RSS
155. zk., 2024ko abuztuaren 9a, ostirala
- Bestelako formatuak:
- PDF (128 KB - 2 orri.)
- EPUB (110 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Beste iragarki ofizial batzuk
ONGIZATE, GAZTERIA ETA ERRONKA DEMOGRAFIKOAREN SAILA
3915
IRAGARKIA, 2024ko uztailaren 23koa, Gizarte Politiketako sailburuordearena, zeinaren bidez jakinarazten baitira Euskal Autonomia Erkidegoko Izatezko Bikoteen Erregistroaren espediente batzuei buruzko dokumentazio-errekerimenduak.
Aipatutako dokumentazio-errekerimenduak zuzenean jakinaraztea lortu ez denez, iragarki hau argitaratzen da, Administrazioen Administrazio Prozedura Erkideari buruzko urriaren 1eko 39/2015 Legearen 44. artikuluan xedatutakoa betetzeko.
Horretarako, honen bidez interesdunei edo beren legezko ordezkariei jakinarazten zaie ezen, beren espedientearen izapidetzeak aurrera egingo badu, eskatzen den dokumentazioa aurkeztu beharko dutela Ongizate, Gazteria eta Erronka Demografikoaren Sailaren egoitzan (Intxaurrondo kalea 70, 2. solairua, 20015, Donostia) iragarki hau Estatuko Aldizkari Ofizialean argitaratu eta hurrengo egunetik 10 egun igaro baino lehen. Halaber, interesdunei jakinarazten zaie epealdi horretan adierazitako dokumentazioa aurkeztu ezean eskaeran atzera egin dutela ulertuko dela.
Jakinarazten da, halaber, interesdunek eskuragarri dutela errekerimenduen testu osoa aipatutako helbidean.
Hori guztia argitara ematen da eranskinean aipatzen diren interesdunek jakin dezaten, horientzako jakinarazpena baita.
Jakinarazpen honek Estatuko Aldizkari Ofizialean argitaratu eta hurrengo egunetik aurrera sortuko ditu ondorioak.
Vitoria-Gasteiz, 2024ko uztailaren 23a.
Gizarte Politiketako sailburuordea,
LIDE AMILIBIA BERGARETXE.
