(Ikus .PDF)

2.– Memoria teknikoa.

2.– 1.– Beharren azterketa eta proposatutako irtenbidearen egokitasuna, gehienez 500 hitz.

2.2.– Esperotako emaitzak eta adierazleak (deskribatu aurreikusitako emaitzak eta horiek neurtzeko erabiliko diren adierazleak).

(Ikus .PDF)

2.3.– Aurrekontu xehatua.

(Ikus .PDF)

2.4.– Alternatibaren hautaketa (deskribatu hautatu diren gastu/jarduera alternatibak), gehienez 1.000 hitz.

2.5.– Egin beharreko ekintzen deskribapena eta gauzatzeko epea (zerrendatu 2.4 apartatuan deskribatutako gastuak/jarduerak eta X batez markatu bakoitzaren gauzatze-hilabeteak).

(Ikus .PDF)

2.6.– Gainera, 3.c lerrorako, hauek ere adierazi beharko dira:

– Ustiategiaren kodea.

– Ustiategiko animalien kopurua.

– Lepokoak erabiliko dituzten animalien kopurua.

– Kalitate-bereizgarria duen. Adierazi zein.

2.7.– Laguntza emanez gero, enpresan zenbateko hobekuntza ekarriko duen (deskribatu jarduera-proiektua egiteak zer aurrerapen ekarriko duen enpresaren jarduera ekonomikoan), gehienez 200 hitz.

2.8.– Hobekuntzak sustatzea ingurumenean, produktibitatean eta jasangarritasun ekonomikoan (azaldu, labur-labur, jarduera-proiektua egiteak zer beste eragin txiki izango duen enpresaren jarduera ekonomikoan: ingurumenean, produkzio-efizientzian), gehienez 200 hitz.

2.9.– Entitate sustatzaileko plantillaren banaketa, sexuaren arabera.

(Ikus .PDF)

Honako hauek ziurtatzeko erantzukizunpeko adierazpena:

– Bete egiten ditut programako laguntzak emateko oinarri arautzaileetan eskatzen diren betekizunak.

– Ez naiz krisian den enpresa, estatuek krisialdian dauden enpresa ez-finantzarioak salbatzeko eta berregituratzeko ematen dituzten laguntzei buruzko zuzentarauen arabera (2014/C 249/01).

– Proiektuak bete egiten du EAEn ingurumen-gaietan aplikatu beharreko berariazko araudia (21/2013 Legea, abenduaren 9koa, Ingurumen-ebaluazioari buruzkoa, eta 10/2021 Legea, abenduaren 9koa, Euskadiko Ingurumen Administrazioarena), –dagokionean, ingurumen-inpaktuaren ebaluazioa egingo zaie, aurrez, inbertsio-proiektuei–, baita higiene-araudia eta inbertsio bakoitzari aplikatu beharreko Europar Batasuneko arauak ere.

– Eskatu dut / Ez dut eskatu eta jaso dut / ez dut jaso beste administrazio batek edo ente publiko zein pribaturen batek helburu bererako ematen duen beste dirulaguntza, laguntza, diru-sarrera edo baliabide ekonomikoren bat.

(Ikus .PDF)

– Eskatu dut / Ez dut eskatu eta jaso dut / ez dut jaso, azken hiru urteetan edo hiru ekitaldi fiskaleko aldian, beste administrazio batek edo ente publiko zein pribaturen batek emandako de minimis laguntzaren bat, de minimis erregelamenduren bati lotuta (Europako Batzordearen 2023/2831 (EB) Erregelamendua, abenduaren 13koa, Europar Batasunaren Funtzionamenduari buruzko Tratatuaren 107. eta 108. artikuluak de minimis laguntzei aplikatzeari buruzkoa; Europako Batzordearen 1408/2013 (EB) Erregelamendua, 2013ko abenduaren 18koa, Europar Batasunaren Funtzionamenduari buruzko Tratatuaren 107. eta 108. artikuluak nekazaritza-sektoreko de minimis laguntzei aplikatzeari buruzkoa; Europako Batzordearen 717/2014 (EB) Erregelamendua, 2014ko ekainaren 27koa, Europar Batasunaren Funtzionamenduari buruzko Tratatuaren 107. eta 108. artikuluak arrantza- eta akuikultura-sektoreko de minimis laguntzei aplikatzeari buruzkoa).

(Ikus .PDF)

– 3.c lerroari dagokionez, Europako Batzordearen 2022ko abenduaren 14ko 2022/2472 (EB) Erregelamenduaren 8. artikuluan jasotako metatze-arauak errespetatu beharko dira, jasotako beste zenbateko batzuk adierazita.

(Ikus .PDF)

– Egunean ordainduta ditut dirulaguntzak organo emaileari berreskuratzeko betebeharrak.

– Ez dut zehapenik jaso, ebazpen irmo bidez, dirulaguntzak eskuratzeko aukera galtzeko, lege honen edo hala ezartzen duten beste lege batzuen arabera. (Zehazki, ezin izango dira dirulaguntzen onuradun edo entitate laguntzaile izan sexuan oinarrituta diskriminatzeagatik edo emakumeen eta gizonen berdintasunaren arloko araudia ez betetzeagatik administrazio- edo zigor-zehapenen bat ezarri zaien pertsona fisikoak eta juridikoak, dagokion zehapenean ezarritako denbora-tarte osoan. Halaber, laguntza eta dirulaguntzetatik kanpo geratuko dira estatu-araudiaren arabera berdintasun-plan bat indarrean izan behar duten arren halakorik ez duten enpresak, eta estatu-legediak emakumeen eta gizonen berdintasunaren esparruan finkatzen duen moduan sexu-jazarpena edo sexuan oinarritutako jazarpena prebenitzeko neurriak ezarri dituztela egiaztatzen ez duten 50 langiletik gorako enpresak.)

– Ez dut eskatu hartzekodunen konkurtso boluntariorik, ez naute kaudimengabetzat jo edozein prozeduratan, ez nago hartzekodunen konkurtsoan deklaratuta –konkurtso horretan hitzarmen bat indarrean jarri bada salbu–, ez nago epailearen esku-hartzearen mende eta ez nago desgaitua Konkurtsoari buruzko uztailaren 9ko 22/2003 Legearen arabera, hartzekodunen konkurtsoaren kalifikazio-epaian ezarritako desgaitze-aldia amaitu gabe dagoelarik.

– Ez dut zehapenik jaso, ebazpen irmo bidez, dirulaguntzak eskuratzeko aukera galtzeko, edo honako delitu hauetakoren bat egin izana leporatuta: prebarikazioa, funtzionario-eroskeria, ondasun publikoak bidegabe erabiltzea, eragimen-trafikoa, iruzurrak eta legearen aurkako ordainarazpenak edo hirigintza-delituak.

– Ez dut eragin administrazioarekin egindako kontraturen baten suntsiarazpen irmorik, suntsiarazpen-arrazoi horren errudun deklaratu nautela.

– Pertsona fisikoa, merkataritza-sozietateen administratzailea edo beste pertsona juridiko batzuen legezko ordezkaria izanik, ez nago Kargu publikodunen jokabide-kodea eta haien interes-gatazkak arautzen dituen ekainaren 26ko 1/2014 Legean ezarritako kasuren batean, eta ez daukat Hauteskunde Araubide Orokorrari buruzko ekainaren 19ko 5/1985 Lege Organikoan araututako hautapen bidezko karguren bat, lege horretan edo arlo hau arautzen duen araudi autonomikoan ezarritako baldintzetan.

– Egoitza fiskala ez daukat paradisu fiskaltzat hartutako herrialde edo lurralde batean.

– Ez dut zehapenik jaso, administrazio-bideko ebazpen irmo bidez, Euskadiko Ingurumen Administrazioaren abenduaren 9ko 10/2021 Legean aurreikusitako arau-hauste astunengatik eta oso astunengatik, edo, zehapena jasota ere, neurri zuzentzaileak bete ditut eta isuna ordaindu dut.

– Elkartea izanik, ez nago nahasita Elkartzeko eskubidea arautzeko martxoaren 22ko 1/2002 Lege Organikoaren 4. artikuluko 5. eta 6. apartatuetan aurreikusitako debekuen kausetan. Eta inskribatzeko administrazio-prozedura ez dago etenda ez-zilegitasun penalaren zentzuzko zantzuak egoteagatik, 1/2002 Lege Organikoaren 30.4 artikuluan xedatutakoari jarraikiz, harik eta ebazpen judizial irmoa eman, eta, horren bitartez, inskripzioa dagokion erregistroan egin ahal izan arte.

– Ez nago berreskuratze-agindu baten mende, Europako Batzordeak aurretiaz erabaki badu laguntza bat legez kanpokoa eta barne-merkatuarekin bateraezina dela.

– Bete dut, hala badagokio, desgaitasuna duten pertsonentzat legez ezarritako erreserba-kuota, eta ez dut egiaztatu hori betetzeko neurri alternatiboak abian jarri diren.

– Kontabilitateko araudiaren arabera galeren eta irabazien kontu laburtua aurkez dezakeen entitatea izanik, nire erantzukizunpean aitortzen dut bete egiten ditudala Merkataritzako eragiketetan berandutzaren aurka borrokatzeko neurriak ezartzen dituen abenduaren 29ko 3/2004 Legean aurreikusitako ordainketa-epeak.

– Dirulaguntzen Araubidea Erregulatzeko abenduaren 21eko 20/2023 Legearen 9.4.p) artikuluan adierazitakoarekin bat etorriz, konpromisoa hartzen dut enpresa-deslokalizaziorik ez egiteko aipatutako legearen 49. artikuluan ezarritakoaren arabera.

– Dirulaguntzen Araubidea Erregulatzeko abenduaren 21eko 20/2023 Legearen 9.4.h) artikuluan adierazitakoarekin bat etorriz, konpromisoa hartzen dut gehiegizko finantzaketarik ez jasotzeko.

Konpromisoa hartzen dut aurretik adierazi dudana betetzeko, adierazpen hau aurkezten dudanetik deialdia ebatzi eta emandako dirulaguntza osoa justifikatu arteko denbora-tarte osoan.

Konpromisoa hartzen dut adierazitako inguruabarretan gerta daitekeen edozein aldaketa jakinarazteko, emandako dirulaguntza osoa justifikatu arte.

Elikagaien Kalitate eta Industriako Zuzendaritzak automatikoki egiaztatuko du NAN, IFZ eta zerga-betebeharrak eta Gizarte Segurantzarekiko ordainketak egunean dituela, bat etorriz Ekonomia eta Ogasuneko sailburuaren 2023ko otsailaren 13ko Aginduaren 6. artikuluan zehaztutakoarekin (Agindua, 2023ko otsailaren 13koa, Ekonomia eta Ogasuneko sailburuarena, Euskal Autonomia Erkidegoko aurrekontu orokorren kontura ematen diren laguntzen eta dirulaguntzen esparruan bai zerga-betebeharrak eta Gizarte Segurantzarekikoak bai dirulaguntzak itzultzeari buruzkoak betetzen direla egiaztatzeari buruzkoa). Hala ere, pertsona edo entitate interesdunak uko egin ahal izango dio organo kudeatzaileak inguruabar horiek zuzenean egiaztatzeari, eta, uko eginez gero, bere kabuz aurkeztu beharko ditu dagozkion ziurtagiriak.

? Uko egiten diot informazioa ofizioz jasotzeari, eta nik neuk aurkeztuko ditut ziurtagiriak eskabidearekin batera.

Erantzukizunpeko adierazpen hau aurkezteak –39/2015 Legearen 69. artikulua aplikatuta– esan nahi du betebehar horiek betetzen dituela, baduela hori egiaztatzen duen dokumentazioa, Administrazioaren esku jarriko duela hark hala eskatzen dionean, eta konpromisoa hartzen duela aurreko betebehar horiek betetzeko aitorpen edo baliatze horri dagokion denbora guztian; badakiela funtsezko zehaztasunik ezak, faltsukeriak edo ez-egiteak erantzukizun penalak, zibilak edo administratiboak izan ditzakeela, eta Administrazioak egiaztatzeko, kontrolatzeko eta ikuskatzeko ahalmena duela.

III. ERANSKINA

2024ko DIGITALIZAZIOA. DIRUZ LAGUNDU DAITEZKEEN EJSN-EN ZERRENDA

01.– Nekazaritza, abeltzaintza eta ehiza.

0230.– Basoko produktuen bilketa, zura salbu.

03.– Arrantza eta akuikultura.

10.– Elikagaien industria.

11.– Edarien fabrikazioa.

31.– Altzarien fabrikazioa.

461.– Nekazaritzako lehengaien, bizirik dauden animalien, ehungintzako lehengaien eta erdi landutako produktuen merkataritzako bitartekariak.

4617.– Elikagaien, edarien eta tabakoaren merkataritzako bitartekariak.

4621.– Zerealen, tabako-zotzen, hazien eta animalientzako elikagaien handizkako merkataritza.

4631.– Fruta eta barazkien handizkako merkataritza.

4632.– Haragiaren eta haragikien handizkako merkataritza.

4633.– Esnekien, arrautzen, olioen eta jan daitezkeen gantzen handizkako merkataritza.

4634.– Edarien handizkako merkataritza.

4636.– Azukrearen, txokolatearen eta gozoen handizkako merkataritza.

4637.– Kafearen, tearen, kakaoaren eta espezien handizkako merkataritza.

4638.– Arrainen, itsaskien eta beste elikagai batzuen handizkako merkataritza.

4639.– Elikagaien, edarien eta tabakoaren handizkako merkataritza, espezializatu gabeko establezimenduetan.

4721.– Fruta eta barazkien txikizkako merkataritza, espezializatutako establezimenduetan.

4722.– Haragiaren eta haragikien txikizkako merkataritza, espezializatutako establezimenduetan.

4723.– Arrainen eta itsaskien txikizkako merkataritza, espezializatutako establezimenduetan.

4724.– Ogiaren eta okindegiko eta gozotegiko produktuen txikizkako merkataritza, espezializatutako establezimenduetan.

4725.– Edarien txikizkako merkataritza, espezializatutako establezimenduetan.

4729.– Elikagaien bestelako txikizkako merkataritza, espezializatutako establezimenduetan.

4781.– Elikagaien, edarien eta tabakoaren txikizkako merkataritza, salmenta-postuetan eta azoka txikietan.

4711.– Txikizkako merkataritza, espezializatu gabeko establezimenduetan, batez ere elikagaiak, edariak eta tabakoa saltzeko.

4719.– Txikizkako merkataritza, espezializatu gabeko establezimenduetan.

0210.– Basogintza eta basoko beste jarduera batzuk.

0220.– Zuraren ustiapena.

0240.– Basogintza babesteko zerbitzuak.

1610.– Zura zerratzea eta arrabotatzea.

1621.– Zurezko txapen eta oholen fabrikazioa.

1624.– Zurezko ontzien eta enbalajeen fabrikazioa.

Jarraian zerrendatuta dauden EJSNak kontuan hartu ahal izango dira Euskadiko NEIEn inskribatutako establezimenduren bat duten entitateentzat:

31.– Altzarien fabrikazioa.

1622.– Muntatutako zurezko lurzoruen fabrikazioa.

1623.– Eraikuntzarako zurezko beste egitura batzuen eta zurgintzako eta ebanisteriako piezen fabrikazioa.

1629.– Zurezko beste produktu batzuen fabrikazioa; kortxozko artikuluak, saskigintza eta espartzugintza.

2512.– Metal-arotzeriaren fabrikazioa.

3519.– Beste mota batzuetako energia elektrikoen ekoizpena.

3530.– Lurrunaren eta aire girotuaren hornidura.

4673.– Zuraren, eraikuntzarako materialen eta aparatu sanitarioen handizkako merkataritza.

4677.– Txatarraren eta hondakinezko produktuen handizkako merkataritza.

4941.– Salgaiak errepidetik garraiatzea.

6820.– Ondasun higiezinak norberaren kontura alokatzea.

4920 – Salgaiak trenbidetik garraiatzea.

4941.– Salgaiak errepidetik garraiatzea.

5020 – Salgaiak itsasotik garraiatzea.

5121.– Salgaiak airetik garraiatzea.

5210.– Gordailua eta biltegiratzea.

5510.– Hotelak eta antzeko ostatuak.

5590.– Beste ostatu batzuk.

5610.– Jatetxeak eta janari-postuak.

5621.– Ekitaldietarako janari prestatuen hornikuntza.

5629.– Beste janari-zerbitzu batzuk.

5630.– Edarien establezimenduak.

Azterketa dokumentala